لقاء كـ،ـ،ـارثي
لقاء كارثي
أميره أسامه
صاحبة البطل الواحد
~° البارت الخامس عشر°~
……………
في صباح اليوم الرابع صحي عشري علي عشره ونص و راح بهدوء علي عسال
عشري….عسال عسال
عسال….ايوووه
عشري…بابتسامه ايوه انا وانا بخبط علي الباب
عسال…..ابو شكلك علي الصبح
عشري….أنجز هتيجي معايا ولا
عسال….هي الساعه كام
عشري…..عشره ونص
عسال….طيب تمام قايم اهو
عشري…..دخل الحمام بسرعه و البس تكون قمت
عسال….تمام.
يمكن فات علي وجودهم مع بعض اربع ايام بس اللي حصل بينهم يثبت أن معرفة الناس مش بالسنين هي حقيقي بالمواقف و هما عاشوا مع بعض مواقف كتير و اللي عرفوا عن حياة بعض كان كتير اوي لدرجة أن كل واحد فيهم بقي حاسس انه يعرف الثاني من سنين..
حسان لما قال إن الساعتين اللي بيقضوهم مع بعض بمقام يوم في الاسبوع كان معاه حق و هما قضوا مع بعض ثلاث ايام يعني 72 ساعه متواصله طول الوقت في وش بعض كل حاجه تقريباً واقفه في البلد الا معرفتهم و قربهم من بعض و اليوم الرابع كمان بدأ و هما خلاص مبقاش في حاجه لسه يتكلموا فيها أو يعرفوها عن بعض
ولو فكروا في كلام حسان و حسبته و لو فرضنا أن الشهر في خمس اسابيع يعني عشر ساعات تساوي ساعتين كل اسبوع
يعني ال72 ساعه بمثابة سبع شهور و اسبوع وده يأكد إن معرفتهم متتقدرش بالوقت اللي قضوا مع بعض اللي هو الثلاث ايام…
………….
خلص عشري لبس بسرعه لبس شورت علي تيشرت و عسال كمان خلص ولبس شورت و تيشرت ونزلوا علي تحت
عسال…..تفتكر في حد صاحي تحت
عشري….لا الكل نايم مبقوش يصحوا غير واحده حتي رشيد اللي كان بيصحي بدري بقي يتأخر في النوم
قربوا من تحت وفعلاً لقوا الكل نايم خد عشري مفتاح العربيه و مفتاح الڤيلا وخرج هو و عسال و مسك عسال الايس بوكس الكبير حطه في شنطة العربيه
راح عسال فتح الباب و خرج عشري بالعربيه قفل تاني الباب و راح ركب مع عسال.
عسال….يا تري هنلاقي محلات فاتحه ولا الكل قافل
عشري….والله ما عارف بس هنشوف يمكن في حد فتح
عسال…..انا عندي فضول اعرف الدنيا في البلد بره عامله ازاي
عشري…..غرقانه اكيد زي ما انت شايف البلد فاضيه و مفيش صوت
عسال….ومن أمته دهب زحمه
عشري…..مش زحمه بس فيها ناس حتي التوقيت ده كان بيبقي هادي بس في ناس لكن بسبب اللي حصل الكل مختفي صحيح انت جبت الايس بوكس ليه
عسال…عايزين نشوف حد بيبيع ثلج و عايزين نعدي علي اي ماركت نجيب بيبسي و عصاير و مايه عشان ناخدهم معانا علي البحر
عشري….ليه هي الحاجه اللي في البيت خلصت
عسال….لا قربت بس احنا عددنا كبير بردوا الحاجه اللي كنا جايبنها خلصت و البنات كانوا جايبين حجات علي قدهم هما
عشري….طيب تمام احسن بردوا كده كده احنا خرجنا و عايز كمان احط بنزين
ولو فاكر اي حاجه تاني خلينا نجيبها بالمره
عسال….خلينا نشوف موضوع الاكل ده الاول و بعدين نروح الماركت بقي نشوف
عشري…..تمام.
بعد حوالي نص ساعه كانوا في البلد من جوه وأخيراً بدأوا يشوفوا ناس بسيطه
الشوارع كانت متبهدله في أماكن وأماكن اغلب المحلات غرقانه بعضها قافل و بعضها صاحبها بينضفوها عشان ترجع زي ما كانت و بعضها متأثرش اوي
فضلوا يدوروا علي المحلات اللي هما عارفينها بس الاغلب كان مقفول لحد ما قدروا يلاقوا مطعم كبير دورين مكانش متأثر بأي حاجه ركن عشري و نزل هو وعسال و دخلوا علي المحل
المكان تحت مكانش بدل علي أن المحل شغال فا حس عشري بخيبة أمل قرب شويه من صاحب المكان و كان معاه كذا عامل.
عشري…..صباح الخير
صاحب المكان….صباح النور اتفضل
عشري….هو ايه المكان مش شغال شكله
صاحب المكان….احنا لسه فاتحين من شويه للاسف يعني اكيد مفيش اي اوردرات الوقت
عشري…..ايوه يعني هتشتغلوا صح
صاحب المكان…..ايوه طبعاً بس للاسف المكان تحت زي ما انت شايف مش متظبط اوي بسبب اللي حصل يعني احنا حالياً مش شغالين غير اوردرات خارجيه
عشري….لا تمام اوي كده كده انا عايز الاوردر بره
صاحب المكان….طيب كويس جداً اتفضل قولي الاوردر بس مش هيكون أقل من ساعتين
عشري…..الساعه الوقت 12 وعشره معاك لحد خمسه يعني خمس ساعات هقدر فيهم تسلمين احلي اوردر ولا ايه
صاحب المكان ….بابتسامه طبعاً ده كتير اوي و احلي اوردر قولي بقي عايز ايه
عشري…..انا عايز اعرف انت ايه اللي مش عندك قبل ما اتعشم واطلب بقلب
صاحب المكان….بضحك لا اطلب بقلب كل حاجه موجوده علي فكره احنا مقفلناش غير اول يوم بس لكن رجعنا فتحنا من تاني يوم رغم أن الجو كان لسه صعب بس بصراحه بتشتغل اوردرات فا متقلقش موجود كل حاجه جميع انواع الأسماك والجمبري و الطواجن و كل حاجه مقلي مشوي زي ما تحب
عشري….بابتسامه لعسال حلو ده وشك حلو يا عسال
عسال….بابتسامه اي خدمه
صاحب المكان…..طلباتكم ادي المنيو اهو كمان لو حابب تبص عليه
عشري…..بابتسامه ورقه وقلم و اكتب ورايا بقي
بعد وقت بسيط خلص عشري مع صاحب المكان و اتفق معاه علي الوقت و دفع جزء من المبلغ و بعدين مشي هو وعسال.
عشري…..كده عايزين ايه تاني ؟ الماركت صح
عسال….اه وعايزين نشوف ثلج
عشري…..بقولك ايه استني لحظه اسأل صاحب المطعم بدل ما نقعد نلف و ندور اكيد هو عارف
عسال….طيب روح يلا
غاب عشري كام دقيقه ورجع
عسال….ايه قالك
عشري….اه كان عايز يديني من عنده بس مرضتش عشان اكيد مش نضيف بس قالي بيجيب منين هو قريب يلا بينا.
ركبوا وراحوا اول حاجه علي المكان اللي بيتباع فيه ثلج اشتروا و حطوا في الايس بوكس و هو واقف سمع من الراجل وهو بيتكلم مع واحد تاني اسم سالم دخل معاهم عشري في الحوار و عرف أن سالم و شباب العيله كلهم محبوسين بسبب مشكله كبيره اوي مع عيله تانيه خلص معاهم و خرج حكي لعسال و بعدين طلعوا علي الماركت.
عسال….لحظه اجيب بقي عربيه
عشري…..روح وانا هلف كده في المكان لفه
عسال….تمام
راح عسال جاب عربيه و لمح عشري واقف بعيد و معاه باكتين مايه قرب منه وحطهم في العربيه و راحوا جابوا عصائر و كان أن بيبسي و حجات كتير اوي و فضلوا يلفوا و كل ما يلاقوا حاجه يجيبوها جابوا فاكهة كل الانواع الموجوده جابوا شيبسي و وقف عسال جاب كمية شيكولاتات كبيره
عشري…..بقولك ايه صحيح عايزين ليمون
عسال….بضحك ليمون ايه لا في شجرة ليمون هناك و في ليمون كتير
عشري….اه صحيح نسيت و كنت هقولك نعناع كمان لا خلاص طيب عايزين توست و فينو و عيش للفطار اللي في البيت نشف شويه
عسال…..صح اه طيب افتكر كده تاني
عشري….صراحه مش عارف كان لازم نبص كده علي اللي ناقص قبل ما نخرج
عسال…..هو كده كده أخرنا هنا يومين تلاته بالكتير يعني مش محتاجين حجات كتير في سكر و شاي لسه و في نسكافيه و قهوه أاااه عايزين بطاطس
عشري….بغمزه طبعاً لازم تفتكره
عسال…..بابتسامه لسه في هناك علي فكره بس مش كتير يعني و اكيد هنحتاجه
عشري….طيب بقولك ايه في انودمي اهو متعرفش في حد بيحبه من البنات ولا لا
عسال…..مش عارف بس بيتهيالي شوفت اندومي في الحاجه اللي كانت معاهم و تقريباً سلمي أو نعيمه كانوا بياكلوا منه
عشري….طيب خلينا نجيب يمكن حد يحب ياكل منه بليل ولا حاجه بس انا مليش فيه معرفش ايه الحلو وايه الوحش
عسال….انا كمان مليش فيه بس عادي هات كذا طعم وخلاص
عشري…..تمام في مناديل و لا عايزين
عسال…..في كتير علي فكره لو نسينا حاجه اللي يجي يجيب الاكل يعدي يشتري اللي ناقص
عشري….تمام و بيتهيألي العصاير والحلويات والفاكهه اللي خلصوا من البيت اكتر يعني
عسال….طيب خليك واقف جنب العربيه هروح اشوف التوست والعيش كده
عشري…..صحيح محتاجين جبن علي فكره
عسال…..تمام بص انت بصه كده بقي وتعالي ورايا
عشري….يلا جاي
فضلوا يلفوا و يشتروا كل اللي ناقص و بعدين راح عسال عند الكاشير و طلع الڤيزا
عشري…..ايوه بتعمل ايه انت ؟
عسال….بقولك ايه انا محاسبتش علي الاكل عشان عارف انك جايب الاكله دي مخصوص عشان ليله
عشري…..ايوه و انت جايب ايه لنادين مش فاهم يعني الشوكلاتات وسع يا عسال
عسال…..والله العظيم ما هتحاسب يا عشري و ابعد بقي مضايقنيش
عشري…..علي فكره عيب ها أنا الكبير
عسال……علي راسي يا عم عشري بس خليها عليك وبعدين واحد
عشري…..اكيد واحد طبعاً
عسال….طب بطل رغي بقي و حط الحاجه مع الراجل في الشنط خلينا نخلص
عشري…..ابشر
دفع عسال حساب الحاجه و بعدين خرجوا بره بالعربيه نقلوا كل حاجه في العربيه
عسال…..في ايه تاني كده ؟
عشري…..اامممم الصيدليه
عسال….ليه
عشري…..عايز اجيب كريم من هناك للحروق عشان ليله كانت عيزاه
عسال….طيب في اي حاجه تاني الساعه داخله علي واحده زمانهم صحيوا
عشري….لو صحيوا كانوا كلمونا
عسال….طيب
رن موبايل عشري ولقي رشيد بيكلمه
عشري….قريت فيها اهو رشيد بيتصل الوووو
رشيد…..فينك يا عشري ؟
عشري….مفيش بجيب حجات كده وراجع
رشيد….عسال معاك؟
عشري….اه معايا امال هيروح فين
رشيد…..بتعملوا ايه بره بتجيبوا ايه ؟ قلقتونا عليكم صحيت ملاقتش العربيه و طلعت اشوفك لا لقيتك ولا لقيت عسال
عشري…..متقلقش بنجيب شويه حجات ناقصه وجايين في حد صحي
رشيد….انا تقريباً من غير ما اقصد صحيت الكل و ليله قلقت عليك
عشري…..هي جنبك
رشيد….لا فوق انا نزلت تحت أكلمكم
بص عشري علي الموبايل
عشري….طيب اقفل هي معايا علي الخط انا مش هتأخر
رشيد….تمام سلام
عشري…..الوووو
ليله…..انت فين يا عشري
عشري….بابتسامه طب قولي صباح الخير الاول
ليله……صباح الخير يا سيدي فينك انت و خرجت أمته
عشري…..في شويه طلبات بنجيبها من الماركت و راجعين
ليله…..لحقت تنام انت عشان تخرج
عشري…..لا نمت كويس بس المايه و العصاير و حجات كتير نقصت فا خرجت انا و عسال نجيب و بالمره نشوف الدنيا بره عامله ازاي ومرضتش اصحيكم
ليله….طيب هتتاخر
عشري….لا خلاص راجعين
ليله…..طيب متتأخرش وخلي بالكم من نفسكم
عشري….تمام يا قلبي مش عايزين اي حاجه
ليله….لا سلامتك
عشري…..ماشي يلا سلام
ليله….باي
عسال…..ايه صحيوا
عشري…اه رشيد قلق الكل لما ملقيناش بقولك ايه متقولش علي حوار السمك خلي ليله تتفاجئ كان نفسها تاكله علي البحر
عسال….تمام بس خد بالك ايمي اللي تهتم بموضوع الاكل واكيد وتحاول تظبط اي حاجه قبل ما نروح البحر
عشري….كل حاجه متجمده في الفريزر لو طلعت حاجه نبقي تشغيلها قبل ما نخرج
عسال….اشطا متنساش تحط بنزين
عشري…..تمام.
راح عشري وقف عند صيدليه دخل جام الكريم وخرج و بعدين راح حط بنزين و رجعوا كانت الساعه واحده وربع و الكل صحي خلاص
سمعوا صوت العربيه راح رشيد فتح الباب بره
رشيد….ايه كل ده ؟
عشري….بطل رغي و تعالي شيل معانا
رشيد…..فطرتوا ولا لا كلنا مستنينكم
عشري…..لا مفطرناش لسه
دخلوا الثلاثه قابلهم باقي البنات والشباب دخلوا معاهم الحاجه
عشري…..صباح الفل
ليله…..صباح النور ايه كل الحجات دي
عشري…..حد فيكم بقي يظبط الدنيا
ايمي…..لسه في حجات هنا يا عشري
عشري…..عارف مش هتخسر يعني بس كده كده قربوا يخلصوا وفي حجات نشفت
نعيمه….كويس انكم جيبتوا عيش و توست اللي هنا فعلا نشف شويه
حسان….اخبار الجو ايه بره
عشري…..الجو بره تحفه انهارده والشمس طلعت أخيراً بس ابشر البلد بايظه يعني في محلات و بيوت المايه مغرقاها لحد الوقت
حسان….يعني ايه الطرق بايظه
عشري…..لا الطرق نفسها مش اوي بس لسه يعني في مائه في اماكن كتير
فضل….مقولتوش ليه وانتوا خارجين محستش بيكوا
عشري…..قولنا منقلقش حد صحيح هات بقي من العصاير والكانزات و المايه دي حطهم بره في الايس بوكس عشان تاخدوهم علي البحر
فضل…..خليهم طيب شويه في الثلاجه دول سخنين
عسال….جيبنا ثلج بره و اتحط في الايس بوكس كمان
حسان….واضح انهم ظبطوا الدنيا
عشري….بابتسامه علي الاخر صحيح مش عرفت سالم فين
ليله…..ايه ده شوفته؟
عشري….لا كنت بجيب الثلج و سمعت الراجل بيتكلم و قال اسمه سألته و عرفت منه أن حصل مشكله كبيره بين عيلة سالم وعيلة تانيه و في حد مات من العيله التانيه يعني خناقه كبيره و كل الرجاله والشاب اللي في العلتين محبوسين
فضل….دي مشكله كبيره شكلها
عشري…..واضح كده مفهمتش اوي بس تقريباً ابن اخو سالم مسك في شاب من العيله التانيه و كانت خناقه عيال صغيره وانتهت بموت الشاب التاني و ناس كتير اتعورت والكل اتاخد
رشيد….طب لما نمشي هنسلم لمين الڤيلا
عشري….عادي بقي نقفل الدنيا و نكتبله ورقه و يتصل بينا لما يفتح موبايله ولا لما يخرج
سلمي….طيب احنا هنروح البحر أمته بقي.
عشري….نفطر طيب و نظبط الدنيا لسه بدري كمان الوقت الجو حر لسه قدامنا اليوم طويل خلينا نغير كمان
ايمي….طيب هنظلط احنا الفطار و اللي يلبس فينا بقي يكون جاهز و بالمره فكروا معايا في الغداء
رشيد….ممكن نقضي اي حاجه سريعه كده محدش فينا هيقدر يعمل اصلا
ابتسم عسال لعشري و سكت
عشري….اي حاجه يا ايمي مش هتفرق
نعيمه….ايه ده جبتوا اندومي كمان
ايه…..الله ده خلص هنا مين فيكم اللي افتكره
عسال….صراحه عشري اللي سألني و انا قولتله اني شوفت حد فيكم بياكله
ايه….والله انتوا قمر
عسال…..صحيح فين نادين و فين سلامه
نعيمه….نودي فوق في الاوضه و سلامه كمان مشفتوش اكيد فوق
حسان…..اه سلامه فوق مش راضي يقوم من السرير و غالباً كده مش عايز يجي البحر
عشري….ايه ده ليه هو تعبان
حسان…..لا كويس بس مش عارف مزاجه مش حلو
عشري….مفيش الكلام ده الكل هيروح
عسال….هطلع اشوفه و اه صحيح في شنطه هنا مليانه شوكلت ليكم و الشنطه دي ملحوس دعوه بيها
ايمي….بضحكه جميله طيب يا سي عسال الله يسهلك
ليله….بابتسامه احمد ربنا اني مليش في الحلو اوي كان زماني خدتهم كلهم
عسال….بابتسامه انا عيوني ليكم والله و جبتلكم علي فكره زيها
ليله….بضحك ماشي يا سيدي شكراً
عشري….ليله تعالي لحظه
قربت منه ليله
ليله…..نعم
عشري…..خدي حطي من الكريم ده كويس للحروق
ليله….بابتسامه علي فكره كنت عايزه اقولك بس مرضتش
عشري….ليه ؟
ليله….امممم معرفش
عشري….ماشي يا ستي عموماً انا منستش واصلا انا خارج عطشانه مخصوص لأن عارف لو نزلتي البحر اكيد هيتعبك
ليله…..انا اصلا كنت خايفه من كده
عشري…..هتلاقي كمان في شاش صغير كده الصيدلي قالي تحطيه علي الجرح و فوقه تحطي البلاستك التقيل ده عشان يمنع المايه شويه و لما تطلعي حطي تاني
ليله…..بابتسامه جميله ماشي
عشري….بحب يلا هطلع كده اغير و اظبط الدنيا علي ما تكونوا ظبطوا الفطار
ليله….ماشي
……………..
خبط عسال علي الباب فتحت نادين و بصتلوا بهدوء وابتسمت
نادين….صباح الخير
عسال….صباح القمر مع اني زعلان شويه يعني
نادين….ليه انا اللي زعلانه اصلا
عسال….زعلانه ليه طيب
نادين…..عشان خرجت و محدش فينا يعرف انت فين
عسال….بابتسامه والله لو كنتي اتصلتي بيا كده زي ما ليله اتصلت اطمنت علي عشري كنتي عرفتي انا فين
نادين….صراحه كنت عايزه اتصل بس معرفش ليه حسيت اني اتحرجت يمكن لسه مش متعوده بس اطمنت من ليله يعني
عسال…..ماشي يا ستي عموماً انا كنت واثق انك هتتحرجي تتصلي بس خدي بالك دي اول واخر مره بعد كده تتصلي في اي وقت
نادين….بابتسامه حاضر
عسال….امسكي الشنطه دي كلها عشانك انتي بس البنات معاهم حاجتهم
نادين….بابتسامه جميله ايه كل ده
عسال…..مش قولتي انك بتحبي الشوكلت؟
نادين…..بس ده كتير اوي
عسال…..لا مش كتير خلصيهم انتي بس
نادين….بسعاده شكراً
عسال….العفو يا قلبي بتعملي ايه جوه كده لوحدك مش خايفه
نادين….بضحك لا ما الصبح طلع خلاص انا كنت بصلي يعني وكده
عسال….بابتسامه انتي بتصلي يا نادين؟
نادين….بضحك اكيد ليه مستغرب
عسال….لا مش مستغرب بس عشان مش شوفتك انتي أو البنات فا مستغرب
نادين….لا كلنا بنصلي الحمد لله اينعم سعات ممكن يفوتني صلاه بس انا الي حد كبير ملتزمه
عسال….الحمد لله ربنا يثبتك
نادين….يارب طيب انت بتصلي بقي ولا ايه شكلك مش منتظمه عشان اتفاجئت
عسال…..انا الحمد لله بصلي من وانا عندي سبع سنين و عمري ما قطعت و يوم ما بيفوتني اي صلاه لازم اعوضها بسرعه
نادين….بجد
عسال…..بجد البركه في امي
نادين….ربنا يخليهالك انت وسلامه يارب
عسال….يارب يا حبيبي يلا شوفي كنتي بتعملي ايه و متتأخريش عشان نفطر و اه صحيح متاكليش كتير اوي من الشوكلت عشان متتعبيش
نادين….بابتسامه ماشي
عسال….يلا اشوفك تحت
عشري……صباح الفل يا نودي
نادين….بابتسامه صباح الخير يا عشري اخبارك ايه
عشري….زي الفل علي فكره هاكل معاكي من الشوكلت دي
نادين….بأبتسامه بس كده عيوني
عسال…..عيونك ايه وانا امشي من هنا كل من تحت دول بتوعها لوحدها
عشري…..بابتسامه هتأكليني يا نودي صح
نادين….بضحكه جميله هأكله حرام
عسال….بابتسامه جميله ماشي يا ستي نأكله وأمرنا لله.
ضحكوا مع بعض و بعدين راح عسال علي سلامه.
عشري……خير يا بومه في ايه مالك
سلامه….بضحك ما تبطل قلة ادب علي الصبح مش كفايه قلقتونا انت والحيوان اللي وراك
دخل عسال و بصلوا.
عسال….حيوان في عينك و بعدين ايه يعني اتخطفنا
سلامه…..كنتوا بتعملوا ايه صحيح
عسال…..بنجيب حجات ناقصه في البيت المهم قولي انت مالك حسان بيقول أن مودك مش حلو و مش عايز تيجي البحر
سلامه…..لا عادي بس مش قادر
عشري….مفيش الكلام ده هتيجي و كلنا هنروح انت تعبان ولا ايه ؟
سلامه….بضحك اهو باقي العصابه شرفوا
حسان……ايه عرفتوا مالوا الاخ ده؟
عشري….بيتظلع اكيد بس هيجي معانا سيبك منه
سلامه…..انت مالك انت وهو سخنين عالصبح ليه لو مجتش يعني هبوظ يومكم
عسال….في ايه بجد مالك
سلامه….زي الفل والله
فضل…..ولا بقولك ايه بطل قرف عالصبح خلينا نروح
عشري….هو كده كده جاي متتعببش روحك
رشيد…..بابتسامه شكلوا كده مش عارف
يلاقي داخله لايه
فضل….بضحك مش لما يتعامل معاها الاول بطريقه تانيه يبقي يلاقي داخله البت عينها منه والبعيد حمار و شافها أخته الصغيره أو صديقه
سلامه….بضحك انت مالك ياض بتتكلم كده ليه والله اقوم اروقك
فضل….ما انت مستفز مقضي وقتك طول اليوم معاها و مش حاسس بنفسك انك مشدود ليها و في نفس الوقت مش حاسس لسه بحاجه انت اهبل ياض
حسان…..انت فعلاً مش ملاحظ يا سلامه انك معجب بيها ولا ايه ده انت مفضوح للكل
عشري…..اه والله معاك حق نقضيها رقص و غنا و تصوير تيك توك و ضحك و هزار ولسه مش حاسس
حسان….لا وخدها امبارح بعد ما انتوا خرجتوا واتمشوا بره وقعدوا كتير
عشري….بضحك لا والله ولسه حاسس انها اختك الصغيره
سلامه….بضحك صباحكم فل علي الصبح هي الحفله عليا ولا ايه
عسال….معاهم حق ما انت مش مفهوم ولا دريان بنفسك
فضل……لا و كمان مش عارف خدوا بالكم ولا لا من عينه اللي طلعت شرار لما اتحكم عليها و اختارت تبوس رشيد
رشيد….بضحك والمصحف كنت عايز اقول لا بس محبتش أحرجها قدام الكل بس انت عارف ان هي بالنسبالي اختي الصغيره انا لو كنت اتجوزت وانا عندي 19 سنه كنت جيبات قدها
سلامه….بضحك عارف يا اخويا متقلقش
عشري….طب ايه لسه مش حاسس
سلامه….لا يا اخويا منك ليه حاسس اني غريب و في حاجه جوايا مش فاهمها و عشان مافهمتيش غلط يا رشيد انا حسيت اني اضايقت و بصراحه ولا منك ولا منها انا عارف والله انك بتتعامل معاها علي انها بنتك كمان مش اختك و عارف أن هي اختارتك انت بالذات لنفس السبب
رشيد…بضحك اوباااا اعترف اهو بس احترم نفسك وبطل تتكلم في السن
سلامه….بضحك لا بوضحلك بس أن الموضوع بعيد عنك وعنها بس مش هنكر اني حسيت اني اضايقت
عسال…..طيب وده ملوش تفسير عندك يا غبي
حسان….ماهو اعترف اهو
سلامه…..اه يا سيدي بعترف أن جوايا في حاجه غريبه بس خلاص بقي مبقاش ينفع
بصوا لبعض كلهم و بعدين بصوا لسلامه
عشري…..يعني ايه ؟
حسان….ايه قالتلك لما خرجتوا بره انها معجبه بحد بره
سلامه….اه قالتلي بس مش بره
رشيد….اوعي تقول هنااااا
سلامه…..بتنهيده اه هنا
عشري…..بضحكة صدمه هنا فين يا جدع معجبه مين دي اوعي تقول عسال
عسال…..عسال ايه لا طبعاً ايه معجبه بيك وانا واثق
سلامه…..لا مش عسال ايه معجبه بفضل
فضل…..نعم يا اخوياااااا
رشيد….فضل ازاي ؟!
عشري…..بضحك وانت صدقت يا اهبل
سلامه…..و هي ليه تكدب
حسان….طيب هو ايه اللي حصل و ازاي قالتلك يعني من نفسها كده ولا انت اللي سألتها
سلامه…..لا كنا بنهزر و نضحك و بعدين سألتها كانت متوتره و باين عليها انها مكسوفه فا قولتلها احنا مش بقينا صحاب قولي عادي بس قالتلي فضل
فضل…..فضل ايه يا غبي يعني واحد بيقولوا احنا صحاب هتقولك ايه يعني كان لازم تديهالك في نص راسك عشان البعيد يحس و بعدين هي بتقعد معايا اصلا
عشري…..انت بجد صدقت يا سلامه تبقي غبيه علي رأي فضل يا اهبل البت مش بتسجيل عينها من عليك و لما اتعصبت عليك بعد موقف نادين كانت مضايقه و مرضيتش تاكل غير لما تيجي
رشيد….ايوه صح وبعدين هي حقيقي كلامها مع فضل عادي جدا
فضل…بضحك جدااااا يعني لا في نظرات ولا هزار و لا ضحك مفيش بينا اي موقف حتي يخلي حد فينا يصدق
عسال…..سلامه ايه مركزه معاك و مش عارف انت ليه مش قادر تحس
سلامه…..مش حكايه مش قادر احس بس هي قربها و هزارها و كلامها مع الكل واحد محستش أن في حاجه غريبه تخليني احس انها مركزه معايا يمكن عشان كده انا بتعامل معاها بطريقه مختلفه
فضل…..طيب لما انت شايف أن طريقتها مع الكل واحده ازاي صدقت انها معجبه بيا اصلا
حسان…..و علي فكره يا سلامه انت فعلاً حمار و مش مركز
سلامه….بضحك الف شكر يا حسان
حسان …بجد حمار ليه بقي لان لو بتدور علي معامله خاصه منها و حاسس ان مفيش تبقي غبي فعلا لان فيه أولاً قاعدتها طول الوقت معاك ضحكتها وهزارزها و مشاركتها ليك في كل حاجه معاك انت مش معانا تقدر تقولي لما هي معجبه بفضل مراحتش ليه قاتله تعالي نتمشي بره
سلامه….هي اصلا مقالتليش انا اللي قولت هامشي و قولتلها تعالي معايا كنت بحاول الاقي فرصه اتكلم معاها يمكن الاقي اللي بدور عليه
فضل…..و لو هي معجبه بيا بجد مكانتش خرجت معاك مهما قولتلها و اتحججت بأي حاجه
عسال….صح
سلامه….طب مش يمكن بتحاول تلفت نظرك و تضايقك عشان تتحرك
فضل….ياض والمصحف افتح دماغك تلفت نظري لايه يا غبي و بعدين لو حابب تشوفها من النقطه دي حقك بس كمان شوف بالمره انها قالتلك انها معجبه بيا مش يمكن حبت تشوف رد فعلك يا غبي و تلفت نظرك انت و بعدين انت متخيل يا اهبل انها هتيجي تقولك انها معجبه بصاحبك و هي عارفه انك هتيجي تقول عادي
سلامه….لو هي حابه توصل المعلومه مش هيفرق معاها المهم انك تبقي عرفت علي الاقل يعني متجيش هي تقولهالك صريحه
فضل….لا يا شيخ وليه لا ؟
سلامه…..عشان مش هتيجي تقولك يعني انا معجبه بيك
فضل….طيب ما ايمي قالت لرشيد قدام الكل
سلامه….بابتسامه لا ايمي حاله خاصه اصلا و بيتهيألي ايه مش جريئه زي ايمي
فضل…..مفيش الكلام ده البنت اللي معجبه براجل حتي لو مش هقول هتحاول تلفت نظره و ايه لفتت نظرنا احنا انها مركزه معاك و البعيد حمار مش فاهم
رشيد…..سلامه ايمي مش ايه وايه مش ايمي و بيتهيألي زي ما فضل قالك لو مش هتقدر تعمل زي ايمي علي الاقل عينها هتفضحها و الكل هيحس انها معجبه بفضل لكن ده مش حاصل
سلامه….يعني ايه ؟
عشري…بضحك يعني انت حمار و البت معجبه بيك بس مش عارفه توضح اكتر لأن انت مش مديرها فرصه بتعملها علي انها واحد صاحبك و علي أنها صغيره و زي ما فضل قالك كده هي حبت تشوف رد فعلك
سلامه…..بس لو هي متأكده اني ممكن اقول لفضل علي اعتبار أننا صحاب يعني تبقي غبيه لأن هي كده بتحط نفسها في موقف محرج
فضل…..لا هي وثقت فيك علي فكره مش قولتلها احنا صحاب و نحكي لبعض اهي قررت تديهالك في نص راسك و في نفس الوقت عارفه انك مش هتقول
حسان…..من الاخر هي حبت تشوف رد فعلك يا سلامه
سلامه…..رأيكم كده يعني
عشري….اه يا غبي اشتغلتك وانت صدقت
عسال…..اللي يشوف سلامه يقول عمره ما دخل في علاقه ولا عارف دماغ البنات
عشري….ده حمار
سلامه….بضحك علي فكره انا اتشتمت كتير انهارده فا خفوا بقي عشان مقومش ادور فيكم الضرب
رشيد….والله حمار يا سلامه و طلعت غبي كمان و بعدين نعيمه باين اوي من مناقشتها مع فضل أن هي معجبه بيه و فضل باين انه معجب بيها يعني بيتهيألي هما بنات مع بعض متكلمين و في بينهم حوار كبير علينا لو نعيمه عارفه أن ايه معجبه بفضل مش هتفضل معاه و هتديهم فرصه يقعدوا مع بعض
عسال….صح لما ايمي و ليله عرفوا مشاعري تجاه نادين هما اول ناس وسعولي الطريق و قالولي اطلع هاتها هتيجي معاك و لما عرفوا اني جد و فعلا معجب بيها شجعوني و ده حمسني لأن زي ما رشيد قال كده فهمت أن في بينهم كلام و بما انهم صحاب لو مكانوش حاسين أن نادين بتبادلني نفس الشعور مكانوش خلوني اقرب منها
عشري…..بابتسامه قام وقرب من عسال دماغك ابوها يا ابني و الله اعقل دماغ فينا و فاهم كل حاجه يا ابني زي ما احنا قعدنا مع بعض كده هما كمان قعدوا مع بعض و واضحه اوي علي فكره في الاول مكانش في حد فيهم بيقعد مع شخص مننا بالذات يعني كانت القاعده مع الكل بس الوقت بقي الموضوع واضح اوي
سلامه….طب انا اعمل ايه الوقت انا حاسس من بعد ما قالتلي اني محبط و بصراحه حسيت أن فعلا جوايا شعور و نظره مختلفه ليها مكنتش واخد بالي منها و اصلا انا قالتلي بعدها علي طول قولتلها يلا نرجع
حسان….ولا اي حاجه اتعامل عادي بس حاول تقرب شويه ولو هي بجد معجبه بفضل هتقرب منه بس ده مش هيحصل لانها مش معجبه بفضل
رشيد….شوف الحمار بيقولك قالها يلا نرجع يا غبي هي حبت تشوف رد فعلك و علي فكره هي أنها ده طاقتها مش حلوه يعني مش ايه المهيبره
فضل….طول الوقت عينها علي السلم مستنياك تنزل
حسان….حصل و لما قولت لعشري وعسال انك مش عايز تيجي البحر و مودك مش حلو كانت مركزه معانا وباين انها مضايقه
عسال…..ايه نروح نطلب أيدها عشان تتأكد
سلامه….بضحك لا يا سيدي خلاص هشوف كده وراقب الجو من بعيد
فضل….لسه بيقول هراقب لا انت دماغك مريحاك تراقب ايه يا غبي مستني تشوف ايه يعني أنها مركزه معايا
سلامه….بضحك لا اقصد اشوف تركيزها معايا انا
رشيد…..بضحك بقول ابن سيبكم من الرغي ده كله انا في حاجه مهمه عايز اقولها
عشري….حاجه ايه
رشيد….بضحكه عاليه ضحكتهم
حسان….بضحك ماله ده كمان
رشيد….من الاخر كده مش عارف ليه انا حاسس بغدر من البنات انهارده و مش متطمنلهم و هنتغفل تغفيله كبيره علي البحر
حسان….تقصد ايه مش فاهم
رشيد….علي اللبس يا حسان
حسان…..ايوه صح والله انا فكرت في الموضوع ده بس محبتش افتحه قولت نتفاجئ
رشيد…بضحك لا نتفاجئ لا
عشري…..بضحك انا عن نفسي فتحت الموضوع مع ليله امبارح و مستني اشوف هتعمل بكلامي ولا لا صراحه مش عايز مشاكل بس ليله دماغها صعبه مقدرش أتوقعها
فضل….لا متقلقوش من ناحية هنتفاجئ فا اكيد هنتفاجئ البنات كلهم مش متوقعين مش ليله بس و بعدين هما عندهم جرأه في لبسهم فا لازم نتوقع
سلامه….بضحك طب ايه هنسكت
رشيد…..بضحك عشان كده فتحت الموضوع لازم نعترض و كلنا لان لو واحد فينا بس اعترض مش هيمشي الموضوع و هيتضحك علينا بكلمتين انا عارف لكن لو كلنا اعترضنا هيضطروا يسمعوا الكلام
عشري…..بضحك رشيد عايزنا نتفق عليهم
رشيد…..بضحك حصل وأقطع دراعي أن ما كانوا هما كمان متفقين علينا
حسان…..بس في مشكله يعني انت يا رشيد و عشري و عسال تقدروا تتكلموا في الحوار اكتر مننا احنا الثلاثه لأن بقي في بينكم عشم و تصريح علني انكم في علاقه فا مسموح ليكم تعرضوا علي اي حاجه
لكن احنا لا لسه .
سلامه….بضحك انا اصلا لسه مش فاهم اي حاجه في علاقتي الغريبه دي فا مقدرش اعترض علي موضوع اللبس
رشيد…..لا تقدر و اهي فرصه ليك تشوف هتسمع كلامك ولا لا
سلامه….بضحك رشيد عايز يضم صوت الجميع عشان الضغط يبقي مننا كلنا
رشيد….بضحك صراحه ايمي مش متوقعه و قلقان منها
عشري……علي فكره يا سلامه انت و حسان و فضل تقدروا تقولها بطريقه حلوه
