لقاء كـ،ـ،ـارثي

صاحبة البطل الواحد

~° البارت الرابع عشر°~
……………

الكل كان مركز مع ايمي أغلبهم كانوا فاكرين انها بتهزر بس ملامحها مكانتش هزار خالص

ايمي…في البدايه حبيت بس اختار الجرأه زي ما قولت عشان يهمني الشخص ده يعرف بس قبل ما اقول اي حاجه انتوا اكيد عرفوا اني كنت متجوزه وخلعت جوزي بعد شهرين من الجواز أولاً انا ست في العلاقات مش بحب بسهوله و مش بعرف افتح قلبي لاي حد بسرعه و يمكن ده السبب اللي خلاني اتجوزت في سن مش صغير انا اتجوزت وانا 30 سنه و عمري الوقت 42 يعني من 12 سنه و من بعد الشهرين جواز خلعته و مقدرتش اكمل ولا قدرت افتح قلبي تاني بسرعه

منكرش اني حاولت لكن مقدرتش يمكن كنت بحب طليقي لاني زي ما قولت متجوزتش بسهوله غير لما حسيت اني عايزه اكمل معاه حياتي مش مهم بقي اللي حصل بعد كده منه بس انا كنت بجد عايزه اكمل معاه و بصراحه لما قررت اخلعه مندمتش لحظه و لا حتي فكرت اني اغير رأيي مع أن بعد اللي عمله معايا مقدرتش أكرهه أو أنساه بسهوله بس بعدها اتخطيته يمكن صادفت رجاله كتير بعده و مش هنكر اعجبت بيهم ما شكل خارجي كا شخصيه من بعيد بس لما كنت بقرب كنت بكتشف أن الشخصيه اللي هما مصدرينها دي مجرد قناع فاكرين أنهم هيجذبوني بيه و كنت ببعد فوراً يمكن انا حياتي في العموم هاديه جداً زي ما قولت عيلتي جميله صحابي زي ما انتوا شايفين انا ست رايقه و ليا دماغ معنديش اي مشاكل يعني بس كمان اللي اتعلمته في الدنيا كان كتير و كبير اوي و يمكن اللي شوفته من تجارب هو اللي خلاني بالشخصية اللي انتوا شايفينها دي انا معروف عني اني ست جريئه وقويه وليا دماغ خاصه بيا و معنديش حدود في موضوع العلاقه بمعني اني مش بشوف أن في خطوات معينه لازم الراجل هو اللي يبدأ بيها و أن الست مينفعش تعمل كده بالعكس أنا ست و حره و ربنا خلقني حره زي ما اقدر اختار اي حاجه في حياتي

اكلي شربي لبسي صحابي علاقاتي ومعارفي اقدر كمان اختار شريك حياتي

عمري ما فكرت في موضوع المبادرة مين يبدأ و مين لا انا اللي بحس بيه بقوله علي طول و مش بتكسف لاني باختصار مش بحس أن الموضوع ده في كسوف زي ما الراجل يقدر يفاتح الست الست كمان تقدر تفاتح الراجل

و انا مش هنكر اني حسيت أن قلبي اتفتح من تاني بعد 12 سنه و أتشديت لشخص يمكن لو مكنتش حسيت بده منه مكنتش اتكلمت انا يبان أن شكلي اصغر من سني بس انا مش صغيره انا 42 سنه يعني وصلت لمرحله اقدر اميز فيها شعوري كويس و اقدر افهم اي شخص قدامي

انا اعجبت بشخص يا حسان بصت بهدوء لرشيد الكل يصلها بصدمه خصوصاً البنات حتي رشيد نظراته كان باين عليه الصدمه من جرأتها و كان معجب بيها بجد

ايمي….انا أتشديت ليه من اول يوم شوفته الشخص ده هو انت يا رشيد

اصلها رشيد بصدمه اكبر وابتسم بهدوء

ايمي…..يمكن حصل بينا كلام و نقاشات اتعرف عليا و اتعرفت عليه و حصل مواقف بسيطه بيني أنا وهو بس تأكدلي أن هو كمان بادلني نفس الشعور و ده اللي خلاني اتكلمت قدامكم كلكم الوقت و عارفه كمان أن رشيد مش شخص عادي يعني اقدر كمان اتوقع تفكيره يمكن هو فكر أنه يستني يعرفني اكتر ناخد علي بعض اكتر يمكن شاف أن في حاجه هو مستنيها تحصل موقف كلمه اي حاجه عشان يقدر يتكلم معايا بجرأه اكتر أو يحسسني اكتر أنه مركز معايا

بص رشيد و سلامه لبعض و ابتسموا لأن ده نفس الكلام اللي فتحوا مع بعض

ايمي…..انا محترمه جداً موقفه بس انا اختلف شويه مع رشيد في النقطه دي لاني باختصار مكنتش مستنيه حاجه معينه تحصل عشان اتأكد من شعوري انا فهمت انا عايزه ايه من اول ما اتكلمت مع رشيد كلامه و تلميحاته نظراته و حتي هزاره كان مفهوم بالنسبالي و بما اني لا انا ولا هو صغيرين اكيد محدش فينا فكر أنه يتسلي بالتاني و مفتكرش أن رشيد فكر فيا كا تسليه لست في حياته بيتهيألي هو وصل لسن كافي يخليه يوم ما يفكر في ست متبقاش مجرد تسليه و اكيد هو عارف اني مش بتاعة تسليه يعني مستحيل يلاقي وقت يضيعه معايا الا لو كان جد مش تسليه و انا محبتش اضيع وقت و بما أن حسان فتح الموضوع فا انا مش مضطره استني رشيد يلاقي الموقف اللي يخليه يتكلم انا جيتلك يا رشيد بالموقف نفسه و بقولك قدام الكل اني معجبه بيك و في جوايا انجذاب ليك و لشخصيتك مش عادي

الشاب…..بابتسامه واسعه اوبااااااا

رشيد….بابتسامه اتوتر و حس أنه عرق

ابتسمت ايمي و فضلت بصاله بجرأه

عشري….بضحك ايه يا عم القطه كلت لسانك ولا ايه ما تقول حاجه عشان كده عيب في حقك انت علي فكره

حسان….بضحك ده عرف

سلامه…..بصدمه هي سمعتنا ولا ايه

ليله…..بضحك و سعاده انتي مجنونه علي فكره

رشيد…اااا انا حقيقي مش لاقي كلام أقوله غير انك اجرأ مني يا ايمي بس ده مش معناه انك مش معاكي حق في كل اللي قولتيه انا كمان معجب بيكي و أتشديت ليكي و لشخصيتك من اول يوم تقريباً اتعرفنا علي بعض يمكن انا وسلامه مصدومين لأن في حوار دار بيني و بينه و اتكلمنا عنك و عن اعجابي بيكي و فعلاً قولتله انا متأكد من شعوري بس مستني موقف أو حاجه معينه تخليني اتكلم بكل صراحه

سلامه….بضحك ايمي انتي مسمعتيش كلامنا بجد

ايمي…..بابتسامه لا يا سلامه مسمعتش و مش محتاجه اسمع انا قولت اللي جوايا و اللي تقريباً قولته للبنات قبل ما أقوله ليكم و كنت واثقه أن رشيد مش عارف يلاقي الداخله المعينه اللي يدخل عليا بيها أو يمكن شاف أنه محتاج بديني وقت أطول عشان أصدقه بس انا صدقت احساسي و صدقته

رشيد…..انا كنت عارف انك جريئه و ده اللي عجبني فيكي بس مكنتش عارف انك جريئه اوي كده و كل مره بحس اني كان عندي حق يمكن انا حاولت المح ليكي بهزار بضحك بكلام كنت واثق انك فهماني بس محبتش اتكلم غير لما احس اكتر أن كلامي وهزاري و تلميحاتي مش مضايقينك و كنت اتمني أن انا اللي افتح الموضوع يا ايمي مش عشان ده اللي المفروض يحصل بالعكس عشان انتي تستاهلي أن الواحد يتعب عشانك يا اجمل واحلى و اجدع واجرأ ست في الدنيا مسك كفها قدام الكل باسه

ابتسمت ايمي بهدوء و الكل بقي عامل دوشه حواليها اللي بسقف واللي يصفر واللي يصيح

رشيد…..بابتسامه جميله انا قولت للشباب بيني وبينهم اني مشدود ليكي اوي اوي و حبيت عيلتك من كلامك عنهم و قولتهم اني اتمني اكون فرد من العيله دي يعني لو القمر بتاعتنا موافقه

ايمي….بضحكه جميله اكيد موافقه بيتهيألي انا طلبت ايدك قدام الكل

رشيد….بضحكه كلها سعاده صحيح انتي طلبتي ايدي قدام الكل وكنتي اجرأ مني انتي مشيتي خطوه بس انا همشي ليكي الف خطوه يا ايمي

ايمي….بسعاده وانا واثقه يا رشيد

سلامه….لا لا مش كفايه اعمل حاجه اكبر

عشري…ايوه نطالب بحاجه اكبر

رشيد…..بضحك عايز ايه انت وهو

سلامه…..اي حاجه اللي يجي منك كويس

فضل…..ايوه احنا راضين بأي حاجه ايمي كانت جريئه معاك لازم تبقي اجرأ منها يا رشييييييد

رشيد….بضحكه جميله قام وقف بسرعه وهو متحمس و مداها أيده

ايمي…..بضحك هتعمل ايه يا مجنون

رشيد….قومي بس يلا

قامت ايمي و هي ماسكه أيده و فجأه لقت نفسها في حضنه قدام الكل

فضلوا البنات يصوتوا و يسقفوا و سعادتهم كانت باينه عليهم بجد حتي الشباب كلهم كانوا متحمسين جداً

ايمي…..بابتسامه احراج رشيد بتعمل ايه يا مجنون

رشيد….بضحك بوظتي اللي كنت ناوي اعمله سبيني اجرب اعمل حاجه تانيه

ايمي…..انت مجنون

رشيد….عارف و انتي اجن مني

رجعوا تاني قعدوا الكل كان مبسوط بجد خد الموضوع دقايق سعاده ومباركة و بعدين رجع الجو بينهم يهدأ تاني

ايمي……طيب يا جماعه بما اني قولت بكل جرأه مين الشخص اللي اعجبت بيه و فارق معايا فا خليني اقول بقي السر اللي عندي و خبيته علي البنات و يهمني الوقت أن رشيد يكون عارفه.

حسان…ايمي هقولهالك تاني لو حاسه انك مش حابه تقولي ممكن تقولي لرشيد والبنات لوحدكم

ايمي…..لا يا حسان هي مش حاجه كبيره و لا حاجه غريبه هي حاجه عاديه بتلجأ ليها اي ست لو حست انها محتاجه ليها يعني مش حاجه عيب أو حاجه تخليني اخجل بالعكس يمكن وقت ما عملتها مقدرتش اتكلم و اتمني من البنات محدش يسألني ليه مقولتيش لاني تقريباً معنديش رد

ليله….حاجه ايه يا ايمي ؟

ايمي…..يعني بعد الانفصال انا قولت اني مقدرتش ادخل اي علاقه حاولت كتير بس مقدرتش و لا لاقيت حد يدخل قلبي كل شويه العمر كان بيجري بيا سنه وراء التانيه و فجأه لاقيت نفسي 35 سنه وانا لسه لوحدي ولسه معنديش شعور تجاه أي حد و مكنتش عارفه أمته هقدر الاقي شريك حياتي و هفضل لوحدي كده لحد أمته لاني كمان مكنتش حابه اتجوز وخلاص انا مكنتش هقدر اتجوز تاني غير من شخص بحبه مكنتش هقدر اقول انا سني بيكبر ولازم اتجوز وخلاص

بس في وسط كل ده انا ست و محتاجه اكون ام يمكن لو ده محصلش مش هزعل بس كمان لازم احاول و طبعاً مينفعش اكون ام لوحدي و لا ينفع افضل مستنيه الراجل الصح لاني مكنتش عارفه هيجي امته هيجي وانا قادره لسه اجيب اطفال ولا هيجي و انا خلاص مبقتش اقدر

وقتها و انا عندي 35 سنه مش هقول اني فقدت الامل بس قررت اتمسك باخر فرصه ممكن تخليني ام و لما سألت عرفت موضوع تجميد البويضات مقدرتش اضيع الفرصه دي لأن ده اخر سن مفضل العمليه دي اقدر اعملها عادي لحد سن الأربعين او بعده كمان بس علمياً كفائه البويضات مش بتبقي افضل لان كل ما العمر بيتقدم البويضات بتبقي أضعف و عملت كده اكتر من مره من سن 35 لحد ما وصلت 40

جايز اوي متنجحش بردوا لأن ربنا كاتب إذا كنت هيبقي ام أو لا بس مش هضايق لكن علي الاقل هبقي حاولت اني اتمسك باخر فرصه و انا بعترف قدامكم يا بنات لاول مره اني عملت تجميد البويضات ده و مقولتش ليكم ولا حتي لحد من اهلي

الكل يصلها وسكت بالذات الشباب.

ليله…..ليه يا ايمي ليه خبيتي اصلا

نادين……هي قالت ايه

عسال….بهدوء حط صباعه علي بوئه ششش

نادين…..انا مسمعتش اصلا

ايمي…..تجميد بويضات يا نادين

نادين….يعني ايه ؟

عسال….نودي بعدين

ايه….انا مش فاهمه انا كمان حاجه يعني دي حاجه عيب يعني

سلامه….بهدوء و همس مسموع مال برأسه وبصلها ممكن تسكتي شويه

ايه…..بهمس طب ايه هي حاجه عيب انا مش فاهمه والله

سلامه…..بعدين

ليله…..ردي عليا يا ايمي

عشري…..ليله بعدين بقي ابقوا أتكلموا مع بعض في الحوار ده خلينا نكمل

ليله….هي قالت قدام الكل و حبت انها تقول حاجه خبيتها علينا وانا محتاجه اعرف ليه خبت اصلا و من امته في حد فينا بيخبي علي التاني

سلمي…..علي حد علمي يا ايمي أن هي عمليه متعبه ازاي قدرتي تعملي كده من غير ما حد فينا يعرف علي الاقل نبقي معاكي

نعيمه……انا افتكر أن اكتر من مره كنتي تعبانه فيهم و مكنتيش قادره تتحركي و ماسكه بطنك طول الوقت و قوتها كنتي عامله العمليه دي يا ايمي و متعرفيناش

ليله……بعصبيه بسيطه ما تردي علينا يا ايمي خبيتي ليه ده محدش فينا بيعمل حاجه غير لما بتعرفيها انتي ايه السبب اللي منعك تقولي حاجه زي دي ليه خبيتي علينا لو كنا عرفنا يعني كنا هنقولك لا أو ندخل في حاجه زي دي

رشيد….يا بنات ما نقفل الموضوع بقي لأن هو اصلا مش كبير

ليله….قامت وقفت لا كبير يا رشيد لما نبقي قاعدين صاحين نايمين و مابين شاربين مع بعض و كل أسرارنا كتاب مفتوح لبعض يبقي كبير لما تبقي رايحه تعمل حاجه زي دي لوحدها يبقي الموضوع كبير لو احنا مش هنبقي معاكي مين اللي هيبقي ايه اعتبرتينا غرب عنك انا عايزه بس افهم ليه كدبتي

ايمي…..انا مكدبتش يا ليله لأن دي حاجه متخصكوش

ليله…..متخصيناش ؟؟ انتي شايفه كده

ايمي….لا مقصدش اقصد يعني أن دي مش كدبه عليكم دي حاجه عملتها و مقدرتش اعترف بيها

عشري….ليله ممكن خلاص

ليله…..لا انا عايزه افهم ليه مقدرتيش تعترفي بيها رمت ليله الدفايه اللي كانت علي كتفها و الحرق ظهر اكتر و بدأ يعبي مايه عشري عينه جات عليها

ايمي…..ليله صدقيني مكانتش كدبه

ليله……عرفنا كانت سر ليه بقي خبتيه عننا مش شايفه أن احنا قريبين منك بطريقه كافيه انك تشاركينا السر ده

ايمي…..اكيد لا انا قولتلك حتي اهلي محدش فيهم عرف

ليله….طيب ليه يا ايمي

ايمي…..قولتلك معنديش حاجه اقولها بس كل اللي انا فكرت فيه وقتها اني متكلمش يمكن وقتها كنت محرجه اني اتكلم في موضوع زي ده يمكن محبتش احسسكم اني حاسه ان سني بيكبر و اني بحاول الاقي امل اتمسك بيه عشان ابقي ام يمكن مقدرتش اقول لاي حد من اهلي عشان مضايقش حد فيهم أو إحساسهم ان موضوع الارتباط فارق معايا الموضوع بالنسبالي كان محرج صدقيني حسيت اني مش عارفه أقوله مكانش قصدي اني اخبي عنكم اي حاجه بس صدقيني مكنتش قادره اتكلم في الموضوع ده

ليله…..وقدرتي تكوني لوحدك من غيرنا يا ايمي

ايمي…لا مقدرتش و اكيد كنت محتاجه ليكم بس غصب عني يا ليله صدقيني حسيت أن الموضوع محرج مقدرتش احسسكم أن الموضوع فارق معايا

عشري….هو ممكن خلاص بقي يا ليله علي فكره انا شايف الموضوع سخيف انك تتكلمي فيه و لو حابه تتكلمي خلي الموضوع بينك وبينها بعدين

ليله…..الموضوع مش سخيف يا عشري انا مش شايفه اصلا انها المفروض تتحرج من حاجه زي دي بالعكس هي زي اي ست في الدنيا نفسها تبقي ام اللي هيجنني انها مقالتش و راحت عملت كده لوحدها يعني كان ممكن تتعب كمان احنا عمرنا ما خلينا عن بعض حاجه ليه تخبي

رشيد…..ليله يمكن الموضوع بسيط بس هي قالت إن وقتها حست أنه محرج فا محدش فينا يقدر يحاسب التاني علي تفكيره

ليله….وانا عمري ما هحاسب ايمي اصلا مش من حقي وده اللي مضايقني هي فكرت في حاجه عارفه أن هي مش بينا اصلا

ايمي…..صدقيني مقدرتش وقتها و استوعبت اني اتكلم في حاجه زي دي و مكنتش قد النقاش فيها وقتها وفي نفس الوقت كنت عايزه اعملها فا قررت اني مقولش غير لما احس اني عايزه اقول

حسان…..علي فكره انا مضايق بجد اني سألت سؤال زي ده و مش حابب يكون في مشكله بينكم بسببي

ليله….لا يا حسان انت ملكش ذنب لو مكنتش سألت اصلا مكناش هنعرف

ايمي….انت ملكش ذنب يا حسان انا كان ممكن اقول لا مفيش اي سر أو حاجه مخبياها بس انا حبيت اني اتكلم

ليله….وليه الوقت بالذات يا ايمي عشان رشيد يعني ؟

ايمي…..يمكن

ليله…..يعني لو مكانش رشيد أو غيره كنتي هتفضلي مخبيه ؟

ايمي…..انتي ليه شايفه الموضوع من الاتجاه ده و اني كنت قاصده اخبي عليكم

ليله…..عشان هو مينفعش يتشاف غير من الاتجاه ده يا ايمي اصلا انا معرفش ايه الكبير في الموضوع اللي يخليكي تخبي دي حاجه عاديه علي فكره

ايمي….وقتها مكانتش عاديه بالنسبالي يا ليله قولتلك أن الموضوع بالنسبالي كان محرج و متسأليش ليه محرج لأن انا نفسي مش عارفه ليه حسيت كده بس مكنتش عايزه احس في عيون اي حد أن الموضوع فارق معايا و انا يمكن قررت اقول الوقت لما حسان سألني لاني مش حابه خلاص اخبي عنكم حاجه و صممت أقوله قدام رشيد بعد ما قولت مشاعري من ناحيته عشان هو كمان من حقه يفكر

رشيد….افكر في ايه يا ايمي هو الموضوع بسيط علي فكره و مش حاجه كبيره ولا حتي مشكله عشان افكر

ايمي…..انا مش بتكلم علي حجم الموضوع يا رشيد انا عارفه أنه مش حاجه كبيره انا بتكلم عن السبب اللي خلاني اعمل كده و هو اني اكون ام و بيتهيألي كان لازم تعرف عشان تتأكد من جديه الموضوع بالنسبالي رشيد اللي في سني وسنك جايز يشيلوا موضوع الخلفيه من دماغهم أن راجل اتجوزت وانفصلت و ربنا مرزقكش بولاد وجائز الموضوع الوقت مبقاش فارق ليك

لكن هو فارق لسه معايا يمكن انت متبقاش خلاص حابب موضوع الولاد فا من البدايه تبقي واخد قرار صح

رشيد….بس انا مش رافض علي فكره و قولتلك لما حكيت حكايتي مع طليقته أن موضوع الاطفال مهم بالنسبالي

ايمي….بس فضلت سنين معاها وهو مش فارق معاك

رشيد….عشان كنت بحبها وكنت راضي بيها سواء بتجيب ولاد أو لأ و رغم حبي الكبير للاطفال إلا اني اختارتها بس مش معني كده اني مش بفكر اجيب ولاد و حتي لو سني بقي اكبر شويه انا مش من الناس اللي بتحبها بالشكل ده او مثلا اقول ايه اللي يخليني اجيب اطفال في عمري ده وباتريك هعيش ليهم قد ايه خالص يا ايمي انا شخص مؤمن بالاقدار و معنديش مشكله خالص اني اجيب اطفال في سن صغير او كبير

ايمي….ودي اهم حاجه عندي كنت محتاجه اسمعها زي ما قولتلك مهما كان شعوري من ناحيتك لو انت رافض الموضوع ده مش هقدر اكمل يمكن موضوع تجميد البويضات مينجحش و يمكن مقدرش اكون ام عادي بس يكفيني اني حاولت وتمسكت باخر امل فا مش هقدر اني انا اتمسك بالأمل ده وانت رافض موضوع الاطفال عشان كده كان لازم تعرف رأيك ده لو انت واخد الموضوع جد

رشيد…اكيد واخد الموضوع جد أنا مش في سن يسمحلي اني اتسلي أو العب دور الشاب اللي بيرتبط و يسيب و كمان معنديش مشكله اني اكون اب يا ايمي

عشري…..قام وقف و مسك ايدك ليله طيب يا شباب الموضوع بسيط و خلاص يا ريت نقفل عليه عشان خد اكبر من حجمه و انتي يا ايمي معملتش اي حاجه غلط مش عايزك تضايقي نفسك و يلا كملوا بقي كلامكم انتوا مع بعض وانا هاخد ليله شويه كده نتمشي بره

رشيد….تمام يا عشري روحوا انتوا

مسك عشري ايد ليله وخرج بيها بره الڤيلا خالص بتمشوا عشان يقفل الحوار و محدش فيهم يشد مع التاني و كمان يخف الضغط علي ايمي شويه .

رشيد….بهدوء ايمي تيجي نخرج نتمشي احنا كمان

ايمي…..اوك تمام

رشيد…..يلا يا شباب احنا قريبين

فضل….طيب يا صاحبي متبعدوش بس اوي

رشيد….لا مش هنروح بعيد متقلقش يلا يا ايمي

خرج رشيد وايمي هما كمان و مشيوا عكس الاتجاه انا باقي الشباب فا فضلوا جوه بس اتغرقوا وكل واحد فيهم قعد في مكان فضل دخل علي المطبخ وراء نعيمه

و نادين وعسال فضلوا بره مع ايه و سلامه قاعدين علي الكراسي

و سلمي و حسان فضلوا في مكانهم قدام النار

فضل وقف يعمل قهوه و نعيمه كانت بتشرب

بص فضل عليها لقاها باين عليها انها مضايقه.

فضل….ايه مالك ؟

نعيمه…..لا أبداً مفيش

فضل….شكل اللي حصل ضايقك

نعيمه….يعني شويه

فضل…..مش شايفه أن انتوا ضغطوا علي ايمي شويه ؟

نعيمه…..ضغطنا عليها ازاي يعني

فضل….يعني حاسس ان الموضوع بسيط و انتوا كبرتوا و حسيت انها اضايقت

نعيمه…..هي اضايقت عشان احنا معانا حق يا فضل

فضل…..ايوه حق في ايه مش فاهم هي كان عندها سر و محبتش تقولوا لحد فيكم عادي بتحصل هو انتي معندكيش اسرار ممكن تخبيها

نعيمه…..لا يا فضل كلنا متعودين نتكلم مع بعض في كل حاجه و لو فرضنا أن حد حصل معاه حاجه و خباها بتبقي فتره بسيطه لكن مش كذا سنه

فضل….طيب مفكرتيش مثلاً أن الموضوع بالنسبه ليها كان كبير لو أنها حست مثلا أنه محرج و مقدرتش تتكلم فيه معاكم

نعيمه…..انا معنديش مشكله مع الموضوع اللي هي خبيته علي فكره انا مضايقه عشانها ايمي قويه جداً يا فضل و جريئه يعني مش بسهوله تحس بإحراج و بعدين كان لازم نكون معاها عشانها هي

فضل……فكرة انها شخصيه قويه بيتهيألي ملهاش علاقه بأنها ممكن تحس بالاحراج يا نعيمه يعني في النهايه محدش فينا يقدر يحكم علي احساسها و تفكيرها وقت ما خدت القرار في الموضوع ده

نعيمه……مش عارفه جايز

فضل….أياً كان بقي انا شايف أن من الأفضل نقفل الموضوع ده علي الاقل عشان شعور ايمي نفسها

نعيمه….انا كده كده مش هتكلم في حاجه أصلاً كفايه ليله عليها

فضل….حتي ليله لازم تقفل الموضوع علي الاقل قدام الكل يحلوا هما الخلاف ده مع بعض المهم بقي تعالي هنا انا مغرور

ابتسمت نعيمه و بصتلوا

نعيمه…..اه مغرور

ضحك فضل وراح قعد قدامها و فضلوا يتكلموا مع بعض .

في الخارج..

سلمي….خلاص الموضوع خلص متضايقه نفسك في النهايه هي اللي قررت تتكلم

حسان….عارف بس يعني حاسس ان اللي حصل ده بسببي

سلمي….اكيد مش بسببك ولا حاجه انت سألت مجرد سؤال يعني

حسان…..طيب هو انا ممكن اعرف ليه انتي و ليله ونعيمه بالاخص اضايقتوا كده

سلمي…..لأن الموضوع بسيط و مكانش لازم تخلي عننا

حسان…..جايز مكانش بسيط بالنسبالها

سلمي…..انا فاهمه ومقدره ده بس انا عن نفسي اتكلمت عشانها هي اللي اعرفه انها عمليه متعبه ولازم حد.يكون معاها فا اللي مزعلني انها اختارت تكون لوحدها افرض كان حصل معاها مضاعفات كنا هنعرف ازاي

حسان…..تمام بس يعني وارد الإنسان يخبي حاجه و بعدين انتي ممكن تتخطي في موقف متقدريش تتكلمي فيه

سلمي…..لا يا حسان بالعكس أنا ممكن يحصل معايا مشكله و بابا بيبقي معايا وبتلاقي نفسي بتصل بيهم هما و بعرفهم و بطلب مساعدتهم كمان و يمكن ده اللي زعلنا كلنا و زعل ليله بالاخص

حسان…انا موضوع عصبيه ليله مقدره لأن واضح من شخصيتها انها لا بتحب الكدب ولا بتحب أن حد يخبي عنها حاجه بس كمان ايمي خبت عن أهلها يعني محدش فينا يقدر يوصف شعورها انا عن نفسي شايف أن الموضوع بسيط و عادي انها تقولكم بس يمكن هي كا ست تفكر في الموضوع بشكل مختلف جايز اتحرجت انها تفتح معاكم الموضوع و تحسسكم بخوفها من تقدم السن خصوصا أن أغلب الستات مش بيحبوا يعرفوا حد سنهم

سلمي….بس ايمي مش كده ودائماً بتقول عن سنها و احنا اصلا عارفين سنها

حسان….مقصدش كده انا اقصد احساسها انها بتكبر فهماني فا خلاص بقي اقفلوا علي الموضوع و ياريت تتكلمي مع ليله و نوني بالاخص عشان انا حسيت أن ايمي اتضغطت قدام الكل و خصوصاً رشيد

سلمي…..انا اضايقت اصلا أن الموضوع ده حصل قدام الكل بس هي اللي صممت

حسان……طيب ياريت بقي بعد اذنك تتكلمي كده مع البنات و تعدوا الموقف

سلمي…..حاضر يا حسان

……………

سلامه…..انتي مصيبه علي فكره

ايه…..انا مفهمتش والله

نادين….علي فكره انا كمان مفهمتش ولسه مش فاهمه

عسال…..مش فاهمين بجد الموضوع

ايه….بابتسامه والله ما فاهمه بس حسيت أن الموضوع عيب و بتاع ناس كبيره

سلامه….بضحك والله طفله هو اه بتاع ناس كبيره بس مش عيب يعني

ايه…..انا اول مره اسمع اصلا عن الموضوع ده

نادين….صراحه وانا كمان

ايه….طيب بما انك فاهم و هو مش حاجه عيب فهمنا

سلامه…..هو انا مش فاهم اوي بصراحه لأن الموضوع طبي وعلمي بس يعني اللي اعرفه ان تجميد البويضات ده بيتسحب من الست و بتحتفظ بيهم عشان لو هي لسه متجوزتش أو سنها بقي اكبر او حتي لو جوزها مسافر مثلا بيتم عن طريقهم التخصيب

ايه…..بصدمه ايه ده ايه ده اسكت اسكت و بتقولي مش عيب

سلامه….بضحك انا قولت اللي اعرفه و لا حياء في العلم

نادين….بابتسامه احراج اتوترت ولعبت في شعرها اقفلوا الموضوع احسن

عسال….علي فكره يا بنات هو مش موضوع محرج فعلاً أولاً دي عمليه بتتعمل عادي جداً و ممكن كمان البنات تعملها مش مش شرط يعني أن التي تكون متجوزه

سلامه….بضحك اللي هو ازاي ؟

عسال…..عادي لو بنت لسه متجوزتش بس سنها كبر بيتسحب بأبره عن طريق عمليه في البطن لو متجوزه بيبقي إجراء تاني يعني

بصت ايه و نادين لبعض بصدمه وابتسمت و بصوا بعيد

عسال……المهم يعني عشان مندخلش في تفاصيل هو إجراء أو عمليه عشان لو الست حابه متضيعش فرصه انها تبقي ام المهم بقي بعيداً عن الموضوع نفسه بلاش حد فيكم يضغط علي ايمي و يحاسبها في النهايه ده قرارها وهي حره فيه

ايه….محدش طبعاً يقدر يتدخل في حاجه زي دي هي حره

سلامه…..بس البنات اتعصبوا وخصوصاً ليله

نادين…..عشان ليله في بدايه الكلام كانت واثقه أن ايمي مش هتخبي حاجه اكيد لأن احنا مش بتخبي عن بعض اي حاجه

ايه…..ليله كمان عندها مشكله مع الكدب

عسال….بس هي مكدبتش في حاجه تخصكم هي خبت سر يخصها هي يا ايه في النهايه كل شخص فينا ممكن يخبي سر في حياته حتي عن أقرب الناس ليه المهم أنه مش بيأذيه ولا بيضره

نادين…..انا هتكلم مع ليله لما ترجع

عسال….ياريت و ياريت اصلا محدش يلوم ايمي علي تصرفها لأن هي مأذتش حد فيكم

نادين…..اكيد

سلامه…..بقول ايه انا هخرج اتمشي بره شويه

ايه….بره فين ده الدنيا ضلمه خالص

سلامه….عادي مش هبعد تيجي معايا

ايه…..افرض طلع علينا عفريت ولا حرامي

سلامه…..بابتسامه يا بنتي انتي ليه عبيطه كده هو في بني ادم بره غير صحابنا يلا تعالي

ايه…..بقولكم ايه لو جرالي حاجه بلغوا عن سلامه

عسال….بضحكه جميله اطمني انا هبلغ عنه

نادين…..متبعدوش بس يا سلامه

سلامه….لا متقلقيش مش هنبعد يلا يا مصيبه

ايه….يلا بينا.

…………..

نزل عشري و ليله عند البحر قعدت ليله علي الرمل

و لع عشري سيجاره و قعد جنبها

بصتلوا وحدتها من أيده شربت منها

عشري….رفع حاجبه خير

ليله…..خير اه مش قولت اشرب عادي وانا معاك

عشري…..بابتسامه تمام اشرب يا ست ليله
ولع سيجاره تانيه و خد نفس طويل و نفخه وبعدين بصلها
هو انا عايز افهم ليه كبرتي الموضوع كده

ليله…..عشان هو كبير يا عشري

عشري…..لا مش كبير علي فكره هي حره وانتي لو مكانها محدش هيلومك

ليله….بس مش هكدب

عشري….وهي مكدبتش انا نفسي افهم انتي ايه تصنيفك للكدب

ليله…..خبت يعني كدبت

عشري……لا يا ليله خبت يعني محبتش تصرح بالموضوع هتتحط تحت بند الكدب لو اللي هي خبيته ده يخص واحده فيكم
و انا شايف أن اللي خبيته ده ميخصكوش يعني مش من حقه حد فيكم يا مها أو يقول عنها كدابه هي خبت حاجه تخصها وهي حره

ليله….ايوه وليه تخبي اصلا

عشري…..عشان هي حره زي ما قولتلك اللي خبيته ده ميضرش حد فيكم و بعدين لو فرضنا أن انتوا كا بنات مع بعض شكيتوا أن ايمي عملت موضوع تجميد البويضات ده و سألتوها وانكرت و قتها هنسميها انها كدبت عليكم بس حتي لو ده حصل مش من حقه حد فيكم يحاسبها الكبده مضرتكوش

ليله….هو انت بتدافع عن ايه يا عشري انا واحده بكره الكدب دي شخصيتي

عشري…..يعني انتي معندكيش اسرار و تفاصيل في حياتك ممكن تخبيها

ليله….لا يا عشري و علي فكره انا مش صدد أن البني ادم يكون عنده سر و ميضرحش بيه انا مشكلتي مع ايمي ان علاقتنا اكبر بكتير مما تتخيل احنا مش كده مع بعض مفيش بينا كده خالص احنا زي الكتاب المفتوح انا عن نفسي كل حاجه في حياتي بقولها ليهم و زعلي من ايمي انها خبت حاجه مش مستاهله انها تخليها

عشري….ولما انتي شايفه انها مش مستاهله عامله موضوع ليه

ليله…..انا مش عامله موضوع و هو الموضوع فعلاً مش يستاهل بس انها تخبي هو ده اللي فارق معايا افرض كان حصل معاها حاجه ومحدش فينا ولا من أهلها يعرف

عشري…..وهي اكيد كانت عارفه ده و مع ذلك محبتش تتكلم هي حره ليه نحاسبها و بعدين يا ليله في حاجه مهمه لازم تعرفيها ايمي شخصيتها قويه بس الموضوع ده بالنسبالها اكيد حساس و يمكن محبتش تظهر ضعفها قدامكم لأنها ديماًفي نظركم قويه

ليله…..ضعفها في ايه يا عشري

عشري….في سنها اللي بيكبر وهي لوحدها في شريك حياتها اللي مكانتش عارفه أمته ممكن تلاقيه في احساسها بأنها محتاجه تكون ام يمكن كل ده بسيط لكن بما انها شخصيه قويه فا احتمال ميكونش بسيط عندها و حست بالضعف والاحتياج لحاجه زي دي و مقدرتش تواجهكم أو تصرح بمشاعرها ليه بقي احنا نييجي عليها

ليله….انا مجتش عليها يا عشري ايمي لو كانت قالتلي وقتها انا والبنات محدش فينا كان هيقولها حاجه في النهايه احنا مش مسؤولين عن قراراتها بس علي الاقل كنت هقف معاها اشجعها اخد بالي منها لو تعبت علي الاقل كنت سمعتها شاركتها في أفكارها سمعت منها ايه اللي هي محتاجاه احنا ايه لزمتنا في حياة بعض يا عشري لو مش هنشبل عن بعض

عشري…..وده اللي حصل يا ليله و خلصنا خلاص هي اختارت وقتها أن محدش يعرف و ده مش عشان انتوا مش قريبين منها بس هي فكرت كده هنجلدها

ليله…..تمام يا عشري انت شايف الموضوع من وجهة نظرك و انا كمان شيفاه من وجهة نظري

عشري…الموضوع مش وجهات نظر يا ليله انا عارف انك محبتيس موقف انها تخبي بس ده وارد علي فكره انا عن نفسي لو حد من صحابي اكتشفت أنه مخطئ عني حاجه مش مضايق هلتمس ليه ألف عذر المهم أن اللي خباه ده مش حاجه تسئ ليا

ليله……بس بتزعل يا عشري لما تتفاجئ أن انت فاتح قلبك قدام الكل و في حاجه بتحصل من وراك انت متعرفهاش

عشري…..هزعل لو الكل عارف الا انا و هحس أن في تفرقه في المعامله بس ايمي خبت عن أهلها كمان يا ليله يعني زي ما قولتلك الموضوع بالنسبه ليها كان ضعف محبتش تبينه

ليله….اوك يا عشري عموما الموضوع خلص

عشري….مش خلص بالكلام يا ليله هيخلص بالفعل

ليله….يعني أبين اني عادي مش مضايقه و انا من جوايا مضايقه

عشري…..اه يا ليله اصلا المفروض من جواكي متبقيش مضايقه لأن هي معملتش حاجه غلط في حقك

ليله….عارفه انا بتكلم عن انها خبت و أنها كان ممكن يحصل معاها حاجه

عشري…يبقي لو حبيتي تتكلمي معاها تفهميها النقطه دي و بس انك مضايقه عشان لو كان حصل حاجه معاها مش مضايقه من الموضوع نفسه لأن الموضوع حساس يا ليله فهمتي

ليله…..اوك يا عشري

عشري….اوك ايه هتفضلي فالله وشك كده في وشها

ليله….اكيد لا بس كمان انا مضايقه و مش بعرف أمثل

عشري…..محدش قالك مثلي بس الموضوع ده ميتفتحش تاني مع ايمي فهمتي

ليله…..لا اكيد هيتفتح في النهايه ده موضوع بينا وبين بعض

عشري…..تمام اتعاتبي فيه معاها عن الحاجه اللي تخصك من وجهك نظرك لكن الموضوع نفسه عشان هو حساس ميتفتحش معاها

ليله….وانا الموضوع نفسه اصلا مش فارقلي و مش مضايقه منه انا مضايقه قولتلك لان لو كانت قالتلي كنت هشجعها فا فكرة انها تخبي دي مضيقاني و خلتني احس انها خبت عشان احنا ممكن تعارضها مثلاً

عشري…..لا من معرفتي البسيطه لشخصيه ايمي ميتهيأليش انها خبت عشان فكرت انكم هتعارضوها هي خبت عشان الموضوع كان محرج أو عشان بالنسبه ليها كان ضعف قدامكم فهمتي

ليله….تمام يا عشري

عشري…..ممكن نغير الموضوع بقي

ليله….خلاص انا قفلته اصلا

عشري….طيب قوليلي الحرق عامل ايه

ليله……مالك انت ومال الحرق مركز معاه ليه

عشري…..والله اقوم اغرقك يا ليله علي نيتك الزباله دي انا بطمن عليكي الحرق عبي مائه

ليله….ما البركه فيك انت اللي حرقتني و هتفضل معلمه في جسمي

عشري……و الله ما كنت اقصد الطافيه اللي طارت وانا متعصب

ليله….بابتسامه طيب خلاص صعبت عليا

عشري…..طيب لازم تحطي حاجه عليها

ليله…..ما انا قولتلك مش معايا غير كريمات للشمس و مرطبات

عشري….مش كفايه هتسيب علامه في جسمك

ليله….بابتسامه مش مهم يعني هعتبرها ذكري بتفكرني بيك و انت مش معايا

عشري….بضحكه جميله دي ذكري مهببه كل ما هتشوفيها هتدعي عليا اكيد

ليله…..لا مش هدعي عليك متقلقش

عشري…..متأكده

ليله…..بابتسامه امممم يعني

عشري….بضحك انتي عارفه لو دعيتي عليا و حصلي حاجه هقتلك يا ليله

ليله…..لا اطمن مش هدعي عليك بقولك ايه

عشري…..قولي

ليله….هو احنا هنرجع امته؟

عشري…..ايه زهقتي مني

ليله….لا والله مش كده بسأل بس

عشري….لا لا انتي زهقتؤ انا عارف

ليله….بضحك لا والله أبداً انا عايزه اعرف

عشري….يعني لما نتأكد أن الطرق فتحت و نقدر نسافر و كمان انتوا المفروض اصلا كنتوا هتقعدوا قد ايه

ليله…..اسبوع بكره رابع يوم

عشري….طيب لسه ثلاث ايام

ليله….هو لو سالم مظهرش هنعمل ايه مش المفروض يستلم مننا الڤيلا

عشري…..اكيد لازم يظهر هو أو اي حد تبعه و لو مظهرش معرفش بقي مفيش قدامنا غير أننا نبعتله رساله لما يفتح يشوفها أو نكتبها ورقه و هنسيب المفتاح في اي مكان

ليله….اممم ماشي

عشري…..ماشي يا ستي بقولك ايه

ليله….قول

عشري…..لو سألتك الوقت نفسك فيه حالاً هتقولي ايه

ليله……امممم مش عارفه

عشري…..غمضي عينك كده وفكري

ليله….ابتسمت وغمضت عنيها و هي بتاخد نفس طويل و ريحة البحر و صوت الموج عالي

عشري….هااااا فكرتي

ليله….فتحت وابتسمت اه فكرت في حاجه نفسي فيها

عشري….ايه هي

ليله…..أكلة سمك علي البحر

عشري…..بنظره قرف ابو اللي يسالك تاني يا شيخه

ليله….بضحك الله مش انت اللي بتقولي

عشري….انا قولت هتقولي بوسه حضن اي حاجه تمشي مع الجو ده

ليله…..ضربته علي أيده بطل قلة ادب

عشري…..بضحك طيب خلاص يا ستي هبطل قلة ادب قوليلي بقي اسمعني سمك

ليله…..لما غمضت و شميت ريحة البحر و صوت الموج تخيلت نفسي باكل سمك قدام البحر

عشري….بتحبي السمك اوي كده

ليله…..مين مش بيحب السمك و بعدين لما طلبت من سالم يجيب كل حاجه عشان انا بحب انا والبنات لما نسافر نفصل خالص و منخرجش البلد نجيب اي حاجه بس يعني مقولتلوش يجيب سمك لان بصراحه مش بحب اكله غير صابح و قولت يعني اكيد سالم هيبقي موجود لو حبينا ناكل سمك نقوله و هو يجيب لنا بس كل المخططات باظت

عشري…..اممممم طيب قوليلي بتحبي ايه تاني

ليله…..في الاكل يعني

عشري….اه انا معرفش ايه اكتر اكله بتحبها وايه اكتر اكله مش بتحبها معرفش يعني بتطبخي حلو ولا انا اتدبست خلاص

ليله…..ايه عايز تغير رأيك لو معرفتش اطبخ

عشري…..لا انا بقول اتدبست مش بقول هغير رأيي

ليله…..هو انا سمعت شوفت كده شويه انك بتعرف تطبخ يعني هناكل اكيد مش هنجوع

عشري……ليه وانتي مش هتطبخيلي خالص

ليله….ايه عندك اعتراض انك تعملي الاكل

عشري….انا لا خالص انا عيوني ليكي و هتاكلي مني احلي اكل في الدنيا بس يعني حقي اكل من ايدك

ليله….علي فكره انا بعرف اعمل اكل مش عبيطه يعني اختي الكبيره هي اللي علمتني بس يعني مش ديماً بعمل بصراحه لأن طول الوقت انا مش في البيت بحكم الشغل كمان ديماً بنورح لايمي في المطعم و اغلب الوقت بقي عند زوزو مامت ايمي صراحه بتعمل اكل جميل اوي و اي حاجه نفسي بتبقي فيها اختي الكبيره اللي بتعملها هي و زوزو و بيني وبينك انا قاعده في بيت واحد مع بني ادمه تسد النفس علي الاكل

عشري….بضحك نعيمه

ليله…..هي اه زي ما قولت كده لازم تتفرج علي حاجه وهي بتاكل لحد ما الاكل بيبرد وبعدين اوقات برجع تكون هي رجعت قبلي وكلت فا بضطر اكل لوحدي و المشكله بقي أن نعيمه بتعشق النوم يعني عندها استعداد تنام باليومين لو تقدر تسيب بقي الاكل والشرب وكل الدنيا تولع عشان كده مش بنرتبط ديماً مع بعض في موضوع الاكل و لو هي مشجعاني اكيد هقف في المطبخ بس في النهايه هاكل لوحدي فا باكل من بره

عشري….طيب انتي بتحبي اكل الشارع ولا البيت

ليله….البيت طبعاً بص انا طول عمري باكل من الشارع وماما الله يرحمها كانت تقولي انتي معفنه و رمرامه بس بصراحه اكل البيت ليه دماغ تانيه و بصراحه كمان انا زهقت من اكل الشارع اوقات كتير بيوحشني الاكل العادي اللي هو بتاع البيت
و لما بيوحشني بصراحه بروح لزوزو أو اقول لأختي الكبيره و هي بتعملي كل اللي نفسي فيه

عشري….ربنا يخليكم لبعض صحيح انا معرفش اسامي اخوانك لحد الوقت

ليله…..الكبيره اسمها اميمه و الولد اللي هو بعدها علي طول اسمه وليد و اللي قبلي علي طول اسمها قمر وانا ليله

عشري….بابتسامه احلي ليله

ليله….طيب وانت كملت بضحك علي فكره انا مستغربه الموضوع انت متخيل أننا لنتعرف علي بعض بعد ما ارتبطنا

عشري….بضحك اه متخيل عادي اصلا كل اللي كان فارق معايا هو انتي بصي يا ستي احنا سبع ولاد في اتنين أكبر مني و انا التالت و بعدين في اربعه علي و عمر و ومحمد اللي هو انا و سليمان و محمود و سليم و عدي و انا اللي سميت سليم و عدي علي فكره

ليله…..اسمائهم حلوه كلهم بس قولي اصغر اتنين دول كام سنه

عشري….هو احنا كلنا بينا وبين بعض سنه او سنه ونص امي كانت بتحمل فينا وراء بعض و علي اللي هو الكبير تقريباً 42 سنه قد ايمي وعمر تقريباً 40 كان في حد قبلي بس امي اجهضت و بعدها انا 37 والفرق زي ما قولتلك كلهم وراء بعض سليمان 36 محمود 34 سليم 31 عدي تقريباً قد عسال وممكن اصغر يعني الفروق بينا مفيش حتي ثلاث سنين

ليله….ماشاء الله ربنا يخليكم لبعض طيب هما متجوزين

عشري…..كله متجوز معادا انا و سليمان اللي بعدي و عدي الصغير بس خاطبين يعني

ليله…اممممم مفيش غيرك يعني

عشري…..شوفتي بقي

ليله….طيب خلاص هدورلك علي عروسه

عشري….لا شكراً لاقيت عروستي خلاص و زي القمر

ابتسمت ليله ابتسامه جميله

ليله…..طيب كمل يلا

عشري…اكمل ايه

ليله…..بتعرف تطبخ

عشري….طبعاً

ليله….اتعلمت ازاي

عشري…..شوفي مفيش بدوي هتلاقيه مش بيعرف يطبخ احنا متعودين نطبخ في أقصي الظروف طبخنا كله في الصحراء والرمل و صراحه انا الشوي بالذات و اي حاجه ليها علاقه باللحوم و الطواجن بعرف اعملها كمان امي صعيديه اصيله و مفتكرش ان في حاجه مش بتعرف تعملها و بما اننا كلنا شباب و زي ما قولتلك كانت بتحمل وراء بعض كنا بنساعدها اوبايا كان يقف بالخرزانه لينا ويقولنا والله يا ولاد الكلب لو رجعت ولاقيت امينه تعبانه ومحدش فيكم ساعدها لا هعلم علي جسمه

ليله….بابتسامه مامتك اسمها امينه

عشري…..بابتسامه اه و ابويا عشري و علي فكره في البيت الكل بيناديني محمد عادي عشري دي عشان بيني انا وصحابي انتي عارفه أن كلنا محمد و عشان الغلطه بس بنادي بعض كده

ليله….بابتسامه فهمت طيب و اتعلمتوا منها بقي الطبخ

عشري…..اه صراحه كلنا اتعلمنا وكلنا كنا بنساعد و الي حد كبير مكانش في بينا مشاكل يعني الحمد لله كبرنا و احنا علاقتنا جميله و بنحب بعض جداً يمكن سليم وعدي اكتر اتنين بيتخانقوا بس يعني عشان صغيرين لسه بس متعلقين ببعض اوي

ليله…..علي فكره انا مبسوطه اني بتعرف عليك بالطريقه دي

عشري….وانا كمان قوليلي اي سؤال حابه تسألي عنه و انا هقولك

ليله….اممم مش عارفه بس حاسه اني عايزه اعرف كل حاجه عنك عن اهلك يعني انا معرفش لحد الوقت غير الجزء اللي يخص صحابك

عشري…..انا واخواتي و فضل وأخواته و ولاد عني كمان كلنا بتشتغل مع بعض يعني هو مشروع شباب في كمان انا وفضل لوحدنا مشروع خاص بينا بعيد عن اخواتي و أصحابنا هو مشروع مزرعه صغيره كده بنربي فيها غنم و عجول و حجات زي كده يعني غير شراكتنا مع الشباب في الفرع التاني بتاع المعرض و لسه بنكمل

ليله…..طيب مين اقرب حد ليك من اخواتك

عشري…..صراحه كلهم زي ما قولتلك مفيش بينا فرق كبير في السن فا كلنا صحاب بس يعني سليم و عدي عشان الصغيرين و كمان محمود بحس أنه طيب و في حاله بس والله كلهم المهم كملي عايز اعرف بتحبي ايه و مش بتحبي ايه في الاكل

ليله…..انت مركز في الاكل ليه

عشري…..بابتسامه عادي بتعرف علي حبيبتي انا حر

ليله….بابتسامه اممم طيب انا بحب السمك زي ما قولتلك بحب النواشف كلها مش بحب الطبيخ اوي بس اكتر حاجه بحبها الباميه امممم كمان مليش في الحلو للدرجه يعني باكل عادي بس لو في مقارنه حادق و حلو يبقي حادق طبعاً وبحب اي حاجه حاجه سبايسي

عشري…..ما طبعاً لو محبتيس السبايسي مين يحبه

ليله….بضحك امممم بس كده

عشري…..طيب ايه اكتر حاجه ممكن تفرحك ورد و لا اكله حلوه

ليله….بضحك ايه المقارنه دي هو انا ليه حسيت انك شايفني طفسه بعد كلامنا عن الاكل

عشري….بضحك لا والله بس يعني عايز اعرف انتي انهي نوع من البنات

ليله…..هو مفيش حد مش بيحب الورد بس انا هقولك حاجه انا زي اي بنت ممكن يعجبني الورد والشوكولاته و الكلام ده بس انا لو مع حد بحبه اختار الاكل

عشري….بضحك نفسك بتتفتح هاااا

ليله…..جداً لأن زي ما قولتلك نعيمه تسد النفس و مش باكل غير لما اشوف البنات و بعدين انا لما بكون مع حد بحبه بحس بجد أن نفسي مفتوحه

عشري…..علي كده لو بقيتي معايا هنزود وزنك شويه

ليله….بضحك لا حرام عليك من غير زياده في الوزن

عشري….ماشي يا ستي.

ليله…..صحيح انا بحب حاجه كمان اوي

عشري…..بابتسامه ايه هي

ليله….بضحك طيب خليها بعدين احسن تتفاجئ و تغير رأيك

عشري……بفضول ابتسم لا اعرف الوقت

ليله…..فضلت تضحك لا لا خلاص بجد معرفش ليه اتسحبت من لساني اصلا

عشري….عدل قعدته والله لا هعرف

ليله…..بضحك هي اكله جميله اوي والله بس يعني سمعتها مش قد كده

عشري…..سمعتها مش قد كده ليه حاجه قليلة الادب

ليله….بضحك لا لا قليلة الادب ايه

عشري….ما انتي اللي بتقولي سمعتها مش قد كده و مجاش في دماغي غير حاجه في العجل

ليله ضحكت و مالت علي وراء ورجعت تاني ضربته

ليله….لا يا سافل مش قصدي ده

عشري….بضحك طيب قولي انتي عشان النيه في ذمة الله الوقت

ليله…..هي حاجه كده ليها علاقه بالسمك يعني و في ناس بتقرف منها

عشري….بصدمه بصلها وهو بيبتسم اوعي تقولي

ليله….بضحك ايوه ايه هي

عشري…..ماهو مفيش غيره من السمك وسمعته مش قد كده و الناس بتقرف منها

ليله…..بضحك ايوه اللي هو ايه بقي انا مش هتكلم

عشري…..اوعي تقولي فسيخ ارميكي في البحر

ليله….فضلت تضحك

عشري….ايه هو

ليله…..بضحك هزت راسها ايوه هو

عشري….الله يقرفك يا ليله

ليله…..بضحك ليه بس بذمتك الفسيخ والرمجه وحشين

عشري……اكل رنجه بس فسيخ مستحيل انتوا ازاي بتاكلوا اصلا

ليله……هو انت بتعرف تاكل ده قمر

عشري…..قمر بالستر ايه اللي فيه قمر كفايه ريحته

ليله….علي فكره بقي ريحته احلي حاجه فيه

عشري….بضحك لا لا اوعي تقولي كده هو ايه اللي ريحته احلي حاجه فيه و ايه نظرة السعاده اللي في عينك دي

ليله…..بضحك والله جميل يا عشري

عشري….طيب مبروك عليكي بس متحلفيش انا اكل رنجه معنديش معاها مشكله بس فسيخ

ليله…..ليه عمرك ما كلته

عشري….والله ما اعرف طعمه اصلا

ليله….بتهرج يعني مدقتوش

عشري…..والله بقولك ما اعرف طعمه هو اللي اعرفه انه سمك بوري و انا باكل سمك بوري عادي مشوي لكن فسيخ مستحيل
كفايه الريحه ازاي اكل حاجه ريحتها بشعه كده

ليله…..هو في الاول بس لكن بعدين بتتعود

عشري….قصدك بيحصلي شلل جزئي في الحواس امشي كده بلاش قرف

ليله….بضحك والله بتكلم جد ازاي مش بتحبه و عمرك ما جربت تدوقه

عشري…..بنظره صدمه و عصبيه تضحك ادوق ايه انتي مجنونه بقولك كفايه ريحته دي ريحة كائن ميت

ليله…..طيب اسمع بس

عشري….مسمعش وبعدي يدك

ليله….بضحك اتحولت ليه طيب وبعدين مالها ايدي و انا ماسكه فسيخ يعني بجد والله طعمه يجنن و اكله بجد حلوه اصلا لما بتتعود عليها مش بتعرف تبطل اكل منها

عشري…يا ستي مش عايز اكل خالص

ليله…..علي فكره بقي انت فايتك نص عمرك

عشري….ان شالله يكون فايتني عمري كله
بجد نفسي اعرف ازاي بتقدروا تاكلوا علي فكره امي بتحبه و بتاكله بس مستحيل تجيبه في البيت وانا موجود كمان الشباب كلهم بيحبوا معرفش علي ايه و مستحيل اكون معاهم و هما بياكلوا

ليله….بضحك شباب مين تقصد صحابك

عشري….ايوه كلهم بياكلوا فضل مش بياكلوا زيي بياكل رنجه بردوا بس داقه يعني لكن انا مستحيل

ليله……طب والله بيفهموا في الاكل

عشري….فين الفهم بس انتي ازاي بتعملي كده اصلا ده يموت

ليله….بضحك لا خالص ما انا عايشه اهو قدامك وزي الفل

عشري…..البنات بياكلوا الكلام ده

ليله….بضحك اه كلنا بناكل منه و بتحبه اوي

عشري…..الله بوجع بينكم

ليله….بضحك انت بتدعي علينا

عشري…..ريحته صعبه يا ليله بجد

ليله…..بأبتسامه طيب لو قولتلك تدوقه عشان خاطري

عشري….بضحك عبيطه انتي اموت فيها والله

ليله…..مش هتموت والله هيعجبك تدوق حاجه بسيطه معجبكبش متاكلش

عشري…..لا لا صعب اطلبي مني اي طلب تاني علي راسي انفذ الا الفسيخ

ليله….لا بقي هو الفسيخ يا تدوق و تحب الحاجه اللي بحبها يا هعتبر انك مش بتضحي عشاني

عشري….بضحك بأيه قولي انك عيزاني اضحي بروحي

ليله….بضحك بعد الشر عليك بس عشان خاطري و بعدين انت قولت باكل كل حاجه

عشري….الا الفسيخ

ليله…..بضحك بس هتدوقه عشاني

عشري…..بضحك ليله الله يهيدكي اطلبي اي طلب حتي لو ايه هنفذ بس تبعدي الفسيخ عن كلامنا

ليله……طيب هقولك لما نرجع نتفق كلنا نتجمع و هعملكم اكله بجد تحلفوا بيها فسيخ بقي ونرجع وكل مشتقات الحجات المعفنه دي

عشري…..اهوووو انتي بنفسك شايفه انها معفنه

ليله….بضحك لا مش قصدي يعني

عشري…..اعزمي الكل الا انا اصلا من اول ما هقف علي الباب هموت فيها

ليله…..مش يخليك تشم و لا هتحس بأي حاجه واقولك كمان انا هشرب قهوه و انت تاكل فسيخ

عشري….يا شيخه حرام عليكي بتقارني ايه بأيه انتي

ليله….بضحك علي فكره هزعل و هحط الموضوع في دماغي عند

عشري…..بضحك اعندي براحتك بس فسيخ لا

ليله…..وحياتي جربه طيب

عشري….بابتسامه والله عرقت و اتوترت

ليله…..جربه بس مش هتخسر حاجه و بعدين اعتبرها مغامره بما انك عمرك ما جربته

عشري….بضحك انك من براشوت اهون مغامره ايه بس

ليله…..طيب عموماً لو مجربتش هزعل منك

عشري….أن شاء الله نرجع و يحلها المولي

ليله….بضحك طيب انت بتحب ايه في الاكل

عشري…..انا بحب كل حاجه باكل اي اكل عموما و اصلا انا بحب الاكل جداً الا الفسييييخ

ليله ….بضحك بس مش باين عليك جسمك رياضي اصلا

عشري….ماهو انا مش باكل بدب يعني بس انا بعتبر نفسي شخص بيحب الاكل لكن بردوا بظبط الدنيا عشان متبوظش مني

ليله…..لا اوعي تبوظ منك هقتلك

عشري….بابتسامه جميله ايه كده عاجبك

ليله…امممم يعني

عشري….يا مفتريه الجسم اللي بتقولي عليه يعني ده خد مني وقت طويل عشان يبقي كده

ليله….بضحك لا بجد شكلك حلو و شكل جسمك كمان حلو اوي

عشري……بابتسامه غمزلها وهو بيشاور علي صدره ده انا عندي بقي شيست لو جربتيه مش هتقدري تبعدي عنه

ليله….بضحك وشها احمر لا شكراً مش عايزه اجربه

عشري…..هتندمي صدقيني

ليله….بضحك لا مش هندم خليك في حالك يا قليل الادب

عشري….بضحكه جميله مسك أيدها باسها
بحبك يا ليله

ابتسمت ليله و سكتت و بصت علي البحر و فجأه لقت نفسها في صدره

ليله….عشررري

عشري….ششششس بصي علي البحر واسكتي

ابتسمت ليله و فضلت باصه علي البحر

………….

نادين….انا مش بحب المشروبات السخنه اصلا بس لو مضطره بشرب بس نسكافيه

عسال…..ماهو انا سالت عشان بشوفك تشربي نسكافيه

نادين…..بشربه بس في العموم مش بحب اي حاجه سخنه بس بما أن عندنا مشكله في الثلج و مش ليلحق يلقج من استخدامنا بشرب اي حاجه

عسال…..يعني انتي بتحبي اكتر الايس كوفي

نادين…..جداً و عندي استعداد اشربه طول اليوم عادي

عسال……انا بحبه بردوا بس انا شايف و قهوه اكتر

نادين….عسال هو انت بتدخن صح يعني لمحتك مرتين كده

عسال….اه بدخن بس مش مدخن فظيع يعني ليه مش بتحبيها

نادين….انا بصراحه مش بحب التدخين بس ايمي و ليله بيشربوا عادي و سعات نعيمه بس نعيمه دلع يعني تاخد منهم نفسين كده لكن انا وسلمي وايه لا

عسال……خلاص أبطالها عشانك لو بتضايق

نادين…..لا عادي انا قولتلك يعني البنات بتدخن قدامي طول الوقت ومش بضايق بس يعني لو تقدر تبطلها بطلها عشان صحتك

عسال….بأبتسامه بس كده عيوني

ابتسمت نادين و لعبت في صوابعها

عسال……طيب قوليلي بتحبي ايه تاني

نادين…..اممم بحب الشوكلت اوي

عسال……نادين انا بلاحظ انك مش بتاكلي كويس يعني بشوفك تقومي و تخلصي بسرعه

نادين…لا عادي مش بقوم جعانه بس يعني انا اتعودت اكل بسرعه فا ممكن تفكر اني مشبعتش

عسال….وليه بقي بتاكلي بسرعه ده غلط علي فكره

نادين….عارفه وعندي مشاكل في معدتي بسبب كده بس انا اتعودت افطر وانا واقفه اتغدي في السريع و انا واقفه كده يعني لأن طول الوقت انا مشغوله

عسال….بس لازم تدي لنفسك وقت علي فكره انا كمان سريع في اكلي بس انتي أسرع اوي

نادين….هو تعود مش اكتر

عسال….طيب قوليلي بقي يومك عامل ازاي

نادين…..اااا يعني انا بنام حوالي خمس ساعات في اليوم او سنه بالكتير حتي لو مش عندي شغل بقوم اخد شاور و اشرب الايس كوفي و اوقات لو لسه قدامي وقت بعمل تمارين

عسال….بتلعبي رياضه

نادين…..مش بانتظام عشان مكدبتش بس بحاول اني متجاهلش الموضوع خصوصاً لما بحس اني مضغوطه من اي حاجه لازم اعمل كده

عسال…..طيب ليه مش بتروحي چيم

نادين…..انا مشتركه في چيم اصلا اشتراك سنوي بس بصراحه مش بروح

عسال….ليه هيفرق معاكي انك تتمرني وسط مجموعه

نادين…..عارفه بس انا بكسل سعات و ببقي محتاجه حد يشجعني كمان الچيم اللي مشتركه فيه ميكس و أنا بحس اني متوتره اوقات ليله كانت بتروح معايا كنت بتشجع بس لما مش بتيجي مش بعرف اروح لوحدي

عسال…..الچيم بتاعك في التجمع بردوا

نادين…..اه حاولت يكون قريب مني عشان اتشجع بس بردوا معرفتش انتظم

عسال…..خلاص غيري و تعالي معايا

نادين…..في مدينه نصر بعيد

عسال….مش بعيد اوي بينا أقل من نص ساعه و بعدين انتي مش عايزه حد يشجعك

نادين…..بتروح بليل ولا الصبح

عسال…..بروح الصبح بدري كمان بليل بيكون زحمه و انا مش بحب الزحمه مش بعرف اتمرن

نادين…..طيب انت منتظم

عسال….طبعاً بروح اربع ايام في الاسبوع وفي ثلاث ايام راحه اوقات لو عندي شغل بسقط يوم واحد بس في العموم انا منتظم يعني

نادين……طيب حلو سلامه بيروح معاك

عسال…..اه سلامه كمان منتظم جداً و علي فكره الشباب كلهم بيتمرنوا

نادين….بابتسامه باين عليكم اصلا

عسال….بس كل اتنين فينا مع بعض يعني حسان ورشيد في چيم في الرحاب و عشري وفضل في زايد

نادين….كويس

عسال….طيب قوليلي انتي شغلك ماشي كويس

نادين …..الحمد لله كويس جداً يعني زي ما قولتلك موضوع اللبس ده حاجه خاصه بيا انا و نوني بس يعني شراكه بينا احنا الاتنين و ده اللي واخد اغلب وقتي لاني بسافر كل فتره كمان موضوع الشقق و اوقات بروح لايمي و سلمي بس يعني انا مليش علاقه بشغل المطعم نفسه انا حسابات مش اكتر

عسال…..طيب مش بتفكري تعملي حاجه تاني