چاسمين

رواية
چاسمين
أميره اسامه
صاحبة البطل الواحد
فتجدهم حيارى مضطربين ليسوا على يقين من أمرهم
البارت الرابع
اتصل فريد علي بيري علي التليفون الارضي.
بس كانت نايمه رن كتير لحد ما فصل لكن مردتش.
بلال…ايه مش بترد
فريد…لا
بلال…طيب جرب تاني.
اتصل فريد مره تانيه لحد ما فصل لكن بردوا مردتش حس فريد بقلق
بلال… انت قولت انها تعبا…نه ممكن تكون نايمه
فريد…ممكن بس قلقان تكون فتحت الباب وحد لمحها او في حاجه بقولك ايه انا بفكر اروح علي البيت اشوفها.
بلال….تروح وترجع يا فريد
فريد…مش يمكن في حاجه انا مش ناقص وش وصد…اع خليني اروح اطمن بنفسي وارجع
بلال…طيب جرب كمان مره لو مردتش خليني انا اروح بسرعه
فريد….ماشي اتصل فريد عليها الخط اتفتح لكن مكانش سامع صوت
في الوقت ده بيري كانت صحيت علي صوت التليفون من اول مره بس خاڤت ترد
فريد…الووو
سكتت بيري و مردتش مكانتش لسه عارفه صوته
فريد…بيري انتي سمعاني
بيري….بأرتياح الوو
فريد….في ايه مش بتردي ليه
بيري… انا كنت نايمه و اما سمعت التليفون خفت ارد بس لما رن كتير قولت اشوف مين من غير ما اعمل اي صوت
فريد…اطمني الرقم ده مش مع اي حد كمان مش كتير بيتصل عليا فيه
بيري….تمام
فريد…انتي كويسه في اي قلق عندك
بيري… لا مفيش حاجه انا سايبه كل حاجه مقفوله زي ما حضرتك سيبتها اطمن.
فريد…طيب انتي تعبانه ولا ايه صوتك مش كويس.
بيري…بس عشان كنت نايمه كمان حاسه اني حرارتي عاليه شويه
فريد…خدتي العلاج طيب
بيري…اه و كنت كويسه بس حاسه ان حرارتي رجعت عليت تاني الوقت اخد الدواء تاني
فريد….بص في الساعه لأ انتي مكملتيش 8 ساعات لسه قومي طلعي ثلج من الفريزر و اعملي كمادات تعرفي
بيري…اه اعرف
فريد…طيب اعملي وساعه كده وخدي العلاج بس ابقي كلي حاجه و اشربي عصير عندك كل حاجه في الثلاجه و لو احتاجتي اي حاجه كلميني
بيري…حاضر
فريد…يلا سلام
بيري…استاذ فريد
فريد….نعم
بيري…شكرا علي كل حاجه
فريد…العفو سلام
بيري…سلام.
قفلت بيري الخط و كلمت نفسها بصوت عالي
بيري….يعني باين عليك انك طيب ومحترم بس اعوذ بالله صعبان عليه يرد زي الناس هي كلمه علي قد كلمه
قامت بهدوء طلعت ثلج وحطته في طبق ووقفت تدور علي فوطه او اي حاجه بس مكانتش عارفه تجيب منين و محبتش تتصل عليه راحت علي التربيزه و مسكت علبة المناديل وبدأت تحط كام منديل في الثلج و تحطهم علي راسها و كل ما المناديل تبوظ تاخد غيرها لحد ما التربيزه اتملأت مناديل كلها مبلوله و تنقيط المايه كان عامل بقع في كل مكان علي الارض و التربيزه حتي هدومها ڠرقت نفسها.
بعد شويه حست انها زهقانه مفيش اي حاجه تعملها و هي مش متعوده تبقي لوحدها و من غير تليفون ونت و كمان حست انها جعانه فا فكرت انها تقوم تعمل اكل و تسلي نفسها عشان الوقت يجري.
بس حست انها بردانه وبدأت تعطس لان الجو كان برد و عشان هدومها اتغرقت وهي بتعمل كمادات فا قررت انها تكلمه تاني كانت محروجه تاخد لبس من دولاب اخته من غير ما تستأذن
رنت عليه اول ما شاف الرقم استغرب هي لسه قافله معاه من نص ساعه فا قلق يكون في حاجه حصلت رد علي طول
فريد…الووو
بيري…اسفه يا استاذ فريد اني بتصل.
فريد…في حاجه ولا ايه
بيري…باحراج اااه اصل يعني انا بردانه.
فريد…رفع حاجبه بأستغراب نعم !!
بيري….بردانه
فريد…يعني ايه بردانه مش فاهم
بيري…انا كنت بعمل كمادات بس ملاقتش فوطه فا استخدمت المناديل و بهدلتني و الهدوم اتغرقت سكتت و عطست ورجعت كملت كلامها و الجو برد خالص.
فريد…طيب ما تطلعي تغيري فين المشكله
بيري…انا محبتش اخد هدوم اخت حضرتك من غير ما استأذن
فريد…انا قولتلك استخدمي اي حاجه انتي محتاجها يلا اطلعي غيري عشان بدأتي تعطسي وكده هتاخدي برد وتتعبي
بيري…حاضر باي
فريد…سلام.
قفل فريد التليفون و فضل باصص شويه عليه وهو رافع حاجبه باستغراب و بعدين راح كمل تمارين
…………..
في اجتماع شغل خارجي لخالد كان قاعد طول الوقت مش مركز ولا علي بعضه و دماغه مع بيري افتكر ال gbs اللي في الخاتم
مسك موبايله فتحه بهدوء فضل يبص عليه و فجأه لمح المكان بيتحرك استأذن من الموجودين و خرج بسرعه يتصل علي حمزه.
حمزه….ايوه يا خالد باشا
خالد…حمزه اسمعني كويس تسيب اي حاجه في ايدك و تروح انت و الرجاله علي المكان اللي هبعته ليك ده انا فتحت ال gbs وبيري اتحركت من المكان
حمزه…طيب ابعته بسرعه وانا هتحرك علي طول.
خالد…تمام حمزه اول ما توصلوا ليها تاخدها بهدوء انت و الرجاله
و تروح علي الڤيلا فورا ماشي.
حمزه…الڤيلا تاني يا باشا يعني. اقصد ناوي تكمل اللي كان في دماغك.
خالد…لا يا حمزه بس هتكلم معاها واحاول اقولها اني مكنتش في وعيي واصلح الموقف لو اقتنعت وبقت هاديه هروحها لكن لو فضلت عانده معايا و منشفه دماغها يبقي هي اللي اختارت الطريقه اللي هتكون معايا بيها
حمزه…فهمتك يا باشا
خالد…المهم زي ما قولتلك مش عايز قلق ولا عايزها تخاف و محدش يلمسها مفهوم
حمزه….اطمن يا باشا
خالد…يلا شوف الموقع بسرعه و اول ما توصلها و تبقي معاك طمني.
حمزه…تمام
…………
في مكتب مهيب الباز
اتصل رأفت علي مهيب
مهيب….رأفت باشا اخبار سيادتك.
رأفت…انت فين يا مهيب
مهيب…انا في الشركه يا باشا
رأفت…تسيب اللي في ايدك الوقت و تجيلي علي مكتبي
مهيب….حاضر يا باشا أوامرك بس هو في حاجه ولا ايه
رأفت….لما تيجي هتعرف يا مهيب سلام.
مهيب…سلام يا باشا
مهيب پغضب اقول ايه عليك يا خالد اكيد عرف اللي حصل و عايزني بسببك.
مكالمة رأفت أربكته قام بسرعه خرج من مكتبه ومن الشركه كلها و راح يقابل رأفت.
………..
اتصل مازن علي مريم كانت لسه كل ده في الكافية مع سهر وملك.
مريم…ايوه يا مازن
مازن….ايه يا مريم انتي مشيتي ولا لسه مع البنات
مريم…لا احنا لسه مع بعض طمني وصلت لبيري
مازن…انا كنت بكلمك اصلا عشان اشوف انتوا و صلتوا لحاجه ولا لأ
مريم….يعني ايه بيري اختفت
مازن…بقولك ايه انا وامجد مع بعض انتوا فين
مريم…في الكافيه اللي بنقعد فيه
مازن….طيب انا قريب منكم اوي ربع ساعه ونبقي عندكم
مريم….تمام مستنينكم سلام.
مازن….سلام.
سهر…ايه يا مريم موصلش لأي حاجه
مريم….لا يا سهر ده بيتصل يسألني لو عرفنا حاجه وشكل صوته مضايق اوي
سهر….اكيد طبعا مش اخته انا بجد هتجنن و المشكله اني مش عارفه ادور عليها فين بيري متعرفش غيرنا احنا
ملك….لازم نفكر يا جماعه معقول مفيش مكان بيري ممكن تروح فيه
مريم….زي ما سهر بتقولك يا ملك انا و بيري كل خروجنا معاكم و ملناش اي صحاب غيرك انتي و سهر حتي مازن رغم انه شاب بس علاقاته محدوده واقرب صاحب ليه هو امجد.
ملك…طيب مش يمكن راحت تقعد في فندق
سهر… ممكن بس انا اللي شاغل بالي يكون الحيوان ده عمل فيها حاجه او اذاها و تكون تعبا….