لقاء كـ،ـ،ـارثي
فضل…..شوف انا كمان زي سلامه مش عارف راسي من رجلي بس حاسس بمشاعر مني و منها المشكله ان نعيمه ليها دماغ و شخصيه و شكلها كده بتحب السيطره و انا كمان بحب السيطره يعني هنتعب مع بعض
عشري….بضحك يعني لو شوفتها لابسه مايوه أو حاجه مستفزه هتبقي عادي عشان لسه مش عارف راسك من رجلك
فضل…..بضحك في مثل بيقول قطمه احسن من تحته و أنا راجل بدوي وشرقي و دماغي رخمه فا مظنش اني هقدر اسكت
حسان….بضحك حتي لو مفيش عشم
فضل…..في اللحظه دي يا صاحبي العشم لازم يحضر و بزياده و تضرب راسها في الحيط يمكن انا مش متوقع رد فعلها و يمكن كمان نعيمه من الشخصيات المستفزه اللي بتحرج يعني ممكن تقولي وانت مالك
رشيد…بضحك طب افرض قالتلك وانا مالك هتقولها ايه
فضل…..معرفش بس اللي اعرفه اني ممكن اتحول عليها فا بدعي من ربنا تختار صح عشان منتحطش في النقطه دي
عشري….بضحك انا بقي بدعي ربنا تتحط في النقطه دي عشان تنطق بدل ما انت وهي بتستهبلوا علي بعض
فضل…..انا مش بستهبل علي فكره.
عشري…..لا يا خوي بتستهبل و انا عارفك زين و عارف شخصيتك و نعيمه قفشتك و قالت انك مغرور صحيح ده مش طبعك في العموم بس في اي علاقه فيها بنات انت تقيل و بتحب البنت تبين إعجابها اكتر ما انت تبينه
فضل…..بضحك اعمل ايه طيب دي شخصيتي مقدرش اغيرها
سلامه…..لا أحياناً لازم تغيرها لأن مش كل البنات بتجري علي الراجل الحلو و تقولوا امراً وطاعة في بنات عارفه قيمة نفسها كويس و كرامتها علي راس مناخيرها زي نعيمه كده و عمرها ما هتتقدم خطوه غير لو انت استقدمت ليها عشره
عسال….شوف مين اللي بينصحه طب ما انت بتعمل ايه
سلامه…..لا انا مش بعمل زيه الفكره اني مش قادر افهم دماغها واعرف هي كده مع الكل ولا معايا و كمان شعوري من ناحيتها في البدايه كان مختلف يعني مكنتش لسه فاهم انا عايز ايه بس انا في العموم لو بنت عجبتني انا اللي ببدأ لكن فضل لأ سواء عجباه او لا بياخد وضع الباشا و مبيتحركش خطوه.
حسان……طيب انا اعمل ايه اقول لو حسيت اللبس اوڤر و لا اسكت
عشري…..بضحك شوف يا صاحبي انت وهو انا عارف أن اليوم انهارده مش هيعدي كده بسهوله جنس حواء ده غير متوقع و البنات دول بالذات حالة خاصه يعني احنا هنتعب معاهم اوي و انا شايف بقي أن اللي مضايق يعترض و انا عن نفسي هعترض و بقوه و بالنسبه ليكم انتوا الثلاثه انا شايف أن لو اللي انا متوقعه حصل يبقي في صالحكم لأنها هتبقي فرصه حلوه تختبروا مشاعركم هل هتبقوا عادي لو شوفتهم بمايوه جرئ و كلنا نشوفهم كده عادي و مش هتحسوا بأي غيره و لا مش هتقدروا تتحملوا و هتلاقوا نفسكم بتعترضوا
حسان….بضحك انا عادي ممكن اعترض بس انا شخص بيحترم نفسي افرض اتحرجت زي ما قال فضل
عشري…..والله انا شايف أن حتي دي تقدر تتصرف فيها يعني لو قالتلك بصفتك ايه مثلا بتقولي لا بما انك عارف البنت اللي قدامك و فاهم هي بتبادلك نفس الشعور ولا لا هتقدر ترد علي سؤالها
رشيد….بضحك عشري رمي الكوره في ملعبكم و صراحه معاه حق لو فرضنا يا حسان سلمي قالتلك كده مع اني شايف أن دي مش شخصيه سلمي فا يمكن تكون بتقولك كده عشان تسمعها منك او تشوف رد فعلك هتقولها مثلا عشان انتي تفهميني ولا هتاخد الجمله و تسكت
عشري…..بالظبط زي الحمار سلامه كده ايه قالتله معجبه بفضل عشان تشوف رد فعله بس هو متكلمش و صدقها
سلامه….الله يخربيت سلامه علي اللي جاب سلامه
عشري….بضحك انا بديله مثل بس
سلامه….ياعم ابعد عني بأمثالك دي
عسال…..بصوا يا شباب بمناسبة الامثال فضل قال مثل قطمه احسن من نحته و انا شايف أن اللي يشوف حاجه مش عجباه أو يحس بالغيرة يفهم أن البنت فارقه معاه و يتكلم عادي و عيبان وقتها البنت مضايقه من تدخلك فيها بجد ولا مبسوطه و جايز كمان زي مثلا نعيمه بالذات لأن شخصيتها مختلفه عن ايه وسلمي ممكن تعترض و تهجم بس انت ذكي يا فضل و هتقدر تشوف في عينها هي مبسوطه بغيرتك دي و رفضك للبس ولا هتشوف هجوم بجد اللي هو انت مالك
رشيد….صح عسال معاه حق و بيتهيألي احنا كبار كفايه يعني عشان نفهم البنات و دماغهم
فضل….تمام انا عن نفسي لو شوفت حاجه مش عجباني مش هقدر اسكت بصراحه
عشري….بضحك يبقي كده احنا متفقين
رشيد….بضحك ربنا يقدرنا علي فعل الخير
………….
عند البنات كلهم كانوا واقفين في المطبخ
ايمي….الله يخربيتك طب ليه هببتي كده
ايه….وانا ايش عرفني هو استفزني قال يقولي مش احنا صحاب احكيلي ناقص يقولي احنا اخوات
نعيمه….يا بنت الهبله كان بيفتح معاكي حوار و يمكن حس بمشاعرك و كان مستني منك انك تقولي معجبه بيه
ايه…..لا انا محستش ده منه انتوا ليه مش عايزين تفهموني سلامه وهو بيتكلم كان متحمس أنه يعرف انا معجبه بمين يعني حسسني أنه مستني يسمع اسم من الشباب محستش منه أنه بيلمح علي أنه فاهم مثلا أن هو اللي انا معجبه بيه
ليله……وليه حسيتي الموضوع بالشكل ده
ايه….معرفش يعني بيبان في عين الراجل لو هو واثق انك معجبه بيه و بيلمح لكن سلامه كان مستني اقول اسم حد غيره فا اتعصبت منه وقولت أقوله فضل وأشوف رد فعله
نعيمه….واهو قالك يلا نرجع و خلاكي تشوفي رد فعله اضايق طبعاً واهو من بدري محدش شاف وشه و مش حابب يجي كمان معانا علي البحر ده ميأكدش يا بقره أنه اضايق و كان مستني يسمع اسمه هو
ايه…..يعني ايه ؟ هو ممكن بجد يكون فكر اني معجبه بفضل و أنه مش في دماغي
ليله…..دي بتسأل لسه يا بت والله هو الشبشب الحل في حالتكم دي
ايه….يا ستي اسكتي انتي و شبشبك ده انا بتكلم جد
سلمي…..هي مش محتاجه يا أيه واضحه اوي أن سلامه مركز معاكي جداً و بعدين سواء احنا أو الرجاله عموما لما بيبقي في اعجاب جوانا بتلاقي نفسنا مهتمين بالشخص نحب نقعد و نتكلم معاه نهزر نضحك نتجنن نرغي كتير من غير ما نحس بالوقت و سلامه بيعمل معاكي كده يمكن سلامه اكتر واحد فيهم كلهم بيحب الضحك والهزار و مرح و بيتعامل مع الكل بطريقه لطيفه جداً بس ده ميمنعش أنه مركز معاكي انتي اكتر
نادين…..هو انا ممكن اقول حاجه
ايه…..قولي
نادين…..علي فكره انتي فاهمه سلامه غلط انتي فاكره أن سلامه بيضحك ويهزر مع الكل و دي شخصيته هي يمكن فعلاً دي شخصيته بس سلامه مش بيتعامل معاكي علي انك عيله صغيره زي ما انتي شايفه بالعكس أنا شيفاه بيتعامل معاكي عادي جداً و كمان حاسه أنه براحته اوي معاكي و دي حاجه حلوه و مميزه يعني حلو أن الشخص يحس أنه براحته و من غير قيود قدام الشخص اللي معجب بيه
ايمي…..نودي معاها حق هو حر معاكي و بعدين انتي وهو تركيبة دماغكم واحده عشان كده بيتعامل بطبيعته اوي لانك هتقدري تجاري الموقف والكلام والهزار
يمكن انا شوفت عكس نادين أنه مش شايفك عيله صغيره و يمكن انتي صح يا ايه بس جايز يكون مكانش متأكد من مشاعره تجاهك في الاول لكن الوقت الموضوع مختلف و سلامه بدأ يشوفك بنظره تانيه و ده مش من موقف امبارح بس يعني موقف لما اتكلم مع نادين بخصوص عسال لما كان في المايه كنت اول مره اشوف سلامه مضايق بجد و انتي هنا اللي خلتيه من غير ما تحسي يشوفك بنظره تانيه لانه شاف فيكي الجانب الجد
كمان لو هنتكلم عن موقف امبارح سلامه كان فاضل شويه و يتحول تنين و يطلع من كل حته فيه نار لما شافك بوستي رشيد اه كان بيضحك و مبتسم بس الضحكه الحقيقيه بتبان و ضحكة التوتر والغيره كمان بتبان و سلامه امبارح مكانش علي بعضه بس انتي بغابئك بوظتي الدنيا و اتصرفتي غلط و يمكن كمان تكوني خلتيه صدق أنك معجبه بفضل ماهو انا تختاري انك تبوسي رشيد علي انك تقولي معجبه بمين ده يخلي دماغه تلف و يصدقك
ايه…..يعني ايه يعني هو كده فاكر اني معجبه بجد بفضل
نعيمه….دي لسه بتسأل ادعي بس أنه ميروحش يقول لفضل و الشباب يا غبيه
ايه….نهار اسود لا هو قالي بينا مش هقول
نعيمه….لا يا شيخه ما احنا كمان بنقول الموضوع بينا و مش هنقول وبنيجي نحكي لبعض عادي يا بنتي لكل عزيز عزيز
و الصحاب مفيش بينهم اسرار
بصتلوا ليله و ابتسمت وهي بترفع حاجبها
ايمي …..بابتسامه متبصليش كده بدل ما ارفع الشبشب
ليله….بضحك انا نطقت
ايمي ….مش لازم يا اختي تنطي انا مش عايزه افتح الموضوع تاني بس موضوعي مختلف اللي أقصده أن مفيش واحده فينا هتعرف حاجه من الراجل اللي معاها تخص صاحبها و مش هتقول
ليله…..بالظبط و انا قولت لنعيمه ان من كلامي مع عشري قدرت افهم أن فضل معجب بيها و قدرت افهم كمان أنهم عارفين أن نعيمه معجبه بفضل يعني كمان في احتمال لو فضل متكلم معاهم بصراحه زي ما نعيمه اتكلمت عن فضل معانا بصراحه أن سلامه يفهم
نادين….ماهو سلامه هيفهم أن فضل مش معجب بأيه عادي لكن ممكن يصدق أن ايه معجبه بيه بجد و دي هي المشكله
ليله….والله لو ذكي هيعرف أنها ضربت اي اسم وخلاص لأن المفروض عارف أننا بنتكلم مع بعض زيهم بالظبط و اكيد الكل عرف أن نعيمه معجبه بفضل واولهم ايه يبقي ازاي هي كمان تعجب بيه
ايه….بقولكم ايه انا مبقتش فاهمه حاجه كده ايه يعني ملهاش حل وباظت مني
ايمي…..انتي صحيح بوظتي الدنيا بس مفيش حاجه ملهاش حل انا لو مكانك كنت قولتها صريحه معجبه بيك انت وخلصنا
ايه …مقدرتش يا ايمي انا مش زيك جريئه يمكن انا أقدر أبين واهتم لكن مقولهاش صريحه كده و بعدين هو اللي مخليني مش قادره اتكلم لان عندي مشكله في فهمه هو شخصياً
ايمي….ماشي بس علي الاقل مكنتيش قولتي انك معجبه بحد و كنتي قولتيله مفيش
ايه….ماهو مسكتش وفضل يسأل
ايمي….حتي لو !! بما انك مكنتيش قادره تقولي اسمه كنتي صممتي أنه مفيش و بنظراتك بقي تبيني الاهتمام و شغل البنات ده اللي يخليه يقول انك مكسوفه تقولي بحبك انت يا حمار
ليله….بضحك ايمي اتهورت و شتمت فيكم انتوا الاتنين
ايمي…..عصبتني بت اسمعيني سلامه اكيد هيقولك لفضل وليهم كلهم لأن متنسيش أنهم طلعوا يقنعوا يجي و يشوفوا ماله و اتأخرروا اوي فوق يعني واضح أن بقي في حوار فا اكيد الكل لو ملاحظ انك مش مهمته بفضل بما فيهم فضل نفسه هيعرفوا انك قولتي كده وخلاص شطارتك بقي تتعاملي مع فضل بنفس طريقتك عادي و متغيريش حاجه و تبدأي تهتمي شويه بسي سلامه
ايه….طيب ماهو لو انا اتعاملت عادي مع فضل ممكن يفكر أن في حاجه فعلاً انا بقول يعني اخف كلام اصلا مع فضل واخد جنب
ايمي…..صداااااع دماغي يا اما
نعيمه….لا سبيهالي انا بقي قفشتها من قفاها
ايه….بضحك ااااه استني بس
نعيمه…..يا بت انتي برج ايه انتي بغله يابت انتي لو خدتي جنب من فضل هيأكد العكس انك مكسوفه منه انك مش عارفه تكوني صريحه معاه انك مش قادره تلاقي فرصه انك عامله شخصيه يعني لكن لما تتكلمي و تهزري و تبقي طبيعيه هيفهم يابت البنت مش بتبقي عاديه اكتر غير مع صاحبها و ديماً بتبقي مختلفه مع الشخص اللي معجبه بيه و انتي يا جاموسه لو بعدني عن فضل بالاخص دوناً عن الشباب كلهم سلامه هيفهم انك بتميزيه مش تبعدي عنه
ايه….بضحك طب خلاص فهمت اهدي يا وحش علي رأي فضل
نعيمه…..يومك اسود معايا و مش هنعمر مع بعض علي فكره
ليله….وهي بتاكل شيبسي احسن أديها يا نوني عشان هي مستفزه بجد
ايه….خلاص والله فهمت انا بقي هصلح الدنيا بس يارب يرضي يجي
ايمي….والله لو مجاش تقدري تقنعيه يجي زي ما اقنعتيه يجي ياكل كده علي الاقل تحسسيه أنه فارق معاكي و عيزاه يجي
ايه….اشطا يا خبره ثقي فيا
ايمي…..بابتسامه غيظ بلا نيله
ليله….بقولكم ايه سيبكم من حوار سلامه و ايه مش ناقصه جنان خلينا نتكلم جد قبل ما ينزلوا ويطبوا علينا
سلمي…..في ايه قولي
ليله…..احنا هنلبس ايه في البحر عشري مصمم اني ملبسش مايو
نعيمه…..لا يا شيخه و هتنزلي المايه بأيه
ليله…..معرفش هو مش عايز حاجه مسخره من الاخر
نادين….بابتسامه علي فكره انا اتكلمت مع ميدو في نفس الموضوع امبارح
سلمي….بابتسامه ايوه بقي اتجرأنا
نادين….بصي هو مقلهاش صريحه كنا بنتكلم عادي علي الحجات اللي ممكن تكون سبب في خلاف زي اللبس و الحجات اللي زي كده و جبت سيرة البحر بما اني عارفه أننا هنروح انهارده فا سألته تضايق قالي اه بس انا مقدرش اتحكم فيكي بس بما معناه يعني اني لو فهمت دماغه هقدر اختار اللي يرضيه ويرضيني في نفس الوقت
ليله…..لا انا بقي عشري هيتحكم ياريتخ كان زي عسال كان الموضوع بقي بسيط
ايمي…..بضحك ايه وقعتي و استسلمتي يا ست المرأه الحديديه
ليله….بقولك ايه مش ناقصه تريقه
ايمي…..مش تريقه والله انا مبسوطه عشانك و فرحانه فيكي بصراحه أخيراً جالك اللي يمشي كلامه عليكي
نعيمه……و ليه اصلا يمشي كلامه عليها هو لسه في بينهم حاجه
سلمي….اهدي يا سوسه لو بيحبها هيخاف عليها بجد وهي لازم تحترم كلامه
ايمي….سبيك منها دي بوء تتفرجي بس علي نعيمه دي تدخل في علاقه بجد و هتلاقي كلامه أوامر وتبقي توريني بقي هتقول لا ازاي
نعيمه….بضحك والله دي طريقة لبسي لو ناوي يغير فيا يروح يدور علي غيري
ايمي…..ماهي الدنيا مش بتتاخد قفش كده يا نعيمه لو حبيتي بجد الشخص اللي قدامك من غير ما تحسي هتسمعي كلامه وده مش ضعف لشخصيتك قد ماهو احترام وحب ليه غير انك هتكبري في عينه لما يبقي هو واثق من شخصيتك القويه و في نفس الوقت بتريحيه و طبعاً بحدود شخصيتك متتلغيش خالص
نعيمه…..ياختي تحصل العلاقه اللي بجد الاول وبعدين نشوف
ايمي…هنشوف متقلقيش و هتسمعي الكلام كمان
ليله….نبطل رغي بقي و قوليولي اعمل ايه انا كل المايوهات اللي معايا قطعتين و في اتنين قطعه و بردوا مسخره
نادين….بضحك مش قادره اصدق ليله بجد نوني معاها حق دي مش ليله اللي نعرفها
ليله….بت انتي وهي ابعدوا عني انا اصلا مضايقه من نفسي جوايا ليله اللي اعرفها بتقولي البسي اللي يعجبك و جننيه و لا يهمك و جوايا ليله تانيه معرفش عنها حاجه و لا حتي تشبهني خايفه من رد فعله وبتقولي بلاش
ايمي….بضحك يبقي تصدقي ليله اللي جواكي و متعرفيهاش عشان هي دي اللي حبت بجد
ليله….بابتسامه بصوا انا مش هكدب عليكم انا حقيقي مستغربه نفسي انا مش كده يا بنات انا مبحبش حد يمشي كلامه عليا بقولكم امي لما كانت تقولي اغسلي شويه اطباق وانا قبلها في نيتي اقوم بعد كلمتها دي بعد و مش برصيد اقوم في نفس الوقت دي تركيبتي و دي دماغي و عشري انا فهمت دماغه حاسه اني مش قادره مسمعش كلامه و في نفس الوقت مش راضيه من جوايا عن موافقتي بكل حاجه بيقولوا بلاش سجاير قدام اي حد بلاش لبس اوڤر بلاش مايوه بلاش بلاش حاسه صعب اوي و طباعه صعبه مش مجرد راجل أو عايز يثبت رجولته لا هو راجل شرقي بجد
سلمي…متنسيش كمان أنه نصه صعيدي و نصه عرباوي يعني هتتعلقي يا ليله دي ناس عندها العادات والتقاليد خط أحمر اوعي يغرك انتي و هي أن فضل و عشري عرباويه من ايچيبت دول طباعهم بتبقي صعبه
ايمي….بضحك حلوه عرباويه من ايچيبت دي صراحه تنطبق عليهم بس هي معاها حق صحيح هما منفتحين و صايعين و بتوع بنات بس ده ميمنعش أن البنت اللي تخصهم خط احمر
ليله…..عارفه وده اللي مضايقني عشري عكس شخصيتي تماماً و بعدين مش مثلاً هقدر اضحك عليه بكلمه بضحكه بدلع لا هو كده و هيفضل كده
نادين…..بس يمكن لو قولتيلوا انك مش عامله حسابك و بعد.كده هتحاولي انك تجيبي مايوه مختلف يوافق
ليله…..بابتسامه سخريه لا انتي كده شكلك مش فاهمه نودي ده مش عسال عسال طيب و ممكن عشان ميزعلكيش يجي علي نفسه شويه و يقول خلاص ده يوم ولا اتنين وبعد كده نتفق عشري بقولها وبكل صراحه لسانه طويل و قليل الادب و وشه مكشوف و عنده استعداد يقولي قدام الكل و يصمم علي رأيه و وقتها هتظهر من جوايا ليله اللي اعرفها و هتقف في وشه و هتبقي مشكله لأن انا وهو راسنا ناشفه
و عشان كده بحاول معملش اي مشكله و في نفس الوقت خايفه اني لو عديت الدنيا يستلمني و يبدأ يمشي كلامه عليا لانه عارف اني موافق و اعدي و عشان كده مش عارفه اعمل ايه
ايه….بضحك انا كمان مش مصدقه أن انتي ليله بقولك ايه فاجئيه والبسي علي طول
ليله….احييييه عليا افاجئه و قوتها هو هيفاجئنا كلنا برد فعله وصراحه مضمنهوش
ايمي….بضحك لا لا اوعي تعملي كده من تحليلي لشخصيه عشري هو زي ما ليله قالت وشه مكشوف ومش هيتكسف أنه يخرجها قدام الكل و وقتها هتبقي مشكله
ليله…..اديكوا شفتوا لما فضل اداني سيجاره خدها من أيده قدام الكل وحطها في بوئه و قاله ليله مش بتشرب كنت عايزه ارد عليه بس معرفش ايه اللي سكتني انتوا عارفين اني مش بخاف من اي حد بس مش هكدب انا خوفت انطق
سلمي….بابتسامه حبيته ياللي وقعتي خلاص
ليله….بضحكه بسيطه بطلوا رخامه بقي وقولي اعمل ايه
ايمي….طيب هو في اي واحده فيكم عندها مشكله كمان ولا ليله بس
نادين….بصراحه انا كمان عندي نفس المشكله بس مشكلتي مش في ميدو لاني بصراحه مش خايفه من رد فعله انا عارفه أنه مش هيبقي نفس رد فعل عشري بس انا مشكلتي ان مايوهاتي زي ليله كلها قطعتين واللي قطعه واحده كمان مش اوي يعني عمري ما فكرت اني اشتري مايوه مقفل كده وبصراحه انا مش حابه اضايقه أو اخليه يسكت و يعدي عشان ميزعلنيش
سلمي….بس انتي عندك حجات تنفع يا نودي
نعيمه…..ده انا و نودي جايبين مايوهات طرش من اخر اوردر
ايه….بضحك انا كمان خدت منهم
ايمي….كلنا خدنا منهم بس هو في حجات والله تنفع علي الاقل احسن من القطعتين يعني
ليله….قطعتين ايه و قطعه واحده ايه عشري اصلا مكانش عايزني انزل مائه عشان لبسي ميلزقش علي جسمي انتوا متخيلين
ايمي….طيب انا هقول فكره و بيتهيألي دي هتجيب معاهم لأن تقريباً عندي نفس المشكله صحيح انا متكلمتش مع رشيد بس يعني بيتهيألي زيه زي اي راجل ممكن يعلق علي موضوع اللبس و المايوه و كده يعني
ليله….قولي
ايمي….لو جيت قولتلكم اختاروا حاجه واحده من اتنين أياً كانت ايه هي الحاجه دي و الاتنين مش عاجبينكم اصلا و مضطرين تختاروا هتعملوا ايه؟
نادين….يعني انا عن نفسي لو مضطره هختار الافضل شويه
ايمي….براڤو عليكي اهي قالتها نادين تختار الافضل و بما اننا عارفين دماغ الراجل الشرقي كويس فا ربنا يصبرهم بقي علي دماغ الست لما بتشتغل احنا نلبس الكاش و تحت الكاش مايوه قطعتين
و بيتهيألي عشري اول واحد مش هيخرج من الڤيلا غير وهو عايز يعرف تحت الكاش في ايه و الاكيد أنه لما يشوفوا هيرفض فا وقتها مش هيبقي قدامه حل غير أنه يختار الافضل عشان المركب تمشي
ليله…..بضحك انا بيتهيألي بعد كلامه ليا امبارح لو جربت البس مايوه قطعتين هيقتلني اصلاً
ايمي….ماهو عشان يضطر يوافق علي القطعه الواحده لازم يتصدم من القطعتين
نادين….بابتسامه صراحه عجبتني الفكره
بس ميدو ميتهيأليش يقولي أنه عايز يشوف المايوه قبل ما نروح علي البحر بيتهيألي شخصيته مش شديده للدرجه بس كمان قلقانه يتفاجئ علي البحر و يضايق
ايمي…..و عسال مش هيعمل كده انا قولت عشري لاني واثقه من رد فعله و رشيد كمان زي عشري ممكن يطلب مني بعشم يشوف المايوه بس بالنسبه لعسال لا عشان كده ادام اتفتح الكلام بينكم امبارح انتي ناديه و خليه يشوف
نادين….بصدمه ضحكت انتي عبيطه أقوله تعالي شوفي المايوه عجبك ولا لا مش هقدر طبعاً
ايمي…..هو انا بقولك استفردي بيه انتي خدي رأيه يعني بما انكم أتكلموا فا انتي المفروض يبقي عندك شك في المايوه و بتسأليه عادي ده يضايقك ولا لا
ايه…..طيب ده بالنسبه ليكي انتي و نادين وليله طيب احنا ايه نلبس عادي انا مش عارفه بصراحه
نعيمه….انا هلبس عادي طبعاً انا اصلا مفيش بيني وبينه اي حاجه
ايمي…..طيب يا نوني قوليلي لو فرضنا يعني لبستي مايوه و استفز فضل هو صحيح مش بيوضح ده و دي شخصيته بس يعني لو لبستي مايوه استفزه وخلاه نطق و جه قالك أن المايوه مش حلو او مش ظريف هتعملي ايه
نعيمه….بشرود ابتسمت لا لا اكيد مش هيعمل كده
ليله …ولو عمل
نعيمه….أااااه مش موافق طبعاً أصلاً بصفته ايه يعني جاي يقولهالي نصيحه مثلا و لا بيقولي كده علي اي اساس
ايمي….افرضي خلف توقعاتك في شخصيته و جاء ادهالك كده صريحه أو بأن من رد فعله انه غيران هتعنلي ايه
نعيمه…..بصدمه معرفش بس يعني لو قالها عادي و سابها عامه علي انها نصيحه مش هوافق بس لو قالها صريحه بيتهيألي هقلب علي نادين و هتوتر كملت بضحك معرفش هقوله ايه بصراحه
ايمي….بضحك طيب وانتي يا سلمي
سلمي…..مش عارفه بردوا بس بيتهيألي حسان ليه طريقه وأسلوب هادي كده ممكن يحرج اي حد و ممكن اوافق هو انا معرفش يقدر ياخد الخطوه دي ولا لا بس لو قالي هوافق
ليله….وانتي يا مصيبه
ايه….مش موافق عشان مش طيقاه اصلا و بعدين انا هلبس بقي بكيني قطعتين عشان استفزه اكتر
ايمي….بضحك طيب و لو قرر أنه ينطق و قالهالك صريحه خصوصا يعني أنه الوقت مش علي طبيعته و غيران فا ممكن يجي قدامك وبقولها بقي واللي يحصل يحصل هتعملي ايه
ايه…بعد ما قولتله اني معجبه بفضل بيتهيألي هو لا طايقني ولا طابق فضل الوقت
ليله….علي فكره ايه الوحيده اللي لو لبست حاجه مش هيبقي شكلها أوڤر لأن جسمها يسمحلها
ايه….قصدك ايه يا ست ليله اني فلات
ليله….بضحك يابت لا و انتي شيفانا يعني اوزان تقيله اقصد يعني جسمك صغنون إنما واحده زي نعيمه طول بعرض انا وامي مسخره نودي بشرتها فاتحه و جسمها كمان هيبقي مسخره في المايوه و حتي سلمي يعني بيتهيألي كلنا عندنا مشكله
ايمي…..بقولك ايه الراجل لو بيغير بجد مش هيفرق معاه الست جسمها صغير ولا كيرڤي هو هيبقي مضايق من فكرة أن جسمها يبان و اختصاراً للكلام ده بقي كله انا شايفه أن فكرتي هي الحل نلبس المايوه و فوقيه الكاش و نشوف
ليله….طيب افرضي عشري مقالش أنه عايز يشوف المايوه مع اني اشك زيكم بالظبط هو دماغه فظيعه بس افرضوا يعني انا بصراحه لو روحت علي البحر مش هقدر اقلع الكاش قدامه و يتفاجئ والله يغرقني فيها دي
ايمي…..بضحك لا هيقولك و لو لسوء الحظ مقالش لحد.قبل ما نخرج يبقي زي الشاطره كده هتعملي زي نودي
ليله…..بغيظ طيب انا نشوف اخرتها جه اليوم اللي اعمل فيه حساب حد
ضحكوا كلهم عليها
سلمي….بقولكم ايه الساعه اتنين وربع خلينا ننادي عليهم عشان نفطر و نروح بقي البحر
ايمي…..اه يلا حد فيكم كده يطلع ينادي عليهم الفطار خلص واحنا واقفين نرغي بقولك ايه يا بت يا يويو اطلعي انتي و اهو بالمره تجسي نبض سلامه من بعيد و تشوفي هو قالب عليكي ولا ايه
ليله…..وحاولي كده تسمعي كلامهم شوفيهم بيتكلموا علينا ولا كل واحد في اوضته
ايه….علي اخر الزمن هيبقي مرشده
ليله….غوري يا بت يلا و اعملي اللي بقولك عليه
ايه….بضحك طيب متزقيش.
………….
طلعت ايه علي فوق كانت سامعه صوت ضحك عالي و اللي بيتكلم فيهم مكانش كلامه مفهوم من الضحك
ايه….بهمس ما تعلوا صوتكم شويه
قربت أيدها من الباب و خبطت
قام عسال فتح
عسال….بابتسامه اهلا
عشري…..ايه يا يويو
ايه….يلا الفطار خلص خلونا نروح البحر بلاش رغي
عشري…..بضحك طيب براحه شويه جايين اهو
سلامه…..بابتسامه سخريه اصل البحر هيخلص
كل الشاب ضحكوا
ايه….انت بتتريق عليا
سلامه….بضحك انا مجتش جنبك
ايه…..متقدرش اصلا تيجي جنبي و علي فكره ابقي غيرها عشان مضحكتنيش
فضل….بضحك لا حرام عليكي حلوه وضحكتني
ايه….ما طبعاً لازم تطبل ليه ما هو صاحبك يلا خلصوا الفطار خلص
رشيد….بقولكم ايه اللي فيكم يزعل يويو هيضرب انا بقولكم اهو
ايه….بضحكه جميله جربوا بقي تيجوا جنبي
حسان….يلا بينا
نزلوا كلهم علي تحت و هما بيضحكوا و سلامه رجع طبيعي و مكانش باين عليه الزعل بعد كلام صحابه
راحوا كلهم علي السفره الصغيره يفطروا في السريع كده اللي قاعد واللي واقف و بعد ما خلصوا طلعوا علي فوق عشان يغيروا هدومهم و يلبسوا هدوم البحر
و طبعاً الشباب خلصوا بسرعه و نزلوا علي تحت يستنوهم
حسان….هو احنا هنقعد علي ايه هناك الشاطئ فاضي اكيد مش هنقعد علي الرمل
عشري…..لا طبعاً هناخد من هنا
حسان…..اللي هو ازاي يعني هنشيل علي كتفها و ننقل كراسي و ترابيزات
عشري…..اكيد لا هناخد العربيه بتاعتي
حسان…..هتنزل بيها ازاي علي الشاطئ
عشري….عادي ايه المشكله
حسان….هتغرز منك الرمل شارب مايه لما عدمان كمان بيتيهألي النازله دي مزحلقه
عشري….لا لا تغير ايه دي صحراوي يعني هندوس متقلقش
فضل…..طيب احنا هناخد ايه عشان أجهزهم و نحطهم في العربيه
عشري….بص الاول اتنين منكم ينزلوا معايا و ننزل الحاجه هناك و بعدين ارجع اخد البنات عشان النازله رخمه شويه عليهم امبارح ليله مكانتش عارفه تنزل
رشيد….تمام وانا والباقي نبقي نتمشي و نيجي وراكم
فضل….طيب ناخد ايه بردوا
عشري…..بيتهيألي ثلاث ترابيزات اللي بره كلهم عشان لما اجيب الاكل نعرف نحطه و كمان شوف الكراسي علي عدد الكل ولا لا
حسان….مفيش هنا كراسي علي عدد الكل هنا في اربع كراسي وبره في اربعه بردوا الباقي خشب
رشيد….يا سيدي ناخد الموجود اكيد مش الكل هيقعد يعني
عشري….ممكن تاخدوا الكام شازلونج اللي بره دول لو حابين اهو اي حد يقعد عليهم
عسال…..فضل حطيت المايه و باقي الحاجه في الايس بوكس
فضل…..انا حطيت المايه بس هاتوا بقي اللي عايزين تحطوا و حد فيكم يروح يظبط الدنيا
حسان…..النار دي محدش ينساها
عشري….دي القهوه هفضيها الوقت واقفل النار
سلامه….متنساش الكوبايات عشان منفضلش طالعين نازلين
عشري….لا هاخدهم الوقت
رشيد…بقول ايه انا عايز شاي مفيش ترمس تاني
عشري….مافي اتنين جوه تاني احنا معانا ثلاثه و انا هفضل القهوه في واحد
رشيد….طيب كويس انا هعمل شاي بقي
حسان….متحطش فيه سكر خلي السكر بره
رشيد….انا شغلي مايه كده كده الشاي باكت و هجيب السكر بره
فضل…..عشري عشري
عشري….ايه
فضل…..تعالي كده انت وهو ناولوني الحاجه
عشري……يلا امسك مني
فضل……مش هتاخدوا شمسيه من دول
عشري….اجيبلك الشمس انهارده طالعه
عسال….مش هتيجي الحاجه دي علي مره علي فكره
عشري…..أنزلكم و ارجع تاني مفيش مشكله
عسال… اطلع معاك يا فضل
فضل….اه ياريت اطلع
طلع فضل و عسال يظبطوا الحاجه فوق سقف العربيه و يربطوها بحبل
و قف عشري علي جنب يبعت رساله لليله.
البنات فوق كانوا تقريباً لبسوا
ضحكت ليله بص ت عالي
ليله…..انا قولت مش هتعدي كده
ايمي…..في ايه ؟
ليله….اتفضلي يا بعتلي رساله بيقولي قبل ما تنزلي من الاوضه يا تصوريلي اللي انتي لبساه يا اطلع اشوفك
سلمي….لا اوعي تصوري
ليله….اكيد مش هعمل كده بس قولولي الوقت اعمل ايه
ايمي….بضحك انا بقول يطلع ياخد الصدمه احسن .
………
عشري ابتسم و فضل واقف ساكت
رشيد….خير
عشري…..بضحك مفيش قولت الحق المصيبه قبل ما تحصل قولتلها متنزلش من فوق غير لما اشوفها
رشيد….بضحك فكره بردوا اصل الصدمه وحشه
عشري…والله من رأيي تخلصوا روحكم انتوا كمان دول مش مضمونين
عسال….لا انا مش هعمل كده انا عندي فضول اعرف هي هتتصرف ازاي
رشيد….بضحك بلاش فضولك ده يا ميدو اسمه مني الستات في الأمور دي بالذات مش بتشوف زينا هترزعك صدمه في وشك متعرفش تفوق بعدها
عسال….بضحك اهو خلينا نجرب
رشيد….انا هاخد الطريق الصح وهعمل زي عشري الحقها قبل ما تنزل هنا بالمايوه
عسال…..يعني انت متخيل أنت كمان أنهم هينزلوا بالمايوهات اكيد لابسين كاش
رشيد….بضحك معلش الأمر ميسلمش.
دخل فضل و سلامه و حسان
حسان….ايه كل ده هما فين
عشري….قفلتوا خلاص كل حاجه
فضل….اه خلاص و حطينا كل حاجه تعالي بس تاني خد البنات
عشري….طب ايه تيجوا يلا أنزلكم ولا مستنين الصدمه
حسان….بابتسامه صراحه انا مستني الصدمه مش عايز اروح هناك اتفاجئ هيبقي الموضوع أمر واقع
عشري….طيب خلينا تستني بقي
طلعوا سجاير و كانوا واقفين مش علب بعضهم وكل شويه يبصوا لبعض و يضحكوا باين عليهم التوتر و رشيد بالاخص اللي مش قادر يمسك نفسه من الضحك و عارف كويس أن ايمي هتفاجئه باعتبار أنها اجرأ شخصيه فيهم.
………
دقايق بسيطه و سمعوا صوت الباب بيتقفل بصوا علي الدرج ثواني و لمحوا البنات بينزلوا قدامهم الخمسه معادا ليله
كانوا لابسين كاش مايوه واصل لاول رجلهم من فوق اللي شبه البلوزه بيتلبس من الرقبه واللي مفتوح و بيتربط علي الرقبه و ماسكينه بأيديهم عشان ميبينش المايوه الكاشات كانت شيفون بس مش خفيف اوي فا كان باين أنهم لابسين بكيني قطعتين بس مش ظاهر اوي لأن كل واحده فيهم كانت لابسه الكاش لون المايوه صدمت الشباب بانت علي ملامحهم اللي اتوتر و اللي كان علي وشه غضب بسيط ورشيد اللي كان بيضحك و بيعرق أما عشري فا بمجرد ما شافهم طلع جري علي فوق يشوف ليله.
ايمي…..ايه خلصتوا
رشيد…بضحك اه خلصنا اوي تعالي بس بره كده عايزك شويه
ايمي…..تمام.
خرج رشيد و ايمي وراحوا شمال الڤيلا و خرجت نعيمه وراهم علي بره من غير ما تبص لفضل راحت وقفت جنب العربيه و هي ماسكه الموبايل بتتصور وراح فضل بسرعه وراها.
نادين….بهدوء ميدو ممكن نخرج بره ثواني
عسال….بابتسامه هاديه وجميله عكس اللي جواه اكيد يا روحي تعالي
راحت ايه علي المطبخ تشرب و راح سلامه هو كمان وراها.
أما سلمي فا وقفت لوحدها في وسط المكان و هي مش عارفه تقول اي حاجه الكل هرب وسألها مع حسان لوحدهم.
طلع عشري علي فوق خبط علي الباب
ليله…..مين ؟
عشري….بصوت خشن افتحي
حطت ليله أيدها علي قلبها واختفت ابتسامتها وراحت فتحت
ليله….ايه اتأخرت
عشري…..افتحي الكاش كده
ليله….بابتسامه كاش ايه اللي افتحه
عشري….ايه بتكلم هندي واضحه يعني
ليله….ليه ؟
عشري….معلش افتحي عايز اشوف اللي انتي لبساه
ليله…..بابتسامه لا احنا هنروح البحر ابقي شوف هناك
عشري…..ايه اتفاجئ يعني ولا مكسوفه اصل لو مكسوفه تبقي مصيبه
ليله…..ليه بقي غريبه اني اكون مكسوفه
عشري….اه غريبه ما لما تكوني مكسوفه توريني يبقي انتي نفسك شايفه أن في حاجه غلط
ليله….لا بس يعني
عشري….قاطعها بنبرة خشنه افتحي
ليله….اااا طيب علي فكره انا كنت ناويه يعني اني انزل البحر بالكاش و بعدين احدفه لحد من البنات يخرجوا بره
عشري…..اه والبحر ليستر صح افتحي ليله عشان و الله بدأت اتعصب
ليله…..طيب هفتح و متتعصبش
عشري….افتحي
فكرت ليله رباط الكاش من علي رقبتها و ظهر المايوه و قفلت الكاش بسرعه
و فجأه سمعت صوت غريب من عشري
بصت ليله بصدمه وهي مبتسمه
ليله….انت ايه اللي عملته دي
عشري….بصي يا ليله عشان هي وصلت عندي لهنا خلاص انا هستني خمس دقائق تكوني غيرتي بسرعه و لبستي حاجه غير القرف اللي انتي لبساه ده
ليله….قرف
عشري….اااااااه قرف خمس دقايق لو ملبستيش غيره و اكون راضي عنه و اللي بعز ويذل ما هنخرج من هنا خالص
ليله…..طيب هو انت ليه متعصب ما ممكن تقولي غيري وخلاص و من غير الاصوات السافله اللي بتعملها دي
عشري…..ليه متعصب عشان كنا لسه بنتكلم امبارح وانا معارض علي المايوه العادي عشان ميلزقش في جسمك تقومي انتي لبسالي بكيني ايه هبت منك انتي صح
ليله…..لا بس قولتلك اني هقلع الكاش في المايه
عشري…..بصي يا بنت الناس انا لساني زفر اه والله و اوقات لما بتعصب مبعرفش امسكه و ببقي قليل الادب وانا مش عايز علاقتي بيكي تروح المنطقه دي و تشوفي الشخص الزباله التاني فا بلاش تعصبيني يا ليله
ليله…..ماشي يا عشري بس انت اللي اتعصبت انا مجتش جنبك علي فكره و خد بالك بجد من البدايه كده تصرفاتك مش مقبوله و هقولهالك تاني انتي حد متحكم وانا مش بحب كده
عشري…..هتحبيييييي برضاكي غصب عنك هتحبي عشان انا كده ومش هتغير
انتي مقتنعه اصلا باللي انتي لبساه ده حتي لو مفيش حد في حياتك ايه الجميل في انك تنزلي بهدوم داخليه البحر ده مش ماااايوه دي هدوم داخليه يا ليله
ليله…..طيب ممكن توطي صوتك وايه هدوم داخليه دي لا ده مايو
عشري….بغضب عند الغررررب مش عندنا انا بشوف المناظر دي عندنا بقرف
ليله…..قصدك اني مقرفه يعني
عشري……اه يا ليله مقرفه لو جسمك هيبقي باين بالشكل ده قدامه خلق الله تبقي مقرفه و اخر مره هتكلم في الحوار هو وتخلصي عشان بدأت اصدع و بجد هتغابي عليكي
ليله….طيب ما انا ممكن البس حاجه تانيه متعجبكش
عشري…..يبقي تفرجيني وانا اختار قبل ما تنزلي
ليله…..خلاص يا عشري هلبس انا
عشري….بسرعه.
……….
في الاسفل.
ايمي….ممكن اعرف انت بتضحك علي ايه و جايبنا هنا ليه
رشيد….بضحك بعد اذنك عندي فضول اشوف اللي تحت الكاش
ايمي….بضحك وده ليه أن شاء الله
رشيد….يا ستي قولتلك فضول
ايمي …خمس دقايق وتشوف علي البحر
رشيد….بضحكه عاليه تضحك لا ما انا مقولتلكيش انا مش بحب اتفاجئ
ايمي…..ليه تتفاجئ مايوه عادي يعني
رشيد….معلش عايز اشوفه يمكن اللون يعجبني واطلع اغير عشان اعمل ماشي ماشي معاكي
ضحكت ايمي بدلع
ايمي….بس كده عيوني فتحت الكاش و خبط رشيد علي راسه و هو بيضحك
رشيد…..اموت انا في الاسود طب ايه
ايمي….بضحك ايه
رشيد….هتجوز أمته
فصلت ايمي من الضحك و وشها احمر
ايمي….ايه مستعجل
رشيد…نهاااار اسود مستعجل بس
ايمي….انت فيك علي الصبح
رشيد….ربنا يبعد عنك اللي فيا الوقت يا ايمي عشان لو بقي فيكي مش هتبقي بخير
ايمي….بضحك علي فكره انت غريب
رشيد….انا اوي بقولك ايه سيبنا بقي من الضحك والتهريج
ايمي…بضحك انت اللي بتضحك
رشيد….بضحك مش كده احسن بدل ما انكد انتي هتطلعي كده زي الشاطره تغيري اللي انتي لبساه ده
ايمي….اااااا نعم
رشيد….بضحك شششش نقول حاضر نقول حاضر و نرحم قلب راجل اعذب ارهقه الكتمان
ضحكت ايمي و لفت وشها بعيد عنه وهي مش قادره تمسك نفسها
رشيد…بضحك اه الله انا راجل محترم و مؤدب فا خلينا حلوين كده لحد ما نلاقي بيت يلمنا
ايمي…..بضحك رشيد انت غيران
رشيد…..ابتسم رشيد ووقف ضحك وبصلها بجد اكيد يا ايمي و علي فكره انا راجل فري يعني مش رخم بس المايوه مش طبيعي فا عشان خاطري غيريه ممكن
ايمي…..بضحكه جميله ماشي يا سيدي عيوني تحب البس ايه
رشيد…يعني بلاش قطعتين و يكون علي الهادي بلاش تنزلي بتقلك عليا كده لو عليا أنا هسد ولله بس في شباب و مش عايز اي حد يشوفك كده ممكن
ايمي…..بتنهيده ونظره جميله في عين رشيد طبعاً ممكن
رشيد….يلا يا حبيبي بسرعه بقي
ايمي…..بابتسامه اوك
……….
حسان كل شويه يبص لسلمي و يبتسم بهدوء و يسكت مش عارف يفتح الموضوع ازاي و هي كل شويه تبتسم و تعمل نفسها عادي كأنها مستنيه البنات كانت عايزه تعرفي هيقول اي حاجه ولا مش هيقدر بس بدأت تلاحظ توتره الغريب و عرقه ابتسمت و فهمت بس سكتت لحد ما لاقيته بيقرب منها
حسان….ااااا سلمي ممكن اسالك سؤال وبلاش تفهميني غلط
سلمي…..بتوتر بدأ قلبها يدق اااا اكيد
حسان….اااا يعني اقصد المايوه
سلمي…..بصدمه ابتسمت ابتسامه بسيطه ماله؟
حسان…..اااا لا ملهاش يعني سكت ثواني وهو بيمسح عرقه وبصلها بنظره جاده وهو بيقرب منها اوي عشان صوته ميبقاش عالي من الاخر يا سلمي هو قطعتين
اتوترت سلمي و دقات قلبها زادت من قربه الغريب و محستش بنفسها غير و هي بتهزر راسها بإحراج
حسان….امممم طيب بصي انا هطلب منك طلب و من غير ما تسألي ليه حابه تعملي زي ما هقولك اعملي مش حابه دي طبعاً بتاعتك
سلمي…..اااا طلب ايه
حسان…..تطلعي تغيري اللي انتي لبسته ده اصل يعني بصراحه شكلك هيبقي احلي لو لبستي حاجه غير القطعتين دول و بعدين يعني اااا فهماني يا سلمي
ابتسمت سلمي بهدوء وهزت راسها
حسان…..ايه هتعملي ايه ؟
سلمي…..بهدوء ااا هيطلع اغير حاضر
بصلها حسان اوي و ابتسم غصب عنه كان خايف تحرجه بس اتفاجئ برد فعلها
حسان…..جميل شكراً يلا بسرعه
سلمي….اوك
طلعت سلمي جري من قدامه لمحت عشري واقف دخلت علي الاوضه فتحت ليله في نفس الوقت وبصت لعشري وهي قالبه وسهلا قرب عشري منها من غير ما يتكلم
ليله…..اااا ده كويس
عشري…..بغيظ غيري يا ليله
ليله….عشري دي تاني مره اغير
عشري…..ان شالله تكون المليون انا مش ورايا اي حاجه هفضل واقف لحد ما تلبسي حاجه اوافق عليها
ليله….ماهو لو انت هتفضل مصمم بالمنظر ده مش متوافق خالص علي اي حاجه
عشري…..اخلصي يا ليله
دخلت ليله ورزعت الباب بغضب طلعت ايمي في الوقت ده وهي بتضحك
ايمي….ايه يا سي عشري
عشري….بابتسامه خير يا ست ايمي
ايمي….هو مش عارفه ليه حاسه كده انكم متفقين علينا
عشري….بضحك و هو بيشرب السيجاره لا حوشي سيرتنا اللي مبتجيش علي لسانكم خالص
ايمي….بضحك يبقي متفقين ماشي يا عشري
عشري….بضحك ماشي يا ايمي
فتحت ليله الباب تاني و هي ماسكه مايوه شورت في أيدها
ليله…..قبل ما البس ده كويس ولا اخدها من قصيرها والبس اي حاجه و منزلش خالص
قرب عشري منها بنظره غضب.
عشري….اولا توطي صوتك ثانيا خليكي هاديه بلاش تتعصبي ثالثا انا مش بتهدد مش عايزه تنزلي براحتك رابعاً هو احسن من اللي فات شويه بس البيئه بردوا اشوفوا عليكي
ليله….بغضب ماشي يا عشري
دخلت ورزعت الباب تاني
……………
عند نادين و عسال
نادين….ها يا حبيبي عايزه ايه ؟
نادين….بابتسامه هاديه وتوتر بسيط ااااااا بص انا بصراحه حاولت اشوف حاجه مناسبه ألبسها بس كل المايوهات اللي معايا تقريباً كده و مش عارفه ايه اللي ممكن يضايقك وايه اللي يبقي كويس فا قولت اسألك قبل ما اروح البحر و تتفاجئ يعني و تزعل مني
عسال…بابتسامه هاديه و نظره رومانسيه تقتل طيب بصي يا حبيبي انا في كل الأحوال مش هزعل منك لأن انتي لما جيتي هنا مكنتيش عارفه اني ممكن ابقي في حياتك اصلا يعني كنتي جايه و انتي مسؤوله عن نفسك وبس فا موضوع الزعل ده مش هيحصل لكن بما أن الوضع اختلف فا انا شايف انك بقيتي مسؤوله مني طبعاً لو انتي شايفه كده بردوا ولا ايه
نادين…بابتسامه هزت راسها تمام
عسال….طيب فا عشان كده هنحاول أننا مؤقتاً نمشي نفسنا باللي معانا ونحاول نختار انسب حاجه تقدري تخرجي بيها قدام الشباب تمام يا عمري
نادين…..بتنهيده جميله تمام
عسال…..طيب انتي الوقت لابسه ايه؟
نادين…امممم المايوه
عسال…بضحكه جميله عارف يا قلبي يعني شكله ايه ينفع اشوفه
نادين….بتوتر و إحراج و خدود احمرت فجأه اااا يعني انا عشان كده قولتلك عيزاك
عسال…..وانا معاكي يا قلبي يلا وريني
نادين….ابتسمت و بصتلوا بطرف عينها مش قادره تفرجه اااا
عسال….بضحكه جميله ايه؟
مكسوفه مني. ما كده كده هشوفك لما تقلعي الكاش حط السيجاره في بوئه ومد أيده يفك الرباط بتاع الكاش وهو بيكمل كلامه بهدوء وعلي فكره مش انا بس اللي هشوفك ده الشباب كمان و جايز لو في حد خرج أو عدي يشوفك هو كمان فا لو شايفه انك مكسوفه مني لازم تعرفي ان هيشوفك غيري كمان فتح الرباط و شاف المايوه كانت باصه علي تحت
ربطه تاني بهدوء و بعد خطوه لوراء رفعت نادين راسها بصلها عسال بابتسامه بسيطه و هو بيهز راسه باشاره سؤال
عسال….ايه يا قلبي انتي شايفه ايه ؟ موافقه عليه ؟ شيفاه حلو يعني وعادي تنزلي بيه قدام الكل
نادين….اااا امممم لا
عسال….بس كده يا قلبي يبقي نروح نغير و نلبس حاجه علي قد ما نقدر تكون افضل
نادين….طيب انا معايا اتنين بس ينفع اني البسمه أو افضل من دول شويه بس مش عارفه متوافق ولا لا
عسال…..انا مش هقدر اقولك تعملي ده و متعمليش ده انتي خلاص فهمتي دماغي و علي الأساس ده يا تتصرفي يا تتعاملي بطريقتك
نادين….بس انا مش عايزه ازعلك
عسال…..ودي عندي بالدنيا انك تفكري في زعلي و يهمك حاجه كبيره لو هتسأليني انا عسال صاحبك لا مش حلو و مش هينفع تنزلي كده بس حبيبك أضعف شويه لانه ميقدرش يزعلك
نادين….بابتسامه جميله و انا مش هقدر ازعل اي عسال فيهم
عسال….بضحكه جميله و الاتنين بيحبوكي اوي علي فكره يلا روحي غيري
نادين….حاضر
…………
بص فضل علي نعيمه لمحها ماسكه الموبايل و بتتصور كان حاسس انه هيموت من الغيظ قرب منها و في لحظه مسك الموبايل من أيدها
نعيمه….بابتسامه ايه خضتني ده موبايلي
فضل…..عارف بتعملي ايه ؟
نعيمه…..عادي زي ما انت شايف بتصور
فضل…..بتتصوري كده
نعيمه….كده اللي هو ازاي بصت نعيمه علي نفسها و هي عامله نفسها مش فاهمه
كانت لابسه الكاش و كتف منه واقع و مبين حمالة البكيني و الكتف التاني مرفوع وليه ربطه من علي الصدر و لو سابت أيدها عيبان جسمها كله.
نعيمه …مالي مش فاهمه انا لابسه الكاش
فضل….اه طيب بقولك ايه يا نعيمه
نعيمه….اسمي نوني
فضل….طيب بقولك يااااا نعيمه
نعيمه….بضحكة صدمه من طريقته اللي كانت واضحه ده انت رخم بقي اتفضل قولي يا محمدددد
فضل…..انتي لابسه ايه من تحت؟
نعيمه….ايه السؤال ده !
فضل…..سؤال عادي علي فكره هو مش اللي تحت ده مايوه؟
نعيمه….اه ما انا عارف اهو
فضل…طيب امال اتصدمتي ليه من السؤال و لا انتي شايفه أن اللي تحت الكاش شبه اكتر الملابس الداخليه فا سؤالي هنا مش حلو وصدمك
نعيمه….انت بتقول ايه ؟
فضل….كلامي واضح بصي يا نعيمه اااااا ياريت حالاً تطلعي تغيري
نعيمه….اغير ؟! اغير ايه؟
فضل…..اللي انتي لبساه ده وتلبسي حاجه تانيه
نعيمه…..بضحكه استغراب أو تصنع عدم الفهم نعم اغير ده ليه أن شاء الله
فضل…..والله لو رفعتي الكاش هتعرفي ليه تقدري ترفعيه ولا مكسوفه
نعيمه….مكسووووفه لا خالص هتكسف من ايه ما كده كده كنت هقلع الكاش علي البحر بس انا مش فاهمه انت مالك يعني
فضل…..مالي ايه بالظبط مالي مضايق ولا تقصدي انا مالي يعني بتدخل ليه
نعيمه…..بصراحه الاتنين مالك غريب و مالك بيا
فضل….مالي غريب ليه يعني طيب عشان ده مش منظر تنزلي بيه قدام الشباب ثانياً مالي بيكي اعتبريني مجنون
نعيمه….لا الف سلامه تسمع عن السرايا الصفراء بيقولوا هناك بيتعالج المجانين
فضل….تمام قوليلي بقي يا عاقله لما انتي شايفه أنه مناسب ماسكه الكاش بأيدك ليه ما تبعدي ايدك كده و خلينا نشوف المايوه حلو ولا لا
مسك أيدها وهو بيقبض عليها جامد فا سابت الكاش من أيدها وظهر جسمها و المايوه
بصتلوا نعيمه بصدمه و إحراج
نعيمه….انت مجنون يا فضل انت بتعمل ايه
فضل….ولا حاجه بشوف المايوه مش قولتي انك كده كده هتقلعي الكاش علي البحر ايه وشك جاب الوان ليه
نعيمه….فضل سيب ايدي وأبعد من قدامي الوقت
فضل….اطلعي غيري القرف اللي انتي لبسته ده
نعيمه….وانت مالك كملت بضحكه استغراب بصفتك ايه يعني قريبي اخويا ابويا حبيبي جوزي انت غريب اوي بجد
فضل….هو انا لازم يكون ليا صفه عشان اقولك تغيري
نعيمه…..طبعاً لازم يكون ليك صفه
فضل…..تمام يا ستي اعتبري أننا صحاب و في بينا عشم و انا بقولك نصيحه لوجه الله غيري المايوه ده و البسي حاجه تانيه عشان معانا شباب
نعيمه….وانت مش معتبر نفسك من الشباب يعني و لا معتبر نفسك اقرب ليا ما كلهم صحابي و بقي في عشم بينا بس محدش فيهم اتجرأ وقالي كده و انا اصلا معنديش عشم بين الصحاب في لبسي
فضل…..امال لو حد اعترض علي لبسك يا تري ايه الصفه اللي تخلي في العشم ده
نعيمه….ميخصكش يا فضل احنا اه صحاب زي ما قولت بس مش كل الصحاب بيتحكوا في بعض وانا نفسي محدش بيتحكم فيا حتي اقرب الناس و يوم ما اسمح لراجل أنه يتحكم فيا الراجل ده لا هيكون حبيبي أو جوزي و انت بقي لا ده ولا ده ولا حتي في بينا قرابه
فضل….وبعدين يعني ايه؟
نعيمه….يعني مش هغير
بصلها فضل بنظره حاده و اتحول من فضل الهادي البارد لشعلة غضب جوه عينه لكن فضل محافظ علي صوته و طريقته و اتكلم بنبرة جاد و واضحه و غير لهجته
فضل…..زين و عرش الرحمن يا نعيمه ما بتخطي خطوه برا هاد البيت إلا و ملابسك متبدله سمعتي
بصتلوا نعيمه بصدمه و حست انها مش عارفه تقول ايه عجبها العشم اللي راح في حته تانيه و عجبها غضبه و عجبها نظرته الحاده و غيرته اللي أخيراً اعترف بيها و بانت علي صوته و نظرته و حركات جسمه و صوته اللي بيحاول يحافظ علي هدوئه رغم عصبيته من استفزازها.
حاولت تتمالك تاني قدامه وترجع لطبيعتها
نعيمه….احممم بص يا فضل انا هروح اغير بس ده مش عشان انت عايز كده لان انا حره و انت ملكش علاقه بيا انا هروح اغير بس عشان انا مش حابه اعمل مشكله لاني لو عملت مشكله معاك هبوظ الدنيا و الكل هنا هيسمع و هيبقي النكد علي الكل و انا مش حابه انكد لا علي صحابي ولا علي صحابك
فضل…..لا هتبدلي ملابسك عشان ده الصح هتبدلي ملابسك عشان مش هتخطي بره غير بحاجه احسن
نعيمه….فضل بلاش أنشف دماغي عليك بصفتك ايه بتديني أوامر و عايزني اغير هدومي
فضل……بصلها في عينها بغضب و نظره حاده عشان مش عايز جسمك يتكشف علي اي حد تمام كده
بصتلوا نعيمه بصدمه و تاهت شويه في لون عينه بلغت ريقها بصعوبه وبلعت معاه كلامها
فضل…..يلا علي فوق غيري و البسي حاجه عدله
خرجت نفسها اللي كتمته بهدوء و بان عليها التوتر
فضل….امسكي الكاش في ايدك و متسيبيهوش مفتوح لحد ما تطلعي
مسكت الكاش بهدوء و اتحركت من قدامه بصعوبه و طلعت علي فوق
ابتسم فضل بهدوء و هز راسه شمال ويمين
فضل….بهمس مسموع بتعمل ايه يا فضل جرالك ايه مالك يا مخبول غضبت ليه
………
في الداخل عند سلامه وايه.
وقفت تشرب و كان في أيدها شوكولاته قرب منها سلامه بهدوء
سلامه…..ايه
ايه….نعم
سلامه…احممم ااااا اطلعي ااا اطلعي غيري
ايه…..ابتسمت وبعدين أخفت ابتسامتها بسرعه ايه في حاجه مش نضيفه
سلامه…..لا مفيش
ايه….امال اغير ايه؟
سلامه…..غيري المايوه يا ايه
ايه….ليه؟ وحش
سلامه….مشفتهوش عشان اقول وحش أو حلو
ايه…..بابتسامه ده جامد تشوفه
سلامه….مسك أيدها بسرعه قبل ما ترفع الكاش وبص وراه يشوف حد من الشباب واقفين ولا لا اشوف ايه و بترفعي ايه انتي ؟ هو انتي عبيطه يا ايه
ايه….في ايه يا عم مالك عالصبح انت قرفان وجاي تطلع قرفك عليا مالك دمك تقيل كده ليه انهارده
سلامه…..اطلعي غيري يا ايه المايوه من فضلك
ايه…..بضحك مالك عامل زي الإنسان الالي كده ليه فيك ايه انهارده بجد
سلامه…..مالي يا ايه ما انا زي الفل اهو بقولك اطلعي غيري
ايه…..ليه طيب ما انت مقولتش سبب
سلامه…عشان مش حلو يا ايه
ايه…..انت مش لسه قائل مشفتوش
سلامه…..علي فكره هزعلك انا مش بحب الغباء
ايه….لا علي فكره انت مش عاجبني بجد تاكل شوكولاته تظبط مودك
بعد أيدها من قدامه و يصلها بنظره غريبه و جاده شويه
ايه…..مالك يا سلامه في ايه بجد انا بحاول ادور معاك وانت رخم اوي
سلامه…..المايوه مش حلو يا ايه يعني مش حلو انك تلبسي مايوه قطعتين بصراحه و بعدين في هنا شباب
ايه…..ايوه بس ده مايوه عادي و بعدين هنزل البحر بأيه
سلامه….البسي مايوه عادي بس مش قطعتين
ايه…..بس ده حلو و عاجبني وبعدين لسه اول مره البسه
سلامه….معلش يلا اطلعي
ايه….هو ايه اللي معلش وانا بقولك اتخبطت مش هطلع انا اغير انا عايزه البسه وبعدين انت مالك
سلامه….انا مالي ؟ اه صح انا مالي انتي حره
قبل ما يلف ضهره عشان يمشي مسكت أيده بسرعه بص علي أيدها وبعدين بصلها
ايه….انا مقصدش انت مالك يعني ملكش دعوه انا بس مالك فيك ايه يعني
سلامه….مفيش زي الفل بس مش عايزك تلبسي كده قدام الكل و عايزك تسمعي الكلام وبس
ايه….ايوه ليه ؟ يعني و بعدين اشمعني بتقولي انا ما البنات كلهم لابسين كده
سلامه…..مليش علاقه بحد و بيتهيألي لو ملاحظه هما طلعوا كلهم تاني عشان يغيروا لان الشباب أتكلموا معاهم و طلبوا منهم يغيروا و بيتهيألي كمان أنهم سمعوا الكلام مش واقفين يجادلوا كده كتير
ايه….ايوه بس يعني ايمي و ليله و نادين بقول يعتبر مرتبطين فا عادي أنهم يسمعوا الكلام و ميجادلوش
سلامه….طيب ما حسان اتكلم مع سلمي و سلمي سمعت الكلام و فضل كمان خد نعيمه بره و اتكلم معاها وحتي هي سمعت كلامه
حب سلامه يسمعها اخر جمله دي بالذات عشان يشوف رد فعلها
ايه…..ايوه يعني ايه ؟
سلامه….يعني عشان شافوا أن البنات تهمهم أو يخصوهم راحوا أتكلموا معاهم
ايه….يعني ايه يخصوهم
سلامه….يعني يخصوهم يا ايه
ايه …معجبين بيهم يعني ؟
سلامه….مثلاً
ايه …بس محدش فيهم قال كده
سلامه….ماهو مش شرط زي ما غيرهم عمل هما كمان يعملوا جايز مش حابين يتكلموا الوقت و جايز من باب أنهم خايفين عليهم و بينصحوهم
ايه…..اممم طيب و ليه محدش فيهم نصحني يعني ايه حسان أو فضل مجاش قالي
سلامه…..يعني انتي مش هتسمعي الكلام مثلا غير لو حد فيهم قالك و لا انتي مستنيه شخص معين اللي يجي يقولك كده
ايه….تقصد ايه ؟
سلامه…..ولا حاجه هتطلعي تغيري ولا لا
ايه….بما أني مش مرتبطه ولا في حد خايف عليا في البيت ده ولا حد حابب ينصحني يبقي لا مش هغير
سلامه……بغضب بسيط امال انا بعمل ايه الوقت يا ايه
ايه…..انت بتتخانق
سلامه….مش بتخانق
ايه….لا بتتخانق و متعصب كمان
سلامه….انا لا بتخانق ولا متعصب انا خايف عليكي و بنصحك و مش حابب حد من الشباب يشوفك بالمنظر ده
بصتلوا ايه و سكتت
سلامه…..يلا اطلعي
ايه….احمممم طيب حاضر براحه
عدت بسرعه من جنبه و طلعت جري علي فوق .
بعد حوالي عشر دقايق الكل لبس و نزل و أخيراً عشري رضي وهو مجبور علي المايوه رغم أنه مكانش عاجبه هو كمان بس قرر يعدي الموقف في النهايه هو افضل من كل اللي لبستهم و حس انها خلاص اضايقت فا محبش يضغط عليها اكتر
نزلت نادين بهدوء و خرجت بره مع باقي الشباب و البنات و قربت من عسال بهدوء و حركت الكاش شويه
نادين…..ده كويس
عسال….بابتسامه ده كده حلو اوي و علي فكره التاني بردوا كان حلو اوي اوي بس حلو ليا مش لاي حد تاني
ابتسمت نادين بإحراج و وفقت جنبه
بصت نعيمه لفضل بغضب عكس اللي جواها ابتسم فضل وهو رافع حاجبه.
عشري…..يلا يا شباب انا هاخد فضل و سلامه معايا هننزل الحاجه و هسيبهم و ارجعلكم و انتوا قفلوا كل حاجه و هاجي أهديكم يا بنات
رشيد….تمام انا و عسال و حسان نبقي نيجي وراكم مشي بقي
ايمي….طب ليه ما حد فيكم يركب مع سلامه وفضل ما في مكان
ليله….ايوه النزله صعبه اوي و متعبه روحوا و عشري يجي ياخدنا
رشيد….عشان متبقوش لوحدكم
ليله…..ده بالعربيه يعني ثواني و هيجي
عسال….روح انت و حسان انا هفضل معاهم
عشري…..طيب يلا تعالوا وحسان يفضل معاهم و يبقي يجي معانا
ايمي….اه احنا نقعد علي رجل بعض و عسال يقعد جنب عشري قدام العربيه واسعه يعني
رشيد….طيب تمام هنظبط احنا المكان لحد ما تنزلوا
ايمي…..تمام
ركبوا كلهم و ركب عشري و خرجهم عسال بالعربيه و فضل واقف بره و ساب البنات براحتهم جوه.
ايمي…..بضحك و صوت واطي ايه اللي جرالك يا جامده
ليله…..بضحك نعيمه فاجئتني اكتر ما اتفاجئت من نفسي
نعيمه…..بصدمه انا مش عارفه ايه اللي حصل بس انا بجد اتوترت ومعرفتش ارد عليه خالص لا و ده حلف عليا و كأنه واثق اني هنفذ كلامه
سلمي….بضحك ما انتي نفذتي كلامه فعلا
نعيمه……قلقت منه ده اتحول والله هو كمان
ليله….مش قولتلك هو وعشري طبعهم رخم
ايمي…..بس كده بيتهيألي بقي الموضوع صريح
نعيمه…..هو صريح و مش صريح يعني مقالش حاجه تخليني افهم
ليله….ولما يقولك مش عايز حد يشوف جسمك دي مش صريحه
نعيمه….لا اقصد يعني كلامه كان واضح وفي نفس الوقت مقالش ليه مش عايز حد يشوف جسمي
ايمي…..وهي ناقصه غباء غيران اكيد
نعيمه….بس قلقني منه بجد انا لا بخاف من ابويا ولا اخويا و خوفت منه
ايمي…..بس ابو الهول اتحرك او بمعني اصح الكل اتحرك
ليله….بضحك بركاتك يا خبره بس بقولكم ايه اللي بجد قمر اوي هو عسال كيوت كده و مؤدب مش التاني اللي سحبلي واحده صدمتني
ايمي….بضحك انا كل ما افتكر ليله و انا بقولها عمل ايه لما شاف اول مايوه قالتلي زمرلي هموت والله
ليله…..بابتسامه صدمه والله اترعبت منه و متوقعتش يعمل حركه زي دي لدرجه اني اتعصبت من كتر ما غيرت بس خوفت أقوله مش هنزل
نادين….بضحك انا مش قادره استوعب أنه عمل كده بجد عشري كيوت
ليله….بضحك كيوت عشري طب ازاي ده مسجل خطر
ايمي….بضحك بس عسل والله بيفصلني ضحك بحس أنه بلطجي بس قمر و اللي وصلني ضحك رشيد جاتله هستريه ضحك
نعيمه….رشيد ده عسل هو كمان والله و حتي حسان محترم بصراحه
سلمي…..انا كمان اتفاجئت انا لاقيته يا بنات متوتر و بيعرف بجد محترم حسيت أنه عايز يقولي وفي نفس الوقت محرج يتكلم و خايف اني أحرجه أو أقوله لا و لما قولتله حاضر ابتسم و كان مبسوط اوي
ليله….حسان محترم بصراحه اوي هو كمان صراحه يعني هما كلهم محترمين حتي فضل معادا البلطجي بتاعي
ايه….بلطجي هااا
ليله….بضحك بلطجي بس قمر يا رخمه
ايمي…..وانتي يا جاموسه كل ده مفهمتش
ايه….بضحك فهمت بس بستعبط كنت عايزاه يقول حاجه بس مقالش
نادين…بس اللي قاله يعني كفايه و يخليكي تفهمي
ايه….يعني فهمت اه بس لسه هستعبط
ليله….يلا استعبطي و خليه هو كمان يظهر البلطجي اللي جواه
سلمي…..طب ايه يا نوني ناويه علي ايه
ايمي….بضحك سيبي نوني في صدمتها الوقت
نعيمه…..بابتسامه اه والله انا لسه مصدومه
ايمي…..مش قولتلك افرضي نطق والله انا ما في مني كان قلبي حاسس
سلمي…..اه ايمي قالت افرضوا حسان و سلامه وفضل نطقوا طلعت خبره
ايمي….مش خبره بس بحب افرض كل الاحتمالات عشان ابقي عارفه اقول ايه في كل موقف
نعيمه….اهو انا فرضت معاكي بس لما حصل معرفتش انطق كنت شبه الفار قدامه
ليله….بضحك احسن
ايمي…..روحي يا بت يا هبله انتي لعسال الراجل محترم و سايبنا براحتنا روحي اقفي معاه
نادين….احممم طيب ماشي
خرجت نادين بهدوء بره و راحت وقفت جنبه واقف ليه لوحدك
عسال….بابتسامه مفيش مستني عشري و سايبكم براحتكم
نادين…..لا عادي احنا واقفين علي فكره انا جيتلك شوكولاته معايا
عسال….بابتسامه بجد
نادين….اه معايا في الشنطه
عسال….طيب لما ننزل تحت فكريني احطهالك في الايس بوكس عشان كده هتسيح
نادين…..حاضر
عسال….عشري جاي اهو قولي للبنات يجهزوا
نادين….تمام يا بنات يلا عشري رجع
ايمي…..المفتاح فين يا عسال
عسال…..معايا خلاص استني بس هبص كده علي البيت و تعالوا يلا ارتكبوا انتوا
عشري….ايه يلا
عسال….هأكد علي الدنيا جوه بس وجاي
عشري….طيب تعالي انت ونادين هنا جنبي بقي
عسال….ركب البنات الاول بس عشان لو مفيش مكان
عشري…..مفيش مكان ايه ما في كنبتين وراء يلا أخلصوا
ركبت ليله اول واحده ودخلت وراء خالص و ركبوا كلهم وراها و طلعت نادين بسرعه معاهم
ايمي….بهمس اقعدي معاه قدام
نادين….لا خليني معاكم هنا
رجع عسال بعد ما قفل الباب اللي بره كمان
عشري…..يلا
عسال….مرتاحين كده
ايمي….بضحك لا نادين مضايقه المكان خدها جنبك
ضربتها نادين بايديها
ابتسم عسال و بص لنادين
عسال…..تعالي هنا المكان أوسع
ايمي….روحي يلا وسعي مكان
نادين….بهمس وديني يا ايمي ما هعديهالك
ضحكوا البنات عليها و نزلت نادين ركب عسال جنب عشري و مدلها أيده مسكت فيه براحه و طلعت جنبه و بعدها طلع عشري وراحوا علي البحر .
الشباب حطوا بسرعه التربيزات و حطوا الكراسي و الشمسيتين و حطوا الايس بوكس فوق التربيزه
قرب عسال منهم بالعربيه و ركن و نزلوا كلهم
ايه….الله البحر تحفه
نعيمه….يااااه أخيراً
رشيد….ايه رايكم بقي في الجو ده
ايمي…..تحفه أخيراً شوفنا البحر من قريب
ايه….انا عايزه انزل
ايمي…..طيب استني شويه
نعيمه…..استني نتصور الاول من بعض قبل ما نتبادل من المايه
ايمي….انا كده كده مش هنزل المايه
رشيد….مش هتنزلي المايه؟
ايمي….لا مليش في المايه
رشيد….بجد ولا بتهرجي
نعيمه…..ايمي مش بتحب المايه اصلا و تضايق لما بتتبل آخرها تقعد كده او تقرب رجلها
رشيد….بضحك لا يا ماما مفيش الكلام ده
ليله….بضحك والله لو قدرت عليها نزلها
رشيد…..هتنزل طبعاً
ايمي…..بضحك مش بحبها والله انا بحب اتفرج من بعيد بس
حسان…انتي بتخافي من البحر يا ايمي
ايمي …لا عادي بنزل و علي فكره كل فين وفين كده بنزل مره بس انا في العموم مش بنزل كتير مبحبش اتغرق يعني اعمل تاني بسيط اقعد كده ابص للبحر بس انا مش من هواة نزول البحر اوي زمان و انا قد ايه كده واصغر مكانش حد بيعرف يطلعني من المايه و كنت اخر حد بيطلع خلاص بقي كبرنا يا حسان
حسان…..انتي لسه صغيره كبرتي ايه بس عارفه يا ايمي والله العظيم مش بقول كلام وخلاص انا اتصدمت في سنك
ايمي….بابتسامه يعني ايه اتصدمت في سني ؟
حسان….يعني قولت بالكتير اوي في أول الثلاثينات كمان
ليله…..ايمي محدش بيديها سنها اصلا
حسان….علي فكره وانتوا كمان يعني شكلكم صغير
رشيد…..هتفضل قمر و هتنزل المايه ويا انا يا انت يا جميل
ايمي….بضحك هتفرج عليكم والله
رشيد….والله ما يحصل انتي اول واحده هتنزلي فينا
سلمي…..جدع يا رشيد والله نفسي انزل معاها من زمان مش بترضي
نعيمه….وانا والله بتغلبنا عشان توافق و يوم ما بتوافق اخرها دقيقتين
رشيد…لا مفيش الكلام ده هنرجع الشباب تاني و هترجع عيله بضفاير
ايمي….بضحك ايه اتفقتوا عليا
ليله….اه و ربنا بقي هتقولي لا ازاي
عشري….علي فكره الموج عالي و البحر رخم يعني بلاش حد يدخل جوه
فضل….اه عالي اوي و غريب بالنسبالي لأن الموج في دهب هادي
حسان…..الجو بدأ يتظبط فا طبيعي يكون لسه في موج المهم بس محدش يدخل جوه عشان ميبقاش في قلق
ايه…..انا عن نفسي مش بعرف أعوم بقعد علي الشاطئ يعني مش هقلقكم
سلامه…..و بتغرقي بقي
ايه….بتريقه اااااا لا مش بغرق
رشيد…..متعرفيش تعومي
سلمي….بضحك هوم كلابي كده
سلامه….بضحك ما هي اكيد لازم تعوم عوم كلابي مش بتاعة كلاب
ايه…..وربنا احدفك بالرمل و بعدين متفكرنيش ميلو لوحده في البيت
رشيد….مش هيجرالو حاجه حطتيلوا اكل المهم
عشري….انا حطتيلوا
ايه…..بضحك عشري بقي مهتم بيه اكتر مني بجد
عشري…..والله بشيل همه و بيصعب عليا
سلمي…..بشوفك وانت بتأكله يا عشري و بجد انت حنين ليه متربيش كلب هتحبه اوي
عشري….بحزن لا مش بحب
رشيد….بلاش السيره دي عشان عشري بيضايق
بصت ليله باستغراب هي والبنات
سلمي…..ليه انا مقصدش والله حاجه
عشري….لا لا عادي مفيش حاجه
ليله…..ليه بتضايق يا عشري انا مفهمتش
فضل…..عشري كان عنده كلب زمان وهو صغير كان علي اخوه جايبه ليه لما نجح في اعدادي كان عنده 15 سنه فضل معاه 16 سنه و مات من ست سنين وانا مات عشري دخل في اكتئاب وحالة مش حلوه و حزن بجد عليه
سلمي…..بحزن انا اسفه والله يا عشري مكنتش اعرف محدش قال اصلا قبل كده انك كان معاك كلب
عشري….بهدوء لا لا عادي انا عارف والله
ايه…..كان اسمه ايه ؟
عشري…..ماكس و كان چيرمن زي بتاع عسال
عسال…..مش بيحب يشوف ارثر عشان بيضايق لانه كان متعلق بيه تعليق مرضي
ايمي….بحزن وده مات ازاي يا عشري
عشري….ااااا ثواني و راجع معلش يا ايمي
مشي بعيد و مسك الموبايل الكل سكت و بصوا لبعض و فضلت ليله واقفه باصه عليه
سلمي…..انا حاسه اني ضايقتك بجد
ايمي….هو ايه الحكايه
فضل…..ااااا عشري كان بجد متعلق بالكلب ده فوق ما اي حد ممكن يتصور بمعني اصح كبر معاه لما اخوه جابه ليه كان عنده حوالي 45 يوم يعني كان لسه جرو ماكس ده كان وحش بمعني الكلمه بس كان طيب و مش شرس الكل كان بيحبه شعره كان تقيل و بجد كان يخض في يوم كنا نازلين عالكافيه عادي بعد الضهر و عشري كان متعود ياخده مكانش بيسيبه خالص و حتي مكانش بيربطه كان عارف المكان و بيجري ويرجع المهم لما نزلنا عشري قالي هاخد الامل بتاع ماكس و نأكله في الكافيه لأن كان في مشكله في المكان و كنا مستعجلين المهم روحنا و اشتغل عشري شويه في المشكله اللي في الكافيه
و طبعاً ماكس كان جعان و كان في راجل هناك بقي الله يسامحه حاطتت في اكتر من ركن اكل مسموم لكلاب الشارع و خرج ماكس كالعاده يلعب حوالين الكافيه و كل من الاكل ده ربع ساعه بالظبط و لقينا ولد صغير كان عارف ما و عارف أن الكلب بتاع عشري بيجري علينا وبيقولنا الحق يا عم عشري ماكس كل من الاكل و بيموت
انا نفسي يومها اتخطفت و اول حاجه عملتها بصيت علي عشري نظرته مش قادر انساها و في لحظه عشري ده طار و جريت وراه انا والعمال و لقينا ماكس نايم علي الارض بيتنفس بسرعه و بيخرج من بوئه رغاوي بيضا عشري اتحول و بقي عامل زي المجنون بقي شايل ماكس و بيجري بيه في الشارع و ماكس كان تقيل
طبعاً الدكتور مقدرش يلحقه و مات الحاله اللي عشري وصلها وقتها لو وصفتها محدش هيصدق أن اللي مات ده مجرد كلب و كنت اول مره اشوف عشري كده و اتصلت ساعتها بالشباب لاني كنت عاجز قدامه
عسال…..كان رافض اصلا أنه يدفنه و كان منهار بجد حاولنا معاه اكتر من ساعه و هو مش عايز يسيبه و لما دفناه عشري كان متدمر بجد
فضل….وطبعاً دخل في حالة اكتئاب حوالي أسبوعين مش بينزل من البيت حرفياً حابس نفسه في الشقه لا بياكل ولا بيشرب و تعب وقتها و علق محاليل كانت صدمه كبيره ليه و خرج منها بصعوبه
سلمي…..بحزن دمعت انا اسفه بجد ياريتني ما اتكلمت
ايمي…..بتأثر ليه كده بجد حرام عليه
ايه…..عشان كده بيأكل ميلو و بيتهم بيه
فضل…..عشري لحد انهارده شايف أن هو اللي كان سبب في موته مش الراجل قال لو كنت أكلته مكانش راح كل من الشارع لأن ماكس كان مستحيل ياكل حاجه من الأرض فا هو شايف أن هو السبب عشان سابه جعان
بعد ما سمعت ليله الحكايه راحت بهدوء علي عشري و هي عينها مدمعه.
نعيمه…..انا اضايقت بجد اوي
مسحت نادين دموعها بسرعه
ايمي…..تربيه الحيوانات مش سهله
حسان…..التعلق بيها اصعب في ناس بتستهون بزعل الواحد علي حيوان عنده بس حقيقي هما بيوجعوا بجد
سلامه…..كمان عشري كان مخلي ماكس ده باشا بجد تحسوا كده أنه كلب حراسه نضيف و نزيه و كان مهتم بيه جداً
سلمي….زعلت والله اوي
حسان…..انتي مكنتيش تعرفي عادي خلاص
ايمي…..محدش يفتح بقي السيره قدامه تاني لما يرجع هو واضح أنه افتكر
رشيد….اكيد يلا خلونا ننسي بقي وتعالوا يلا اقعدوا
………….
قربت ليله منه كان جايب صوره و عمال يتفرج عليها
ليله…..نبره هاديه انت كويس
عشري….احممم اه تمام يا حبيبي
مسكت أيده بهدوء بصلها عشري و جاب الموبايل قدامها و شافت صورته مع الكلب
بصت بحزن علي ضحكته و هو معاه كان باين انه مبسوط
ليله…..جميل اوي
عشري…..كان صاحبي و اغلي حد في حياتي كان بيحبني و بيخاف عليا و انا كمان والله كنت بحبه و بخاف عليه
ليله….علي فكره انت ملكش ذنب في اللي حصل هو كده او كده ليه عمر
عشري….كان لازم أكله
ليله….بس ده اللي حصل و فضل حكالنا قد ايه كنت مهتم بيه يعني اللي حصل كان غصب عنك انسي بقي و بلاش تضايق نفسك
عشري…..بهدوء ابتسم يلا خير كله خير
ليله….علي فكره بقي انا لسه متعصبه منك
عشري….ليه بس
ليله….عشان لبستني و قلعتني ميت مره و عشان الحركه السافله اللي عملتها
عشري …بابتسامه جميله انا اسف و حقك عليا و علي فكره هصالحك كمان
ليله….تصالحني ! ازاي
عشري…..لا ازاي دي بتاعتي انا بقي المهم متزعليش انا بس خايف عليكي و غيران عليكي و مش عايز اي حد يشوف جسمك و خدي بالك انا مش راضي عن اللي انتي لبساه ده بس لاول مره اعملها و أتنازل عن رأيي و ده عشان مش عايزك تزعلي و اليوم يبوظ عايزه يكون ذكري حلوه
ليله….بابتسامه هاديه وانا مش زعلانه منك علي فكره اينعم يعني كنت متعصبه منك حبه قدكدهو بس خلاص
عشري…..بابتسامه جميله قلدها قدكدهو لا يا ستي و انا ميهونش عليا زعلك حتي لو حبه صغننين انا بس عايز احاول اقنعك اني والله مش شخص متحكم انا بس غيران عليكي
ليله…..ماشي وانا مصدقاك و مش مضايقه منك بس ايه بقي مش ناوي تنزلني البحر
عشري….يا سلام هنزلك يا قمر طبعاً
قربت منهم سلمي بهدوء
عشري…..تعالي يا سلمي
سلمي…..انا اسفه لو قاطعتكم بس انا حابه اعتذر منك يا عشري بجد اسفه اوي اوي اني فكرتك بحاجه زي دي والله ما كنت اعرف
عشري…..بلاش عبط عارف انك مكنتيش تعرفي هو الموضوع اصلا فات عليه ست سنين بس لما بتفكر بزعل شويه لكن مش منك والله
ليله….بضحكه هاديه علي فكره سلمي عيطت
ابتسمت سلمي و رجعت دمعت تاني
ليله….بضحك اهي هتعيط تاني العيوطه
عشري….بضحك ايه ده ايه ده لا لا متعمليش كده انا تمام و زي الفل
سلمي…..بدموع لا بجد والله انا أضايقت جداً و حاسه بالذنب عشان نكدت عليك و فضل حكي الحكايه و اضايقت اكتر
عشري….طب علي فكره انا هزعل لو عيطتي انا تمام والله
ليله…..بلمعه في عينها بت اسكتي بقي انتي عارفه اني بتلكك علي العياط
عشري….بضحك دي طلعت بسكوته خالص و التانيه كمان هتعيط زيها
سلمي….حقك عليا والله
عشري….والله ما في اي حاجه انا اللي مضايق الوقت انك عيطتي بص بعيد لقي حسان بيقرب عليهم
تعالي يا عم شوف سلمي بتعيط
حسان…..ايه ده في ايه
ضحكت سلمي و مسحت دموعها
ليله….عيطت و هي بتقول لعشري متزعلش
عشري…..انا مش زعلان والله انا زي الفل خلاص
حسان…..بابتسامه بطلي عياط خلاص وشك احمر علي فكره البنات كلهم عيطوا و كله بسببك لو كنت وقفت مكانش حد عيط
عشري….بضحك انا ياعم عملت حاجه خلاص بقي والله انا تمام
سلمي….ماشي انا قولت بس اعتذرلك يلا هنسيبكم لوحدكم
ليله….لا احنا جايين معاكم عشان ننزل البحر علي فكره يا حسان انت وعشري سلمي سباحه قد الدنيا
عشري….اوبااااا بتعرفي تعومي
حسان….بتعرف ايه بس هنغلبها
سلمي….بابتسامه لا بعرف أعوم والله كنت بتدريب سباحه زمان و دخلت بطولات
رشيد…..بضحك و سايبه ايه كده تغرق علي الشاطئ
سلمي….والله حاولت أعلمها وفشلت هي اصلا قبل ما تعيش معانا قبل خالتوا و جوزها يتوفوا مكانتش بتدرب انا وقتها اللي كنت بتدرب من وانا صغيره بس لما جات و كده بعدها بوقت بسيط وقفت تمارين بس بعرف أعوم طبعاً
حسان ….خلاص هنشوف و نحكم طب وانتي يا ليله
ليله…..لا عادي بقف يعني في المايه
عشري….بضحك عوم كلابي يعني
ليله…..بضحك مش كلابي اوي يعني
قربوا من الشباب
ايمي….بصت علي عشري جري ايه بقي يا عم عشري مش هتنزل البحر ولا ايه
عشري….بابتسامه لا وانتي مقطعه العوم اوي
ايمي…بضحك ايه ده بتتريق عليا طب خد بالك بقي انا بعرف أعوم يعني لو علمت معاك هسبقك
عشري…..تسبقي ايه يا ايمي ده انتي قد كده
ضحكوا كلهم علي كلمه عشري
ايمي…..بضحك انت بتضحك انت كمان
رشيد…بضحك ما هي وسعت منك يا قلبي
ايمي….علي فكره مش بالطول
رشيد…ايوه صح خاف بقي يا عشري من ايمي
عشري….بضحك ماشي هخاف
ليله…..بقولكم ايه تعالوا نتصور قبل ما تنزل المايه و نتبهدل احنا متصورناش خالص مع بعض
حسان….يلا وانا جاهز بالكاميرا
ليله…..ايه الكاميرا دي صحيح
حسان…..بحب التصوير
سلامه….علي فكره حسان بيصور حلو اوي
نعيمه……يبقي تصورني بقي عشان الجزمه دي كل صورها وحشه
ايه….قلبتي عليا لما لاقيتي الكاميرا
سلامه….بتريقه لا عشان مش بتعرفي تصوري
ايه….وانت مالك بتدخل ليه
حسان…..يلا قوموا وبلاش خناق شوفوا مين يبدأ
ايمي….بابتسامه لا كاميرا و حركات و استاند و مستعد
رشيد….اه بيصور حلو اوي و الله اغلب صورنا هو اللي واخدها
ايمي….طيب يلا ابدأ بيا انا و رشيد
حسان….طيب تعالي تصورك كام صوره الاول لوحدك و بعدين اصوركم مع بعض
ايمي…..يلا بينا
حسان….هصورك بعدها يا نوني
نعيمه….ماشي يا حسان
وقف حسان ياخد كان صوره لايمي و لوحدها و مع البنات و حتي الشباب نادين مكانتش عارفه تبطل ضحك لانها مش بتحب التصوير خالص
و بعدين صور ليله و عشري لوحدهم و مع الكل و بعدين علق الكاميرا علي الاستاند و اتصور معاهم و مع سلمي خد لنعيمه صور كتير عشان بتحب تتصور و ثواني و قرروا البنات يقلعوا الكاشات الشباب كان باين عليهم التوتر في الاول و مضايقين و خصوصا عشري اللي وافق بصعوبه علي اخر مايوه.
و بعد كده وقفت ايه تتصور لوحدها راح سلامه براحه مسك كيس بلاستيك و حط فيه مايه من البحر و مشي من غير ما تحس وهي مندمجه في التصوير شاور احسان وهو واقف وراها و عد بأيده واحد اتنين ثلاثه و فجأه نزل بالمايه علي راسها
صرخت و فتحت أيديها الاتنين بصدمه و لقط حسان الصوره كانت طبيعيه و تجنن
ايه…..تصدق انت رخم بجد والله ما هسيبك
جريت وراء سلامه و هو بيضحك و فضلت تحدف عليه رمل
ايه….يا جبان اقف
سلامه….بضحك شكلك كده احلي
ايه….والله يا سلامه ما هسيبك
ايمي….بضحك الاتنين دول مصايب بجد
ليله….مالك ومالها يا سلامه بترخم عليها ليه
سلامه…..بضحك مش عارف ليه حابب استفزها
ايه…..ماشي بس متبقاش تزعل بقي
