لقاء كارثي

المشاكل خلت علاقتنا اكبر واقوي و مأثرتش علينا و ده اللي ليله حابه توصلوا

ليله…..انا مش عيزاك تضايق انت عارف انا بحبك قد ايه بس اعتبرني اختك الكبيره و دي نضيحتي ليك و صدقني قدام شويه هتفهمها انت وتقي دي في مصلحتكم علي فكره و خد بالك انا مش واصيه علي تقي انا في كل الاحوال هبقي مبسوطه وانا شيفاها عروسه و هبقي مبسوطه لو هي سعيده و لو مصممين علي قراراكم بردوا هقف معاكم وهقنع وليد يعني كلامي ده انتوا مش ملزمين بيه لو حابيبن تتجوزوا بجد اعملوا كده بس صدقوني احلي حاجه في العلاقه لما تفهموا بعض اكتر لما يبقي في بينكم ميموري اكتر تفتكر ها وانتوا متجوزين الميموري اللي بينكم لسه مش كافيه

عدي….بابتسامه وانا مش زعلان بالعكس انا مبسوط اني بتكلم معاكم و عارف يا ليله ان كل كلمه قولتيها صح انا بس عشان واثق في قراري و عارف ان اختياري لتقي اكيد حبيت ان الموضوع يكون جاد

ليله….انك تاخد الخطوه و تقرر تتكلم معانا عشان شكلك و شكلها وعشان شكل ابوها اللي انت مش عايزه يتأثر ده ليه كل الاحترام يا عدي المهم انك تكون مقتنع وبردوا انكلموا مع بعض

عشري…..ايه يا تقي طيب ردي بس علي الجزء ده انتي شايفه ان لبله مش معاها حق

تقي….بابتسامه هاديه لا خالص هي معاها حق و انا مقتنعه بكلامها جدا واكيد بردوا واثقه في عدي

ابتسم عدي بهدوء.

ليله….حلو انك واثقه في عدي و خلو انك مقتنعه بكلامي اتبسطوا بقي مع بعض اعملوا مبمبوري عيشوا مع بعض مواقف حلوه واجهوا بطريقتكم المواقف الصعبه شوفي عدي هيتمسك بيكي قد ايه لو حصل منك موقف او لو مرتيوا بمشكله مع بعض وانت كمان اختبرها هي مش بنت اخويا بس اه اختبرها لان الجواز مشروع يا عدي يا ينجح ويكبر يا يبقي فاشل اعملوا خطه واشتغلوا عليها مع بعض و اعرفوا ازاي تكبروا المشروع ده و تخلوه ناجح وقوي و ليه اساس الجواز مش هيطير لو ليكم نصيب في بعض هتتجوزوا بس اتجوزوا و انتوا عارفين بعض اكتر

عشري… بابتسامه و عموما يا سيدي انت وهي بس نخلض فرحنا و الجو ده كله و هي تبقي خلصت و نتكلم مع وليد و تلبس شبكتك قولت ايه

عدي…..بابتسامه جميله موافق طبعا

ليله……و حاجه كمان لما تتكلموا مع بعض في اللي قولناه ده لو حاسين انكم مش مقتنعين اتكلموا معانا جايز نقدر نقنعكم اكتر او نقتنع بكلامكم و نبقي معاكم