لقاء كارثي
(لقاءكارثي)
يبلقاء كارثي
أميره أسامه
صاحبة البطل الواحد
~° البارت العاشر°~
……………
ايه….طيب انا عندي سؤال ليك يا سلامه انت وعسال هموت واعرف إجابته
سلامه….اسألي
عسال….اتفضلي يا ايه.
ايه….يعني بعد اللي حصل مع مامتك و كده بتشوف والدك يا سلامه و لو بتشوفه بتتعامل معاه ازاي و السؤال ليك يا عسال انت كمان بتشوفوا ولا ملكش علاقه بيه
سلامه…اكيد طبعاً بشوفوا و علاقتي بيه انا واخواتي كويسه في النهايه ده ابويا و مليش غيره
ايه….يعني مش واخد حتي منه موقف ولا فكرت مثلا انك تعاتبه
سلامه…..خالص و الحقيقه دي كانت رغبة امي هي قالت اللي حصل زمان ماشي و انا عن نفسي تخطيته و سامحت فيه و الاهم ان ربنا كان واقف معايا طول عمري و محتجتش لاي حد و حياتنا كانت جميله و مكانتش حابه يبقي في بينا وبينهه اي عداوه و انا احترمت ده و لما كبرت شويه و فهمت حتي لو كان موقفه بالنسبالي مش حلو او مش مقبول في النهايه هو اكتر حد وقتها كان شايف قدراته و هو قال أنه مش هيقدر يعني لازم نحترم رأيه و بالعكس لما عدت السنين انا واثق أنه حس أنه يمكن خد قرار غلط و ندم و علاقته بينا مش وحشه يعني علاقه عاديه و هاديه بيسأل علينا نسأل عليه كده يعني
ايه…..طيب وانت يا عسال
عسال…..انا بصراحه موقفي غير سلامه يعني عمري ما حسيت اني المفروض ازعل من الراجل ده بالعكس أنا بحس اوقات أن كنت سبب في كل ده من غير ما اقصد فا عم سلامه راجل طيب ومحترم و علي فكره انا بشوفوا ديماً و اوقات انا اللي بتحصل وأسال عنه يعني علاقتي بيه الحمد لله كويسه
سلامه….انت مكنتش سبب في اي حاجه يا عسال و بطل تقول كده و تضايقني انت عارف و متأكد اوي أن ده كان نصيب يعني بيك أو من غيرك ده اللي كان هيحصل
ليله…..سلامه معاه حق النصيب محدش يقدر يقف قدامه يا عسال يعني متشيلش نفسك ذنب مش ذنبك و بعدين اهم حاجه انكم مبسوطين و كل الأطراف بقت احسن و مرتاحين
عسال….الحمد لله
شاورت ليله لايمي علي علبه السجاير بعينها حدفتلها ايمي السجاير مسكت ليله واحده ولعتها وخدت نفس و فضلت تسمعهم و هما بيتكلموا
هز عشري رجله و فضل هو كمان ساكت و مستمع بس مضايق أن هي مولعه السيجاره .
حسان….بص علي موبايله الخساير كتير اوي علي فكره ناس كتير شغلها و بيوتها اتدمروا
ايمي….اه للاسف كتير اوي حاجه تزعل والله ربنا يعوضهم
سلمي…..تفتكروا كده خلاص مش هيحصل ايه حاجه تاني
ايمي….بيتهيالي لا خلاص الجو هدي كتير عن الاول
رشيد….هما قالوا ثلاث ايام احنا كده عدينا منهم يومين لما نشوف بكره هيحصل ايه
فضل…..بس الجو مكانش كده يا رشيد هو اينعم الهواء والعفار كتير بس السيول وقفت و الثلج
رشيد….أن شاء الله تعدي علي خير و بكره ميحصلش اي حاجه
حسان…..هو أول يوم كان اصعب يوم
رشيد…..الصبح مطرت بس مش اوي
مد عشري أيده في وسط الكلام و خد من ايد ليله السيجاره حطها في بوئه من غير ما يبصلها
عشري……لا بس انا حاسس علي بكره كده الجو هيظبط انا اللي مجنني بس هو سالم عايز اعرف اختفي فين
فضل….انا واثق أن الراجل ده حصل معاه حاجه
عشري….وانا كمان ماهو مش طبيعي أنه يختفي و ميألش و بعدين مش هو بس اللي موبايله مقفول ده الكل
رشيد….ربنا يسترها
ليله محطتش في بالها و لا حتي سألته خدت السيجاره ليه ولعت غيرها تاني و خدت نفس
هز عشري رجله تاني و طفي السيجاره وهي لسه في نصها و رجع بضهره لوراء و حط أيده علي راسه
ليله…..هو احنا هنعمل ايه بكره ؟
سلمي……نعمل ايه في ايه؟ مفيش جديد اللي عملناه انهارده اكيد
ليله….لا الجو كده مش حلو لازم نعمل اي حاجه جديده بجد
حسان….بابتسامه ايه زهقتي
ليله….مش حكايه زهق بس حاسه ان احنا اتكلمنا في كل حاجه و عملنا كل حاجه يعني عشان ميبقاش في ملل
رجع عشري لقدام مره تانيه و سحب من أيدها السيجاره حطها في بوئه رفعت ليله حاجبها
عشري…..بكره باذن الله هحاول كده اشوف موضوع الصرف و باذن الله يظبط علي الاقل نقعد بره او حتي نقدر نروح شويه لحد البحر يعني نغير
سلامه….كمان عايزين نشوف العربيات اللي باظت دي
رشيد…..انا خايف عربيتي تكون باظت والله متفكرنيش
ايمي…..هي عربيتك انت بس انا وليله عربياتنا مش شغاله اصلا
رشيد….متقلقيش هنشوفها البشمهندس بتاعنا اكيد هيعرف يشغلهم
ايمي…..مين ده ؟
رشيد….فضل
ايمي….انت مهندس يا فضل
فضل….يا ستي مهندس ايه بس سيبك منه بس بحب العربيات يعني متقلقيش خير و بعدين عشري معا عدة في العربيه ادعي بس ميبقاش في حاجه فصلت أو محتاجه قطع غيار
ايمي……طب لو حصل كده هنعمل ايه بجد
فضل….سيبها علي الله متقلقيش هنلاقي حل اكيد نخرج بس عربياتنا و لو حصل كده هنروح نجيب من اي مكان قطع غيار نخلص احنا بس من المايه اللي بره دي
و كل حاجه هتظبط
مسكت ليله علبه السجاير و قبل ما تفتحها مسكها عشري من أيدها و حطها جنبه الناحيه التانيه
ليله….بهمس يعني اول سيجاره قولت يمكن سجايرك خلصت تاني سيجاره قولت تمام عادي بس العلبه مش فاهمه في ايه
يصلها عشري بهدوء و بعدين رجع بص قدامه
ليله…..بابتسامه صدمه رفعت حاجبها والله ده ايه البصه دي
عشري…..بنظره هاديه عايزه ايه يا ليله؟
ليله…..عايزه السجاير و عايزه افهم في ايه بالظبط
عشري….مفيش سجاير
ليله….بنظره جميله و جريئه وده اسمه ايه بقي
عشري…..اختاري الاسم الاسم اللي يعجبك بس مفيش سجاير
ليله….هو ايه اللي مفيش سجاير ؟
عشري…..هو انتي سامعه صوتي واطي ازاي صح خلي صوتك واطي
ليله….بضحك لا أفهم بجد انت مالك
عشري….طيب تعالي بره شويه
قام عشري خرج بره و خرجت هي كمان معاه
ليله…..ها فهمني بقي مالك
عشري…زي الفل قولتلك مفيش بس مفيش سجاير
ليله…..ده عشان انت سجايرك خلصت يعني و عايزها ولا عشان انت مش عايزين اشرب
عشري…..الأوضاع فوق مليانه علب سجاير و العربيه بره مليانه علب سجاير
ليله….ااااه يعني كده انت مش عايزني اشرب
عشري…..وده يضايقك في حاجه هو مش انتي قولتي انك مش بتشربي كتير اصلا و أن دي سجاير ايمي
ليله….اه قولت بس مش معني كده اني مش بشرب خالص لا بشرب بس مش حريقه زي ايمي يعني
عشري…..طيب كويس انك مش حريقه يعني سهل تستغني عنها
ليله….بابتسامه رفعت حاجبها ااااااه طب خد بالك انا مش بحب التحكمات
عشري….بابتسامه و مين قالك اني بتحكم فيكي
ليله….والله ملهاش اسم غير ده
عشري…..تمام انا قولتلك اختاري الاسم اللي يعجبك و لو عاجبك تسميها تحكمات سميها براحتك
ليله…..تمام ماهي كده فعلا و انا بقولك اني مش بحبها
عشري…..بنظره ثابته في عين ليله يبقي تحبيها عشان مش هتشربي قدام اي راجل مره تانيه و لو حبيبتي تشربي هيبقي معايا انا بس
ليله…..بابتسامه وهي قلبها بيدق من نبرة صوته و نظرته و بوادر الغيره اللي خلتها مبسوطه وده خوف بقي علي شكلك كاراجل
عشري…..شكلي كاراجل محفوظ من غير اي محاوله مني لاظهاره بس ده عشانك انتي لاني مش عايز حد يشوفك بنظره مش حلوه حتي لو كان الناس دي اقرب حد ليا
ليله….طيب ما هي ايمي بتشرب عادي قدام الكل و مشوفتش حد فيكم بيبصلها بنظره مش حلوه
عشري….بنظره قويه ايمي حرررره متخصنيش يا ليله بس بما انك بقيتي تخصيني فا يهمني منظرك و اه محدش فينا شايف ايمي بنظره وحشه بالعكس هي حد جميل و ليها كل الاحترام بس لو هي اللي تخصني كنت قولتلها زي ما انا بقولك كده
ليله….بأبتسامه رفعت حاجبها هو انت مش شايف أن لسه شويه علي انك تخاف علي منظري و انك تغير اصل بصراحه نبرة الصوت دي غيره و انا حاسه انها بدري اوي
عشري…..من اللي حظه اللي بقيتي معايا فيها لو مخوفتش علي منظرك وقتها لازم تحسي أن في حاجه غلط و ينفعش تكملي معايا عشان ساعتها لازم تفهمي اني بتسلي بيكي لو عايز منك حاجه معينه و منظرك وشكلك اخر حاجه ممكن افكر فيها
اتوترت ليله من جرئته و ابتسمت بإحراج
عشري…..اما بقي لو علي الغيره فا مش بدري ولا حاجه لاني لما اتكلمت معاكي يا ليله مقولتلكيش عايز اتعرف بيكي و لا حتي قولتلك اني معجب
ليله…..بدلع امال قولت أنك ايه ؟
عشري ابتسم و عض علي شفايفه ضحكت ليله وحطت أيدها علي وسهلا وبعدين بصتلوا
عشري…..انا قولت أنك انتي داخله علي اول مكانين في حياتي انك تكوني صاحبتي و حبيبتي بس انا بقولها لك يا ليله الوقت اهو انتي هتبقي ليا و هتبقي بتاعتي انا
ابتسمت ليله و اتوترت اكتر و وشها احمر
عشري…..و عشان خاطري بلاش تكوني عنيده معايا انا عارف انك شخصيتك قويه و أن صوتك من دماغك و بحترم ده بس انا كمان زيك شخصيتي قويه و عنيد و صوتي من دماغي و دماغي ناشفه كمان يعني عشان المركب تمشي باثنين شخصيتهم قويه لازم طرف فينا يعدي
ليله…..يا سلام وليه الطرف ده يبقي انا عشان انت راجل يعني
عشري….بنظره قويه ااااااه عشان أنا راجل و احسبيها بقي زي ما تحسبيها راجل شرقي مجتمع ذكوري اي حاجه عيزاها قوليها
ليله….بضحك بس علي فكره كده مش عدل
عشري….لا عدل يا قلبي لما اكون بتحكم في حجات بتخلي محدش يقربلك حتي لو بنظره يبقي عدل
ليله….وايه كمان يا استاذ عشري تحكماتك دي هتوصل لفين يعني عشان اعرف المركب هتمشي ولا لا
عشري…..بابتسامه غيظ لا هي من ناحية هتمشي فا هي هامشي غصب عنك لاني قولتلك انك ليا يا ليله مش لغيري بس كمان انا مش رخم زي ما انتي متخيله ولا متحكم
ليله…..بأبتسامه ايوه بس من حقي بردوا اعرف في ايه غير السجاير
عشري….حياتك قبلي يا ليله هامشي زي ما كانت هتشوفي صحابك هتخرجي معاهم وقت ما تحبي تشوفي شغلك هتنجحي فيه عمري ما هقولك عليه لا بالعكس هكون ديما في ضهرك و لو احتجتاتي اي حاجه في شغلك هكون وراكي بس اكيد من حقي اعرف انتي فين مع مين نازله أمته راجعه أمته لا هقولك لا متنزليش ولا هقولك ارجعي أمته بس في المقابل انتي بقي في حياتك شخص شوفي بقي هتحترميه ازاي
ليله….يعني ايه محترمه ازاي ؟
عشري….يعني مش حلوه انك ترجعي مثلا تلاته اربعه الصبح من خروجه حتي لو كانت فيها صحابك
ليله….بضحك والله طيب ارجع أمته احنا اغلب الوقت اصلا بنتقابل بليل يعني عشره 11
عشري….واللي اعرفه بردوا انكم ديماً مع بعض يعني مش محتاجه تأخير هما معاكي طول الوقت
ليله….بس مش كلهم يعني مش شرط نشوف بعض كل يوم ولا حتي شرط اني لما تشوفهم اطول معاهم و بعدين لو هنخرج بتبقي مره في الاسبوع بتخلص شغلنا ونتقابل و ممكن بالكتير مرتين لأن محدش فينا فاضي
عشري…..تمام حلو اوي يبقي اخرك واحده مش بعد كده يا ليله
ليله….واحده ؟!! بس في أوقات بنتقابل في بيت حد مننا و ممكن نروح مثلا عند ايمي في البيت و نسهر مع اهلها كلنا
عشري…..يوم ما تروحي عند واحده من صحابك و تحسي انك هتتأخري تباتي عندها أو تكلميني انا هاجي اخدك
ليله….بابتسامه دي غيره بجد بقي
عشري….بابتسامه ما قولتلك اللي فيها ده حقي و بعدين انا تمام معاكي لحد كده يعني مش رخم
ليله….امال لو رخم هتعمل فيا ايه
عشري…..هتقعدي في البيت و اللي عايز يشوفك يجيلك
ليله…..ااااه جو سي السيد والحبسه وكده يعني
عشري…..انا مش سي السيد ولا انتي امينه بس ده حقي
ليله…..وانا حقي فين ؟
عشري…..حقك في ايه ما انا مقولتش علي حاجه لا انا بتكلم في تأخير كتير في سجاير و في لبس
ليله…..و في لبس كمان
عشري…..بابتسامه اه يا قلبي ده موضوع تاني لوحده
ليله…..طيب نتكلم فيه بعدين بس انا بتكلم عن حقي الوقت فيك علي الاقل
عشري…..أوامرك يا قلبي عايزه ايه
ليله….بضحك انت بتتريق
عشري….بابتسامه والله العظيم أبداً عايز اسمعك
ليله….يعني اشمعني انت تتحكم فيها وانا لا
عشري…..ليه شايفه أنه تحكم
ليله…..طيب اشوفها ازاي ؟
عشري….شوفتها حب خوف شوفيها أن بقي في راجل في حياتك مسؤول عنك و عايز ديماً يشوفك في احسن صوره و عايز يبعد عنك اي اذي تحكم ده لما اقولك متخرجيش متكلميش ده متعمليش كده مفيش نزول مفيش شغل مفيش مفيش بس انا مش كده
ليله….طيب تمام هشوفها كده يا عشري بس انا كمان من حقي اقولك علي حجات مش عيزاك تعملها ايه هتقولي لا
عشري…..قولي يا قلبي
ليله….بتفكير ابتسمت تمام انت كمان متتأخرش بره
عشري….بأبتسامه عيوني
ليله….بضحك عشري انت بتاخديني علي قد عقلي
عشري….بضحك والله ابداً هو باين عليا اني مش بتكلم جد
ليله…..لا باين عليك انك بتاخدني علي قد عقلي
عشري….خالص والله انا بقولك حاضر عيوني ايه تاني
ليله….عايز تقنعني انك موافق
عشري….اه مش انتي كده هتبقي مبسوطه
ليله…..مش حكايه مبسوطه بس انا حبيت احطك في نفس الموقف
عشري…..هو مش موقف اصلا دي طلبات بنطلبها من بعض عشان نكون مرتاحين
ليله…..و هو انا لما اقولك كده هتسمع كلامي
عشري….اه هسمع كلامك ادام طلبك مش بيتخطي الحدود بينا خلاص
ليله….يعني حضرتك ممكن ترجع واحده بجد
عشري…..حضرتي سبب تأخيره أصلاً هو الشغل يعني لو في شغل و في ضغط بيبقي غصب عني فا اكيد نطلع الشغل من الكلام ده لكن لو انا خارج مثلا مش هتأخر اكيد لو انتي حابه كده
ليله…..و لو ضحكت عليا ؟
عشري…..مش هضحك عليكي اكيد
ليله…..ماشي بس عشان تعرف اني اجدع منك انا اكيد مش هعمل كده ولا هنكد عليك وانت قاعد قاعده حلوه مع صحابك و اقولك اتأخرت ولازم تروح
عشري…..و انا طلبي مكانش نكد عليكي قولتلك لو حسيتي انك هتتأخري باتي عندهم انا لو رخم مش هسيبك تباتي بره أصلاً
ليله……تمام عموماً نرجع بس و نشوف طلباتك
عشري….بابتسامه لا ياقلبي جزء كبير من طلباتي هيتنفذ من الوقت خلاص لا سجاير يا ليله ولا لبس مش حلو
ليله…..بس لو بشرب سجاير مع صحابي عادي و لا دي كمان لا خد بالك انا مليش في الجو ده اوي يعني فا لازم تراعي اني بقول حاضر
عشري…..بابتسامه اصلا لو مقولتيش حاضر مش هيحصل كويس يا قلبي و معنديش مانع معايا و مع صحابك بس راجل يشوفك لا
ليله….بضحك استني هنا انت بتهددني مثلا هو ايه اللي مش هيحصل كويس
عشري….غير لهجته من غير ما يحس مههددكيش بس في عهد بينا اللي تبيه بيصير و اللي انا ابيه يصير ماوديش يصير بينا كونه
ليله….بابتسامه ايه ده بقي انت كده متعصب اصلك مش بتتحول كده غير لما بتتعصب
عشري….بابتسامه لا مش متعصب بس بعرفك اني مش بهددك و أن ده اتفاق و اندمجت شويه و بعدين مالك مش عجباني لهجتي
ليله……بدلع لا عجباني
عشري…..طيب امال ايه
ليله…..خلاص اتفقنا
في الداخل عسال كان هيتجنن عايز يتكلم مع نادين بس تقريباً مفيش مكان فاضي يعرف يستفرد بيها شويه عشري وليله علي الباب و المكان جوه كلهم قاعدين و هي في قمة سعادتها عشان هربانه منه
نادين كمان كانت عارفه أنه مستني من بعد الأكل عشان يقعد معاها لكن محصلش اي فرصه كلهم بيتكلموا مع بعض و كمان مفيش مكان فاضي يتكلموا فيه خالص و كانت مبسوطه جداً لأنها كانت حاسه ان من جواها احتمال كبير تضعف بعد قاعدتها معاه و عشان كده كانت بتحاول تهرب علي قد ما تقدر كانت مبسوطه أن عشري خد ليله واتكلموا بره عشان كل الحلول تتقفل في وشه و بمجرد ما لمحت ليله و عشري داخلين قامت وقفت
سلمي….بصوت هادي لكن مسموع رايحه فين يا نودي
نادين ….مش قادره مصدعه و عايزه انام
رفع عسال حاجبه بغيظ
سلمي …هتنامي الوقت لسه الساعه مجاتش 12
نادين….مش قادره والله حاسه اني مرهقه و عايزه انام
سلمي….طيب يا روحي اطلعي
اتحركت بهدوء و قبل ما تطلع علي السلم بصت بطرف عينها لعسال لاقيته باصصلها ورافع حاجبه بعدت عينها و طلعت جري علي فوق دخلت الأوضه و قفلت عليها وهي مبسوطه.
فضلوا قاعدين تحت شويه مع بعض و بعدين قالوا يلا نطلع نرتاح و ننام عشان بكره يشوفوا حل في المايه.
طلعوا البنات علي فوق دخلت ليله و نعيمه و باقي البنات كانوا واقفين علي باب الموضه بيكلموهم
لمحت سلمي نادين صاحيه علي السرير بعد ما غيرت و بتلعب في الموبايل
سلمي…..انتي لسه صاحيه مش قولتي هتنامي
ايمي…..تنام و لا تهرب
سلمي….تهرب من ايه مش فاهمه
ضحكت نادين و سكتت
سلمي…..تهرب من ايه بجد
دخلوا البنات وقفلوا وراهم وقعدوا كلهم مع بعض علي السراير يتكلموا في كل التطورات اللي بتحصل.
أما عند الشباب بعد ما كل ثلاثه دخلوا اوضه قعد عشري عشر دقايق كده وهو سرحان و في دنيا تانيه وبعدين قام وقف
عشري….لفضل و عسال بقول ايه تعالوا نروح للشباب عشان عايز اتكلم معاكم كلمتين
فضل…..في ايه ؟
عسال….انا مش قادر ارغي خلاص فاصل عايز انام
عشري….تعالي بس مش هطول
خرج عشري وهما وراه مش فاهمين في ايه علي الاوضه التانيه لقي الشباب اللي بيغير هدومه و اللي غير و قاعد علي السرير
عشري…..لسه منمتوش
رشيد…..كنت بغير
سلامه….في ايه مالكم داخلين علينا زي المخبرين برابطة المعلم كده ليه
فضل….والله ما اني داري خذينا خلفه كيف اللي غنام
سلامه….بضحك و انتوا بتمشوا وراه كده عادي يا تربية الغنم منك ليه
فضل….بضحك مابديش ارد عليك
عشري…..خلاص عاد من الهذره اجدع انت وياه
سلامه…..انا قاعد و انت اقعد انت وهو خلينا نخلص عايز انام
حسان….بضحك شكله كده معاه حكايه مهمه ادام غير اللهجه
بصلوا عشري و رفع حاجبه
حسان…..بضحك سكت قول كلنا سامعين
رشيد….يلا انا لبست خلاص قول بقي في ايه
حسان….الاول قبل ما تتكلم بالله عليك اتكلم بطريقتنا عشان افهمك و مفضلش اقولك يعني ايه انت لما بتغير لهجتك بتتكلم بسرعه و بحس اني حمار
عشري…..وش فيك تحس روحك حمار ؟ والله انك حمار
حسان….بضحك طب يا سيدي شكراً انا هسكت خالص
رشيد….بابتسامه قول يا صاحبي خير
عشري….تمام انا هقول اللي عندي و مش عايز استغراب أو اسئله ملهاش اي تلاتين لازمه
حسان….تمام قول اللي عندك
عشري….من اليوم و جاي ليله تخصني
بصوا كلهم لبعض و هما مش فاهمين اللي يقصدوا يمكن حسوا أنهم بيقعدوا و بيتكلموا كتير و في بينهم انسجام بس هو بالذات اللي محدش تخيل أنه ممكن الانسجام ده يكون اعجاب عشان هو خاطب و فكروا انها مجرد صداقه أو معرفه.
قام حسان قعد عدل وبصلوا
حسان…..لا مش فاهم يعني ايه تخصك
رشيد…..بصدمه شوف انا يمكن مستغرب الانسجام القوي بينكم بس اكيد مش اللي وصلي من كلامك هو اللي انت تقصده صح ؟
عشري….لا يا رشيد اللي وصلك هو اللي أقصده
حسان….معلش اعتبرني حمار زي ما قولت وفهمني اكتر تخصك ازاي يا عشري
عشري….يعني ليله هتبقي ليا يا حسان
حسان….نعمممم
عسال….لا معلش اعتبرني حمار انا كمان وقولي أن ده مش تهيس نوم وانا بحلم
عشري…..بحكي اجنبي انا اياك
حسان…..لا الله يباركلك اتكلم معانا عدل عشان تفهمك ما اللي بتقولوا ده مش عادي
عشري….هو فعلا مش عادي أمته وازاي وليه حصل معرفش بس هي دي يا صاحبي
فضل…..وش بك مجنون انت ؟؟؟ وها خطيبتك اللي بتصير مرتك بعد اسابيع
عشري…..لا مش مجنون يا فضل انا عاقل و يمكن ده اكتر وقت اكون عاقل فيه وعارف انا عايز ايه
رشيد…..طيب انا لا هقولك أمته ولا ازاي ولا ليه بس هقولك زي ما فضل قالك انت ناسي انك خاطب وهتتجوز و لا انت تقصد اليومين اللي احنا قاعدين فيهم هنا عايز تتسلي بيها يا صاحبي
عشري….وش دراك عني إني العب ببنات الناس ؟ مخبول انت ؟
رشيد…..طيب فسرلي لما انت مش بتلعب ببنات الناس كلامك ده معناه ايه انا عارف انك مش كده يا صاحبي بس مش فاهم
سلامه…..طيب انا عايز افهم بردوا يعني ايه ليله تخصك انت معجب بيها يعني ولا ايه
عسال….ده كل اللي فارق معاك حتي لو فرضنا ده عشري ظروفه تسمع يا سلامه
عشري…..هتسمح يا عسال بس انا عايز اسالكم سؤال مهم بالنسبالي في حد فيكم اتكلم مع ليله أو مع اي حد من البنات عن موضوع خطوبتي وجوازي
عسال…نعمممم هو انت كمان عايز تخبي عليها وبتقول انك مش بتلعب بيها
عشري…..ايوه يا عسال مش بلعب بيها و لا اقدر اعمل كده بس جاوبني انت وهو
رشيد….انا لا
حسان….ولا انا
رد عليه الكل بأنهم مجابوش سيره ولا حصل صدفه أنهم يفتحوا الموضوع ده
فضل….ايوه وبعدين ناوي علي ايه بما انك عرفت أن مفيش حد فينا قال
عشري….ناوي اكون راجل معاها و هتبقي ليا زي ما قولتلكم
عسال….ايوه ازاي يا عشري انت شارب ايه عالصبح عشري انت أقل من شهر هتبقي في بيتك مستوعب ده
عشري….مش هيحصل
رشيد….يعني ايه
فضل…..هتسيبها تقصد
عشري…..اه يا فضل هسيبها اول ما هنزل من هنا اخلص الموضوع كلكم عارفين اني مش رايدها ووافقت بس عشان افرح ابوي وامي و عشان مكانش في حد في حياتي وافقت وقولت خلاص اتجوز بس ليله بقت موجوده و اكيد مش هتجوز غيرها
رشيد ….طيب وابوكي و امك هتقولهم ايه
عشري….هقولهم الحقيقه في النهايه محدش فيهم هيقف في طريقي انت عارف كويس أنهم يهمهم راحتنا انا واخواتي و في النهايه هفرحهم
حسان….طيب تمام بس انت متأكد من شعورك ده مش شايف انك حكمت بسرعه علي الموضوع
عشري….بالعكس مش بسرعه ولا حاجه و بعدين مش انت اللي كنت بتقول أن الساعات اللي قضيناها مع بعض تساوي شهور بره
حسان….ايوه يا عشري بس انت بتتكلم في جواز
عشري….عشان لاقيت الشخص اللي حابب اكمل معاه يا حسان
عسال….شوف انا مليش الحق اعترض و اللي ليك عندي نصيحه مش اكتر انت حر و انت شايف احس مننا كلنا شكل العلاقه بينكم بس لو انت بجد عايز تعمل كده ليه مصارحتهاش ليه بتخبي انك خاطب و كنت داخل علي جواز
عشري…..مخبتش صدقني في وسط الكلام بيني وبينها قولتلها اني عريس جديد بس هي مفهمتش و تقريباً فكرت اني بتكلم عنها أو بلمح بحاجه و بيني وبينك انا حسيت أن كده احسن لان اول ما شوفتها وحصل بيني وبينها الشد لما قررت أننا نمشي طريقتها شدتني و دخلت دماغي بس مكنتش متأكد انا كمان دخلت دماغها قولت يمكن هي علي طبيعتها كده مع الكل بس بعدين حسيت أن هي كمان بتتعامل معايا بطريقه مختلفه و لما حسيت أن هي فهمت كلمه عريس غلط قولت يمكن تكون اشاره خليني اعرفها اكتر و اشوف انا عايز ايه و الحقيقه أن الساعات اللي قضتها معاها و المواقف اللي حصلت خلتني عارف اني مش عايز غيرها
ويمكن الموضوع اتطور اكتر بينا و كان في بينا صراحه و بينتلها اني معجب بيها بجد و هي كمان معترضتش بالعكس من غير ماتقول اي حاجه عرفت انها موافقه
عسال……بس انت كنت صريح في مشاعرك يا عشري مش صريح في الجزء الخاص بحياتك الشخصيه و بيتهيألي هي لازم تعرف حاجه زي دي حتي لو في بينكم اعجاب متبادل و انت شايف انها داخله دماغك اوي كده و حاسس ان هي كمان داخله دماغك يبقي الاحسن تقولها قبل ما الاعجاب يتطور اكتر ويبقي حب وقتها مظنش الموقف هيكون كويس و يمكن تبقي مشكله بينكم كبيره اخليكم متقدروش تكملوا
عشري….هقولها اكيد يا عسال بس مش الوقت انا لسه طريقي معاها في أوله يعني احنا لسه في البدايه ياريتها فهمت من الاول كلامي كنت صارحتها وبعدين اتكلمنا بس ده اللي حصل وانا حالياً مش هعرف اقولها غير وانا علي الاقل ناهي موضوعي ده خالص و اليوم اللي هنهي فيه كل حاجه هصارحها
حسان….وتفتكر يا عشري هتوافق و اسامحك
عشري….اه هتسامحني يا حسان لاني هبقي رايحلها وانا مخلص كل حاجه و مفيش في حياتي غيرها و انا هقدر اقولها بطريقه ماخليهاش تزعل مني و اكيد مش هتزعل لأنها في الوقت ده هتتأكد من حبي ليها و هتتأكد اني بوظت كل حاجه عشانها هتتأكد اني لما حبيتها بجد مقدرتش اشوف غيرها في حياتي
عسال….عشري براحتك يا عشري بس انا مش هقدر اكون معاك في الكدبه دي سامحني
عشري…..ايه يا عسال هتبيعني يا صاحبي
عسال….لا يا عشري انت عارف اني عمري ما اعملها بس انت لازم تلاقي حل أفضل من ده و بيتهيألي ادام انت مقرر تنهي موضوعك يبقي انا مش شايف أن فيها اي مشكله أن ليله تعرف علي الاقل قبل ما قلبها يتعلق بيك اكتر
عشري…..لو عرفت مش هتكمل انا واثق مش عشان هتضايق بس اني خبيت عليها لا عشان ممكن تحس انها سبب في أن علاقتي تبوظ وانا مش عايز اقولها غير وانا بالفعل ناهي كل حاجه عشان وقتها هتبقي عارفه أن خلاص مفيش رجوع و اني معاها بس
رشيد…..لما ايمي كانت بتتكلم عن طليقها وقالت إنها مقدرتش تعديله فرصه لانه مكانش قد الثقه دي ليله أكدت علي كلامها وقالت إن الثقه لو اتكسرت بين الطرفين بيبقي مفيهاش رجوع خد بالك يا صاحبي البنات دول مش بنات عاديه كل واحده فيهم مرت بتجربة خليتها اقوي حتي ايه اللي هي اصغر واحده فيهم مرت بظروف كبيره علي سنها و مع ذلك قادره تقف وتكمل يعني من الاخر يا عشري لو ناوي علي جد فعلاً يبقي لازم تظبط امورك من البدايه ليله بنت بميت راجل وجدعه بجد يمكن منعرفهاش ولا نعرف البنات من وقت طويل بس الجواب بيبان من عنوانه يا عشري و احنا رجاله و نقدر نميز كويس بين البنات الجد اللي ليها شخصيه و بين البنات اللي مش فارق معاها اي حاجه
عشري….وانت عارفني يا رشيد انا مش بتاع تسليه ولا بتاع لعب بالبنات انا عمري ما حبيت يا رشيد و كلكم شاهدين و يوم ما قررت اخد خطوة الجواز خدتها عشان امي و ابويا نفسهم يفرحوا بيا و يطمنوا عليا زي باقي اخواتي و عشان مكانش في اي حد في حياتي قولت تمام اتجوز
بس كل حاجه اتغيرت لما شوفت ليله و كل لحظه عدت بيني و بينها في البيت ده وفي الظروف دي خلتني متأكد من شعوري و مش بس كده يا رشيد انا بقيت حاسس ان الصدفه اللي جمعتنا ببعض كان ليها حكمه انا في الاول كنت مصمم امشي
وخرجت قدامكم في المايه بس عربياتهم عطلت و مقدرتش نخرج عربياتنا الجو كله مكانش سامح أننا نطلع علي الطريق حتي لما قولت سالم اللي في أيده الحل ويجي بسرعه يشوفلنا مكان تاني كان علي ايديكم لا قدرت أوصله لا هو ولا اخوه ولا ابنه و حتي لما فضل اداني رقم شخص تاني خالص بردوا معرفناش نوصل
كل حاجه اتقفلت في وشنا ايدكم و كأن القدر لعب لعبته عشان نفضل معاهم في نفس المكان ونفس البيت محبوسين تحت سقف واحد الظروف كلها اتهيأت اننا نكون مع بعض يا صاحبي انا مكنتش مقرر اي حاجه ولا كان في بالي اني هتعرف عليها اصلا و لا انا كنت السبب في أن الجو يقلب قلبه زي دي في وقت غريب زي ده
سلامه….بابتسامه يمكن معاك يا عشري حتي الظاهره الغريبه دي محدش لاقيتها تفسير
عشري…..حكمه من ربنا وكان لازم استغلها لصالحي و اديك بتقول ملهاش تفسير يا سلامه و حتي احساسي اللي بعترف بيه قدامك ملوش اي تفسير غير أن ليله هي الشخص اللي كنت بدور عليه و لا يمكن اسيبه يضيع من ايدي
عسال….عشري انا مصدقك و باين في عينك من غير اي مجهود منك انك عايز ليله بجد بس انا عشان عارفك يا صاحبي و عارف انك شكلك وقعت خايف عليك من اللي ممكن يحصل بعد كده رشيد قالها وكان معاه حق فيها البنات دول مش بنات عاديه يعني مظنش خالص أن ليله من الأشخاص اللي ممكن تعرف انك كدبت عليها و تسامحك بسهوله وقتها انت هتتعب وهي كمان و لو فقدت ثقتها فيك ممكن مترجعش عشان كده انا شايف أن الأفضل انك تقولها و حتي يا عشري لو زعلت و خدت موقف احنا يا سيدي ممكن نتكلم معاها و نقولها انك مكنتش قاصد تخبي و أن حتي القرار اللي انت خدته ده عشانها هي و عشان تبقي معاها
فضل…..انا مع عسال مع اني شايف انها ممكن متزعلش الزعل الكبير هي ممكن تاخد موقف بس لما تفهم تنسي بسرعه وتبدأ معاها علي نور
عشري…..انا مقدر كل كلامكم وعارف أن انتوا معاكم حق بس انا اللي اتكلمت مع ليله و عارف هي بتفكر في ايه و عارف كمان ايه اكتر حاجه ممكن تزعلها و هو الكدب و الخيانه
عسال…..بابتسامه سخريه و لسه عايز اكمل يا عشري في كدبتك و خيانتك ليها في انها تعرف انك داخل علي جواز
عشري….انا مش داخل علي جواز انا من اللحظه اللي قررت فيها أن ليله تبقي ليا و اللحظه دي اللي بكلمك فيها اعتبرت اني نهيت كل حاجه خلاص بس انا الوقت لو قولت لليله انا متأكد من موقفها لكن لو نهيت كل حاجه روحت عرفتها وانا مفيش حد في حياتي الموضوع هيختلف و هتفهم اني عشان كنت جد معاها من اول ما عرفتها عملت كل ده عشانها هتسامحني و انا هقدر اخليها تسامحني
عسال….تمام بس هقولهالك لاخر مره و دي نصيحه مني ليك عشان انت غالي عندي أو سمحت الفرصه ليك في اي وقت و احنا لسه مع بعض هنا اوعي تتردد انك تقولها
الكدبه كل ما بتطول وجعها بيبقي اكبر و انا لو مكانك هعمل كده
عشري…..هنا انا مش هقدر اتكلم معاها يا عسال علي الاقل لما نرجع و نبقي لوحدنا اديك شايف اننا كلنا قاعدين في نفس المكان بنتكلم بالعافيه مع بعض و اي نقاش بيني وبينها في الموضوع ده الوقت مش هينفع في ظروفنا دي
حسان…..هو المشكله كمان في حاجه ليله لو عرفت في احتمالين يحصلوا بعد معرفتها اول احتمال منهم زي ما عشري قال ممكن متقبلش انها تبقي سبب في خراب علاقه و تاني احتمال انها تتأكد فعلاً من قرار عشري و أنه بجد شاريها وتفضل معاه بس من هنا أحد ما عشري ينهي علاقته خالص هيحصل بينهم مشاكل كتير وغيره و ده حقها بس كمان ممكن تبقي المشاكل دي كبيره و تخليكم تخسروا بعض و وقتها عشري هيبقي خسران كل حاجه علاقته الأولي وعلاقته بليله
عشري…..بالظبط و انا واثق أن ليله مش هتقبل تكون سبب في خراب علاقه أو هي هتفكر كده كمان زي ما بتقول هيحصل مشاكل احنا في غني عنها
فضل….ولما تنهي علاقتك وتروح تقولها مش هيحصل مشاكل
عشري….لا هيحصل وهتزعل و هيبقي حقها بس انا هقدر اصلح اللي باظ و مش هيبقي في فرصه الغيره لاني هكون اصلا نهيت كل حاجه
رشيد….طيب مش عامل حساب أن ابوك يقلب و تحصل مشكله لأن خطيبتك من معارف صاحب ابوك
عشري…لا مش هيحصل مشكله مفيش عندنا حد بيجبر حد عليي حاجه و انت عارف أن حتي لو في إجبار انا مش موافق ابويا نفسه حب زمان امي و اختارها و محدش وقف قصاده هو كل اللي يهمه أننا نبقي مرتاحين و متقلقش انا ليا طريقتي معاه هو وأمي
فضل…..لو علي خالي ومرات خالي مقدور عليهم انا مشكلتي في ليله
عشري….ودي كمان بتاعتي وهحلها المهم عشان خاطري مش عايز اي حد يجيب قدامها أو قدام اي حد من البنات سيره عن الموضوع ده و تخلوا بالكم وانتوا بتتكلموا معاهم و كلامي ليكم انت بالتحديد يا عسال انا عارف أن الموضوع مش علي هواك و مضايقك بس عشان خاطري اقف معايا و صدقني انا هصلح كل حاجه
عسال…..تمام يا عشري بس زي ما قولتلك بلاش الموضوع يطول اكتر من كده
عشري….مش هيطول و يا سيدي لو حصلت صدفه واحنا لسه هنا هقولها
عسال…..تمام يا عشري
سلامه…..طيب سيبكم بقي من الحوار ده خلونا في الاهم انا عندي فضول اعرف يا عشري الموضع اعجاب و لا ايه بالظبط
عشري…..بابتسامه هاديه شكله اكتر من كده يا سلامه
رشيد…..وقعت ولا ايه ؟
عشري….بابتسامه رفع حاجبه والله الواضح أن مش انا بس اللي وقعت يا رشيد يعني انا شايف ماشاء الله الكل منسجم اللي فضح نفسه و شاف أن عسال هياكل الجو
ضحك رشيد و هز راسه
عشري….واللي مندمج في الحيوانات واللي قاعد علي طول علي السلم واللي واقف عند الشباك و اللي بيسيب أكله ويروح يعمل بطاطس يلا خليني ساكت
الكل كان مبتسم و ساكت
رشيد….علي فكره بقي احنا طول الوقت قاعدين و بنتكلم كلنا مع بعض يعني مفيش اي حاجه غريبه حصلت مننا
عشري….بضحك طب احلف كده
رشيد….بضحك انا مش متوضي معلش
عشري…مش متوضي ااااه طيب ياعم بس يعني بما اني اعترفت قدامكم وفتحتلكم قلبي ما تعرفوني كده الكلام علي ايه
حسان….بابتسامه انا تمام علي فكره مفيش اي حاجه
عشري….لا يا راجل يعني مفيش اي حاجه كده ولا كده ده انا حتي شايفك طول الوقت عمال تتوشوش انت وسلمي
حسان….يا راجل حرام عليك اتوشوش علي ايه بس ده كلام عادي والله
فضل…..لا بقولك ايه متكدبش شكلها عجباك
حسان….هي زي القمر و الكلام معاها حلو و شكلها واعي و عاقل بس والله مفيش اي حاجه يعني
عشري….ولا حتي اعجاب ؟!
حسان….بضحك حط أيده علي راسه انت عايز ايه منك ليه
عشري….ياعم هعوز ايه انا عايز افرح بيك مش اكتر
حسان….بص هي عجباني بصراحه
عشري…..ايوه خليك معايا علي الخط
حسان….بس لو يعني هفكر في الموضوع بنفس طريقتك أن الموضوع يكون جد شايف أنه مش هينفع و عشان كده مش حابب افكر
رشيد…..ليه مش هينفع ؟
حسان….يعني انا أكبر منها بحوالي تسع سنين مطلق و معايا بنت و هي متجوزتش قبل كده يا صاحبي
عشري…..وفين المشكله
سلامه….ايوه فين المشكله طليقتك مبقتش في حياتك و هي اتجوزت وشافت حياتها وبنتك معاها مش معاك و انت مفيش اي حاجه نقصاك
فضل….مستقل بنفسك ليه يا صاحبي
حسان….مش حكايه مستقل بنفسي بس حقها و يمكن ابوها يكون عنده اعتراض
فضل….المهم هي لو اعجبت بيك بجد و عيزاك هتخليه يوافق
حسان….ازاي بس لازم يكون مقتنع في النهايه هو ابوها واكيد حقه يتمنلها احسن شخص في الدنيا
عسال…..وانت مفيش حاجه تعيبك يا حسان و بالنسبالي انت احسن راجل في الدنيا و عارف كويس انك جدع جرب مش هتخسر حاجه حتي لو من بعيد يعني حاول تعرف رأيها مثلا حتي لو بطريقه غير مباشره
حسان….بابتسامه ما انا عملت كده يعني كنا بنتكلم عنها وسألتها لو الراجل كان خاطب أو متجوز أو حتي الرمل توافقي عليه قالت لو في كل اللي انا محتاجه هوافق و كمان معندهاش مشكله مع السن
عشري…طيب امد ايدي عليك يعني ما الطريق سالك يا صاحبي وبعدين مش بعيد تكون فهمت انك تقصد علي نفسك هي مش غبيه
رشيد…..لو ده رأيها فعلا يا حسان فين المشكله امشي بقي في طريقك لو هي عجباك و خلي النقاش بينك وبينها عنكم
حسان….بضحك ماهو بصراحه كده مش لاقي داخله شكلي نسيت اتعامل ازاي
سلامه…..اهتم يا صاحبي و متنساش أن هي سابت خطيبها بسبب الإهمال و بيتهيألي الدخله موجوده بس انت اللي مش واخد بالك
عسال….بس نصيحه اهتم عشان انت عايز تهتم لكن متهتمش عشان تكسب نقطه ضعفها في حرمانها من النقطه دي مع خطيبها
فضل…..صح عسال معاه حق و سلمي شكلها ذكي يعني لو بتمثل الاهتمام هتفهم انك حبيت تملأ النقص اللي كانت حاسه بيه.
حسان…..طبعاً واكيد انا مش هعمل كده ولو في نيتي اني اعمل كده كنت من اول ما عرفت حكايتها استغليت الموقف و عشان كده بقولكم مش لاقي داخله
عسال….لا هي موجوده زي ما سلامه قالك الاهتمام بس بردوا اهتم من قلبك انت فاهمني
حسان….بابتسامه طيب تمام بس انتوا ايه رأيكم
عشري….مالكش دعوه بينا احنا المهم انت انا لما ليله دخلت عقلي من اول لحظه مسألتش حد فيكم و في نفس الوقت سواء هي أو باقي البنات كلهم كويسين و فيهم حاجه حلوه و مختلفه و سلمي متعلمه و دكتوره و مثقه و زي القمر مفيهاش عيب
حسان……يعني ايه؟
رشيد…يعني دوس بنزين قرب شويه ولو حسيت أن انت خلاص مقتنع طير يا صاحبي
حسان….بابتسامه تمام هعمل كده
عشري….طيب وانت يا فضل
فضل…..تقصد مين فيهم
عشري….اللي قاعد معاها علي السلم طول الوقت
فضل….بضحك صراحه انا مش عارف بس يعني حلوه وزير القمر لسه متكلمتش معاها كتير و كلامنا أغلبه كان عادي عن الحياه عموما بس حلوه
عشري…..امممم ماشي وانت يا عم سلامه المجنونه اللي بتقعد معاها ايه ظروفها
سلامه….بضحك دي مجنونه بجد و مطرقعه
عشري….يعني ايه صداقه ولا ايه بالظبط
سلامه….بابتسامه بص انا معرفش بس هي القاعده معاها بتضيع الوقت و مسليه و تدخل من موضوع تخرج علي موضوع رغم أنها صغيره بتتكلم في حجات كتير و فاهمه و عاجبني اوي أن في سنها ده عندها شغلها الخاص و عارفه تبقي بنت سوق زي ما بيقولوا بس مش عارف حاسسها صاحبه اكتر ممكن من انها تبقي حبيبه ولا ايه
رشيد…..ولا ايه ؟ دي انت اللي تقدر تحددها و مهما كانت الساعات اللي قضيناها معاهم بس بردوا احنا منعرفهمش من كتير و مش شرط اللي يحس أنه وقع أو معجب أن الكل يحس زيه في ممكن ياخد وقت و في ميقدرش يحس بحاجه غير زي ما انت قولت صحاب وبس بس بردوا عايز اقولك أن أغلب العلاقات ابتدت واحنا صحاب احنا اخوات يعني متفكرش فيها كده
سلامه…والله ما عارف يا رشيد بس هي كا صاحبه حلوه جداً
رشيد….هنشوف هتفضل صاحبه ولا هتغير
سلامه….بضحك هنشوف طب وانت شايفك مندمج مع ايمي و لما قالت إن ياريت عسال كان اكبر شويه ودمك احمرت
بصلوا عسال وابتسمت ورفع حاجبه
رشيد…بضحك لا متفهمش غلط
عسال….قول قول ايه غيرت عليها ولا ايه
رشيد….يا جدع عيب عليك هغير منك بردوا
عسال….لا يا اخويا مش مني عليها
رشيد……بصوا ايمي كلها علي بعضها تركيبه جديده عليا حتي لما اتكلمت علي أهلها و أن أمها مسيحيه وأبوها مسلم و كلامها عنهم و ازاي بيتعاملوا مع بعض في بيت واحد بديانتين مختلفين صراحه شدتني ليها ولعايلتها بشكل فظيع و يمكن حبيت فكرة اني اكون جزء من العيله دي حتي لو صديق بس كمان حسيت أن هي نفسها كا شخصيه عجبتني يعني شخصيتها قويه بتعرف تتكلم اوي جريئه ست جميله حتي تصرفها مع طليقها لما رجعت حقها و بعدين خلعته حسيتها شرسه كده بس في نفس الوقت هي طيبه اوي و بتضحك عليها بكلمه يعني بصراحه و من غير لف ودوران داخله دماغي و بيتهيألي ظروفنا مناسبه لبعض من ناحية السن انا وهي منفصلين مش معانا عيال
يعني كل حاجه في ظروفنا مناسبه أننا ينفع نكون مع بعض
عشري…..وبتقولولي أمته وازاي وليه عرفت يا واطي منك ليه أن اللي حصل ده كان ليه حكمه من ربنا
رشيد….بضحك لا انا مأنكرتش ده ومعاك فيه جداً و سبحان الله هو قدر بس قدر حلو.
حسان….بضحك طيب و الولهان اللي ساب اكله وقام عمل بطاطس وراح بعدها جاب البيبسي و لما تعبت اول يوم كان عامل فيها دكتور
عسال….بضحك انت مركز بقي
فضل…..ايه ده بجد نادين ؟
عشري….يا جدع متبقاش غبي طب والله العظيم هو اكتر حد مفضوح فينا بس يعني انا عن نفسي مركزتش معاه اوي عشان فرق السن اللي بينهم بس كمان لما اتكلم مع ايمي يا عم رشيد احب اقولك أنه مكانش يقصد ايمي بس هو الحوار جه الي مزاجه و لو تلاحظ يعني يا عم رشيد وده عشان تحط في بطنك بطيخه صيفي أن هو كان مهتم بالموضوع و أكد اوي يعني خمس سنين مش فرق صح ولو انت ذكي يا عم رشيد كنت حسيت أن ايمي كمان لاحظت اهتمامه بنادين و حبت تكون داعم قوي للعلاقه دي و اندمجت معاه في الكلام عن السن و هي بترمي نظرات لنادين واديك اماره كمان لما كانت بتضحك هي و ليله
عسال ضحك وحط أيده علي وشه
رشيد….بابتسامه بصدمه اوباااااا هو الكلام كان علي كده
عشري….صح النوم انت لسه صاحي يا جدع ما انت مش مركز غير مع ايمي و عائلتها بس لكن لو كنت مركز مع الكل زيي كده كنت هرشتها من البدايه و مفضحتش روحك
رشيد….بضحك وانا اللي مصدقتش و طلعت مره واحده و قولتله بتاكل مننا الجو مكنتش اعرف انه بيظبط وضعه لنفسه
عشري…..بضحك اصحي لا يغفلوك يا رشيد
سلامه….بضحك ايه ده استني انت وهو الكلام ده بجد يا عسال
فضل…..طب اقولكم حاجه انا مخدتش بالي و مش عارف ليه حسيت أن عسال مركز اكتر مع ايه و يمكن لما عشري سأل سلامه الوقت عن ايه بصيت علي عسال عشان اشوف رد فعله
رشيد….صباح الفل انت كمان شكلك لسه صاحي
حسان….بضحك عشري انت طلعت شويه بجد و بتركز مع الكل حتي لو مشغول بنفسك
عشري…..مش حكايه بمركز بس ليا نظره يعني و بعدين انا مش تلميذ
سلامه….طب نفهم بقي يا عم عسال انت معجب بنادين بجد ؟ ولا حسيت كل واحد فينا مندمج مع بنت و مبقاش قدامك غير نادين و قولت عادي مش مهم السن
عسال…..هو حقيقي مش مهم السن بالنسبالي و مش شايفه فرق اصلا و عشان اكون صريح وانتوا عارفين اصلا اني صريح انا وقعت بجد من اول ما شوفتها يعني من قبل حتي ما عشري يحس بحاجه تجاه ليله انا طول عمري جوايا حته خاصه بالست اللي هتكون في حياتي جوايا حب شايله ليه عشان اول ما اشوفها و الاقيها أظهره و نادين كانت هي الست دي من اول ما شوفتها و حسيت أن الحب اللي كانت عايز أعيشه كله بطريقتي هي اللي تستحقه من اول ما شوفتها حسيت انها ملكي و مسؤول عنها حسيت اني اعرفها و شوفتها كتير بس أمته وفين اكيد في خيالي و انا بعلنها قدامكم عشان انتوا عارفين انكم اغلب حاجه عندي انتوا وأمي
أن نادين هتكون ليا و اني هعمل كل حاجه تطلع في أيدي عشان نبقي مع بعض
سلامه….بابتسامه جميله و سعاده انت بتتكلم جد يا عسال انا فاكر الكلام علي هزار
فضل….بابتسامه هزار ايه انت مش شايف اللمعه اللي في عينه ولا ايه انت وقعت بسرعه كده يا عسال ولا ده حب من اول نظره
عسال…..معرفش يا فضل صدقني بس كل اللي انا عارفه و اثق منه أن هي دي و مفيش غيرها
عشري…..صدقتني بقي يا عسال أن اللي انا فيه مكانش بأيدي
عسال….من اول ما فتحت كلامك قولتلك اني مصدقك عشان انا شوفت في عينك نظره صدق و حسيت بيك بس احنا مختلفين يا عشري انا معنديش كدبه في حياتي و لو عندي و ظروفي نفس ظروفك الحق الكدبه ادام حسيت بمشاعر تجاه الشخص ده و حتي لو هحس بزعل منه أو يحس أنه خد خطوه لوراء هحترم ده لكن من جوايا هحارب عشان ارجع تاني امحي الزعل اللي حصل و عشان ارجع الخطوه دي تاني و عشان كده طلبت منك تلحق نفسك لاني عارفك يا عشري طول الوقت مضايق أن فرحك بيقرب علي عكس اي شاب داخل علي جواز حتي لو واحد داخل علي جواز و مفيش بينه وبين اللي هيتجوزها حب بردوا بيبقي فرحان لكن انت ولا مره كنت فرحان بالعكس أنا كنت مضايق عشانك لاني عارف انك مش من الرجاله اللي عندهم فكرة الطلاق حتي لو مش بتحبها كنت هتستمر ادام بقي في بينكم حياه بس واضح أن ليله قلبت كل الامور جواك و علي قد ما انا مبسوط علي قد ما خايف عليك تتوجع من رد فعلها
و بما اني نصير الستات زي ما بتقولوا عليا فا انا محبش انها تتجرح هي كمان هي قالت إنها انفصلت قبل الكرونا يعني قافله علي قلبها من ست سنين فا انت لو شايف أن في بودار انها تفتحه و بتبادلك نفس الشعور يبقي لازم متجرحهاش الست مبتفتحش قلبها غير للرجال اللي بيدخل قلبها ويقتحمه .
عشري….بابتسامه وانا عمري ما هعمل كده ليله ليا يا عسال صدقني
حسان….طيب خلونا في عسال انت متأكد من مشاعرك
عسال….انا قررت خلاص يا حسان
فضل….طب وهي انا مشوفتش قاعد معاها خالص غير لما تعبت تقريباً عشان كده تخيلت انك معجب بأيه لانك اتكلمت معاها كتير
عسال….ماهي دي مشكلتي بقي نادين بتهرب مني رغم اني واثق من احساسي انها معجبه بيا بس في نفس الوقت نادين عندها مشكله كبيره مع السن
فضل….بتهرج يعني انت وقعت كده لوحدك و كمان واثق انها رافضه الموضوع
عسال….بالظبط ده اللي حصل
سلامه…..طيب هي لو معجبه بيك زي ما بتقول يمكن لما تقعد معاك تغير رأيها
عسال…..ماهي بتهرب مني و مش مدياني فرصه نادين خايفه أن موضوع السن يكون حاجز بينا و خايفه تقعد معايا و تتعلق بيا
رشيد….ايوه يا عسال بس دي مجازفه يا صاحبي يعني انا خايف انك تتعلق بيها اكتر و هي تفضل مصممه علي رأيها خصوصا أن في بنات حتي لو الشاب في كله المميزات اللي بتحبها ممكن ترفضه بسبب السن
عسال….عارف و نادين واحده منهم بس كمان هي تستاهل المجازفة دي و انا واثق اني هقدر
فضل…..ولو معرفتش
عسال….معنديش احتمال لكلمة لو نادين هي البنت اللي مستنيها من زمان و مش هسيبها تضيع من ايدي و يعتبر نفسي في حرب كسبانة و هفضل وراها لحد ما تغير رأيها
عشري…..والله لو انت كل مشكلتك انك عايز فرصه تقعد معاها دي بتاعتي انا والشباب و هنظبطلك فرص مش فرصه واحده
عسال….بابتسامه جميله والله تبقوا عملتوا معايا احسن واجب لأن طول ماهي بتهرب و انا مش قادر اقعد معاها شويه لوحدنا هيبقي صعب اني اغير رأيها
حسان….طيب انت ايه اللي عرفك انها رافضه موضوع السن يا عسال مش يمكن يعني يا صاحبي متزعلش يعني مش يمكن مش انت الشخص اللي بتدور عليه
عسال…..بالعكس أنا محستش ده خالص انا واثق أنه السن نادين لما سمعتني وانا بقول اني لسه هام الثلاثين صدمتها بانت علي وشها و بعدين لو احساسي غلط مكنتش حسيت بنفس اللي عشري حس بيه من تلميحات ايمي وليله ليها
عشري…..شوفت بقي قولتلك كانوا واضحين ضحكهم و نظراتهم لبعض كانت بتقول كده
سلامه….يعني انت معندكش مشكله في انها اكبر منك
عسال…..خالص السن ده مجرد رقم ونادين لو أكبر مني بنص عمري خلاص هي الشخص اللي انا عايز اكمل معاه و بعدين هنروح بعيد ليه سيدنا محمد لما اتجوز من السيده خديچة كان عنده 25 سنه وهي كانت في الاربعين يعني كان في فرق بينهم 15 سنه
الجميع….عليه افضل الصلاه والسلام
رشيد…..و بعدين يعني انا شايف أن الفرق مش باين و الارتباط مش بالسن يعني
عشري…ولا انا بصراحه ولو المشكله عندها هي انا واثق انها لو اتعاملت مع عسال هتغير رأيها
رشيد….وانا واثق أن هي هتغير رأيها مش عشان هو صاحبي بس عسال راجل متعوب عليه و علي تربيته
عسال….حبيبي يا رشيد
سلامه…علي فكره اللي ربته هي اللي ربتني ها قول كلمه حلوه في حقي
رشيد….بضحك كلمه في حقك قدام الشباب ولا قدام المجنونه بتاعت الحيوانات
سلامه….بضحك يا عم كل اللي يجي منك جميل
فضلوا يضحكوا الشباب مع بعض
أما في غرفه البنات فا الوضع مكانش مختلف كتير هما كمان كانوا بيتكلموا عن الشباب و بيسألوا بعض عن رأيهم فيهم و الكل اتفاجئ من التطور اللي حصل بين ليله و عشري وكانوا بيحاولوا يقنعوا نادين
أن موضوع السن مش حاجه كبيره لازم تفكر فيها.
سلمي….والله يا نودي انا لو مكانك بعد الكلام اللي قاله ده امسك فيه يا بنتي ده كان بيتكلم بطريقه عن الست تخلي اي حد يتشد ليه
ايمي…..نادين دي فقريه الواد زي القمر راقي محترم عارف قيمة الست صوته قمر اهتمامه قمرين يعني من الاخر مفيهوش غلطه ودي ماسكه في السن
ليله…..فعلاً فقريه انا بصراحه بعد ما كنت فهماها ومقداره رفضها بعد كلامه وطريقته غيرت رأيي و بعدين كلام عشري عنه خلاني احس أن عسال فعلا راجل
سلمي…..لا بصي سيبك من كلام عشري لأن هما صحاب يعني انا اي حد هيجي يسألني عن اي واحده فيكم هقول كل مميزاتكم ومستحيل اقول علي عيب فيكم فا الصحاب مع بعض مناخدش برأيهم بس لو علي رأيي انا الشخصي كاراجل بجد هو محترم جداً و بعدين باين عليه علي فكره يعني الشخص اللي قدامك لما بتكلم تعرفي إذا كان دي طبيعته ولا مصطنع بس عسال مش كده
نادين…..انتوا بردوا مش قادرين تفهموني ولا قادرين أحسوا بيا انا يا بنات مش قادره كل ما احس أن هو مفيهوش غلطه موضوع السن هو اللي يسيطر علي عقلي و انا شايفه أن دي هتبقي مشكله لاني لو دخلت معاه في علاقه وجيت في النص حسيت اني مش قادره اتخطي هو اللي هيتأثر و بصراحه انا مقدرش اكون سبب في اني اجرح شخص و بعدين ده بني ادم فقد أمه وأبوه ملوش اخوات اينعم ربنا عوضه بس كفايه اوي ظروفه مقدرش اجرحه وهو باين انه شخص حساس
سلمي….هو انتي لو دخلتي في علاقه و حبيته بجد يا نادين مش هتفكري في موضوع السن وحتي لو جه في بالك مش هتقدري تسيبيه خلاص لانك هتبقي اتعلقتي بيه
ايمي….ماهو ده اللي بحاول أفهمه للبقره دي من بدري بلاش تهربي منه يا نادين علي الاقل اقعدي معاه شويه انتي كده اصلا بتجرحيه
نادين…ايميييي بليز بالله عليكي بلاش كلامك اللي بيحسسني بالذنب ده اكتر
ايمي….لازم تحسي بالذنب الراجل صراحه عامل اللي عليه و زياده
ايه…..طيب سيبكم من نودي و عسال مش ملاحظين أن ليله بقت تاخد بكلام عشري و غيرت رأيها في عسال عشان كلام سي عشري عليه
ليله….بت هتكلعيني مسرح ولا ايه
ايمي….دي حكايتها حكايه دي داست بنزين مره واحده و مبصتش وراها بس جدعه سمعت كلامي تربيتي يا بت
ليله….بضحك شوفتيني وانا بسمه الكلام
ايه….طب بصراحه انتي اتأثرتي بكلام ايمي فعلا و لا كنتي عايزه تعملي كده
ليله…..بصراحه كلام ايمي شجعني و خلاني اخد الخطوه و اقتنعت بكلامها بس يعني من غير ما اطلع مسرح هو عجبني من اول ما جينا
ايه….ايوه بقي احكي احكي انا بحب المواضيع دي اوي
سلمي….ايه اتحمست
ايه….بضحك اوي والله
ايمي…..كان باين علي ليله اصلا أن عينها هتطلع عليه بس هي قادره و مش بتحب تبين ده بس بما اني صاحبتها فا انا حفظاها و اقدر اعرف اذا كانت معجبه بالشخص ده ولا مش طيقاه
ليله….بضحك لا مش لدرجه يعني عيني هتطلع عليه بس يعني عجبني ولما حصل بينا كلام و كده عجبني اكتر
سلمي…..بس قوليلي انتي حطتيه في دماغك عشان كده كنتي بترخمي عليه
ليله….بضحك هو استفزني الاول بصراحه لما صممت يمشي و بعدين شايفه قدامي شباب زي القمر قولت خساره يجرالهم حاجه بسبب الجو
سلمي….بضحك شوفي وانا اللي فكرت الموضوع انساني
ليله…..طب والله كان انساني يا كلبه بس يعني قولت ليه لا بعد كده
ايمي….اهم حاجه انتي مبسوطه
ليله….بصراحه مبسوطه اوي بس مش عارفه ليه حاسه اني متاخده أو قلقانه جوايا حاجه موتراني بس مش قادره اسمعها اوي عايزه اتبسط وبس
ايمي….اتبسكي و سيبك من اللي جواكي ده خالص انتي بقالك كتير مدخلتيش في علاقه و ده طبيعي و بعدين انتوا لسه في البدايه اتبسطي وبلاش تنكشي جواكي علي حاجه تضايقك
ليله….بابتسامه انتي شايفه كده
ايمي….اه شايفه كده عقبال الهبله اللي جنبي ما تعقل هي كمان و تسيبها من الحته اللي جوه عقلها و تمشي وراء قلبها
نادين….بأبتسامه شكراً يا ايمي
ايمي….العفو يا اختي خلينا نروح للصغنن بتاعنا بقي ايه ظروفك
ايه….بضحك انا قولت من الاول انك بقيتي خاطبه و انكم عايزين تعلقوا الشباب
ايمي….اه يا اختي بنعلقهم مبسوطه انطقي يا بت
ايه….بضحك بصوا هو زي القمر و دمه خفيف و موووز بصراحه و عاجبني بس مش عارفه ليه حاسه أنه بيعاملني علي اني بنت أخته الصغيره
ضحكوا كلهم عليها
ايمي….بضحك ليه يا بت قالك ايه
ايه….بضحك مقالش بس بيتعامل معايا علي اني اختها الصغيره صاحبته شايفني عيله ممكن مش عارفه
ايمي….يبقي تغيري فكرته يا هبله
ايه…..لا معرفش انتي عارفه اللي فيها انا اتشقط سهل لكن أشقط و كده لسه بدري عليا يا كبيره عايزه كام درس من بتوعك عشان اتعلم
ايمي….وماله ندخلك درس خصوصي و كورسات مكثفه كمان الواد قمر هو كمان و بعدين بيقعد معاكي كتير استغلي الفرصه
نعيمه….هو انا ليه حسيت فجأه أن قطر الجواز فاتنا و بندلل علي نفسنا
ايمي…..لا يا اختي انتي عارفه اللي فيها الرجاله علي قفا مين يشيل و كلهم مستنين الرضا بس القلب وما يريد بقي من حقنا نختار مش نكون اختيار
ليله…..اهي اللي بتتكلم دي اول واحده عملت بنصيحتك و مبتفارقش السلم هي وسي فضل
نعيمه….بضحك لا اتلمي انا وهو عادي علي فكره مفيش بينا اي حاجه
ليله….عادي بتحصل لو مفيش انهارده بكره يبقي فيه
ايمي…..عايزه تعرفيني أن فضل مش داخل مزاجك يا بت عيب عليكي ده انا خبره و قولتلكم أن عين كل واحده فيكم فضحاكم
نعيمه….بابتسامه طيب نتكلم بصراحه
ايمي…..نتكلم هو في احلي من الصراحه
نعيمه….هو حلو و عاجبني بس انا ليا دماغ بقي في موضوع الارتباط ده بعد اذن الخبره
ايمي…..لا اتفضلي المايك معاكي عرفي الخبره ايه دماغك
نعيمه….صراحه انا بقلق من اي راجل حلو و فضل زي القمر و انا مستحيل اخليه يشوف نفسه عليا بحلاوته يعني عشان ادخل في علاقه بجد مع فضل أو اي راجل حلو زيه كده لازم اخليه يحس أنه قدامي ولا حاجه يعني لازم يتعب لحد ما يوصلي عشان لما يتعب هيعرف قيمتي و مش هيفكر يتنطط عليا بحلاوته لكن لو بسرعه كده حسسته أنه عجبني و اني اتجننت علي شكله واساتيله الايجو بتاعه هيعلي شويتين تلاته وهبي بالنسباله زي اي بنت يشاورلها تروحله فا سيبولي انا فضل و بما أنه عجبني هخليه هو اللي يجي لحد عندي عشان الصنف بتاع النسوان ده انا حفظته كويس عايز يجرب الكل و انا مش تجربه انا عملي
ايمي….بضحك لا تربيتي يا بت عجبتيني دي عايزه سقفه يا بنات
ضحكوا كلهم علي ايمي
ايمي……تفكير حلو و عاجبني و ده معناه اننا مبعدناش يعني انتي معانا عالخط و زي ما قولت كل واحده فينا ليها طريقتها الخاصه المهم أنه عجبك
نعيمه….صراحه اه عجبني بس زي ما قولتلك انا عن نفسي مش هقدر اجيبه بجد غير بالطريقه دي
ايمي….حلو استخدمي طريقتك اللي انتي حاسه انها تنفع معاه بس مش معني كده يا بنات أن الطريقه دي تجيب مع اي راجل خدوا بالكم في رجاله بالها مش طويل بيحبوا يدخلوا في علاقه علي طول زي عشري كده مثلا بس شطارة ليله انها تخليه مش قادر يعيش من غيرها
ليله…بابتسامه ثقه هيحصل متقلقيش عليا
ايمي…..طب و العاقله بتاعتنا ظروفك ايه مع حسان
سلمي….بابتسامه احراج صراحه هو كمان عاجبني و حاسه اني عايزه اديله فرصه خصوصا لما لمحلي يعني علي موضوع فرق السن و رأيي في الراجل لو كان متجوز قبل كده أو ارمل أو معاه اطفال حسيت أنه عايز يشوف رأيي
ايمي….هو اكيد يمكن عايز ياخد خطوه جديده في التعارف عليكي بس مش حابب يدخل غير لما يعرف رأيك
سلمي….بالظبط بس يعني انا مش هاخد اي خطوه غير لما نرجع القاهره و اشوف حياته الحقيقيه عايشها ازاي
ليله….بضحك سلمي شكلها لسه مش مصدقه أنه محترم بجد
سلمي….مش كده بس الرجاله اللي من النوعيه والتفكير ده حساهم انقرضوا بصراحه و بعدين عشان بجد اخد خطوه جد لازم اشوف اسلوب حياته علي الواقع انا أقدر اقنع اي شخص قدامي أن انا احسن بنت في الدنيا و اني مفيش زيي وانا في الحقيقه مش كده المواقف و اسلوب الحياه عن قرب هو اللي بيأكد إذا كنت شخص كويس أو لا
ايمي….بس خلينا نقول إنه في المجمل عاجبك
سلمي…..عاجبني يا ايمي و اللي شاددني ليه اكتر أنه في حاجه كده من ابويا مش في الشكل في الطبع
ايمي….طيب حلو
ليله…..حلو اه وانتي ايه ظروفك عماله تستجوبي فينا كلنا
ايمي….بضحك لا انا واضحه و قولت أنه عاجبني و خلينا نقول يعني أن بنسبة 70 في الميه جبته
ليله….ايووووه بقي علي فكره انا حاسه مبسوط معاكي
ايمي….انا كمان مبسوطه معاه و حساه كده راجل بجد و شبههي مش عنده عقد يعني فري و بيقدر يتأقلم مع الجو بسرعه اصل انتوا عارفين مش بحب الراجل اللي سامر وش الجد علي ملامحه و رشيد من النوع ده ليه هيبه و برستيچ كده خاص وفي نفس الوقت مرح
ليله….لا وغار عليكي من عسال كمان و لا مخدتش بالك
ايمي….بضحك لا خدت بالي بس خلينا متقولش انها غيره قد ما هو تلميح جميل و عجبني
ايه …..رشيد جاب رجل الخبره يا بنات
ايمي…..عقبال الهبله ما تجيب رجل سلامه قال أخته الصغيره قال يا بت اتحركي
ايه….بضحك اعمل ايه طيب
ايمي….غيري تفكيره و خفي الكلام عن الحيوانات شويه اتكلمي في حجات تانيه
ايه….زي ايه
ايمي….يابت هتشل منك هي الدنيا كلها مواضيعها خلصت مبقاش في غير الحيوانات اتكلمي معاه عنه اهتمي بيه اسألي عن حياته
ايه…..اه ولما اهتم يشوف نفسه هو كمان عليا و يفكر اني مدلوقه عليه
ايمي….لا يا اختي اهتمي و لما يحب الاهتمام خدي جنب واتقلي خليه بتجنن ويسأل هي بطلت تهتم ليه و يجري عليكي عشان يفهم و يبدأ هو اللي يهتم يعني جيبي رجله زودي اهتمام و ارجعي اسحبيه اصل الراجل بيحب الست اللي تهتم بيه اوي و بتفاصيله بيشوف نفسه دي حقيقه بس لما ليلاقي الست بطلت تهتم بيجري هو عليها و يبدأ يهتم ويبقي هيتجنن ليه مبقتش تهتم بيا و طول الوقت يبقي بيفكر فيكي من غير ما يحس و فجأه يقول لنفسه ايه ده انا وقعت في الحب أمته وازاي
ايه….بضحك انتي مش خبره انتي شيطان يا ايمي
ايمي….بضحك مش شيطان ولا حاجه يا ايه الست الذكيه اللي ما بتعجب براجل بجد لازم تستخدم عقلها اوعي تفكري أن دلقتك علي الراجل واهتمامك بيه طول الوقت هو اللي بيخلي الراجل يجي لا خالص بالعكس بيشوف نفسه زي ما قولتي و زي ما نعيمه قالت بس الست الذكيه تهتم و اول ما تحس انها عجله الاهتمام ده بس مش في باله اوي لانه شايف أن كل الستات بتهتم بيه وقتها اسحبي نفسك حتي لو هتموتي عليه اوعي تفكري تهتمي و لو قدرتي تبعدي اكتر تمنعي الكلام الرسايل او اي تواصل وقتها هيحس بالفرق ويحس أن في حاجه ناقصه في يومه ويبدأ يفكر ايه اللي ناقص؟؟ لحد ما يعرف أن انتي اللي ناقصه في حياته وقتها هيبدأ يهتم و شطارتك بقي لما تلاقيه بيكلمك اوعي تقولي له اصلي كنت تعبانه اصلي كنت مشغوله اوعي تحسسيه أن عدم سؤالك عنه واهتمامك بيه كان خارج عن إرادتك
ايه….امال اعمل ايه يا خبره قولي قولي
ايمي…..لما يجيلك أو يكلمك و يسأل عن سبب غيابك قوليله عادي هيقولك عادي ؟! هتبصيلوا باستغراب و قوليله ايه ده هو انا مكلمتكش من اخر مره مخدتش بالي
من الاخر حسسيه أن الفتره اللي عدت من غير ما تسألي عنه فيها كانت بسيطه و اوعي تحسسيه انها كانت تقيله عليكي
سلمي …بس علي فكره هي طريقه مش بتنفع مع اي حد خصوصا لو شخص مريض اهتمام زيي يعني انا لما كان خطيبي ميسألش عني و اقول والله ما هكلمه مكنتش بقدر استني غير يوم وده أخري
ايمي…..عارفه و مش انتي بس اللي مريضه اهتمام كلنا كده يا سلمي بس الراجل عايز ذكاء و خدي بالك انتي لو ذكيه يا سلمي خطيبك كان فضل معاكي بالطريقه اللي بتحبيها بس للاسف هو ده اللي انا بتكلم فيه انتي خلتيه حس أنه ضمنك خلتيه حس انك مش قادره تعيشي من غيره و أن اليوم اللي ميكلمكيش فيه تبقي هتتجنني خلابه يقدر يقعد باليوم و الاتنين ميسألش لانه عارف أن في الاخر انتي اللي هتسألي علي فكره هو ممكن يكون كان بيحبك بس الحب اللي في ضمان ده اسوأ حب و عشان اكون صريحه معاكي انتي كنتي الطرف الغلط في العلاقه مش هو لأن انتي اللي كنتي بتدي و بس و لما بتكلميه وتعاتبيه عارف أن اخرك معاه معلش كنت مشغول متزعليش من الاخر كان عارف انك هتسامحيه فهمتي يا سلمي
سلمي….بابتسامه فهمت يا ايمي و انا عن نفسي عجبتني الطريقه و هعملها
ايمي …طلعتي خبره يا بت بجد
ايمي…..من بعض ما عندكم يا ست ليله عموما التجارب سواء شخصيه او تجارب بتحصل قدامك بتعلمك و انا بقيت اعرف اتعامل مع دماغ كل الرجاله
نعيمه….طيب يا خبره بما انك بتعرفي كده تتعاملي مع الكل ايه رأيك في اللي قولته انا صح مش كده
ايمي…..شوفي انا متكلمتش مع فضل عن حياته الشخصيه بس انتي قعدتي معاه اكتر و اه في رجاله كتير بتشوف نفسها لما الست هي اللي تبادر و خصوصا لو راجل حلو زي فضل عشان كده خليكي في طريقتك دي و لو عاجبك بجد هيجي
نعيمه….بابتسامه ثقه و انا هجيبه
سلمي…..هو ايه اللي حلو حلو طب ما انتي زي القمر
ايمي….خدي بالك في رجاله الست بتبقي عحباهم وعارفين انها زي القمر و عشان واثقين أن هما كمان زي القمر بيتابعوا نظام أن هما ميحسسكويش انك حلوه عشان انتي اللي تاخدي الخطوه و انا واثقه أن فضل من النوع ده و شايف أن نعيمه بطل مش بس حلوه و يمكن يكون مش عايز يبادر فا خليها تجننه
نعيمه…..هجنن أمه متقلقيش
نادين…..طيب انا مضطره القاطع قعدتكم الحلوه دي و اكردكم عشان عايزه انام
ايمي…..و الله انتي عايزه علقه يا نادين خليني اشوف اخرتها معاكي
نادين….بابتسامه طب يلا يا خبره علي اوضتكم من غير مطرود
سلمي….انا هموت وانام اصلا
ايمي…..ماشي يلا تصبحوا علي خير يا حلوين
ايمي…..وانتي من أهله يا قلب الحلوين
انتهت قعدت النميمه و كل واحد راح علي الاوضه بتاعته سواء بنات أو شباب و قبل ما يروحوا في النوم كل واحد فيهم كان بيفكر في التاني و بيفكر في الكلام اللي قالوا لبعض .
…………..
في صباح اليوم الثالث صحيت نادين من النوم قامت دخلت الحمام و بعدين خرجت قعدت شويه علي الكرسي تلعب في الموبايل و بصت في الساعه لقتها 11 حاولت تصحي البنات بس محدش صحي و كالعاده ليله بهدلتها و نعيمه كانت في عالم تاني قررت انها تخرج و تنزل علي تحت خصوصا انها شافت أن عسال مش بيصحي بدري اوي كده و اكيد اللي صاحي رشيد نزلت بهدوء الجو حواليها كان هادي جدا ومفيش اي صوت ارتاحت اكتر و فكرت أن هي بس اللي صحيت كملت علي تحت عشان تعمل نسكافيه وتعقد شويه مع نفسها في هدوء تفكر .
وبمجرد ما نزلت اخر درجه في السلم لمحت باب الڤيلا مفتوح و مفيش اي حد قدامه حست بتوتر بس كمان قالت يمكن رشيد صحي و بيجيب مايه بالجردل زي ما بيعمل مشيت بهدوء وقفت علي حرف الباب من جوه مكانش في حد واقف خرجت بره شويه بصت يمين في الاول و بسرعه بصت شمال اول ما سمعت صوت في المايه و فجأه صرخت لما شافت عسال نايم علي وش المايه و بيحرك أيده بسرعه و للحظه حست أنه بيغرق أو فيه مشكله معاه و بيحاول ينقذ نفسه
طلعت تجري علي فوق بسرعه و هي بتصرخ وتنادي بصوت عالي علي الكل و بدأت تخبط علي ابواب الاوض بتاعت الشباب و البنات و تقولهم الحقوا عسال بسرعه.
خرجوا الشباب زي المجانين وهما مش فاهمين حاجه من اللي بتقوله غير الحقوا عسال بيغرق وبيخبط بأيده جامد في المايه جريوا علي تحت اللي مش لابس تيشرت و اللي حافي حتي البنات نزلوا جري زي ما كانوا نايمين
وللحديث بقيه….
