لقاء كارثي

راحت ايه قعدت جنب سلامه كانت خايفه يكون زعل و حبت انها تبعد خالص عن تامر و تتفادي اي سوء فهم او زعل .

ايه….ااا هي حنون فين

سلامه …عسال كلمهم و جايين في الطريق

ايه….طيب تمام

سلامه….ايه مالك

ايه…..بابتسامه لا مفيش يا قلبي

سلامه….في مشكله معاكي انتي و سلمي و تامر ولا ايه

ايه….ااا لا خالص كنا بنشوف بس ناقصه حاجه او نسينا نجيب كل اللي ناقصه ولا لا بصراحه انا قلقانه عليه

سلامه…..لا متقلقيش و بعدين لو في حاجه هنبعتلوا الف واحد يعني

ايه…..ماشي هو احنا مش ممكن نعدي علي ماركت

سلامه…..اه عادي عايزه حاجه ولا ايه

ايه…..عايزه لبان

سلامه…..بأبتسامه حاضر هجيبلك نتحرك بس و شوفي محتاجه ايه

ايه…..بأبتسامه ماشي

…………..

خرج عشري وقف علي الباب بره يتصل علي عدي و سلبم و يشوفهم فين.

عشري….الووو

سليم…ايوه يا محمد

عشري….فينكم يا سليم

سليم….احنا في الطريق

عشري…..قدامكم قد ايه

سليم….ااااا يعني ممم ممكن نص ساعه مثلا

عشري….طيب خدتوا شنطتي و شطنه فضل و لا نسيتوا

سليم….لا خدنا كل حاجه متقلقش

عشري….والحاجه اللي قولت لعدي عليها خدها ولا نسي

سليم….حاجه ايه

عشري … المياه والعصاير

سليم…اه اه خدنا كل حاجه متقلقش

عشري….طيب علي مهلكم

سليم…..ان شاء الله مش هنتأخر

عشري….ماشي يا حبيبي يلا بالسلامه

سليم……سلام

قربت ليله منه

ليله…..بتعمل ايه

بص عشري و راه و ابتسم

عشري…تعالي يا قلبي بشوف سليم و عدي فين

ليله….ايه قربوا

عشري…..سليم بيقول نص ساعه طمنيني مناخيرك بتوجعك لسه

ليله….لا يا حبيبي انا تمام صدعت شوبه بس خدت مسكن

عشري…..سلامتك يا عمري

ليله ….بأبتسامه ده اللي باخده منك يا بلطجي مره حرق و مره خبطه

عشري ….بضحك مساقصدك يا حراميه الصور

ليله…..ايه زعلان ليه ؟ انا حره

عشري…..حره يا قلب عشري تاخدي الساعه تلبسيها و تلعبي فيها براحتك

ليله…..لا كبيره عليا

ابتسم بحب ومسك راسها بأيده باس ها من جبهتها

ليله….هو انت فين شنطتك صحيح

عشري…..مع اخواتي سيبتها يجيبوها معاهم و شنطه فضل كمان معاهم

ليله….تمام

عشري…..تقي فين ؟

ليله…..لسه وليد مكلمتي بيقولي مش عايزه تيجي و قفلت معاهم

عشري….مش هتيجي يعني

ليله….لا هتيجي انا عارفه

عشري…..بابتسامه مسيطره يعني

ليله….بأبتسامه مسيطره متقلقش

عشري…..بص علي ملامح وشها مالك عايزه تنامي و لا مصدعه

ليله….لا مصدعه خالص

عشري ….حقك عليا طيب تيجي نروح اي صيدليه

ليله….لا مش مستاهله الوقت المسكن يظبط الدنيا

عشري….طيب تعالي ندخل نقعد جوه شويه لحد ما يجوا.

ليله….يلا.

…………….

بص ميدو علي نادين لقاها واقفه ناحيه الزرع و مش بتتحرك خالص كأنها بتبص علي حاجه قام بهدوء راح عليها

عسال…..القمر بيلعب في ايه؟

لفت نادين وشها وبصتلوا بزعل وهي ماسكه ايدها

عسال…..ايده مالك مبوزه كده ليه

رفعت كفها عشان يشوفوا

عسال…..ايه ده كفك احمر كده ليه

نادين ….في حاجه قرصتني

عسال……حاجه ايه

نادين….معرفش مره واحده حاجه وجعتني و ايدي احمرت كده

عسال…..طب انتي لعبتي في ايه و لا حطيتي ايدك في ايه

نادين…..كنت بمسك الورده و بصورها حسيت ان في حاجه قرصتني بس مشوفتهاش

عسال…..طب معلش تعالي طيب اغسليها يا قلبي وريني كده لحظه

مسك كفها كان فيه زي نقطه سوده في وسط القرصه

عسال…..دي نحله

نادين….لا مش نحله دي شكلها شوكه

عسال….لا نحله بصي انا هشيل حاجه كده السوده دي

نادين…..ايه دي

عسال ….هاتي كفك بس كده

مسك كفها وضغط عليه جامد

نادين….اااااه

عسال…..معلش معلش تعالي يلا اغسليها بسرعه

نادين ….بتوجعني اوي

عسال….انتي كفك سخن اصلاً تعالي معايا بسرعه

مسك كفها و مشي بيها علي الحوض اللي عند الباب شافها رشيد و ايمي مبوزه في ايده

رشيد….بابتسامه ايه مالها زعلانه ليه

ايمي….بضحك مالك يا صغنن

عسال……في حاجه قرصتها من كفها غالباً نحله

رشيد….اااااه ده في نحل هنا

ابمي….نسيت اقولك صحيح دول عاملين خليه عند الباب اللي وراء

عسال….مش قولتلك تعالي اغسليها بسرعه

رشيد….يا نهار اسود دي احمرت و ورمت

ايمي…هي بتسمم

عسال….لا لا مفيش حاجه بس لازم تغسلها بمايه و صابون

ايمي…..اجيبلك صابونة ديتول

عسال….ماشي هاتي

راحت ايمي جابتلوا الصابونه و راح بيها علي الحوض فضلها سايبها تحت المايه الساقعه و غسلها

ماريز…..في ايه وريني ايدك ايمي بتقولي اتقرصتي

نادين…..اه يا زوزو بتوجعني اوي

ماريز…..متخافيش اتقرصت انا و عمك حماده كذا مره معرفش اعمل ايه في النحل ده مبقيناش عارفين نقعد بره

رشيد…..ايه يا عم عسال مش شغلتك دي

عسال…..لو حابين تشيلوا اشيله لما نرجع بس محدش فيكم يروح المنطقه اللي فيها كتير و بلاش تعملوا اي حركه جنبه ده اللي بيخليه يطير

ماريز…..والله ما بقيت اروح هناك بس غالباً العصافير اللي بتجننهم

رشيد…..طيب ملهوش اي حل غير انك تشيلوا بصراحه شكلوا حلو اوي

ايمي….ياشيخ حرام عليك شكلوا حلو ايه انا كل ما اشوفوا جسمي يقشعر

عسال……ايه يا حبيبي لسه بتوجعك

نادين….لا المايه هدت الوجع شويه

عسال…..انا شيلت اللدغه بتاعته خلاص في عندكم اي كريم مرطب

ماريز…..في ايه بس ليه ريحه بس في مضاد حيوي ينفع

عسال…..طيب ممكن اشوفوا

ماريز…..استني هجيبه.

طلع من جيبه مناديل نشف ايدها

عسال….متهرشيش فيها عشان هتوجعك اكتر

نادين….حاضر

ايمي….واناي ايه اللي وداكي هناك

نادين…..كنت بصور الورده

رشيد….بضحك اديها قرصتك اهو

ماريز….اهو يا ميدو ينفع

عسال…..اه كويس اوي

حطلها علي ايدها و حرك صباعه براحه

عسال…..الوقت تهدأ خالص ابعدي بقي عن الزرع

نادين….ماشي

عسال….فين بقي البيت بتاعه

رشيد…تعالي اوريك

عسال…روحي اقعدي هناك متجيش معايا

هزت راسها و راح مع رشيد يشوفوا

رشيد…..اهو فوق

عسال….اووووف ده كبير ماشاء الله

رشيد….انا لما شوفته اول مره كان اقل من كده بس نسيت اقولك

عسال….ده نحل بري

رشيد….يعني ايه نحل بري هو النحل انواع

عسال…..طبعاً كتير بس اللي بيعشش فوق الابواب ده او زوايا البيت او بيعمل بيته في فتحه جوه حيطه بيتسمي نحل بري

رشيد….وده بينتج عسل

عسال….اه بس بكميه اقل شويه لكن ده عدد يعني ممكن يعمل من كيلو و نص لاتنين حسب الموسم

رشيد…طب حلو

عسال…..ايوه بس مكانه خطر يعني هما رايحين جايين عليه و بعدين النحل البري بيبقي شرس شوفت عمل ايه في ايد نادين قرصته رخمه

ايمي….طيب ما تشيلوا يا ميدو احسن ما يقرصهم

عسال…..ماشي لما نرجع اشيلوا لانه بيحتاج طريقه معينه عشان مياذيش حد و لازم يتنقل براحه لانه لو طار مش هتقدري تسيطري عليه و بعدين هو مش بيخاف و بيطير بعيد ده بيفضل يطير في المكان يعني هتلاقي الجنينه دي كلها مليانه و محدش هيعرف يدخل او يخرج

ايمي….اقول عليكي ايه يا زوزو قلبتي البيت جنينه

رشيد….طب تعالو نخرج بره بقي بدل ما يطير

خرجوا علي بره

رشيد…..حماده عسال بيقولك البيت لازم يتشال

حماده….بيت ايه ؟

ايمي….بضحك مش بيتنا متخافش بيت النحل

حماده….اه صحيح شوفتوا

عسال…..اه رشيد فرجني عليه

ايمي….قرص نودي في ايدها و ايدها ورمت

ليله….بس هديت شويه خلاص

عشري…..طيب مينفعش يتحاوط عليه باي حاجه

عسال…..لا طبعاً انا لسه قايل لرشيد ده نوعه بيتسمي نحل بري و شرس و بعدين هو موجود في مكان انتوا بتتحركوا فيه لازم يتشال و ديماً بيبقي فيه مسمم

حماده….ده هاريني قرص انا وزوزو و محمود

محمود…من كام يوم كان في واحده في الاوضه عندي طلعت عيني مسيبتهاش الا لما موتها

عسال….هو الافضل انه يتشال انتوا هلبكم بعيد عنه لحد ما نرجع و هبقي اجي انا اشيله و انقلوا

عادل…..بتوديه مكان بقي يا ميدو و لا بترميه في مكان

عسال…..لا خساره ده بينتج عسل هو اه النوع ده بينتج كميه بسيطه بس هو ماشاء الله عدد انا هنقلوا لمكان امن

احمد…..انت بتعرفوا من الشكل يا ميدو يعني ليه علامات و انواع و كده

عسال….طبعاً انا اشتغلت فيه زمان و دي كانت شغله جدي و ابو جدي وجد جدي اصلاً ليهم انواع كتير في المصري البلدي و في ايطالي و في كرنيولي و فيه قوقازي و طبعاً بيتعرف بالحجم و باللون

حسان….طيب ايه افضل نوع بقي في كل دول يا ميدو

عسال…..هي مش بتتحسب كده يا حسان يعني بتتحسب انت عايز منه ايه؟؟ يعني مثلا انت غاوي و حابب يكون عندك منحل و تغطفهم في التعامل معاه اكيد بتفكر في حجات معينه عايزه يكون هادي و آمن و لا عايزه يكون بينتج عسل كتير و لا عايز تكون فصيله مش بتحتاج رعايه وهي اللي بتصرف نفسها بنفسها و لا فصيله تتحمل الحر

حسان…..لا انا اقصد في نوع العسل؟يعني الانواع دي ليها علاقه بانتاج معين من العسل

عسال….كل نوع ليه مميزاته طبعاً بس اقصد لو انت حابب يكون عندك منحل بتختار النوع علي حسب اللي قولته.

يعني مثلا الكرنيولي ده من الانواع المفضله اللي ناس كتير بتحب تربيه

اولا هادي جداً مش بيلدغ غير نادراً بينتج عسل كتير في الربيع انتاجه عالي يعني و بيستخدم كمان في الامراض يعني بيشفي و تقدر تتحمل لدغته

اما الايطالي فاهو يعتبر من الافضل بينتج عسل كتير لونه اصفر او دهبي اللون المتعارف عليه المحل عموماً شكله يجنن و بيبقي نشيط جداً

بس ليه عيوب اولاً هو بيستهلك من العسل اللي بينتجه و كمان مش هادي خالص

عندك كمان النحل القوقازي وده من افضل الانواع اللي بتقدر توصل للرحيق يعني يقدر يوصل في الزهره في اماكن مش اي نحل يقدر يوصلها لان لسانه طويل هادي بس عيوبه انه مش بيتحمل حراره و بيموت في الحر.

في كمان النحل البلدي المصري
ده بقي بيتحمل الحراره بيتأقلم بسرعه علي ظروف البيئه و بيتحمل
امراض بتصيب النحل عموماً هتلاقي موجود في مصر و بشكل خاص في سيناء بس عيوبه بقي ان انتاجه للعسل اقل فهمت

حسان….اه تمام وصلت المعلومه

عادل…طيب قولي يا ميدو هو نوع العسل نفسه اللي بنجيبه طبعاً في انواع عسل كتير

عسال….طبعاً

عادل…..نوع العسل بقي ليه علاقه بالنحل و لا بالزهره

عسال….لا طبعاً نوع العسل ليه علاقه بنوع الزهره و عشان كده بيتسمي علي اسمها يعني عندك عسل السدر عسل الموالح اللي هو برتقال يوسفي ليمون في عسل الخروب في عسل القطن في عسل الحبه السوداء اللي هي حبة البركه في عسل الحنون و في انواع كتير

عادل…..ايه الحنون ده

عسال….بابتسامه ااا اسف يعني اللي هو البرسيم

عادل…..اااااه

عسال…..فا نوع العسل ملهوش علاقه بنوع النحل العسل مرتبط بالزهره يعني اي نوع نحل من اللي قولت عليهم يقدر ينتج اي نوع عسل بس بيختلف في سرعه الانتاج في سرعه بناء الشمع بتاعه تحمله لدرجه الحراره كده يعني

عادل….فهمتك يعني اي نحله تقدر تنتج اي نوع عسل بس كل نحله ليها خصائص

عسال….بالظبط في نوع انتاجه اقل و نوع انتاجه اقوي في نوع بيتحمل الحراره و نوع لا في نوع هادي و في نوع شرس و بيهاجم في نوع بيهدر عسل من انتاجه و نوع بيحافظ عليه هي سلوكيات

عادل…..ده عالم

عسال…..اه ليهم سلوك و طريقه

احمد….طيب انت عرفت ازاي ان ده نحل بري

عسال ….زي ما قولت لحضرتك من الشكل اللون الحجم يعني المصري ده لونه بني غامق مدي علي اسود و الايطالي لونه دهبي او اصفر الكرينولي ده لونه فضي القوقازي ده رمادي غامق اوي و طبعاً الحجم بتاعه بيختلف

حسان….طيب سؤال اخير يا عسال

عسال…..اسأل

حسان…..هو ازاي النحل مسمم و اللي اعرفوا انه بيتم العلاج بيه عن طريق اللدغ و ازاي تعرف اصلا اللدغه بتاعته مسممه ولا لا

عسال….بص النحل مش مسمم بالمعني الحرفي بس فيه سم اه لكن السم بتاعه ميقتلش زي الافاعي و التعابين وكده بس لو الشخص عنده حساسيه من لدغة النحل يعني يوم اوي تحمر جداً يحصل هبوط او صعوبه في التنفس لازم مستشفي بسرعه بتاخد هناك حقنه كده زي المصل المضاد.

اعرف ازاي نفس الاعراض اللي قولتها