لقاء كارثي

ضحكوا كلهم و ابتسمت ليله و خبت وشها

نعيمه….بضحك لا هو انتي كان لازم تشوفيني انا يعني انا شوفت ليله في خناق قبل كده بس اول مره في حياتي اقف مصدومه و مش عارفه اتصرف

فضل…..بابتسامه انا لما وصلت بصيت لاقيت مريم جثه هامده علي الارض و الشاب اللي سايق شبه مغم عليه و دم في كل حته خدت نعيمه في ايدي و وقفت بعيد عن ليله

ضحكوا كلهم و ضم عشري ليله وهو بيضحك و باس راسها

ايمي….بضحك خوفت منها

فضل….بضحك في الاول انا خوفت عليها لما لاقيت التيشرت بتاعها كاه دم بس لما بعد كده اكتشفت ان ده دمهم قولت ابعد بكرامتي

سلامه….بضحك طلعت بلطجيه بجد يعني مش من بتوع السيط ولا الغني

فضل…..سيط ايه ياعم بقولك كانت ممرمطاهم

ايه……بضحك ليله علي فكره بجد غشيمه و لما بتروح منها مبتبقاش مركزه هي بتعمل ايه

حسان….بس انا بحس والله ان ليله طيبه و كيوت كده و عاقله

فضل….يا جدع صلي عالنبي كيوت ايه ما انت لو شوفت اللي شوفته مش هتنطق كلمه كيوت دي خالص

ليله…..بابتسامه بصت لعشري خلي فضل يتلم

عشري….بضحكه تجنن ده مش هيتلم غير لما تقومي تروقي عليه قومي يلا خدي حقك

فضل…..بضحك لا ياستي انا اسف خلاص حقك عليا

سلمي….بابتسامه نعيمه يعني انتي مشاركتيش في الضر,ب ده خالص ده انتي كنتي هتموتي و تضر,بيها

نعيمه….انا في الاول خالص مسكتها من شعرها كنت خايفه تجري من ليله بس لما ليله اتحولت و مبقتش معانا اصلا بقيت انا اللي اهدي فيها و احوش مريم عنها والله العظيم كنت خايفه تموتها في ايدها

فضلوا كلهم يضحكوا علي نعيمه

ايمي….خليتي نعيمه تحوشها يا قادره من ايدك

ليله…..علي فكره نعيمه بتبالغ

نعيمه….ياشيخه يارتني صورت

ليله…..والله ما فاكره بجد انا عملت ايه بس خوفي علي عمر خلاني مش عارفه انا بتصرف ازاي طول الوقت كنت بحاول اني امسك اعصابي عنها في كل موقف بتعملوا و مكنتش احب اني اعمل كده فيها بس خلاص فاض بيا والله..

عسال…..المهم انك بخير و خلصنا منها و بعدين يعني انا حابب اقول خاجه بس اتمني متضر,بش

عشري…..بضحك قول

عسال…..بدأت اشك ان انت و ليله اللي نحس في كل القصه دي

ضحكوا كلهم علي ميدو

فضل…….لا اتأكد بقي عشان الجوازه و العلاقه دي بالذات كلها مغامرات و مصايب

ليله…..بضحكه هاديه خد بالك هركز معاك