لقاء كـ،ـ،ـارثي
نادين…..بفكر طبعاً أنا نفسي اعمل المشروع اللي قولت عليه الخاص بالبراندان يعني زي مول صغير كده
عسال….انتي مهتمه باللبس والموضه والميك اب وكده
نادين….جداً لأن مفيش بنت بتستغني عنهم يمكن انا مليش في الميك اب اوي بس بهتم بيه و اغلب البنات بيهتموا ببراندات معينه عشان كده قولت اوفر ليهم طلبهم
عسال….طيب ايه اكتر شغل في الثلاثه بتحبيه اكتر يعني موضوع العقارات ولا البراندات و لا شغل المطعم ايه اللي متقدريش تبعدي عنه
نادين…..هو سؤال صعب بصراحه بس لو اشتغل في حاجه و اركز فيها اكتر اكيد العقارات
عسال….بابتسامه توقعت
نادين…ليه بقي
عسال….حسيت من كلامك أن دماغك رايحه في الحته دي اكتر
نادين….لأن ده كان شغلي اصلا في البدايه
و كمان حبيت موضوع التسويق بتاع الشقق
عسال…..بابتسامه اه صح نسيت انك سمساره قد الدنيا
نادين….بأبتسامه علي فكره هو شغل لذيذ و احلي حاجه فيه أن في ثقه يعني لما يبقي حد واثق انك هتسوق شغله رغم انك عندك شقق بتسوق ليها لنفسك فا دي حاجه كبيره
عسال….طيب انتي قولتي بتسوقي شقق بس
نادين….لا وأماكن تجاريه كمان محلات سناتر مكاتب كده يعني
عسال…امممم ده واضح بقي أن التوتر و الكسوف و اللغبطه وراهم شخص تاني ناجح وقوي و انا مش واخد بالي
نادين….بضحكه احراج لا هو الشغل حاجه و الشخصيه حاجه
عسال…..ليه بتتوتري كتير يا نادين
نادين….علي فكره انا في حياتي عموما مش كده بس في بعض مواقف بتوترني
عسال…..مواقف ولا أشخاص
نادين….بابتسامه بصت بعيد يعني الاتنين و علي فكره انت من ضمن الأشخاص اللي بتوترني
عسال….ليه بس انا مش فاكر أي موقف عملته يخليني وترتك
نادين….انت مفيش اي موقف معاك موترنيش
عسال….بابتسامه جميله طيب ايه اكتر موقف وترك
نادين….يعني موقف زي بتاع انهارده كده موقف زي الصبح لما قولت قدام الكل اننا ارتبطنا موقف زي بتاع البطاطس كده لما قومت و رجعت بعد شويه و انت عامل البطاطس ليا مخصوص حسيت اني اتحرجت جداً كمان لما عرفت اني بحب البيبسي روحت جبتلي غير بقي نظراتك طول الوقت بتوترني و بتحسسني اني عامله عامله
عسال…..بس المواقف دي عاديه و تلقائيه يعني موقف لحظي مش مقصود
نادين….يمكن بس انا بتوتر وبحس أن الكل باصص عليا
عسال…..بنظره تجننن وايه المشكله خليهم يبصوا مش انتي مبسوطه
نادين ابتسمت وهزت راسها
عسال….خلاص دي اهم حاجه عندي
نادين…..طيب انا في حجات كتير لازم تعرفها عنك يا ميدو
عسال…..اعتبري اني قدامك كتاب مفتوح و اسألي علي اي حاجه تحبي تعرفيها لأن ده حقك
نادين….يعني عايزه اعرف ايه الحجات اللي مش بتحبها في العلاقه يعني اكيد في حجات أو تصرفات ممكن تضايقك
عسال…..لو تقصدي طباع في شخصيتك فا حتي لو مش بحبها هحبها لاني مش جاي اغير فيكي حاجه يا نادين انا متقبلك
بكل طباعك و صفاتك اللي عرفتها واللي لسه هتعرف عليها قولتلك الصبح أن حتي لو في حاجه حسيت انها ضايقتني عمرها ما هتبقي مشكله بينا
نادين….يعني لو فرضنا اني عملت ايه تصرف و انا مش عارفه أنه بيزعجك و انت بجد اضايقت منه مش بيبان عليك ولا حتي تعمل معايا مشكله
عسال….لو موقف يضايق بجد مش هقولك اني مش هضايق لاني هبقي بكدب بس انا حتي في زعلي مش ببقي اوڤر ولا عمري هعمل مشكله و لا حتي هبين انزعاجي بطريقه مش حلوه هاخدك من ايدك و نقعد مع بعض اقولك أن الموقف ده كان مضايقني و بس انتي بقي حابه تكرريه اوك مش حابه هكون مبسوط
نادين….ازاي يعني مش هتقولي متعمليش كده تاني ولا حتي تاخد موقف لو اتعاد
عسال…..بصي يا نادين انا مش حابب اقول كلام كبير عقلك يترجمه علي اني شخص مثالي لأن انا مش مثالي انا بني ادم عادي و انا مش بحب الكلام اللي فيه استعراض و لا بحب لفت النظر زي ما قولتلك الصبح بس انا عايز الايام هي اللي تثبتلك رد فعلي من غير كلام كتير لأن باختصار انا شخص مرح بيحب الحياه مش بيحب النكد مش بحب المشاكل بحب اكون مبسوط انا واي حد غالي عندي معنديش استعداد اني تخسر شخص غالي عندي ولا عندي استعداد اني ازعل و ننكد علي بعض عشان مشاكل طول ما فينا عقل و طول ما في لغه حوار بينا هنقدر نحل اي مشكله علي فكره انا أقدر أبالغ في رد فعلي خصوصاً لو المشكله انا علي حق فيها ومحدش يقدر يغلطني بس انا مش الشخص ده طول ما انتي تعنيلي يا نادين لازم تتأكدي اني عمري ما هعمل معاكي اي مشكله مهما كان حجمها لاني معنديش استعداد اخسرك و في العموم انا شخص مش بيبالغ في رد فعله و لا شخص بيبان عليه الغضب انا ممكن ابقي قدامك بارد جداً في غلط انتي عملتيه وواحد بهدوء وبصراحه وببتسم بس من جوايا في ثوره
بقدر اتحكم في ردود أفعالي شخص بيتحكم في غضب ملامحه و غضب لسانه و غضب تصرفاته و اليوم اللي ممكن تعملي فيه حاجه قويه اتعادت اكتر من مره وانتي عارفه انها بتضايقني أخري خالص اخد جنب و متكلمش
نادين….بس علي فكره ده عقاب مش حلو بردوا انك تسكت و مش نتكلم
عسال….لا مين قال اني مش هكلمك بس مش هتكلم في الموضوع و اكيد لما تلاقيني مش بعاتبك تعرفي اني زعلان اوي و مستني انك تصلحي اللي حصل
نادين…..ايوه بس انا بردوا محتاجه اعرف ايه اللي بيضايقك علي الاقل لما اعرف من البدايه افضل ما نلجأ لقاعدة عتاب
عسال…..هو مفيش حاجه معينه بس انا بحب أن انتي تحترمي علاقتي معاكي يعني ابقي في حساباتك وتقدريني بمعني انك تتعاملي انك مبقتيش لوحدك في شخص في حياتك و ليه كل الاحترام من حقه يعرف انتي فين و مع مين و بتعملي ايه و ده مش عدم ثقه بس حقي و نفس الحق ده عندك معنديش اي مشكله انك تروحي اي مكان تحبيه مع الناس اللي بتحبيها بس اكون عارف
مبحبش التجاهل لأن انا شخص بهتم جداً يعني لو مثلا اتصلت بيكي و انتي مش عارفه تردي مشغوله بتعملي ايه حاجه
ثانيه تفتحي عليا و تقوليلي هكلمك تاني عشان مش فاضيه احسن بكتير من انك تكنسلي لأن في الوقت ده انا ممكن اتوتر و
عقلي يبدأ يألف قصص و اقلق عليكي وفي الاخر الاقيكي مثلا تقوليلي كنت بجيب حاجه كنت مع صحابي يعني مبرر غير مقبول لقلقي عليكي فا الثانيه مش هاخد وقت وانا مش هطول معاكي و ممكن ڤويس بسيط علي الواتس علي الاقل ابقي مطمن عليكي و خدي بالك انا اكتر حاجه ممكن تعصبني و مش بس في العلاقه أن حد يكنسل عليا حتي مع الشباب و مع سلامه وقتها بقلق وانا شخص متعلق جداً بكل الناس اللي بحبهم فا بقلق غصب عني فا مش بحب التجاهل الغير مبرر
نادين….بابتسامه تمام فهمت طيب انت بتغير يا ميدو؟
عسال…..الغيره اساس الحب و لو قولتلك لا وعملت فيها واثق من نفسي اني مش بغير ابقي كداب
نادين…..طيب الغيره عندك عدم ثقه في الشخص اللي قدامك
عسال….بالعكس لا عدم ثقه في نفسي ولا فيكي الغيره هي حب مش اكتر يعني اغير لو حد هزار معاكي بطريقه مبالغ فيها اغير لو لبسك كان ملفت اغير من حجات كتير اكيد بس غيرتي مش وحشه
نادين….طيب لو فرضنا في حد بيحاول يضايقني أو مركز معايا و انت عرفت أو شوفت مثلا نظرات لشخص مش حلوه وانا معاك
عسال….بضحكه جميله لا دي بلاش بقي اتفاجئ بيها
نادين…..بابتسامه هتعمل ايه
عسال….والله مش عارف حسب الموقف بس انا مستحيل اعمل مشكله وانتي معايا الا اذا الأمر خرج عن السيطره وقتها الهادي الكيوت اللي احتمال كبير تكوني شفاه مثالي هيتحول تماما لشخص متعرفيهوش
نادين…..للدرجادي
عسال…..بصي يا نادين الاذي مفيش اسهل منه عشان كده انا بحب ديماً اتحكم في اعصابي بس في حجات بتبقي غصب عنك في النهايه احنا بشر
نادين….طيب انا لبسي بالنسبه ليك اوڤر ولا عادي
عسال….بابتسامه رفع حاجبه اوڤر
نادين….بصدمه ابتسمت بجد
عسال…..يعني بجد
نادين….طيب ليه مقولتش الوقت وأنا بسألك ايه اللي ممكن يضايقك
عسال……عشان قولتلك انا قابلك بكل حاجه فيكي يمكن انتي الوقت سألتي وانا جاوبت و قولت أوڤر متستنيش مني اني اقولك غيري طريقتك لاني مش الشخص ده خالص بس لو انتي بنفسك حبيتي تغيري شويه هكون مبسوط بس لازم تعرفي اني وقت ما هلاقي حاجه اوڤر زياده عن اللزوم هعترض
نادين……يعني زي ايه
عسال…..لبس اوڤر اكتر
نادين……هتعترض بس
عسال…..اه بس مش هيبقي مجرد اعتراض
نادين…..امال
عسال….اعتراض يعرفك اني اضايقت و تصميم انك تغيري
نادين….يعني ممكن تخليني اغير لو مش عجبك
عسال……اكيد
نادين….وافرض مكنتش معايا واتفاجئت
عسال…..احتمال تعديها لو اول مره بس مش هيبقي مرتاح طول الخروجه بس لو اتكررت تاني اكيد هاخدك و نمشي
نادين……طيب افرض هنقابل صحابنا هتخليني امشي
عسال….اه عادي لو نبهتك اكتر من مره و اللبس انا شايف أنه ملفت جداً هعمل كده اكيد و بهدوء و من غير عصبيه أو مشاكل بس مش هقدر اخليكي تقعدي كده
نادين….بابتسامه امممم طيب بس علي فكره انا لبسي مش اوڤر اوي
عسال….بابتسامه جميله اللي تشوفيه انا قولت رأيي و بعدين لسه بدري علي موضوع الكلام في اللبس انا مش حابب من البدايه يعني احساسك بضغط عشان متقلقيش أو تفكري اني شخص متحكم
نادين….لا اكيد مش بفكر كده بس انا مش حابه يكون في بينا مشاكل خالص عشان كده بحاول افهم يعني مثلاً ليله قالت إن احتمال بكره نروح علي البحر فا لو فكرنا ننزل المايه اكيد مش هنزل بلبس عادي
عسال……اممممم ابتسم و عض علي شفايفه يعني !!!
نادين….بضحكه احراج جميله معرفش يعني في لبس للبحر اكيد
عسال…..و انتي بقي حابه تفرجيني الاول ولا تفاجئيني
نادين….بضحكه تحدي جميله بصراحه
عسال….بصراحه
نادين….حابه افاجئك و تبقي فرصه اشوف رد فعلك في المواقف اللي زي دي هيبقي عامل ازاي
عسال….قولتلك اني عمري ما هعمل معاكي مشكله ولا عمري هبين غضب ملامحي حتي في عينك لأن يهمني ديماً تكوني مبسوطه
نادين….يعني مش هتضايق
عسال….مضايق و هتوتر بس مش بيبان عليا ممكن انتي تحسي بس ده بيعتمد علي قربك مني بقي قد ايه يعني بتفهميني من نظره بتفهميني من غير كلام بس صدقيني يا نادين لو لاقيت أنه ملفت زياده عن اللزوم يخليكي تغيري اكيد
نادين….وافرض مش معايا غيره او مثلا كل اللي معايا نفس الشكل مش هتخليني انزل البحر
عسال…..لا هنزلك بس هتعرف انا بقي وقتها
نادين….هتعمل ايه
عسال…..مش عارف بس اكيد هتلاقي حل وسط يريحنا احنا الاتنين
نادين….بابتسامه تمام
عسال…ايه اسألتك خلصت
نادين….بيتهيألي كفايه كده لحد انهارده يعني لما يجي في بالي حاجه تاني هسألك
عسال….وانا جاهز
نادين…..انت عندك سؤال
عسال….اكيد
نادين….طيب يلا انا جاهزه بس قبل ما تسأل يعني كنت عايزه اقولك حاجه
عسال…..طبعاً قولي
نادين…..صوتك حلو اوي بجد
عسال….بابتسامه شقيه بجد
نادين….بجد والله يعني معرفتش اقولك كده في اي وقت غنيت بس بجد صوتك حلو
عسال…انتي احلي
نادين….بابتسامه احراج و كمان انا شايفه انك لازم تفكر في الموضوع بجد
عسال….والله انا مليش في الشهره و الحو ده زي ما قولت بس لو حابه ممكن احاول بس متبقيش بقي تزعلي وقتها من الشهره والمعجبين و تغيري و كده
نادين….بضحكه هاديه تفتكر
عسال….يعني ممكن بقولك ايه انا هغنيلك انتي بس ايه رايك
نادين….ماهو انت ممكن تغميلي انا بس لكن اقصد أنه يكون شغلك
عسال…..ما انا لما هغنيلك بردوا هيكون شغلي
نادين….وده ازاي بقي؟ هدفه فلوس عشان اسمعك
عسال….لا مش فلوس بس بعدين نبقي نعمل اجتماع مغلق انا وانتي و نتفق علي طريقه الدفع و خدي بالك هنتحاسب الاغنيه
نادين…..ابتسمت بإحراج طيب بطل توترني بقي
ضحك عليها عسال و بأس كف أيدها بهدوء.
…………..
ايه…..الحق يا سلامه بص كده البيت هنا ده بايظ خالص
سلامه…..يا نهار اسود دي المايه اكيد دخلت جوه الڤيلا
ايه…..بس مفيش حد هنا تقريباً
سلامه…..لا فاضيه مفيش حد ساكن
ايه….البيوت كلها غرقانه انا صعبان عليا اللي في الڤيلا اللي هناك شكلهم مش عارفين يخلصوا من المايه دي
سلامه…..بفكر بكره والله اروح كده انادي عليهم احسن يكون حد فيهم محتاج حاجه
ايه…..شكلهم كمان معاهم اطفال عشان شوفت عجله صغيره
سلامه…..بكره باذن الله كده اروح اشوف الوضع ايه
ايه…..أن شاء الله بقولك ايه انا هقعد شويه هنا مش قادره امشي في حاجه دخلت في رجلي
سلامه….في ايه انا ماشي مع ست مسنه؟
ايه….بضحك صحتي يا ابني بقت علي قدها
سلامه….يا ابني و صحتي لا الف سلامه عليكي يا حاجه بس تعالي هنا عشان دي فيها مايه
ايه….مايه ايه ماهي ناشفه اهي
سلامه….يا بنتي ده زرع حطي ايدك هتلاقي طينه
ايه….اه تصدق
سلامه…..بتحبي تقاوحي انتي
ايه….طب اقعد فين طيب
سلامه….تعالي هنا علي الرصيف
ايه…..اخرتها ايه هانم تقعد علي الرصيف
سلامه….بضحك والله شكلك بتحبي تقعدي علي الرصيف
ايه…..بضحك انا وقت ما بتعب بقعد في اي مكان ولا بيفرق معايا
سلامه….بس مش باين عليكي انك بتتعبي الباور عندك عالي
ايه….أحسدني بقي اهي عينك جابتني الارض و رجلي فيها حاجه ااااه شوفت
سلامه….شوفت ايه مالك صوابعك طويله كده ليه
ايه….بضحك لا نحترم نفسنا و ملكش دعوه بصوابعي
سلامه….بضحك بجد صوابعك غريبه
ايه…..بضحك والله هزعلك اسكت بقي عشان طلعت متعوره اهو و انت عمال تتريق و تقول مسنه
سلامه….اتعورتي بجد ؟
ايه….اه والله في طوبه دخلت في الكوتش معرفش ازاي صباعي اتعور
سلامه…..وريني كده
ايه….ااااااه دي ازازه مش طوبه
سلامه…..ازازه ازاي و هتدخل ازاي من الكوتش ؟ ايه ده ؟ ده دم بجد
ايه…..لا بهزار ما انت عمال تتريق
سلامه….بضحك طب ايه اللي دخل الأزاز اصلا في رجلك
ايه…..وانا ايش عرفني اكيد كنت سايبه الكوتش موارب هاهاهاااا
سلامه……بصلها بقرف امشي امشي انا غلطان اني خرجت معاكي انتي عقابك تفضلي لوحدك
ايه….بضحك خلاص تعالي مش ههزر تاني
سلامه…..اسحبيها بسرعه عشان مش حلوه
ايه….والله حلوه و انت غيران شكلك
سلامه….بضحك اه عشان الالش بتاعك احلي من الالش بتاعي
ايه…..طيب ابقي تعالي اوديك بقي المكان اللي بتعلم فيه الالش
سلامه….بضحك هرزعك بطوبه والله و اخلص منك
ايه….عايز تموتني يا ابني
سلامه…..اه يا حاجه و بعدين فرصه لا في حد ولا في اي دليل عليا
ايه…..الله يسامحك بس خد بالك روحي هتيجي تطلع عينك
سلامه….بضحك لما وانتي بني ادمه عامله كده امال روحك هتبقي ازاي لا خلاص مش هموتك وامري لله
ايه…..سلامه
سلامه….ايه
ايه…..هو المكان هنا ممكن يطلع فيه عفاريت
سلامه….بضحك هيطلعوا يعملوا ايه وانتي موجوده
ايه…..مسكت طوبه صغيره حدفته بيها انا بتكلم بجد بلاش رخامه
سلامه….ااااااه يا مجنونه والله وجعتني
ايه….احسن
سلامه….عفاريت ايه انتي عبيطه يا ايه
ايه…..مش المكان المهجور بيطلع فيه عفاريت
سلامه…..فين المهجور ده لحد الوقت في ثلاث ڤلل فيهم نور غيرنا
ايه…..يا سلام يعني لو العفاريت طلعت هنقدر عليهم
سلامه…..بضحك اللهم طولك يا روح اقولك ايوه في عفاريت و كمان البحر بليل بيسكن فيه الجن يعني هنتروق
ايه…..بصتلوا و هي بتبرق خد هنا انت واقف بعيد ليه
سلامه….بضحك خوفتي يا هبله
ايه…..طيب هنالك سؤال وترد بصراحه
سلامه….خير
ايه….لو طلعنا عفريت الوقت هتجري وتسيبني
سلامه…..وهو واقف يضحك من قلبه و اسيبك ليه هاخدك في أيدي و نجري سوا
ايه…..صباعي واجعني مش قادره اجري
سلامه….بضحك لا مع نفسك بقي مش هقدر اشيلك و اجري بيكي
ايه…..انا كنت حاسه تصدق اني غلطت اني خرجت معاك فضلت تحدف عليه طوب من الأرض و هو ينط و يجي شمال و يمين
سلامه….يا بت اسكتي بقي بطلي جنان
ايه……طب تعالي هنا متقفش بعيد تعالي بقولك
سلامه….بضحك طب نزلي الطوبه اللي في ايدك
ايه….هنزلها لما تيجي بس لو جريت هجيبك بيها وافتح راسك
سلامه….بضحك ايه الشر ده انتي خايفه بجد
ايه….بنظره تضحك اه والمصحف خايفه خد تعالي هنا
سلامه…بضحك قولي تعالي يا استاذ سلامه
ايه…..ورحمه امي و ابويا هقوم تحري وراك زي الساحره الشريره لا هيهمني صباعي اللي اتعور ولا حتي العفريت خد هنا
سلامه….بضحك خلاص جاي اييييييه ماشي مع متشرده
ايه…..تعالي هنا قرب
سلامه…..انتي واخده عليا شيكات ايه المعامله دي
ايه….بضحكه عبيطه صراحه عيزاك تقف من الحرف ده عشان لو عفريت طلع يلاقيك انت الاول وانا اجري
سلامه…..النداله ليها ناسها وسعي شويه
ايه…..ايه ده انت هتصاحبني ولا ايه هتقعد جنبي كده عادي انت تقف هنا بس
سلامه…..لا يا شيخه تصدقي انا غلطان خليكي بقي قاعده لوحدك
مسكت طوبه صغيره حدفته بيها جات في رجله من وراء
سلامه….بضحك اااااااه يا بنت المجانين
ايه…..بقولك ايه انا بعرف انشن يعني هجيبك تعالي هنا جنبي.
سلامه….بضحك طب والله و جعتني
ايه….احسن عشان نبقي زي بعض لا انت ولا انا نعرف نجري
سلامه….بضحك ما كده العفريت هياكلنا
ايه….مش مهم علي الاقل وانا في بطنه مبقاش لوحدي
سلامه….بضحك ايه هو انتي فاكره أن العفريت بياكل وكده و هتنزلي في بطنه
ايه….امال هيعمل ايه يعني ؟
سلامه….علي الأقل كفايه تشوفي شكله ده كفيل يجبلك ساكته قلبيه بس العفريت مش بياكل
ايه…..لا عادي مش هخاف من شكله هعتبره ماسك بس انا كنت بخاف عشان بفكره بياكل
سلامه….بضحك انتي بتتكلمي جد؟
ايه….اه ورحمه امي وابويا طول عمري بخبي رجلي وانا نايمه عشان بخاف يطلع
العفريت بليل ياكلني
سلامه….بضحك يعني معندكيش مشكله تشوفيه بشكله المرعب
ايه…..لا عادي انا بخاف من اللي هيعمله اكتر
سلامه……بضحك انتي قولتي عندك كام سنه ؟
ايه….رفعت حاجبها حاسه انك بتتريق شويه و هتزعل
سلامه….اصل انتي مشكله بجد دي مش عقليه بني ادمه كبيره
ايه….انا مش هرد عليك عشان انا محترمه
سلامه…..شكراً يا ستي علي كرم اخلاقك شكراً يا عاقله.
بصت في صباعها
ايه……ااااه علي فكره بيوجعني اوي
سلامه….طيب تحبي نمشي عشان تغسلي رجلك
ايه…..لا لا خلاص خلينا معاك منديل طيب
سلامه…..امممم اه لحظه
طلع منديل من جيبه و مد أيده بيها
سلامه….اتفضلي
ايه…..ايه القرف ده ؟ ده منظر منديل
سلامه….بضحك ده مكرمش عشان كان في جيبي بس نضيف والله معملتش في اي حاجه وريني صباعك كده
ايه…..عشان تتريق و نستظرف صح
سلامه…..بابتسامه لا والله
حطت ايه رجل علي رجل
سلامه…..اه ده اتعور هنا
ايه…..ايه ده بتقولها في وشي كده طيب هاتهالي شويه شويه مش تصدمني كده بصتله بقرف ما انا عارفه أنه اتعور
سلامه….بضحك انا غلطان اني بعبرك
ايه….احسن اسكت بقي
سكت سلامه شويه و هو باصص بعيد بتأمل و بعدين يصلها بهدوء
سلامه…..عارفه يا ايه
ايه…..ايه
سلامه…..امي قالتلي في مره هقولك علي حاجه يا محمد احتفظ بيها جواك طول العمر
سكت سلامه و بصتلوا ايه
ايه……قالتلك ايه
سلامه….لا ما هي قالتلي احتفظ بيها جواك اكيد مش هقولك ضحك علي منظرها
ايه….تصدق أن انا ناقصه عشان فكرتك هتقول حاجه مهمه افتح راسك الوقت ولا اعمل ايه
سلامه…..بضحك اااااه اه خلاص ايدك تقيله طيب خلاص هقولك علي حاجه والله
ايه….بغيظ اتفضل
سلامه….يوم حفلة التخرج بتاعتي من الجامعه اتفقت انا وصحابي نعمل حفله في مكان زي قاعه كده يعني و d.g بقي يعني عشان نحتفل فا امي يومها كانت فرحانه اوي و لقتها بتقولي حاجه كده غريبه
ايه…..حاجه ايه
سلامه….بضحك لا ما صوت السماعات كان عالي مسمعتش
ايه….بغيظ قامت تجيب طوبه وهي حافيه و مسكت حجر كبير شويه
سلامه….بخوف وهو بيضحك لا لا خلااااص
ايه…..اكسر دماغك يعني و لا اعمل ايه
سلامه…..بهزر معاكي و بنسيكي العفريت
ايه…..بغضب وسع كده من مكاني انا غلطانه اني بتكلم معاك بعقل قال ويقولي انتي عندك كام سنه حوش العقل اللي بيخر منك
سلامه….بضحك خلاص يا متشرده اقعدي قلبك ابيض تعالي بقي نتكلم جد شويه
ايه….ششششس جد انت وجد في جمله واحده
سلامه….والله هنتكلم جد بس تردي علي استئلتي
ايه….لو هزرت هضربك
سلامه….والله مش ههزر خلاص
ايه….طيب أتفضل اما نشوف
سلامه….هتجاوبي و لا هتهربي من السؤال
ايه…..لا هجاوب اتفضل
سلامه…..مين الشخص اللي عجبك و مرضتيش تقولي اسمه
ايه….بضحك لا نرجع الهزار بقي
سلامه…..ابتسم ورفع حاجبه انتي قولتي مش ههرب
ايه…..ما انا لو كنت عايزه ارد كنت رديت
سلامه….مليش دعوه انا سألت
ايه…..بأبتسامه توتر علي فكره مكانش في حد يعني و ده كان هزار من ايمي و البنات
سلامه…..لا يا شيخه و اتوترتي ليه الوقت
ايه….انا لا خالص
سلامه….طيب علي فكره بقي ايمي كانت بتتكلم جد و انتي وقتها اتوترتي ولو مكانش فيه فعلاً حد كنتي قولتي بس انتي اختارتي انك تقومي تبوسي رشيد علي انك تقولي مين الشخص
ايه…..اااا لا بس يعني مكانش عندي اجابه و كنا هنخسر فا عشان كده قولت يعني اعمل العقاب
سلامه…..تروحي قايمه لابسه رشيد من خده صح ؟
ايه….بأبتسامه طيب وانت ليه مضايق
سلامه…..اااا انا لا عادي مش مضايق انا بتكلم معاكي بس
ايه….طيب كويس انك مش مضايق عموما يعني انا عملت العقاب عشان مكانش في اجابه
سلامه…..لا كان في اجابه يا ايه و بعدين لو مفيش ما كنتي قولتي مفيش ليه قومتي بوستي رشيد
ايه….عادي يعني دي لعبه و بعدين انت لو مكاني كنت هتختار
سلامه…..انا لو مكانك اختار اني اتعاقب و لا اني اعمل كده و بعدين انا لو كنت اعرف انك هتختاري العقاب ده كنت قولتلك انسحبي و عادي نتعاقب
ايه….لا والله انت مش قولت هتدبسني في اليوم كله و قولت هتقتلني لو انسحبت
سلامه…..بنظره و نبره كان باين عليهم الجديه مكنتش اعرف يا ايه انك هتختاري العقاب انا قولت هتجاوبي علي السؤال
ايه……لا انا اختارت العقاب و قولت انا اختارته ليه ؟
سلامه….ايوه ايه يعني عشان في فرق سن بينك وبين رشيد طب عادي يعني مش قصه في النهايه رشيد راجل و شيفاه بقي اخوكي ابوكي هو راجل و مكانش لازم تختاري العقاب ده
ايه…..اهو اللي حصل بقي و بعدين سلامه هو انت مضايق؟
سلامه….ااااا لا عادي براحتك انتي حره في تصرفاتك بس يعني ده عشانك مش اكتر
ايه….امممم طيب كويس انك مش مضايق و عموما يعني مكانش قصدي انا كنت بس بهرب من السؤال
سلامه…يعني معترفه انك بتهربي؟!
سكتت ايه و بعدين ابتسمت و بصت لبعيد
سلامه…..سكتي يعني ؟!
ايه…..انت عايز مني ايه
سلامه….عادي مجرد سؤال و بعدين احنا مش صحاب اعترفي
ايه….صحاب اه امممم طيب ولما اعترف هتروح تقول
سلامه….لا مش هقول
حست ايه انها اتوترت و كمان كانت حاسه بحاجه غريبه منه لاول مره يكون باين عليه أنه مضايق لكن اتغاظت منه لما قالها براحتك فا قررت تردها ليه و تشوف رد فعله.
سلامه….ايه بتفكري في ايه ؟
ايه….طيب انا هقولك بس علي فكره هو الموضوع مجرد اعجاب شكل شخصيه يعني من بعيد
سلامه…امممم قولي
ايه….اااا فضل
سلامه….بصدمه فضل ؟!
ايه….اه مستغرب ليه
سلامه….لا عادي بس يعني انتي بجد معجبه بفضل؟
ايه…..بابتسامه وهي باصه علي ملامحه اه اعجبت بيه هو الوحيد اللي لفت نظري
سلامه…..بشعور غريب ابتسم امممم طيب حلو كان ممكن تقولي علي فكره او تعملي زي ما ايمي عملت
ايه….لا مقدرش ايمي اجرأ مني في النقطه دي المهم يعني أنه مجرد اعجاب قولي بقي انت معجب بأي حد من البنات
سلامه….بنبره حاده شويه لا مفيش
ايه….خالص
سلامه….أااااه خالص
ايه……لا يا شيخ عليا اعترف احنا مش صحاب بردوا
سلامه…..قولتلك مفيش يا ايه
ايه…..بابتسامه طيب براحه يا عم خلاص متزوقش
سلامه….بابتسامه ماشي يا ستي براحه
سكتوا الاتنين شويه
سلامه….بابتسامه بسيطه بقولك ايه يلا خلينا نرجع
ايه….ليه ما احنا قاعدين شويه
سلامه…..ااااا لا مش قادر ضهري وجعني و كمان الجو برد عليكي يلا خلينا نرجع
قام وقف بسرعه و قامت ايه بهدوء وراه و هي عينها كل شويه تيجي عليه.
…………..
ايمي….لما انت مش بتخاف من اي حاجه عاليه ليه عندك فوبيا من الطياره
رشيد…والله ما اعرف هي الطياره بس عشان كده كل سفري بعربيه
ايمي…..انت عمرك ما خرجت بره مصر يا رشيد
رشيد….لا سافرت مرتين و تعبت فيهم جامد مره عملت عمره و مره كنت في دبي بس مش بقدر اوي يعني الموضوع بجد بيبقي صعب
ايمي….بس المفروض سافرت يعني لازم تكون كسرت الفوبيا دي
رشيد…والله ما اعرف بس اخر مره في دبي تعبت بجد و حسيت أن روحي بتطلع و بعدين هفرج الناس عليا بقي فا مش بسافر مع اني والله نفسي اسافر اماكن كتير
ايمي….ايوه بس دي مشكله
رشيد…ازاي بقي
ايمي….يعني انا بحب السفر و اكيد لو حصل بينا حاجه هتبقي حابه اسافر معاك
رشيد…..طيب في الاول كده بلاش نقول لو بيتهيألي لازم نعدي المرحله دي
ايمي….بابتسامه طيب يا سيدي هعديها قولي بقي هسافر معاك ازاي
رشيد….بابتسامه جميله والله لو هتقدري تخليني مبقاش متوتر هسافر عشانك
ايمي…..من ناحية هقدر فا اكيد هقدر سيبها عليا انا دي
رشيد….ايمي ممكن اسألك سؤال
ايمي…..طبعاً
رشيد…..يعني بما انك جريئه و صريحه انا بس اللي شديتك و اعجبتي بيا ولا كان في حد تاني
ايمي….لا كان فيه
رشيد…مين ؟
ايمي…..حسان بصراحه انتوا الاتنين اكتر اتنين أنجبت ليهم و ده عشان السن بتاعنا قريب من بعض كمان اعقل شويه طبعاً الشباب كلهم عاقلين حتي اني اتفاجئت بعسال اصغر واحد فيكم أنه بالعقل ده بس اقصد انتوا اللي حسيت انكم اقرب ليا و مناسبين في كل حاجه بس بعدها لما عرفتكم اكتر بدأت اتشد ليك اكتر من حسان مع اني اتكلمت معاه و الكلام معاه حلو اوي و كمان قصته مع طليقته احترمته فيها اوي و ابهرني بصراحه ما عقلية راجل شرقي بس الكيميا بتاعتي معاك كانت اقوي يعني عاقل و مجنون شخصيه قويه و في نفس الوقت حنين بتحب الضحك و فيك سنه كده باد بوي و دي بحبها بردوا في الراجل
رشيد….بضحكه جميله امممم باد بوي طب حلو
ايمي….ايوه بس بحبها بحدود
رشيد….وانا يا باشا عارف حدودي متقلقش انت
ايمي…..بس فا بصراحه انجذابي الاكتر راح ليك انت
رشيد…طيب حلو
ايمي ….وانت
رشيد…..لا مفيش انتي بس
ايمي…..لا والله
رشيد….والله العظيم انتي بس البنات كلهم يجننوا بس كانوا بالنسبالي مجرد اصدقاء مش اكتر لكن انتي نظرتي ليكي كانت اكتر شويه و بمناسبة اللي حصل ده احنا صحيح قفلناه خلاص بس مش عايزك تفكري فيه تاني ولا تضايقي نفسك ولا حتي تزعلي من البنات هما واضح انهم اتفاجئوا مش اكتر
ايمي….انا عمري ما ازعل منهم وعارفه كويس هما ليه اضايقوا لأن اللي بينا كبير اوي بس وقتها والله كان غصب عني تفكيري مجابنيش اني اقول لاول مره احس اني عايزه اعمل حاجه وفي نفس الوقت مش قادره اقولها مع أن ده ضد شخصيتي تماماً
رشيد….عارف بس عادي بتحصل
ايمي…..المهم انت مش حاسس انك عايز تقول حاجه في الموضوع ده
رشيد….خالص الموضوع بالنسبالي منتهي بحترم جداً تمسكك بانك تكوني ام و معنديش شك خالص انك لو بقيتي ام هتبقي احلي واحن ام في الدنيا و معنديش مشكله خالص مع الأطفال حتي لو هتجيبي عشر اطفال
ايمي….طيب انا عارفه اني فاجئت و حتي لو انت كنت معجب بيا بس وارد تكون لسه مش مستوعب اللي حصل مش حاسس بقي انك محتاج تفكر و تاخد قرار صح
رشيد….قرار في ايه بالظبط في ارتباطي بيكي
ايمي….يعني مش حاسس انك مش حابب أو مش عايز الموضوع يكون جد مش حاسس انك المفروض تفكر الاول بهدوء مع نفسك خصوصا انك قولت أنك كنت بتحب طليقتك يعني ممكن تفكر في
رشيد…..متكمليش يا ايمي موضوع طليقتي منتهي تماماً بيكي من غيرك خلص خلاص و ده مش موضوع جديد ده بقاله ثلاث اربع سنين يعني لو حاسس اني عايز ارجع كنت رجعت و اصلا قرار الانفصال قولتلك كان قراري يعني انسي الموضوع ده ومش عايزك فتحيه تاني لاي سبب تمام
ايمي….تمام
رشيد…بالنسبه بقي لموضوعي معاكي بعيداً يعني عن أن انتي سبقتيني بخطوه بس انا كده كده كنت هفتح معاكي الموضوع انا كنت متأكد من نفسي يا ايمي بس كنت مستني اتأكد منك اكتر و مش هكدب عليكي انا كنت حاسس ان في حاجه من ناحيتك بس مكنتش قادر احس انها حاجه كبيره اوي كده لدرجه ان انتي اللي تفتحي الموضوع يعني باختصار انا مش محتاج افكر
ايمي….بابتسامه اضايقت اني عملت كده
رشيد….بابتسامه لا خالص بس اتخضيت و اتخطفت مكنتش مصدقه ولا مستوعب انك تعملي كده بس عجبتيني كنتي جريئه وقويه و واثقه و جد جداً و قدرت اعرف جزء اكبر من شخصيتك اللي بجد بهرني
ايمي…..يعني مبسوط
رشيد ….مبسوط طبعاً و متحمس اوي للخطوات اللي جايه و خدي بالك هتبقي خطوات سريعه
ايمي…..بأبتسامه جميله هنشوف
رشيد….هنشوف طبعاً بقولك ايه تحبي نرجع
ايمي…..اه ياريت الوقت اتأخر
رشيد….لا هو عشان تلحقي تنامي شويه الكل ناوي ينزل البحر بكره و اكيد هناخد اليوم من أوله
ايمي…..طيب يلا بينا
مسك كفها بايده ابتسمت ايمي بسعاده و مسكت كفه و راحوا علي الڤيلا.
دقايق بسيطه و وصلوا لقوا
سلمي و حسان و نعيمه وفضل و حتي ايه وسلامه طلعوا علي الاوض عشان يناموا هما كمان طلعوا
وعسال كمان وصل نادين لاوضتها ودخل الاوضه ثواني و خرج تاني
بعد حوالي عشر دقايق فتحت نادين الباب ونزلت بهدوء علي تحت و اتفاجئت بعسال تحت قاعد عند البار بيشرب سيجاره و وشاي بصتلوا و رفعت عينها لفوق و هي ماسكه أيدها في بعض زي الاطفال كأنها عامله عامله
عسال…..نزلتي ليه تاني ؟
نادين….اااا هو انت اللي نزلت ليه؟
عسال…..انا طلعتك عشان شكلك عايز ينام علي الاخر بس انا مش هعرف انام طول ما عشري و ليله بره لازم اطمن عليهم اخاف نطلع كلنا و يحصل معاهم اي مشكله الجو هادي و مفيش حد يحس بيهم
نادين….هما فين كل ده
عسال…..متقلقيش انا عديت شوفتهم من فوق قاعدين علي البحر ليه كشاف الموبايل منور
نادين…طيب نكلمهم يرجعوا
عسال…..بنبرة ذوق تجنن لا خليهم شكلهم مبسوطين مش هيحصل حاجه لو استنتهم المهم بقي تعالي هنا قوليلي منمتيش ليه
ضحكت نادين ضحكه بريئه وفضلت واقفه مكانها
عسال….بابتسامه خدي هنا تعالي
قربت منه نادين و راحت وقفت قدامه
نادين….نعم
عسال….ايه عامله عامله ولا ايه حكايتك
نادين….بابتسامه لا معملتش حاجه بس مش عارفه انام لوحدي ليله لسه مرجعتش
عسال….مش نوني معاكي في الاوضه
نادين….نوني حطت راسها في دقيقه نامت و مش بترد عليا أصلاً ولما فضلت اكلمها طردتني من الموضه
عسال….بضحكه جميله وحشه نوني
نادين….بابتسامه اه و حشه اوي
عسال…مسك أيدها باسها وبعدين بصلها هو انتي خايفه تنامي ؟
نادين ….لا مش بخاف انا كده كده متعوده بس بصراحه لما ايه رجعت و قالت موضوع العفاريت ده خوفتني و كمان المكان انا مش متعوده عليه عشان كده مش هعرف انام غير في حضن ليله
عسال….بابتسامه جميله طيب ايه ايه رايك تيجي تنامي هنا علي الكنبه شويه لحد ما ليله ترجع و بعدين تطلعي فوق
نادين……اااا لا لا خلاص خليني
عسال…..ايه مكسوفه تنامي قدامي
نادين….بابتسامه لا بس
عسال….نزل من علي الكرسي و هي السيجاره في بوئه مسكها من أيدها وراح بعدها علي الكنبه و عدلها المخده يلا يا حبيبي نامي
نادين…..بأبتسامه إحراج و سعاده ماشي
حطت نادين راسها علي المخده راح مسك الدفايه وقرب منها غطاها و مال بجسمه عليها باسها من راسها
عسال….يلا نامي بقي انا هنا جنبك
نادين…..بتنهيده طويله اوك
سألها عسال وراح قعد قدامها تاني علي البار مسك كوبايه الشاي بصتلوا نادين و ابتسمت لف عسال وشه لقاها بصاله و مبتسمه
عسال….بهمس جميل يلا غمضي
هزت نادين راسها وغمضت بسرعه فضل باصص عليها و مبتسم ثواني بسيطه و بدأت تتقلب شمال و يمين و ترجع تاني تحط الغطاء علي عينها وترجع تشيله تحط المتحده فوق راسها و ترجع تنام عليها تديله وشها و ترجع تعديله ضهرها فضل عسال مبتسم و قام بهدوء راح قعد علي التربيزه قدامها وفضل باصص عليها و مبتسم فتحت نادين نادين عينها و اتخضت و قامت بسرعه قعدت
عسال….بضحكه جميله انتي حكايتك
نادين…..بابتسامه ايه ؟
عسال…..طلع عندك فرط حركه بجد
نادين….بضحكه احراج ااااا لا بس بتقلب شويه لحد ما انام
عسال…..امممم بس ليله قالت كمان انك بتتقلبي كتير وانتي نايمه
نادين….لا بتكدب
عسال….لا ما انتي بتبقي نايمه يعني اكيد مش حاسه دي هتبقي مشكله كبيره خدي بالك
نادين….ليه
عسال….بأبتسامه عشان انا بنام في نفس المكان و بنفس الوضع لحد الصبح مش بتقلب خالص
نادين….بإحراج اااا خلاص هبقي انام علي كنبه
عسال….بابتسامه غمزلها مفيش كنب مش هجيب كنب انا مش هجيب غير سرير و انا
نادين…..بصت بعيد و لعبت في شعرها وابتسمت انا عشانك
عسال…..لا خلاص هتعود بقي وامري لله
نادين….ماشي
عسال…..طب ايه عينك بره كانت بتقفل رجعتي قلقتي ليه
نادين….معرفش مع اني متعوده انام لوحدي بس بيبقي في مخدات كتير فوق مش فيه غير اتنين بس واحده ليا وواحده لليله
عسال….وايه مشكلتك الوقت
نادين……عايزه ليله ترجع عشان اعرف انام في حضنها
عسال….بنظره جميله طيب حضني انا مينفعش
بصتلوا نادين بصدمه و اتوترت و احمرت
ابتسم عسال و قام قعد جنبها وفرد دراعه و قربها منه بهدوء برقت نادين و سندت علي كتفه و هي مش بتتكلم
عسال……يلا غمضي عينك وحاولي تنامي
حط كفه علي راسها و مسك الموبايل بايده التانيه فضل يلعب فيه عشان هي متتوترش كانت منشفه جسمها و مش علي بعضها غمضت عينها ريحة البرفيوم بتاعته كانت جميله و مميزه خرجت منها تنهيده كبير و بدأت تتأقلم حرك أيده بهدوء علي شعرها و فضل جنبها دقايق لحد ما حس انها خلاص سلمت نمر و بتروح في النوم
رفع راسها بهدوء وقام فتحت عينها بسرعه
عسال….بحب انا هقعد جنبك هنا علي الكرسي وانتي نامي كويس عشان متتعبيش يلا غمضي
غمضت نادين و هو قعد جنبها و فضل يمشي أيده علي شعرها لحد ما راحت في النوم.
بعد حوالي ساعه إلا ربع دخل عسال من بره بسرعه اول ما لمحت عشري و ليله بيقربوا
عسال…..نادين حبيبي حبيبي
نادين…..نعم
عسال….قومي يلا اعدلي نفسك ليله جايه هي وعشري خلاص قومي اظبطي نفسك عشان عشري ميشوفكيش كده
قامت نادين قعدت علي الكنبه و بعدين وقفت
عسال……يلا يا عمري اطلعي فوق و ليله هيجيلك الوقت
نادين ….هي فين؟
عسال…..طالعين خلاص شوفتهم
نادين…..حاضر تصبح علي خير
عسال….وانتي من اهل الخير
طلعت نادين بهدوء علي فوق و دقيقتين و دخل عشري هو وليله عسال كان باين عليه النوم
عشري…..أهلاً بالاستاذ عسال
عسال….أهلاً بالاستاذ عشري ايه الاخبار يا ليله
ليله….تمام يا عسال ايه ده هما فين؟
عشري…..هما ناموا ؟
عسال…..اه الكل طلع خلاص
عشري….وانت منمتش ليه انت مش قادر تفتح عينك
عسال…..الكل طلع مقدرش يستني و انت مش معاك مفتاح و اكيد مش هينفع اسيب الباب و لا كنت هعرف انام وانتوا بره لوحدكم في الصمت الرهيب ده غير لما اطمن عليكم صراحه خوفت يحصل معاكم اي حاجه و محدش يحس بيكم
عشري…..تصدق بالله انت اجدع راجل في الدنيا انا قولتلك مش بحبه من شويه مجاتش من الغجر اللي فوق حتي فضل الواطي
عسال….بابتسامه لا حرام هما استنوا شويه بس مكانوش قادرين
عشري….شوفتي مش بقولك بحبه كمان بيدافع عنهم
ليله….عسال ده مفيش منه بس الموبايل كان معانا ماصلتش ليه
عسال…..يعني قولت اسيبكم براحتكم
ليله…..بضحك صراحه ليك حق تحبه انت عارف لو صحابي كانوا حدفونا بالطوب من فوق
عسال….صحيح نادين لسه طالعه كانت نايمه هنا مش عارفه تنام من غيرك و نوني طردتها من الاوضه
عشري….بضحك طردتها بجد
ليله….لا نوني فظيعه لما بتكون عايزه تنام ممكن تطرد أهلها و بصراحه يعني نودي فظيعه هي هي كمان معرفش ازاي دي بتنام لوحدها بيبقي يوم اسود لما بكون معاها مش بتنام غير في حضني
عسال….طيب اطلعي بقي عشان حرام هي مش عارفه تنام غير لما تيجي
ليله…..بابتسامه ماشي يا حنين متخافش عليها هطلعاها اهو يلا تصبح علي خير تصبح علي خير يا عشري
عسال….وانتي من أهله يا ليله
عشري…..وانتي من اهل الخير يا حبيبي
عسال….بقولك ايه احنا هنسيب العربيات دي بره كده ولا تيجي ندخلها افضل
عشري….تعالي ندخلها وخلينا نقفل النار اللي لسه والعه دي
عسال….طيب يلا بينا.
طلعت ليله علي فوق و راحت الاول علي اوضه ايمي و البنات فتحت بهدوء لقيتهم نايمين الثلاثه ايه الغطاء بتاعها واقع و سلمي واخده الغطاء من ايمي
راحت بهدوء غطت ايه و قربت من سرير ايمي غطتها بهدوء و قعدت علي حرف السرير باستها من خدها
فتحت ايمي بهدوء واول ما شافتها ابتسمت
ايمي…..رجعتي
ليله….بابتسامة اسف اه رجعت و قولت اشوفك نايمه ولا صاحيه
ايمي…..لا نمت يا اختي وانا هستناكي و انتي مع حبيب القلب
ليله….لا يا شيخه علي اساس انتي مكنتيش مع حبيب القلب
ايمي….لا كنت معاه يلا روحي نامي بقي
ليله…..هروح انا قولت اجي اشوفك و اطمن عليكي و اقولك متزعليش
ايمي….بحب وهي ماسكه أيدها مش زعلانه انتي عارفه اني مقدرش ازعل منك انا اللي زعلتك
ليله…..مزعلتش منك بسبب الموشوع نفسه زعلت انك خبيتي بس مش اكتر يعني لما سلمي قالت أن الموضوع مش سهل تخيلت أن ممكن كان جرالك حاجه واحنا مش معاكي
ايمي….ربنا ستر و متقلقيش انا زي الفل بس كان غصب عني مكنتش قادره اقول و بعدين خوفت اوي يا ليله انتي عارفه اني من زمان لما بتوتر البريود ممكن تقعد بالكامل شهر متنزلش خوفت انها تبطل بعد كده خالص فا متزعليش مني
ليله…. عارفه أن مفيش بينا كده بس يعني علي الاقل كنتي قولتي يا ست ايمي انتي ناسيه أن انا كمان وصلت 35 و مفيش حد في حياتي مش يمكن كانت عجبتني الفكره وعملت زيك
ايمي…..لا يا اختي انتي لسه صغيره وبعدين يا بت انتي خلاص لاقيتي نصيبك
ليله….ايوه بس افرضي يعني معرفتش اجيب اطفال بسهوله مش كنت امنت نفسي
ايمي….بضحك يا بت عيب عليكي ده انتي معاكي وحش كاسر ده مش بعيد يخليكي تحملي من يوم الفرح
ليله…بضحك تصدقي انك واطيه و سافله
ايمي…..بضحك الله مش بقول اللي شيفاه اصلا تبقي عيبه في حقه و عيب علي الطول والعرض ده
ليله….لا متقلقيش معاكي واحد زيه و مش هيخليكي تحتاجي لاي حاجه
ايمي….بضحك وبتقولي عليا انا اللي سافله
ليله….بابتسامه جميله بحبك يا ليله
ايمي….وانا كمان بموت فيكي تعالي في حضني يا بت وحشتيني
ابتسمت ليله وقربت من حضنها وهي نايمه و حطت راسها علي صدرها
ليله…..متزعليش مني لو رد فعلي ضايقك
ايمي….مش زعلانه اصلا مكنتش حامله غير هم زعلك انتي لاني حفظاكي بس خلاص مفيش حاجه انسي
ليله….قامت بسرعه بقولك ايه هنروح بكره البحر و نتصور ونخربها
ايمي….اه ما انا جاهزه متقلقيش هنخربها صحيح انا نسيت اسألك انتي اتحرقتي في علامه في صدرك و معرفتش اسألك عنها
ليله….ااااا اه طافية السيجاره طارت من ايد عشري و حرقتني
ايمي…..وهي طافية السيجاره بتاعت عشري ايه اللي جابها في صدرك يا بت
ليله…بضحك لا بقولك ايه متبقاش دماغك قذره كده والله طارت من أيده واصلا كنا بنتخانق بره
ايمي….ليه ؟
ليله….يعني عشان موقف فضل لما اداني سيجاره وكده هو مش حابب اني اشرب سجاير قدام الشباب قالي اني آخره اشرب معاه أو معاكم انتوا بنات بس يعني و اضايقت أنه حرج فضل و كده
ايمي…..بس عادي يعني هو لو شايف كده خلاص اسمعي الكلام
ليله…ما انا سمعت الكلام بس يعني مضايقه شويه خصوصا اني كان ممكن اخد السيجاره من فضل و محرجهوش بس مش هشربها قالي لا عشان متتكررش تاني
ايمي…..يتحرج ميتحرجش هنا احرار مع بعض في النهايه هنا قريب وأصحاب يعني في بينهم لغه حوار انتي اللي عليكي تريحيه و بعدين حقه لو بيحبك هيغير عليكي بطريقته
ليله….يا سلام يعني لو رشيد طلب منك كده هتوافقي
ايمي….اكيد بس زي ما قولتلك كل واحد ليه دماغ وليه طريقه يمكن اللي رشيد يغير منه غير اللي عشري يغير منه فا عادي ريحيه وقولي حاضر وبلاش نكد
ليله….بابتسامه ماشي يا ست العاقله يلا انا هروح و اسيبك تنامي
ايمي….ماشي يا مجنونه بحبك علي فكره
ليله….وانا بحبك اكتر يلا تصبحي علي خير
ايمي….وانتي من اهل الخير
راحت ليله علي الاوضه دخلت الحمام غيرت و بعدين راحت نامت جنب نادين لقتها فتحت
ليله….بضحك انتي لسه منمتيش يا مصيبه
نادين….مش عارفه انام مستناكي و علي فكره بقي نوني طردتني وانتي مش هنا
ليله…..بضحك عسال قالي بكره هروقها متزعليش يلا تعالي
ابتسمت نادين ونامت في حضنها
طلع عسال و عشري بعد ما آمنوا علي كل حاجه غيروا هدومهم واطلعوا علي السرير
عشري……عسال بقولك ايه؟
عسال….قول
عشري….في حاجه كده عايز اعملها بكره و عايزك معايا
عسال….خير
عشري….يعني عايز الصبح اخد العربيه واطلع كده علي البلد
عسال….اشمعني
عشري…يعني بقول بكره اليوم يبقي مختلف و بصراحه عايز اشوف حد فاتح من بتوع السمك و نوصي علي اكله حلوه ناكلها علي البحر ليله نفسها في السمك
عسال…..طيب تمام شوف عايز نروح أمته
عشري…..يعني علي 11 كده نروح يكون فتحوا نوصي علي كل حاجه و يبقي فضل أو اي حد من الشباب يروح يجيبها و قت الغداء
عسال…..ماشي تمام نروح
عشري….ماشي يا صاحبي يلا انا هظبط المنبه و خلينا ننام شويه
عسال….تمام تصبح علي خير
عشري…..وانت من اهل الخير
وللحديث بقيه…..
