لقاء كارثي
(لقاء كارثي) 82
حسان….طب ما نادين ايدها ورمت اهي و احمرت
قرب عسال مسك كف نادين قربه منهم
عسال…..بص يا خسان الورم و الاحمرار اللي انت شايفه ده طبيعي جداً ممكن يحصل من قرصه ناموسه قرصه نمله قويه و كان في زمان الدبور ده لو حد فاكره
عادل …اه شبه المحله كده شويه
عسال….بالظبط القرصه بتاعتهم تعمل الاعراض دي بس الورم والاحمرار اللي اقصده و ده اللي تعرف منه ان النحله كانت مسممه لما شايف القرصه دي تخلي كف الايد كأنك نافخه يعني تخيل معاك جلافز و نفخته شويه بيعنل ازاي و بعدين مبيقاش ورم طبيعي بيبقي لما تيجي تحط ايدك عليه كده تحس انه تحته مايه و بعدين مكان اللدغه لما تيجي تضغط عليها تحس انها فعلاً بتنزل مايه و هنا تعرف ان الجسم ييعاني من حساسيه فا لازم تعمل تدخل طبي سريع بس
عمرو…..والله براڤو عليك يا ميدو
احمد….اه والله طيب لما انت شاطر كده ليه مش مكمل في الشغلانه دي
عادل…..و واضح من كلامه و شرحه انه بيحب المهنه اصلا
عسال…..دي مهنه اهلي و انا فعلاً بحب الشغلانه دي جداً و اللي غاوي اصلاً هيعرف ان الشغلانه دي بتديك طاقه ايجيابيه فظيعه فكره انك تهتم بكائنات صغيره وفي الاخر تطلعلك عسل يعني حاجه تجنن و احساسها فظيع بس المشكله ان هي محتاجه تفرغ كبير عايزه وقت و مجهود و تركيز واهتمام و متابعه وصبرررر و انا للاسف لما بدأت شغل جاد مقدرتش استمر بس لحد الوقت كل فتره بروح كده ابص و بتابع و اعرف ناس كتير كنت شغال معاهم هي بقت عندي هوايه اكتر من انها شغل
ماريز…..والدك اشتغل فيها يا ميدو
عسال….بأبتسامه والله يا زوزو جدي الله يرحمه لما كنت بروح عنده و اشتغل معاه كان بيقولي ان بابا الله يرحمه كان بيساعده و فاهم في السغلانه بس هو شغلانته الاساسيه كان مهندس بترول
عادل…..زيي يعني زمايل
عسال….بابتسامه اه ما نعيمه قالتلي ان حضرتك مهندس بترول
احمد…..يعني انت عسال اباً عن جد
عسال….بضحكه جميله بالظبط كده
قرب منه فضل بطريقه مضحكه و حضنه
فضل….ظن اللحظه دي اوعدك مش هرخم عليك تاني بعد المعلومات اللي قولتها دي طلعت حد مهم و انا معرفش
ضحكوا كلهم علي فضل
عسال….بضحك عفيت عني عشان خاطر العسل يعني
عشري….بضحك هو حس بأهميتك
فضل….اتقرص من نحله مسممه و مبقاش عارف لا انا اتصافي معاه هينفعنا بردوا
عسال….بضحك مصلحه يعني
فضل….بضحك لا والله انا حبيت النحل ياعم والله
حسان…..طيب ده بقي لو شيلته من هنا هتوديه فين
عسال…..يعني اي منحل من المناحل اللي اعرفها و ممكن كمان نوديه المزرعه الجديه
عشري….اه والله صح علي فكره ممكن يكون في مناحل هناك
عسال…..طبعاً وبعدين لو ودينا ده ممكن النحل يكتر و يعمل اكتر من بيت و المزرعه هتساعد في ده
ليله..اممم يعني ممكن يبقي عندنا عسل كمان
عسال…..بابتسامه ممكن جداً
ليله …بس وانت تهتم بيه بقي
ماريز…..بس مليش دعوه هبقي شريمه معاكم بالنحل بتاعي
عسال …بضحك بس كده كل شهر هيجيلك خزين العسل كله
حماده…..ربنا يرزقكم بكل خير الدنيا يارب و يوفقكم جميعاً يا ولاد
عسال….اللهم امين ان شاء الله نرجع و هاجي اشيلوا بس زي ما قولت بلاش ازعاج ناحيته الفتره دي
ماريز….ادام محمود رايح معاكم اطمن انا و عمك حماده مش بنعمل ازعاج
محمود….هو ميدو بيجيلكم غير بليل يا زوزو انتي هتتلككي
ماريز…..ما الشويه اللي بتيجي فيهم كفايه
سلامه…..مصطفي بيرن
عسال….يبقي داخلين علينا
سلامه….ايه يا درش
مصطفي…..انا دقيقه و ابقي قدامك استناني بقي
سلامه….يلا تعالي انا خارجلك اهو.
نعيمه….نسمه و نادر شكلهم وصلوا كمان الووو
نسمه….نوني احنا وصلنا
نعيمه….طيب يلا يلا جايه اهو
فضل….ايه وصلوا
نعيمه….اه
خرج فضل مع نعيمه سلامه كمان و عسال كانوا بره و معاهم ماريز
نزلت نسمه جري بحماس حضنت نعيمه و سلمت علي فضل
وراح فضل لنادر نزل معاه الشنط و سلم عليه
فضل…..اخبارك يا نادر
نادر….الحمد لله يا فضل انت عامل ايه
فضل….زي الفل والله هات بقي الشنطه دي و تعالي معايا نحطهم جوه
نادر…..يا نوني
نعيمه….بضحك لسه فاكر و حشتني يا رخم
حضنتوا و باسته و بعدين دخلوا علي جوه سلموا علي الكل
في نفس التوقيت اللي كانوا بيسلموا فيه وصل مصطفي مع حنان و ريهام قرب عسال بسرعه علي الباب بتاع امه فتحلها الباب
نزلت و سلمت علي ماريز
ماريز….اهلا اهلا بالقمر
حنان…..يا حبيبة قلبي عامله ايه
ماريز….زي الفل و حشاني والله
حنان…..انتي اكتر
ريهام…..ازيك يا طنط
ماريز …طنط تاني
ريهام…..بضحك ازيك يا زوزو
ماريز….بضحك اهو كده تعالي هاتي بوسه
سلمت عليها و علي مصطفي
ماريز….تعالي سيبيهم هما بقي يجيبوا الشنط انتي مجتيش معاهم بدري ليه
حنان…..مكانوش خلصوا اللي وراهم والله و مصطفي كام بيتفرج علي الماتش خلص و نزلنا
ماريز……تتعوض ان شاء الله تعالي
دخلت حنان و ريهام مع ماريز الشباب قربوا بسرعه منها بسعاده باسوها و حضونها و مسكت في حضن عسال بقوه والبنات سلموا علي ريهام
حنان….يا حبيب قلبي انت الف سلامه عليك يا حبيبي
عشري…..قلبي يا حنون الله يسلمك يارب و حشاني اوي
حنان….انت اكتر والله
بصت علي ليله ابتسمت
حنان….اهلا بالعروسه القمر
ليله….ازيك يا حنون يا جميله
حنان….انا فرحانه من قلبي عشانك انتي و عشري فوق ما تتخيلي كنت يومياً بدعيلكم في كل صلاه
ليله…..بابتسامه ياعمري انتي ربنا يخليكي يارب
حنان….ربنا يهدي سركم و يبعد عنكم كل شر و سوء
عشري…اللهم امين يا حبيبة قلبي
نادين….طيب ممكن اسلم
ليله…..بضحك تعالي يلا حماتك هاااا
نادين….بضحكه جميله حضنت حنان لا دي مش حماتي دي صاحبتي و اختي الكبيره
حنان….يا قلبي انتي حضنتها حنان اوي و بعدين بصت لليله ايه رأيك في القمر دي
ليله….بضحكه جميله لعبت اي شعر نادين دي الصغنن بتاعي
ايه….طب و انا ايه مليش نصيب انا بغير علي فكره
حنان…..دي الصغنن بتاعي انا بقي تعالي يا قلبي
ايه….بسعاده هتسافري معانا يا حنون
حنان…..هسافر يا قلب حنون
ماريز…..دول هيطلعوا عينك سواء البنات و لا الشباب قلبي معاكي
حنان….بضحكه جميله دول حبايبي يعملوا اللي هما عايزينه المهم يتبسطوا
احمد….بضحكه هاديه متأكده من كلتمك طب جربي الاول اخبارك يا مدام حنان
حنان…..بأبتسامه الحمد لله يا استاذ احمد بخير انا بقول اروح واتفاجئ احسن و بعدين انا معايا اربعه مطلعين عيني ميغركوش انهم اطول مني
احمد….ربنا يحفظهم يارب و تشوفي احفاد احفادهم
حنان….في حياتك يارب ازيك يا استاذ محمد
حماده….الحمد لله يا ست الكل منوره الدنيا
حنان….بنور حضرتك و الله ازبك يا استاذ عادل
عادل…..الحمد لله يا ست الكل اخبارك ايه
حنان…انا بخير الحمد لله
ايمي….طب ايه مش هنسلم و نبوس ولا ملناش نصيب
حنان…..العروسه الجميله
ايمي…قربت منها حضنتها لا عروسه ايه بقي راحت عليا عندنا امنيه اخر عروسه
حنان….هتفضلي بردوا عروسه
امنيه….ازيك يا طنط
حنان…..ازيك يا قلبي
رشيد….العريس يا حنون
عمرو…..اخبارك يا ست الكل
