لقاء كارثي
(لقاءكارثي)
لقاء كارثي
أميره أسامه
صاحبة البطل الواحد
~° البارت الحادي عشر°~
……………
أو ما نادين شافت عسال علي وش المايه و بيعمل حركه بأيده وقفت مصدومه و طلعت تجري علي فوق بسرعه و هي بتصرخ وتنادي بصوت عالي علي الكل و بدأت تخبط علي ابواب الاوض بتاعت الشباب و البنات و تقولهم الحقوا عسال بسرعه.
خرجوا الشباب زي المجانين وهما مش فاهمين حاجه من اللي بتقوله غير الحقوا عسال بيغرق وبيخبط بأيده جامد في المايه جريوا علي تحت اللي مش لابس تيشرت و اللي حافي حتي البنات نزلوا جري زي ما كانوا نايمين اللي لابسه فستان قصير و اللي لابسه شورت و اللي لابسه حمالات الكل جري علي تحت بخوف
نزلوا علي تحت الشباب و خرجوا جري من باب الڤيلا و نزلوا في المايه بسرعه و هما بينادوا عليه بصوت عالي
و فجأه حس عسال بحركه قويه في المايه من رجليهم اللي بتدب بسرعه قام وقف من قلب المايه و شال النضاره عن عينه و بصلهم بصدمه و سكت ثواني اول ما شاف الخمس شباب في المايه معاه و باين علي وشهم الرعب و البنات كلهم علي الباب بهدوء نومهم بص تاني للشباب
عسال……في ايه مالكم؟
سلامه……بغضب الله يحرررررقك انت بتستعبط
بصلوا عسال وهو مش فاهم اي حاجه
عشري….رفع وشه للسماء و خرج نفس طويل حرام عليك يا اخي
حسان…..انت كويس يا ميدو
بصت نادين بصدمه و كانت نفسها الأرض تتشق و تبلعها
ليله…..حرام عليكي يا نادين ماهو كويس اهو
عسال…..كويس اه يصلهم بعدم فهم هو في ايه
رشيد……نادين قالت انك بتفرق
بص عسال علي نادين من بعيد اتوترت و فضلت تبص بعينها شمال ويمين مش عارفه تقول اي حاجه
عسال……بغرق ؟!!! انا صحيت و معرفتش انام قولت انزل اشوف الصرف ولاقيت محبس السحب بتاع الصندوق مقفول و كنت بحاول افتحه
رشيد….حرام عليك والله وقعت قلبنا
عشري….هو مش انا قولت لما تصحي الصبح هنشوفوا مع بعض
عسال….انا قولت اجرب و فعلاً لاقيته مقفول فتحته شويه بس مش قادر افتحه كله باين عليه في صدأ و عايز حد يفتحه شويه معايا عشان يسحب اكتر بس انا تمام مبغرقش
سلامه…..اقسم بالله نشفت دمي و مش هتعدي يا ميدو
عسال…..بابتسامه جميله يا ابني انا قدامك كويس اهو
سلامه….بغضب انت بارد كده ليه يا ميدو و لما انت كويس مقولتلهاش ليه انك مش بتغرق
عسال….انا مشوفتش نادين اصلا
نادين…..بتوتر و ارتباك واحراج سلامه انا اسفه بجد ليك و ليكم كلكم انا مكنتش اقصد والله العظيم انا صحيت ونزلت لاقيت الباب مفتوح في الاول خوفت بعدين قولت يمكن رشيد بره عشان امبارح صحي بدري و لما خرجت لاقيته نايم علي وش المايه و بيخبط بأيده جامد فكرته بيغرق أو في حاجه أتشبك فيها و مش عارف يطلع نسيت خالص موضوع الصرف و مجاش في بالي أنه بيعمله يعني هو ملهوش دعوه انا اللي فهمت غلط و اسفه بجد علي القلق اللي عملته ده
سلامه…..برعب واضح علي ملامحه هيتشبك في ايه بس يا نادين هو في قاع البحر
عسال…..ما خلااااص يا عم انا بخير و هي فهمت غلط محصلش حاجه
نادين….انا اسفه يا سلامه اسفه بجد لو قلقتكم
عشري…..خلاص يا نادين محصلش حاجه المهم أنه بخير
فضل….حصل خير يا جماعه خلاص سوء تفاهم مش اكتر
نادين انسحبت بهدوء و طلعت علي فوق جري
ايه ….هروح اشوفها
فضل….بص لعسال طيب فتحته ولا لسه
عسال…..مش مفتوح اوي عايز حد يدوره معايا
فضل….تعالي يلا
قرب منه فضل و عشري و حاولوا الثلاثه يدوروا المحبس شويه و كانوا حاسين بسحب المايه من تحتهم
فضل….بتسحب بيتهيألي
عسال….اه بتسحب خلاص خلينا نشوف بقي الصرف في الحمام بيرجع و لا شغال
عشري….تعالوا ندخل يلا المايه بهدلتنا
دخلوا الشباب مع بعض و بص عشري علي ليله و خد باله من لبسها بصلها و شاورلها بعينه علي فوق
انسحبت ليله بهدوء و طلعت
ايمي…..انت كويس
عسال….بخير والله مفيش اي حاجه
سلمي…..انا دمي نشف لما سمعت نادين
عسال….هو ايه اللي حصل
نادين…..معرفش انا صحيت علي صوتها بتصرخ و بتقول الحقوا عسال بيغرق كلنا حرينا علي تحت
عسال….بابتسامه طيب معلش اطلعوا شوفوها عشان شكلها اضايق
فضل….المايه مش بترجع علي الحمام
عشري…..طيب كويس خلينا بقي نطلع نغير هدومنا دي انا خلاص النوم راح من عيني
طلعوا علي فوق عشان يغيروا هدومهم
عند نادين ..
سلمي…..ما تهدي يا بنتي بقي حصل خير خلاص
نادين….شكلي بقي وحش اوي بجد و مش عارفه هبص في عينهم ازاي خالتهم كلهم يصحوا و نزلوا بهدومهم في المايه
ليله…..و انتي يعني مش كنتي تتأكدي الاول
ايه….ما خلاص انتي كمان بقي فهمت غلط
نادين ….انا مفكرتش خالص لما لاقيته بيخبط في المايه كده فكرته بيغرق و معرفتش اعمل اي حاجه غير اني اجري اقولكم عشان حد يلحقه
فتحت ايمي الباب و هي مبتسمه وباصه لنادين.
ايمي…..كان عندي امل اكون ام بس اقول عليكي ايه قطعت الخلف بسببك
ليله…..دخلوا جوه خلاص
ايمي….اه فتحوا الصرف شويه بس اترعبوا كلهم
نادين….مضايقين مني صح ؟
ايمي…..لا لا عادي
نادين….عادي ايه سلامه مش طايقني و خليته اتخانق معاه بسببي
ليله….ماهو كمان ايه اللي نزله لوحده بقولك ايه خلاص موقف وعدي
نادين….عدي ايه انا مش هوريهم وشي انهارده عشان ينسوا شويه بالذات سلامه
ايه…..هو خاف عليه بس عادي يعني اطمن خلاص و شويه و هتلاقيه نسي مش موضوع يعني و الله اروح اضربه عشانك
ليله….بت خلاص محصلش حاجه هو ايه اللي مش هتوريهم وشك هما ماسكين عليكي ذله
نعيمه…..كبري دماغك واهي جات بمصلحه
بيقولوا المايه بتتسحب يعني شويه و المايه هتمشي خالص خلينا نقعد تحت شويه أو نروح البحر
ليله….أو نشوف العربيات اللي باظت دي
سلمي……طيب خلينا نروح بقي نغير كده و نظبط نفسنا بدل مناظرنا دي شكلها كده مفيهاش نوم خلاص
ايمي….لا نوم ايه بقي دي 11 ونص يلا خلينا نروح الاوضه وانتي خلاص موقف وعدي و بعدين ابتسمت و غمزتلها و افتكري أن الأستاذ ميدو عمل كده عشانك هاااا عشان تروحي تقفي قدام البحر اللي هتموتي عليه
نادين….امشي من وشي يا ايمي مش وقتك خالص
ضحكت ايمي هي والبنات و بعدين راحوا علي الاوضه و فضلت هي قاعده علي السرير مضايقه من الموقف اللي اتحطت فيه
ليله….قومي يلا لو هتاخدي شاور هتفضلي قاعده كده
نادين….لا ادخلوا انتوا شويه و هدخل
ليله…..بضحك اقول عليكي ايه
نادين….بقولك ايه اسكتي شويه كفايه الموقف الزفت اللي انا فيه
ليله….يابت موقف ايه متعصبنيش فهمتي غلط و بتحصل عادي
نادين….ماهي دي المصيبه اني فهمت غلط وهو طلع كويس
نعيمه…بضحك لا دي تعبانه في مخها انتي يابت زعلانه أنه طلع كويس
نادين….بابتسامه لا مش قصدي بس أقصد يعني أن كل الدوشه دي طلع بيتهيألي
ليله….طيب و الحمد لله أنه طلع بيتهيألك مش احسن ما حد فينا يجراله حاجه ناقصين احنا مصايب مش كفايه المصيبه اللي احنا فيها
نعيمه….بقولكم ايه انا داخله انا اخد شاور خليكم انتوا.
ليله….بسرعه متتأخريش
نعيمه…..ماشي
ليله….بت يا نوني استني هنا صحيح انتي تتحسدي صحيتي بسرعه يعني؟
نعيمه…..ماهو من صوتها اللي عامل زي السرينه قولت الدنيا بتولع بره
نادين…..امشي يابت امشي
ليله…..الله يسامحك صحيح يا نودي نزلتينا بمناظرنا دي
نعيمه….مالها مناظرنا احنا زي القمر اهو
ليله….قمر ايه بس هدوم النوم و حافيين و لا الشباب شكلهم كان يموت من الضحك
نعيمه….بضحك كويس أن محدش فيهم كان نايم براحته اوي وقتها الموقف كان هيبقي محرج
ليله…..بضحك يالهوي لو كانوا لابسين بوكسرات
نادين….لا حرام عليكي والله كان اغم عليا
خصوصاً بعد ما الموقف طلع سوء تفاهم
ليله…..كان هيبقي موقفك زفت بصراحه بس الحمد لله أن الجو بليل في لسعة برد عشان كده كانوا لابسين شويه
نعيمه….يلا حصل خير و كبري دماغك بقي موقف و راح لحاله انا رايحه اخد شاور
ليله….خلصي بسرعه عشان ادخل انا كمان و عقاباً ليكي يا ست نودي انتي آخر واحده هتدخلي
نادين….عادي أصلاً مش فارق معايا انا شكلي مش هنزل من الأوضه اصلا
ليله…..لا هتنزلي و هتتعاملي عادي كمان
بعد حوالي ساعه كامله اتسحب جزء كبير من المايه اللي تحت تقريباً نص الكميه
والشباب بعد ما غيروا نزلوا و كانوا واقفين يراقبو نزولها و في نفس الوقت بيجهزوا الفطار و خلاص نسيت الموضوع
فضل…..يا شباب الفطار خلاص تقريباً خلص حد فيكم ينادي البنات عايزين نفطر
رشيد….لحظه انا هطلع
طلع رشيد علي فوق و خبط علي الابواب بتاعتهم و قالهم من بره أن الفطار خلص
نزل تاني و بعدها بكام دقيقه بدأوا البنات كلهم ينزلوا معادا نادين اللي مكانتش راضيه تنزل في وقتها
عشري…..بأبتسامه بما اننا مقولناش صباح الخير فا صباح الخير عليكم جميعاً
عسال….صباح النور
عشري…..بابتسامه جميله صباح القمر
ابتسمت ليله بإحراج
حسان….ماهو الاستاذ عسال خوفنا عليه عشان كده مركزناش
سلامه…..هو اللي خوفنا اكتر نادين بصراحه
ايه….نبره حاده شويه هو انت مالك ومال نادين بجد هي خافت علي فكره
سلامه……بابتسامه رفع حاجبه وهو انا قولت غير كده عارف انها خافت بس بقول أن احنا خوفنا بسببها اكتر و بعدين مالك يا ست المطرقعه عالصبح متعصبه كده ليه
ايه….مش متعصبه
سلامه…..لا والله في ايه بجد
ايه…..اصل بصراحه انت احرجتها شويه يعني
سلامه….انا ليه انا عملت ايه ؟
ايه….خلاص يا سلامه مفيش حاجه
سلامه….لا في ادام بتتكلمي كده يبقي في
حسان….مالكم بس يا شباب في ايه ده كان سوء تفاهم و خلص
عسال…..هو انا ليه مش فاهم اي حاجه مالك يا ايه في ايه يا سلامه
سلامه…..معرفش زي زيك هي اللي متعصبه و الموضوع بسيط زي ما قال حسان
ايه….ولما هو بسيط اتعصبت كده ليه واحرجتها
سلامه….احرجتها ازاي انا متكلمتش علي فكره قوليلي قولت ايه طيب
عشري….استهدوا بالله فيكم ايه عالصبح ما صدقنا الجو بقي احسن شويه هتقلبوا انتوا
ايمي….في ايه يا يويو مالك بس
ليله….بهمس ماتهدي شويه في ايه
ايه…..مفيش خلاص
رشيد….ايه يا يويو مالك و ايه اللي أحرج نادين طيب ممكن نفهم
سلامه…..هو مفيش حاجه تتفهم اصلا علي فكره
ايه……هو مش انت اللي قولت نادين السبب في كل اللي حصل و بتقولها باين حرام عليكي كنتي اتأكدي أو حاجه زي كده
سلامه….أولاً انا مقولتش كده كل الحكايه اني اترعبت علي عسال و اصلا انا اتعصبت عليه هو عشان تخيلت لو فعلاً كان حصل معاه مشكله واحنا نايمين و محدش فينا دريان بيه و بعدين منظرها وهي طالعه بتصرخ وتخبط علي الاوض و تقول عسال بيغرق رعبني فا كان طبيعي اخاف قولت أن نادين اللي خوفتنا عشان هي فهمت غلط و دي كل الحكايه مكانش قصدي أخرجها
عسال….طيب معلش هي نادين فين ؟ و هي اللي قالتلك ان سلامه احرجها
ايه….لا مقالتش بس هي مش راضيه تنزل و مضايقه جداً من الموقف و حاسه بالذنب عشان سلامه كان هيشد معاك و عشان صحيتنا كلنا بالطريقه دي و انتوا كلكم خوفتوا و اكيد كلام سلامه ضايقها
سلامه….بابتسامه صدمه طيب لما هي مقالتش جبتي التأكيد منين بس
ايه….عشان هي صحبتي وانا عرفتها كويس اصلا الموقف اللي هي اتحطت فيه كان بايخ و اي حد مكانها مننا كان هيتحرج و كلامك معاها وانت متعصب أخرجها اكتر و حسسها بالذنب
سلمي…..ايه خلاص موقف بسيط واتفهم غلط مفيش لزوم تشدوا مع بعض بسبب حاجه عبيطه يعني و هو كان باين عليه أنه خايف علي عسال
ليله….بابتسامه ما تهدي بقي مالك سخنتي كده ليه
ايمي….بضحك هرمونات
ايه…..بصتلها اتلمي انتي كمان
سلامه…..علي فكره موقفك مش عاجبني
ايه…..يا سلام و موقفك عادي
سلامه….يا بنتي انا عملت حاجه حد فيكم يا جماعه شايف اني كنت رخم مع نادين
عشري…..لا هو كان رد فعل و يمكن ايه مضايقه بس عشان نادين شكلها حساس شويه
ايه….مش حكايه حساسه يا عشري بس انا حطيت نفسي مكانها بجد الموقف كان محرج يعني عسال طلع كويس الحمد لله و فجأه الاقي كل الشباب نازلين في المايه وهما صاحين من النوم و البنات كلهم نازلين مرعوبين و بعدين يطلع اني فهمت غلط و الاقي مثلا انت بتقولي ايه السبب في كل ده ما هو انا اصلا هيبقي محروجه من الموقف فا كلمتك هتوترني اكتر
سلامه….يعني هي كلمتي اللي عملت ده كله خلاص يا ستي لما تنزل نادين انا هعتذرلها حاجه تاني
فضل….علي فكره شكلك انتي اللي حساسه يا ايه
ايه…..انا حساسه تجاه أي موقف يتحط فيه صحابي بصراحه و بجد نادين كلكم شفتوها كانت مرعوبه فا خلاص نعدي الموقف مش لازم نقول كلمه توتر الجو اكتر
ايمي…..طيب ممكن نقفل الموضوع بقي خلاص بجد خد اكبر من حجمه
عشري…..ايمي معاها حق سلامه مكانش يقصد وكلامه كان واضح و بعدين حقه هو خاف علي اخوه و حطي نفسك مكانه لو سلمي في نفس الموقف أو اي حد من البنات مش هيخرج منك رد فعل زيه
سلامه…..بمزاج متعكر خلاص يا جماعه حصل خير وانا هحل الموضوع مع نادين و بعتذر لو ضايقت اي حد فيكم
ليله….مفيش حد فينا مضايق يا سلامه و عشان خاطري بلاش تاخد موقف ايه اضايقت عشان نادين حاسه بالذنب مش اكتر
سلامه….حصل خير حقها و الموضوع عدي المهم أن عسال بخير و انا هتصرف مع نادين
بصتلوا ايه و يمكن للمره الاولى اللي تحس ان مشاعرها اتلغبطت ندمت انها اتكلمت معاه كده بس هي كمان الموقف ضايقها و حست أنه اتكلم بطريقه مش لطيفه مع نادين و كان لازم علي الاقل في الموقف ده يعدي لحد ما الأمور تهدأ عشان ميحرجهاش زياده.
عسال….بقول ايه انا مش عايز يحصل أي تاتش بينكم بسببي انا مقدر رد فعل عسال و كمان مقدر انك مضايقه عشان نادين و اكيد مقدر أن نادين محرجه بسبب الموقف بس هو موضوع بسيط و يمكن الغلط عندي انا
عشري….بضحك شوفت عملت فينا ايه عالصبح مش كنت استنيت اصحي يا عم ميدو
عسال…..حقكم عليا انا قولت لما اني قلقت انزل وأشوف عشان لما تصحوا تتبسطوا ويبقي اليوم من الاول مختلف لو اعرف ان كل ده هيحصل بسببي كنت استنيت والله
عشري…..حصل خير موضوع بسيط
سلامه….مفيش حاجه يا ميدو المهم سلامتك ولو علي نادين انا هعتذر منها
مشي سلامه وراح قعد علي كرسي البار و ولع سيجاره
ايمي…..بابتسامه لعسال طلعت ليك شعبيه جامده يا سي ميدو
عسال…..والله ولا شعبيه ولا حاجه انا اصلا اضايقت الوقت بسبب كل اللي حصل ده بس هظبطه المهم نادين فين
ايمي….بضحك مش راضيه تنزل
عسال….بس الفطار خلص
ليله….قالت مش نازله ولا عارفه توريكم وشها
عشري…..ليه يعني كل ده الموضوع خلص هي فهمت غلط و بتحصل هنعلقلها المشنقه يعني
ليله….والله قولتلها بس هي مكسوفه شويه كده و هطلعلها و انزلها
عشري….لا مش هينفع خليها تنزل عشان تفطر
ليله…..والله ما رضيت اسأل ايمي
ايمي…..والله ممكن تنزل لو صاحب المشكله طلع جابها
عشري….بضحك احلي حاجه انك بتقولي كلام زي الفل في أوقات غريبه و علي فكره خدتيها من علي طرف لساني
ضحكت ليله و بصت لهم هنا الاتنين
ليله….والله انتوا الاتنين مش ساهلين
عشري….انا مقولتش حاجه انا بنصح صاحبي يصلح غلطه
ايمي….وانا بنصح اخويا الصغير
ليله….بضحك انا قولت دماغكم مش سهله
عسال….بابتسامه جميله و انا بصراحه عايز اصلح غلطتي
ايمي…..ده ما صدق بقي
عسال…..الله مش اللي بيغلط لازم يصلح غلطه
عشري…..معاك يا صاحبي و صراحه لو قعدت تفطر و سيبتها محبوسه في الروضه بسببك تبقي غلطان
ليله….بضحك في ايه هاا
عشري….بابتسامه صاحبي انتي مالك و بعدين هي مش صاحبتك و عيزاها تفطر
ليله…..ااااه عايزاها تفطر بس عايزه افهمك
ايمي…..بضحكه جميله طب نتكلم بجد و بلاش لف و دوران
عشري….بضحك ايوووووه احب الجد انا قولي قولي يا ايمي
عسال…..بابتسامه خيررررر مش مرتاحلك
ايمي…..لا خالص بس هو سؤال بسيط عايز ايه يا عسال
عسال…..بنظره جميله ابتسم عايز ايه في ايه مش فاهم
ايمي…..لا هو انت فاهم بس يعني هعتبرك مش فاهم و هيجيلك دوغري هو في حاجه و لا انا اللي بيتهيألي
عشري….بضحك طبطب علي كتفه جاوب يا وحش
ليله….بضحك علي فكره انت مش سهل خالص
عشري…..الله مش بيتسأل لازم يجاوب
ليله….انا لو منك مردش عليهم
عسال….بضحكه جميله لا ليه بما أن الكلام علي المكشوف فا انا احب ارد و بصراحه اعتبرني ما صدقت زي ما ايمي قالت
ايمي……مصدقت ايه بقي انك تصلح غلطتك ولا انك تطلع
عسال…..بصراحه و من غير اي سؤال ملهوس اجابه عندي
ايمي…..قول و انا هحاول الاقي اجابه
عسال…..طيب بصي خليني مقولش حاجه احتمال كبير متتصدقش عشان الوقت اللي بينا و قضيناها سوا مكانش كبير بس يعني بما انكم صحاب نادين و قريبين منها زي ما هو واضح فا انا محتاج مساعدتكم
ليله……بحماس يا سلام احنا في الخدمه
عشري…بضحك اتحمستي الوقت يعني
ليله…..ااااه صاحبتي علي فكره
ايمي…..قول يا عسال ايه نوع المساعده اللي انت عايزها
عسال…..فرصه يا ايمي فرصه مع نادين
ايمي…..وايه نوع الفرصه دي
عسال…..يعني اني اقدر اتكلم معاها
ايمي…..هي دي الفرصه اللي انت عايزها طب وايه المشكله ما انت بتتكلم معانا كلنا
عسال…..لا مش حكايه مشكله بس يعني انا قولتلك لو قولت انا عايز ايه جايز متصدقونيش فا خليها فرصه للكلام
ايمي…..و ايه الحاجه اللي انت شايف اننا ممكن منصدقش لو قولتها انك حبيتها مثلا أو معجب بيها
ابتسم عسال وبص لعشري
عشري….بضحك انا مليش دعوه مع انك يعني لو كنت اتكلمت معايا عن نوع الفرصه كنت هقولك أن الاتنين دول هيخلصولك كل حاجه
ليله….بأبتسامه ايه سكت يعني ؟!
عسال…..صراحه ااااه و مش حابب اقول كده لان ممكن مقدرش اوصف اللي جوايا و الان قدامكم مش صادق يعني بس ده اللي حصل و من الاخر عشان اكون واضح اكتر انا مصمم علي اللي جوايا ده و هقدر اوصل ليه
ليله….حلو طيب لما انت عارف انت عايز ايه محتاج مساعدتنا في ايه بقي
عسال…..عايز فرصه يا ليله صاحبتك بقالها ثلاث ايام بتهرب مني
ايمي…..حصل
عسال…..بابتسامه طب انتي معايا علي الخط اهو
ايمي….والله انا فتحتلك الطريق و لو واخد بالك يعني انا ساعدتك من غير ما تنطق بكلمه و قولتلك اطلع هاتها انت عشان انا عارفه انها بتهرب منك
عشري….ملكش حجه اهو طلعوا فاهمين كل حاجه زي ما قولتلك
ليله….زي ما قولتلك رفعت حاجبها انتوا بتتكلموا علينا من ورانا ولا ايه
عشري….بضحكه جميله يالهووووي ده احنا قطعنا فروتكم
ليله….قولتوا ايه
عشري…..بعدين بيني وبينك خلينا في عسال الوقت
ايمي…..عسال يمكن انا اول حد لاحظ ده عليك بس ده ميمنعش اني اسالك انت متأكد من شعورك بجد ولا انت عايز تجرب عن قرب و تشوف هينفع ولا لا
عسال….انا لو مش متأكد من اللي انا عايزه يا ايمي مش هتكلم اصلا و اكيد انا مش عايز اجرب ولا حتي اشوف هينفع ولا لا انا عارف ايه اللي جوايا كويس كل الحكايه انها بتهرب مني طول الوقت و مفيش فرصه خالص و ظروف المكان مش مهيأه خالص اني اقعد معاها لوحدنا زي ما انتي شايفه المكان بره بايظ و ميتقعدش فيه و هنا المكان زحمه و مفيش فوق غير الاوض و زياده عن كل ده هي بتتعمد تقعد وسطكم وانا مش حابب انادي عليها وأحرجها لأن عارف أن هي من الأشخاص اللي بتوتر و ترتبك
ايمي…..وحلو انك فاهم ده و متزعلش من سؤالي بس حبيت افهم انت عايز ايه بالظبط
عسال….ايوه عارف و انا جد مش بلعب مشكلتي الوحيده مع نادين هو سبب هروبها مني و هو موضوع السن
ايمي….وانت موضوع السن بالنسبالك عادي
عسال…..السن ده مجرد رقم يا ايمي و موضوع بالنسبالي تافهه جداً بس مش معني كده اني اشوفه تافهه بالنسبالها هي بالعكس أنا عايز الاقي فرصه عشان اخليها هي تقتنع أنه تافهه
ليله…..وعشان كده بقي صحيت من بدري و قولت تحاول تظبط المكان بره عشان تقدر تبعد شويه عن الزحمه
عسال….صراحه اه و عشان كمان عارف انها نفسها تشوف البحر عن قرب اكتر واضح انها كانت متحمسه لجو وأجواء غير دي
ايمي…..واهتمامك ده لوحده جميل عموماً خلينا منضيعش وقت في الكلام و اطلع هاتها يلا انا شايفه الشباب بيحطوا الفطار و اكيد هنتكلم اكتر مع بعض
عشري….والأهم يعني أننا نحاول نظبطلهم فرصه بدل ما هي بتهرب منه كده
ليله…..لو علي الفرصه متقلقش هنظبطها سوا
عشري….طيب يا عم عسال شكلها بتتحل ايه يلا روح هاتها
عسال….بابتسامه اوك هجيبها
سألهم عسال وطلع
وراحت ايمي و عشري و ليله علي حسان و رشيد وسلمي وايه
سلمي….مش بقول انك اوڤر بس يعني هو مكانش يقصد
رشيد…علي فكره سلامه شخص جميل ميختلفش عن عسال و بيتهيألي طريقته مكانتش مقصوده هو بس خاف عليه و كلنا اصلا اترعبنا
ايمي…..في ايه؟
سلمي…..بصوت واطي مفيش بس بتقولها انها زودتها وزعلت سلامه
ايمي…..ماهو ده اللي حصل فعلاً
ايه….حتي انتي يا ايمي
ايمي…..اه اكدب يعني طلعتي في الراجل زي القنبله و لا كأنه عمل معاكي انتي الموقف
ايه…..هو لازم يكون معايا عشان اتكلم و لا انتي شايفه يا ايمي انكم متهمونيش
ايمي…..مقولتش كده بس كانت رد فعل وسط توتر من الموقف يعني مكانش قاصد
عشري…..ايه سلامه بجد شخص عفوي جداً وعسال عنده خط احمر انتي اكيد لسه متعرفيش علاقتهم ببعض و طبيعي يعني انك لما تسمعي عن اي بنت فيكم مش هقولك سلمي اللي تربطها بيكي نفس علاقه عسال وسلامه انتي هتترعبي عليها و محدش وقتها هيلومك علي رد فعلك
ليله…..عشري معاه حق يا ايه انتي احرجتي سلامه قدام الكل
ايه…..انا مكنتش اقصد والله بس بعد ما قال كلمته دي لنادين حسيت أن هي اتحرجت اوي وسطنا و حسيت أن كلامه كان عنيف شويه و انا ضد بصراحه أن الراجل يبقي أسلوبه شديد كده مع اي بنت و خصوصا لو قدام الكل و حطيت نفسي مكانها الموقف كان رخم كلكم نازلين من السرير علي تحت اللي مش لابس كل هدومه واللي حافي واللي نازل يتكعبل علي السلم
عشري…..معاكي حق طبعاً بس هو رد فعل مش اكتر
حسان….علي فكره يا ايه سلامه مش عنيف خالص و لا حتي في العادي بيتكلم بلهجه شديده مع اي بنت كل الحكايه انها بجد خاف علي عسال يعني مش اكتر
عند سلامه كانت قاعد علي البار ليكمل سيجارته و ساكت و فضل و نعيمه بيجهزوا القهوه و النسكافيه
فضل….ايه يا سلامه روق يا صاحبي
سلامه….بابتسامه انا زي الفل
نعيمه…..لا باين انك اضايقت من ايه بس علي فكره دي عبيطه و طيبه متقصدش هي كل الحكايه مضايقه عشان انت مشوفتش نادين عامله ازاي فوق بجد محروجه منكم كلكم و مضايقه انك اتعصبت علي عسال بسببها وخلفت يحصل بينكم شد بسببها فا ايه بتتكلم يعني أن كلمتك مكانش وقتها
سلامه…..كلامي وقتها مكنتش قاصد اضايق بيه نادين قد ما كنت مضايق بجد من عسال و خوفت عليه حطي نفسك مكاني فجأه تسمعي حد بيقولك الحقي نادين أو اي بنت بتغرق هتتصرفي ازاي
نعيمه….صراحه رد فعلي ممكن يبقي عصبي و اكتر منك كمان بس اللي أقصده يعني أنها مكانتش تقصد والله
سلامه…..حصل خير عموما واكيد انا مش مضايق من نادين والله و لما تنزل فهمها
في الاعلي
قرب عسال من الباب و هو مبتسم و خبط
نادين….من جوه مين ؟
مردش عليها عسال وخلط تاني
قربت نادين و هي بتقول مين تاني و بتفتح
نادين…..مين ؟ و فجأه وقفت مصدومه و اتوترت
ابتسم عسال و رفع حاجبه
عسال…..اسمعي بقي تهربي مني ماشي بس تهربي من الفطار و تسيبي الكل جعان و مستنيكي مش ماشي خالص
نادين…..اااا انا مش عايزه افطر و قولت للبنات اني مش جعانه
عسال…..اه عارف بس كمان هما قالوا إنك مش عايزه تفكري مش عشان انتي مش جوعانه هما قالوا إنك مش راضيه تنزلي و محروجه من الموقف اللي حصل و حاسه بالذنب و كمان مش ناويه تنزلي خالص
نادين….بتوتر بعدت عينها اااا انا اسفه بجد مكنتش اقصد صدقني يحصل كل ده بسببي
عسال…..و انا مش عايزك تعتذري عشان من الاخر كده انا مبسوط باللي حصل
بصتلوا نادين باستفهام وهي باين عليها التوتر
عسال….بابتسامه مش هتسأليني ليه مبسوط
نادين…..اااا ليه
عسال…..اصلي بصراحه فكرت في الموضوع بشكل تاني يعني لو علي اللي متوقعه منك في العادي انك تنزلي و تشوفيني بغرق زي ما كنتي متخيله كنت اكيد مش هيك لحظه في انك تقفلي الباب وراكي و متسأليش فيا و تهربي كالعاده بس يعني مهربتيش و جريتي تجيبي حد ينقذني
بصتله نادين بصدمه.
نادين…..هو انت شايفني كده بجد يعني متخيل اني اهرب منك حتي وانت بيحصل معاك حاجه وحشه
عسال….بابتسامه حلو يعني انتي معارفه انك بتهربي مني في العادي
نادين…..لا انا مقولتش كده علي فكره
عسال…..لا قولتي انك في العادي بتهربي
نادين….انت اللي شايف كده
عسال…..ولما انا شايف كده مش المفروض أن امبارح كان في وعد بينا أننا نقعد مع بعض بعد ما ناكل
نادين….بتوتر لعبت في شعرها اااا علي فكره احنا بعد الاكل كنا بنتكلم كتير و الوقت جري و بعدين طلعت عشان انام و يعني انت لو كنت قولتلي بعد الاكل تعالي كنت جيت
عسال…..امممم يعني المشكله فيا طيب تمام نصلح بقي اللي حصل ده و هقول انهارده بعد الاكل بس لو هربتي مني اعمل معاكي ايه
نادين…..اااا هو انت ليه مصمم اني بهرب منك
عسال….والله لحد ما نقعد مع بعض و تخليني احس اني فاهم غلط هيفضل ده احساسي
نادين…..يعني ههرب منك ليه طيب ؟
عسال….والله دي إجابة سؤال انتي اللي هتردي عليها لما نقعد مع بعض بس الوقت يلا انزلي عشان تفطري
نادين ….اااا طيب انت انزل و انا شويه وهاجي عشان مش جعانه اصلا
عسال……و انا مش هنزل غير لما انتي تنزلي ولا بتاخديني علي قد عقلي تاني عشان انزل و تفضلي هنا
نادين….انا لا خالص صدقني هنزل وعد
عسال….وعد ؟!!! لا مش مصدقك امبارح وعدتيني و منفذتيش و عدك و بالاماره ابتسمتي كده وانتي طالعه ابتسامة انتصار بهروبك
ابتسمت نادين غصب عنها و بصتله
نادين….هو انا ممكن اعرف انت ليه بتعمل معايا كده
عسال…..وانا شايف انك لو عندك فضول هتعرفي لما نقعد ونتكلم
نادين….طيب هنتكلم في ايه ؟
عسال….بابتسامه جميله لما نقعد هتعرفي
نادين….بارتباك من نظرته ابتسمت بهدوء و انا عايزه اعرف هتقول ايه و علي فكره مش فضول
عسال….و لما هو مش فضول ليه مصممه انك تعرفي انا عايزك ليه مش يمكن عايز اقعد اتكلم معاكي كلام عادي و نتعرف زي ما اتعرفت علي الكل
نادين…..يعني انت عايز تتعرف عليا زي ما اتعرفت علي الكل
عسال….يعني هيفرق معاكي
نادين….صراحه اه لو هتتعرف عليا عادي اوك بس غير كده يعني شايفه أننا نقعد عادي مع الكل بلاش لوحدنا
عسال….هو انا ممكن اعرف انتي خايفه ليه تقعدي معايا يعني ايه اللي انتي شايفه اني ممكن اتكلم فيه موترك كده
نادين…..بارتباك ااااا صراحه انت كلك علي بعضك موترني
عسال….بابتسامه جميله انا كلي علي بعضي موترك طب ليه
نادين…..معرفش
عسال….بس انا طيب والله مش بخوف ولا بوتر
نادين…..وانا مقولتش انك سرير علي فكره بس يعني اوك هقعد معاك و هنتعرف عادي و كمان يعني هما عشر دقايق
عسال…..يا سلام ده ايه الكرم ده كله موافق
نادين….بابتسامه اوك
عسال…..ممكن يلا بقي عشان هما مستنين ننزل
نادين…..بلاش انا صدقني مش هعرف انزل الوقت حاسه ان الكل مضايق مني و انا بصراحه محرجه منهم
عسال…..محدش تحت مضايق منك و يلا تعالي
نادين……اااا بص انا
مسك عسال كف ايدها
عسال….يلااا
بصتلوا نادين بتوتر و سحبها بهدوء وراه و نزل بيها و مقدرتش تتكلم ارتبكت اكتر من لمسته
وقبل ما تقرب علي تحت سحبت أيدها بهدوء منه و نزلوا قدام الكل كانت محرجه منهم جداً
ايمي وليله وعشرين ابتسموا لما عرف عسال بجيبها .
رشيد….كل ده يا ست نودي هنموت من الجوع
عشري…..علي فكرة عقاباً علي تأخيرك ده هتغسلي الاطباق
نادين….اسفه بجد اني جوعتكم بس قبل ما تفطروا انا عايزه اقول حاجه يعني بجد انا اسفه والله اني عملت القلق اللي حصل ده علي الصبح و كان لازم افهم الاول قبل ما اشوفكم بالشكل ده بس والله ما فكرت لحظه انا خوفت يكون معاه مشكله و حبيت انادي عليكم مش اكتر
رشيد…..اسفه علي ايه بس انا لو في مكانك هعمل كده عادي
حسان…..مفيش حاجه يا نادين ده سوء تفاهم
عشري…..انتي بتتأسفي ليه يا نودي محدش فينا مضايق و اهم حاجه في الموضوع أن عسال بخير و زي القرد قدامك اهو
نادين…..الحمد لله أنه محصلش حاجه بس بجد انا بعتذر اني صحيتكم بالشكل ده و نزلتكم في المايه
فضل….بضحك انا بس عندي استفسار هو انتي ليه محاولتيش تنقذي الراجل متخيلتيش أنك علي بال ما تطلعي تنادي علينا يكون غرق ولا انتي بتخافي اصلا من المايه
نادين…..لا مش بخاف من المايه خالص و البانيك اتاك اللي بيحصلي ملوش علاقه بالمايه انا بنزل البحر عادي انا بس بخاف من المطر و الجو لما بيقلب بس انا محاولته أنقذه لاني فكرت أنه شابك في حاجه و مش هقدر انا أبعده فا قولت انتوا الحقوا بسرعه
فضل….عموما يا ستي حصل خير و موقف عادي و بيحصل كبري دماغك بقي ويلا نفطر انسي
سلامه من بعيد لف وشه وبصلها.
سلامه….بابتسامه نادين انا بعتذرلك لو قولت اي حاجه ضايقتك بس اكيد انا مكنتش قاصد خالص انا بس كنت متوتر و اعصابي سابت مش اكتر يعني قلقت علي عسال لكن مكنتش قاصد اتعصب أو اقول كلمه تضايقك فا انا بعتذر
نادين…..لا خالص متعتذرش انا اللي اسفه بسببي انت اتعصبت علي عسال و انت كان معاك حق اصلا يعني انا مش زعلانه منك و انا اللي بعتذر اني خوفتك
سلامه…بابتسامه لا خالص محصلش اي حاجه
عشري….طيب ممكن يلا عشان نفطر بقي خلونا نخلص و نشوف المكان بره عشان نغير المود ده شويه
رشيد…..يلا بينا يلا يا سلامه
سلامه…..لا انا شويه كده وعامل لسه مش جعان
رشيد….يلا بقي متبقاش رخم
سلامه….مش قادر الوقت والله يلا أفطروا انتوا بألف هنا
بصوا البنات لايه بصتلهم بإحراج
ايمي….بهمس انا بيتهيألي لازم تروحي و تعتذري
نادين….هو في ايه ؟
ايمي….طلعت فيه قدامنا كلنا و قالتلي أنه كان طريقته وحشه معاكي و احرجك
نعيمه ….علي فكره شكله زعلان بجد
نادين….طب ليه كده انا اللي كنت محرجه منهم اصلا
ايه….معرفش بقي هو طريقته معاكي في الموقف نفسه ضايقتني
نادين…..يا بنتي خاف عليه عادي يعني و بعدين هو مقالش حاجه بطريقه و حسه روحي يلا متبقيش رخمه
ايه….طيب أقوله ايه انا مش بعرف اصالح حد و بعدين لو قالي كلمه احرجتني مش مسكت
ايمي…..بضحك والله انتي مصيبه يابت روحي الواد محترم اخلصي بقي حرام عليكي سديتي نفسه
ايه….طيب خلاص هروح هو راح فين طلع
نعيمه…..لا بره عند المايه
نادين…..روحي هاتيه بقي يلا
في الخارج
عشري…..يلا بقي هضايق بجد
سلامه….مش عايز الوقت والله اصلا المواد مش حلو يعني مش هقدر اكل صدقني
عسال….لو مكنتش مش هاكل علي فكره
سلامه….يا ابني بقولك شويه و هفطر في ايه
عسال…..لا هتفطر الوقت متحسسنيش بالذنب بقي
سلامه….وانت مالك انت
عسال….ما اللي حصل ده بسببي
عشري….يلا سلامه
سلامه….هدخل وهقعد ومش هعرف امل وشكلي هيبقي رخم ادخلوا انتوا بقي وانا شويه وهاكل
قربت ايه منهم بابتسامه
ايه….احمممم
بقولها كلهم و بص سلامه وبعدين بص تاني بعيد و شرب السيجاره
ايه…..ممكن يعني استأذنكم شويه
عشري….بضحكه جميله همسلها لو مجبتيهوش في ايدك مش هتفطري انتي كمان
ايه….بابتسامه مش هفطر ده ايه لا هجيبه
عشري….جدعه ايوه كده
عسال….بس بسرعه بقي
ايه….اوك
دخلوا الاتنين وسابوها
بصتلوا ايه مكانش باصص عليها
ايه…احممممم
فضل سلامه ساكت و باصص بعيد
ايه….طب ايه هتفضل زعلان كده ؟
بصلها سلامه بهدوء
سلامه…..و هزعل من ايه
ايه……مني اكيد و بعدين يعني انا مكنتش اعرف انك بتتقمص كده زي العيال الصغيره
رفع سلامه حاجبه
ايه….بضحكه عبيطه لا مقصدش يعني بس انت دمك خفيف مالك قفشت وبقي دمك تقيل كده ليه
سلامه….دمي تقيل
ايه….بابتسامه بص انا في العادي لما ببقي جعانه برمي كلام زي الدبش فا متاخدش علي كلامي
سلامه….خلاص روحي كلي
ايه…..ماهو انا بصراحه مش هاكل غير لما تيجي تاكل
سلامه….بس انا مش جعان
ايه….لا جعان وباين عليك علي فكره انا كمان لما بجوع بيبقي دمي تقيل زيك
سلامه…..مش جعان بجد روحي انتي كلي
ايه….والله العظيم لو ما كلت مش هاكل و بعدين بلاش تحسسني بالذنب بقي
سلامه…..وتحسي بالذنب ليه محصلش اي حاجه
ايه….لا حصل وانا ضايقتك و اسفه و علي فكره بقي انا مش بعرف اصالح اي حد يعني خليك جدع بقي و قولي صالحتك
ابتسم سلامه ابتسامه بسيطه
سلامه…..خليك جدع
ايه….بضحكه جميله ما قولنا بقي لما ببقي جعانه برمي كلام زي الدبش
سلامه….انا مش زعلان و تمام بس مش عايز اكل روحي يلا كلي انتي واسمعي الكلام
ايه…..ده اخر كلام يعني
سلامه….شويه وهاكل
ايه….طيب وادي واقفه لما تبقي تاكل بقي هبقي اكل معاك بس علي فكره ذنبي في رقبتك عشان هموت من الجوع
سلامه…..براحتك
ايه….اه براحتي
وقفت ايه جنبه وفضلت ساكته يصلها سلامه بطرف عينه و سكت و بعدين رجع يصلها
سلامه…..مش هتاكلي يعني
ايه…..قولتلك مش هياكل غير لما تيجي انت
سلامه….لو ده احساس بالذنب متقلقيش انا تمام و مش زعلان روحي كلي يلا
ايه…..هو مش احساس بالذنب علي فكره بس انا عارفه اني ضايقتك بس عايزه اقولك حاجه زي ما انت اضايقت من طريقتي قدام الكل دي كانت نفس الطريقه اللي اتكلمت بيها مع نادين قدامنا
سلامه…..وانا قولت موقف نادين كان غصب عني وهي نفسها مزعلتش و بعدين مقولتش كلمه تجرحها
ايه…..ماشي بس يعني انا عشان حسيت انك حد مش بيزعل و طول الوقت بتضحك و شخصيتك حلوه مع كل البنات حسيت يعني اني استغربتك و استغربت طريقتك
سلامه……وهو عشان شخصيتي حلوه مع الكل مش من حقي يبقي عندي رد فعل
ايه….حقك بس انا اضايقت اعتبرني عبيطه و ده كان تفكيري هتعمل عقلك بعقلي يعني
سلامه…..عبيطه فعلا و لسه صغيره
ايه…..بغضب بسيط علي فكره انا مش صغيره
سلامه….بابتسامه لا صغيره و مندفعه كمان
ايه…..مش مندفعه بس كنت بدافع عن صاحبتي و بعدين انا مش صغيره انا عندي 27 سنه
سلامه…..بأستفزاز بردوا صغيره و عموما مش زعلان ولا هعتب عليكي و هعتبرك اختي الصغيره
ايه…..بصتلوا بغضب طيب تمام ادام بقي اختك الصغيره يبقي خليك انت عاقل وتعالي افطر
سلامه…..مالك مضايقه ليه
ايه….مش مضايقه واقولك متفطرش انا اصلا خلاص مش عايزه اكل
ضحك سلامه وهو رأسه
ايه….ايه مش عاجبك بتتريق
سلامه…..لا عاجبني يا طفله
ايه…..شكراً
سلامه….يلا تعالي الفكري
ايه….بابتسامه بسيطه هتفطر انت كمان
سلامه….هفطر يلا ادخلي
ايه…..طيب لسه زعلان
سلامه….مش زعلان بس هتبقي نتكلم بعدبن عشان عندي فضول اعرف سبب القالبه دي
ايه….ماشي اتفقنا يلا بقي
سلامه…..ادخلي يلا
دخلوا الاتنين مع بعض
ايه…..بضحك.اشهدوا يا ناس اهو صالحتوا و جبتوا
رشيد….شاطره يا يويو
حسان….بضحك والله انتي عسل يا ايه معارفه انها زعلتوا
ايمي….ده مجرمه دي
ايه….ده كلمتين بس كده يا حسان عشان يفطر بس لما ياكل هقوله أن هو اللي غلطان
سلامه….طب وسعي كده بقي خليني اقعد
عشري….طيب قبل ما تقعد معلش هات مناديل
سلامه…..عيني بس تصدق أن انتوا معندكوش دم قاعدين تفطروا وسايبني كده هي دي الصحوبيه
عشري….طب اسألها كده قولتلها لو مجبتهوش في ايدك مش هفطرك
سلامه….رفع حاجبه وبصلها نهارك مش فايت يعني انتي فضلتي تزني عشان عشري يخليكي تفطري
ايه…..امال يعني عشان سواد عيونك
ضحكوا كلهم علي ايه و قعدوا مع بعض فطروا
و بعد ما خلصوا الشباب خرجوا بره وأخيراً المايه كلها اتسحبت الكل كان مبسوط و اليوم كان من البدايه رغم أنه بدأ بتوتر إلا أنه كان في طاقه جميله و حماس كبير عشان القاعده بره وسط الشجر و كمان بقي الخروج سهل للبحر نزلوا الشباب بالمساحات و المقشات سحبوا المايه والتراب اللي كان راقد في الارض و نضفوا عشان الأرض تبقي نضيفه وناشفه خالص
وقف فضل بخرطوم المايه يغسل الكراسي والترابيزات و حتي الشمسيات
رشيد….بابتسامه براحه علي المايه يا فضل خلاص بقيت تغرق براحتك
فضل…..يا عم سيبني ما صدقنا الصرف فتح
حسان….بقول ايه هي الكشافات اللي هنا دي باظت ولا اتكسرت
رشيد…..لا بلاش لعب في الكهرباء كفايه اللي عسال حطهم قدام الباب وخلاص
حسان…..كنت عايز اشوفها عشان تنور المكان اكتر بليل
عشري…..بقولك ايه بلاش نور بلا ضلمه مش هنحتاجها خلينا بليل نولع نار في وراء خشب كتير انا هظبطلكم الدنيا
حسان….طيب تمام نار احسن علي الاقل تدفي الجو بليل بيبقي ساقعه
عشري…..حسان خد الكراسي دي كمان خلي فضل يغسلها و انت نشف وراه
حسان…..يلا جاي اهو
قرب عسال من وراء هو وسلامه وهما بيضحكوا و حاطين في التيشرتات بتاعتهم ليمون
عشري…ايه اللي في هدومكم ده
سلامه….بضحك سرقنا الشجر
عشري….بابتسامه ده ليمون
عسال….اه في شجره وراء
عشري….اه يا تربية الشوارع
سلامه….بضحك بس يا تربية الغنم
عشري….بضحك حدفه بالكرسي
فضل رفع الخرطوم عشان يغرقه
فضل…مالها تربية الغنم يا واطي
عشري….جدع يا خوي جدع
دخلوا علي جوه وهما بيضحكوا البنات كانوا بيظبطوا المكان جوه بعد الفطار
ايمي…..ايه ده اللي معاكم ده انتوا كنتوا في السوق ولا ايه
سلامه….لا كنا بنسرق الشجر
ليله…..بضحك اتعلقتوا علي السور والله انتوا مصايب
ايه…..علي فكره صحيح في نعناع بره والله انا سميت ريحته
سلامه….ده ريحان يا هبله
ايه….والله العظيم ريحة نعناع لما المطر كان بينزل ريحتة كانت قويه
ايمي….ايوه علي فكره في هنا نعمان روحوا يلا هاتوا ونعملكم ليمون بالنعناع
عسال….طيب فين هو
ايه….مش عارفه بس ريحته قويه شوفوا كده الزرع بره
سلامه….ياعم سيبك منها دي مجنونه ده ريحان والله
ايه….طب وسع كده انا هشوف و لو لاقيته نعناع هأكلهولك
سلامه….امشي امشي
خرجت ايه بره مع عسال فضلوا يدوروا لحد ما لقوا فعلا زرعة نعناع
ايه….اهو اهو والله نعناع
عسال…..ايوه صح والله
ايه….استني بقي نقطف كده عشان اروح اكسف ابن خالتك
عسال….انتي بتقطعي غلط كده مش هيطلع تاني
ايه….طب تعالي انا بقي اقطعه
قطفوا النعناع ودخلوا تاني وهي مبسوطه
ايه…..يارب نتكسف
ايمي…..يا بنت اللذيذه لاقيتي
سلامه….الله ريحته حلوه اوي ده عايز شاي مش ليمون
ايه….ده عايز تتحرم منه عشان تبطل تطول لسانك
سلامه…امشي يا بت من قدامي امشي مستحملبنها ازاي دي
ايمي….بلاش انت شكلك بقي وحش وطلع نعناع
سلامه….بضحك طب اقفي جنبي طيب
عسال….مش محتاجين اي مساعده
سلمي….لا احنا قربنا نخلص خلصوا انتوا بره
سلامه….المكان بره بقي جامد بجد الشباب ظبطوا الدنيا و لما النهار يروح هنولع نار
سلمي…..الله بجد أخيراً هنعمل حاجه جديده حفظنا المكان هنا
نعيمه….فاضل بس نروح علي البحر
سلامه….علي فكره قبل ما انتوا تيجوا كنا طول الوقت قاعدين بره القاعده بليل جميله
نعيمه….بس اوعي يكون في حشرات أو اي حاجه بتمشي
سلامه…..لا متقلقيش
ايمي….هو بعد السيول دي لو في حشرات ولا ضفادع حتي هتبقي عايشه ما كله مات خلاص
نعيمه….احسن مش ناقصين رعب
سلامه…..يلا هروح اشوفهم محتاجين حاجه ولا لا
خرج عسال وسلامه و بعدهم خرجت ليله
ليله…..هو عشري فين؟
فضل….راح بره علي الباب
ليله….تمام
خرجت ليله علي باب الڤيلا كان مفتوح لمحت عشري واقف علي جنب كان حاطت الموبايل علي ودنه.
ليله…..بصوت مسموع عشري
اول ما لف ولمحت الموبايل بصتله و همسات بصوت واطي اسفه اسفه خلص خلاص
شاورلها عشري بأيده تيجي
ليله…..بهمس خلص براحتك و انا جوه
هز راسه بلأ وشاورلها تيجي ومدلها ايده
قربت منه بهدوء و مسكت أيده
عشري….هلا يا بااااه شلونكم ؟ طيبين ؟
والده… هلا بوليدي، وينك يا واد؟ انت بخير؟ الدنيا مقلوبه عندنا هني مطر وسيول والريح لعبت بالبلد لعب.
عشري….بأبتسامه
الحمد لله يا باااه إحنا في دهب عالأمان. الدنيا قلبت علينا ليلتين سيول وريح بس نحنا بخير
والده…
الله يسلمك يا وليدي اسمع مني لا تجازف ولا تطلع من مكانك البحر غدار والدنيا مهي مضمونه. احنا هني بعيونا على الأخبار. لا تتحرّك الا لما أقولك.
عشري…
أوامرك يا بااه، ما تحاتي نحنا قاعدين في المكان وماشيين حسب كلام الاخبار هني. وانتوا طيبين طمني عليكم؟
والده
الحمد لله، أنا وامك واخواتك بخير الريح كسرت شجرتين قدام الدار، والمية دخلت شوي بالحوش بس خواتك ما قصروا
عشري…
حمد لله عالسلامة يا باااه، والله كنت قلقان عليكم.
والده…
عليك بالعمر يا وليدي ولا شي بالدنيا يهمني غيرك ولا تحاتي عنا احنا هني نعرف كيف نمشي مع السيول والريح انت بس دير بالك المهم طمني ربعك اللي معك بخير و ابن عمتك فضل طمني عليه
عشري….
كلنا بخير يا باااه شباب فضل و ربعي بخير اطمن
والده…
زين سلم لي عليه وبلغ ربعك سلامي وخلكم سوا ما تفرقوا.
عشري…
على راسي ياباااه. عطني أمي خليني أطمن عليها.
والده….معاك
امه…
يا حبيب أمك انت فينك يا ضنايا اتوحشتك؟ أنا قلبي مخلوع عليك الدنيا مقلوبه علينا والجو مابيتهدش
عشري….
يا ست الكل يا نور عيني أنا بخير يا أمي والله العظيم إحنا جاعدين ف الڤيلا و مجفولة علينا إحنا في أمان اطمني
أمه…
أنا جلبي ما بيهداش يا محمد من يوم ما الدنيا جلبت والريح شويه وكانت هتشيل السجف ما ترجعش يا ولدي إلا لما الدنيا تهدى.
عشري….
حاضر يا أمي أ نا مش راچع غير لما أضمن إن الطريج بجي أمان وعهد الله عليك اطمني و خلي قلبك مرتاح اني زين يا ست الناس
امه…
ربنا يحرسك ويستر عليك يا ضناي. وإوعى تمشي ف ليل ولا تسافر لوحدك. خليك ع السمع و خلي بالك من ابن عمتك و من صحابك
عشري….حاضر يا غاليه اطمني سلمي علي الكل وأوعوا حد يطلع من البيت.
امه…
ربنا يرچعك لينا سالم خلي بالكم من بعض
عشري….حاضر يا امي هكلمكم بكره اطمن عليكم
والده من بعيد
حفظك ربي يا وليدي لا تنسى الرچال مواقف.
عشري…..
على راسي يبه.
امه…
ربنا يرضى عليك يا نور عين أمك.
عشري….ويخليكي ليا يا ست الناس اعطيني ابوي
امه….معاك امسك يا عشري
والده…..معاك ياولدي اسمع يا محمد لا تچي الحين الطرق مسكره
عشري….حاضر يا باااه خلي بالكم من نفسكم و انا برچع احاكيك و صح السلام امانه من ربعي ليك يا اباااه
والده….والنعم سلم عليهم كلهم و بلغهم سلامي وخد بالك من فضل
عشري…في عيوني يا باااه يلا بالسلامه
والده…..سلام يا وليدي
قفل عشري و بص علي ليله لقتها لصاله و مبتسمه
عشري…..بنظره جميله كان نفسي أقولهم عروسة ابنكم بتسلم عليكم بس قولت أجلها لحد ما ترجع و اعرفك عليهم
ليله….بابتسامه هاديه بتعملها ازاي دي ؟
عشري….هي ايه ؟
ليله…..التحول الفظيع في طريقتك دي يعني معانا بتتكلم بلهجتنا العاديه مع والدك بتتكلم بدوي و مع والدتك صعيدي انت مختلف عشري علي فكره
عشري…..مش مختلف ولا حاجه بس كل الحكايه اني اتوعدت و بتكلم مع كل واحد بالطريقه اللي يحبها
ليله….هي مامتك مش بتعرف تتكلم بدوي
عشري…..لا بتعرف اكيد في بينهم عشره طويله بس هي صعيديه متمسكه بلهجتها حتي سنين عمرها اللي قضتهم في القاهره معرفتش تغير طريقتها يمكن ابويا شويه ممكن في أوقات يتكلم عادي بس الاغلب بلهجته لكن هي مش بتحب ولا بتعرف و بيني وبينك انا بحبها كده زي ما هي
ليله….عشري انت شبه مين اكتر مامتك ولا بباك
عشري…..في الشكل ابويا اكتر في الطباع واخد من الاثنين وانتي
ليله….شكل وطباع واخده من بابا و ماما الله يرحمهم
عشري…..ربنا يرحمهم طيب قوليلي مش عايزه تتعرفي بقي علي حماتك و حماكي
ليله …بابتسامه إحراج خلاص بقوا حماتي وحمايا كده علي طول
عشري….ايه عندك اعتراض
ليله….لا بس يعني حسام واخد الموضوع بسرعه
عشري….يمكن يكون بسرعه بس يمكن كمان عشان عارف انا عايز ايه
ليله….وانت عايز ايه بقي
عشري…..بابتسامه غمزلها عايز ليله
ليله ضحكت و بعدت وشها عنه
عشري…..اللي يشوفك وانتي مكسوفه كده استحاله يصدق أن انتي نفسك ليله الجريئه اللي شخصيتها قويه
ليله…..بابتسامه لا علي فكره انا بتحرج عادي يعني ملهاش علاقه
عشري…..وده من اي حد يعني ولا مني
ليله…..يعني من اي حد يقول كلام حلو
عشري…..رفع حاجبه طب اظبطي حد مين اللي يقولك كلام حلو
ليله ….بضحك انت قلبت ليه
عشري….عشان انتي اللي بتشغليني
ليله…..طيب ياريت بقي اشغلك بجد وتعالي يلا شوف العربيه
عشري….بضحك اااااه هي العربيه دي تعز عليكي اوي يعني ما نجيب غيرها
ليله…..لا اوعي تقولها في وشي هي باظت
عشري….بضحكه جميله بتحبيها اوي انتي صح
ليله…..دي صاحبتي و مقدرش استغنى عنها
عشري…..متقلقيش يا ستي صاحبتك بتشتغل هشوفها انا والقرد فضل هو ليه طويلة بال وان شاء الله ميبقاش فيها حاجه
ليله….طيب خلينا نشوفهم
عشري….ايه مستعجله تدخلي
ليله….لا بس يلا ندخل و بعدين سيب ايدي بقي اوعي
عشري….ماشي يا ست ليله أوامرك اتفضلي
ليله….بابتسامه دلع ميرسي
ابتسم عشري ودخل وراها علي جوه.
لمحوا فضل واقف هو ورشيد و حسان و معاهم ايمي بيحاول يدور العربيه و هما معاه لأن هي كانت آخر واحده راكنه و مش هينفع عربياتهم تخرج غير لو خرجوا عربيه ايمي و عربيه ليله و الاتنين عطلوا من المايه.
بدأ فضل يحاول فيها كانت بتدور و تفصل بسرعه فتحها من قدام و بقي يحاول يشيل حجات ويركب حجات و يرجع يدور و استمر الموضوع في المحاوله.
عشري….ايه الاخبار
رشيد….اهو بيحاول هو وحسان
عشري…..مش راضيه تشتغل خالص
رشيد….بتفصل تدور و تقف
ليله….طيب وانا
رشيد…لسه عايزين بس نحاول نشغل عربية ايمي و نخرجها بره
عشري…..ممكن نحتاج ميكانيكي و كهربائي
حسان….المشكله ان عشان نجيبهم لازم نروح بنفسنا و العربيات جوه زي ما انت شايف
ليله …ياريتنا لما جينا مكنتوش دخلوا عربياتكم انتوا جوه
عشري….اللي حصل بقي الحمد لله
رشيد….متقلقيش هيدوروا باذن الله والا تبقي عيبه في حق فضل
خرجت نعيمه علي اخر جمله
نعيمه…..ايوه مش عامل فيها مخترع و عايز يفتح ورشه بوركينا شطارته بقي
رشيد…الله هو قالك دبست روحك يا وحش وربنا شطارتك بقي
فضل….وهو مندمج انا مش هرد عليكم الوقت هسيب شغلي يرد
عشري….طيب هنشوف يارب متكسفناش و ليك عليا لو عرفت هفكر اشاركك
ساب فضل من أيده العده وبصلوا
فضل….بحماس احلف كده
ضحكوا الشباب كلهم
حسان….ده ما صدق
رشيد….أنجز ده بيضحك عليك
فضل…..بتضحك عليا؟
عشري….تعرف عني اني ممكن اضحك عليك
فضل….لا محصلش
عشري….خلاص سيبك منهم و فرجني يا سيدي شغلك اعتبرني مستثمر و أبرز شطارتك قدامي ماهو انا مش هرمي فلوسي علي الارض
رشيد…..اسمع مني بيسرح بيك والله
حسان….خد بالك يا عشري انت كده شغلت دماغه سوف عينه سرحت منك والله
فضل…..بابتسامه هرش في شعره و غمض عين واحده بتتكلم جد شكلك
عشري….بابتسامه حب والله بتكلم جد سيبك من العيال دي
ليله……ورشه ايه انا مش فاهمه
عشري….تجميع عربيات دي هوايه عنده عايز يجمع عربيات و تتقفل عنده جسم من هنا علي ماتور من هنا كده يعني
ليله….طب والله حلو
فضل…..تشاركيني
ليله….بضحك انت ماشي تصطاد اي حد
عشري….سيبك من ليله انا معاك هشاركك
فضل….يعني لو شغلتهم هتشاركني؟
عشري….هشاركك
بصلوا فضل بابتسامه جميله و عيونه لونها كان ظاهر في الشمس و هو واقف بتيشرت كات نعيمه كانت هتتجنن عليه بس بتحاول علي قد ما تقدر تثبت علي موقفها و بدأ فضل وعشرين يتكلموا مع بعض بلهجتهم حتي ليله انهارت وهي واقفه.
فضل….كلمة رچال
عشري…..كلمة رچال
فضل….أشهدوا يا خلج و انت يا عشري تذكر إن كلمة الرچال شرف لو طارت السماء تردها الارض
عشري….وعد الرچال دين ما ينكسر غير بموته
ايمي…..اهم اتحولوا و سخنوا
رشيد….خلاص كده سلام احنا بقي
فضل….ماشي يا خوي اتفقنا التصليح عليا و التنفيذ عليك
عشري….تمام وانا معاك اما نشوف هتعمل ايه
فضل….وسعوا منك ليه
حسان….سخنت خلاص
فضل….والله لا هشغل ابوهم
ليله….بس براحه علي عربيتي يا فضل
فضل…..اي فيهم سيارتك هاذي
ليله…..بضحك لا هاذي
فضل….بكسرها الوقت روقي
ليله….طب جرب كده والله اكسر عربياتكم
عشري…..عربيات مين ؟
رشيد…لا بقولك ايه انا مليش دعوه عربيتي لا
ليله……خلاص عربيه عشري
عشري….عشان عشري يكسر دماغك
ليله…عشان عربيه تكسر دماغي خساره فيا
عشري…..بابتسامه خساره ليا
ليله….بضحكه دلع جميله اه يعني مش خساره فيا
ايمي…..بقولكم ايه خلونا نسيبه بقي هو مع نفسه كده عشان يعرف يشغلهم
فضل….اه والله يلا روحوا شغلوا حاجه و عايز اي حاجه اشربها
عشري….اجيبلك قهوه
عسال….وسع يا عم الله يحرق ابو القهوه علي اليوم اللي عرفتك فيه احلي ليمون بالنعناع يا فضل
فضل….جه في وقته والله
عشري….بضحك ولا علي فكره انت لسانك بقي طويل
عسال…..طلعت عيننا بالقهوه يا راجل
ليله….بضحك صراحه عنده حق انت مش بتفصل لا انت ولا فضل
عشري….ايش فهمكم انتوا بس انا رايح اجيب القهوه
سلامه….يا شباب المكان هنا بقي تمام ايه رايكم
حسان…الله ينور بس بقولك ايه ما تيجي نجيب المخدرات اللي جوه ونعمل قاعده هنا هتبقي حلوه بليل
سلامه….عسال بيقولي كده بس بيقولوا بلاش احسن تمطر
حسان…..الله الشمس انهارده كويسه خلينا نجيبها
ايمي…..بضحك قهوه عربي و جالسه عربي و نار ناقص الشيشه بقي
عشري….بضحك الله ليكي في الصنف معانا والله شيش كتير
رشيد….هما فين صحيح ؟
عشري…..في الشنط فوق من وقت ما لميناء الشنط مطلعناهمش لو عايزين هم اجيبهم
ليله….شيشه يا نهي
ايمي….بضحك والله كنت بقولها بتريقه طلعوا عاملين حسابهم
عشري….خلاص خلينا اخر النهار نطلعهم لما نقعد بره يكون فضل ورانا شطارته وخلص
حسان…..صحيح انتوا هتاكلوا ايه انهارده
ايمي….هروح اشوف جوه تعالوا نشوف كده هنعمل ايه.
دخل عسال وراهم بعد ما وقف شويه مع فضل نادين كانت واقفه بتتكلم مع سلمي و ايه و نعيمه وسلامه
دخلت ايمي و ليله و عشري و حسان و رشيد
ايمي…..ايه معرفتوش هناكل ايه ؟
سلمي…..بابتسامه لا انا نسيت كنت برغي مع البنات
ايمي…..طيب وسعي يا رغايه هانم
بص عسال علي نادين وابتسم
ابتسمت بهدوء و بسرعه بعدت عينها عنه
مشي عسال بهدوء وراح وقف جنبها و همس جنب ودمها براحه من غير ما حد يسمعه
عسال…..ايه مش هننفذ الوعد بقي ولا اتصرف انا
بصتلوا نادين بتوتر وهي مبتسمه وقلبها بيدق
نادين…..هتعمل ايه ؟
عسال…..قولي مش هنفذ و انتي تشوفي
نادين…ااا لا عادي هنفذ بس يعني ايه رايك شويه
عسال…..الوقت
نادين…..طيب هعمل قهوه
عسال…..من وقت ما جيتي وانتي مش بتشربي غير نسكافيه و عصير و بيبسي
نادين….بشرب قهوه كمان بس يعني معملتش هنا خالص
عسال…..هنشرب بس لما نرجع
نادين…نرجع ! هو احنا هنروح فين
عسال….مش هنروح هنخرج بره شويه قدام الباب
نادين…..طيب ايه رايك نقعد هنا معاهم يعني نروح هناك كده هما مش قاعدين
عسال….لا
نادين…طيب نجيب كرسي ونقعد بره
عسال…في كرسي لا في كراسي و ظبطنا القاعده بره بس لا بردوا
نادين….طب ليه
عسال…..هو كده يلا تعالي
نادين…..طيب هما عشر دقايق
عسال…..تمام موافق
نادين….اااا طيب ايه رايك اطلع اللي حاجه غير الفستان ده
عسال….بضحكه جميله هز راسه شمال ويمين لا حلو الفستان و بطلي تهربي بأي طريقه عشان انهارده بالذات يا انا يا انتي
نادين…..هو انت ليه حاطتني في دماغك كده انا عملتلك حاجه
عسال….اه عملتي حجات مش حاجه
بصت نادين في عينه وهو مبتسم و بيبصلها بنظره وترتها اكتر
نادين….اااا اهو شايف بقي طريقتك دي هي اللي بتخليني اهرب منك
عسال….بضحكه جميله مالها طريقتي
نادين…..علي فكره بقي انا مش طالعه معاك و اعمل اللي تعمله
عسال….بابتسامه رفع حاجبه اعمل اللي اعمله طيب تمام افتكري أن انتي اللي اختارتي
وقبل ما يفرد ضهره ويقف كويس بصتله بسرعه
نادين….لا لا خلاص هاجي
عسال…..يلا تعالي
نادين……ااااا طيب اخرج و انا هاجي وراك
عسال….تاني لا مش هخرج غير وانتي معايا مش بصدقك
نادين….مش ههرب والله بس هنخرج ازاي مع بعض
عسال….وايه المشكله انتي مش بتقفي و تتكلمي مع اي حد ابتسم ابتسامه جميله وبصلها ولا انتي شايفه أن انا مختلف
نادين….بتوتر اااااا ايه لا عادي
عسال…طيب يلا
خدت نفس طويل و قامت بهدوء من علي كرسي البار راحت علي الباب و عسال وراها
ليله…..بابتسامه علي فين يا نودي
ايمي….بضحك والله انتي رخمه
نادين…..بصتلها ااا انا مالي عسال قالي هنخرج بره
عسال….بابتسامه جميله شويه و راجعين يا شباب
عشري…..تمام يا ميدو روح
اول ما خرجوا بص عشري لليله
عشري…..علي فكره انتي رخمه بجد
ليله…..الله انا عملت حاجه
رشيد….هو في ايه
عشري….بضحك كل خير
ليله….بضحك علي فكره انا ممكن افتنلك لو عايز
عشري….لا ريحي انتي يا قناة الاخبار هو فاهم مش قولتلك قطعنا في فروتكم امبارح
ليله….علي فكره انت لسه مش حكيتلي
ايمي….فروة مين انت كنت بتتكلم جد قولتوا ايه عننا يا رشيد
رشيد….بأبتسامه انا مقولتش مليش دعوه
عشري….علي فكره كداب بس صراحه يعني كان جايب سيرتك بكل خير
رشيد….بضحك علي فكره انت مش مظبوط
ايمي…..بضحك لا انا لازم اعرف
رشيد…..طيب وانتي ينفع تصدقي عشري تربية الغنم القهوجي
عشري….بضحك مش هرد عليك
ايمي…..بضحك ايه تربية الغنم والقهوجي دول انتوا هتمسكواوفي بعض
عشري….ده علي اعتبار يعني اني بدوي بس ليا الشرف يا واطي
ليله….بضحك طيب ايه قهوجي دي
رشيد…..مش عنده كافيهات يبقي قهوجي
ايمي…..طيب ما نتلم شويه انا عندي مطعم ابقي طباخه
رشيد….بضحك لا سفرجيه
ضربته ايمي علي أيده ضحك و بعد عنها بسرعه و فضلوا هنا الاربعه يضحكوا.
قعد حسان و سلمي بره و ايه و سلامه كمان راحوا قعدوا بس بعيد عنهم شويه
سلامه….ها يا ست يويو هانم قولي اللي عندك
ايه….اقول ايه معنديش حاجه اقولها
سلامه….عايز اعرف سبب اللي حصل
ايه…..علي فكره انا صالحتك
سلامه….ايوه بس مفهمتش سبب العصبيه اللي حصلت وبيتهيألي لازم افهمك
ايه…..والله الموضوع مكانش مقصود بس يعني بصراحه انا مش بحب أن اي ولد يحرج بنت
سلامه….بس انا محرجتهاش ولا كان في نيتي اصلا اني احرجها قولتلك أن كل الحكايه لما قولت لعسال لما انت كويس مقولتش ليه لنادين قالي انا والله ما شوفتها بتلقائيه يعني قولتلها كنتي اتأكدي حرام عليكي يعني انا شايف أن الموضوع بسيط و حتي نادين مزعلتش
ايه….يمكن مزعلتش لأن هي اصلا اتصدمت لما عسال طلع بخير و فجأه شافتكم كلكم في قلب المايه فا كانت مصدومه كلمتك احرجتها و حسستها بالذنب وبصراحه لما توترت كده و بعد ما شوفتها في الحاله دي وهي بتصحي الكل قولت اكيد هتتعب و خوفت عليها
سلامه…..بس انا مكنتش اقصد يا ايه و الكلمه كانت تلقائيه و علي فكره انا مفيش فيا طبع اني اقول كلام رخم لاي بنت او أخرجها حتي لو علاقتي بيها سطحيه انتي بس اللي لسه متعرفنيش كويس
ايه…..لا هو انا عرفتك و عرفت كمان انك حد كويس وطريقتك كويسه مع الكل عشان كده اضايقت لما حسيتك متعصب
سلامه….طيب هو البني ادم الطبيعي مش لما بيتعصب بردوا بيطلع منه رد فعل مختلف انا بني ادم عادي علي فكره بس كمان ردي فعلي مكانش قوي يعني
ايه….طيب تمام انا فهمتك خلاص
سلامه….ايوه بس بعد ما اتكلمتي كده معايا قدام الكل
ايه….بس كمان اعتذرت قدام الكل و صالحتك
سلامه…..بابتسامه جميله و انتي شايفه أن ده كفايه
ايه….بابتسامه بسيطه و توتر ااا يعني اعمل ايه تاني
سلامه…..ولا حاجه يا ستي متعمليش
ايه……علي فكره بقي انت تحمد ربنا اني صالحتك و خليتك تفطر كان ممكن اسيبك من غير اكل
سلامه….لا والله ما عشري فضحك وقال إنه قالك لو مجتش معاكي مش هتفطري
ايه…..عشري ده ايه ياعم الحاج لا بقولك ايه انا ممكن اكلم كلكم
سلامه….اهدي يا عم البلطجي خلاص
ايه…..ايوه كده امسك العقل
سلامه….بصدمه امسك العقل لا بقولك ايه قعدتك في الشارع و سط الكلاب والقطط خليتك بلطجيه ارجعي لعقلك
ايه….بضحك طيب بجد بقي لسه زعلان
سلامه….لا يا ستي مش زعلان انا بس حبيت افهمك مش اكتر لانك فهمتيني غلط بس يعني مش هنكر اني شوفت كده جزء جديد فيكي عصبيه و حمقه عشان صحابك
ايه……والله ده العادي ولا انت مش بتتحمق علي صحابك
سلامه….لا بتحمق و عشان كده يومك اسود وهروح الوقت اقول لعشري انك قولتي عشري مين ده يا عم اتقلي عليا
ايه….بضحكه عبيطه مسكت أيده لا استني خلاص كنت بضحك
سلامه….أبداً
ايه….اسمع مني طويل و عريض و كف أيده مبيهزرش
سلامه…..كمان بتقولي طويل واهبل
ايه…..الله يخربيت الكدب انا مقولتش اهبل
سلامه….كمان جبانه و بتسحبي كلمتك
ايه….طيب اسمع بقي لو فتنت عليا هقول لصاحب الڤيلا انك سرقت الليمون انت وابن خالتك
سلامه….عادي و اصلا مسموح ناخد اي حاجه طول ما احنا ساكنين فيها بس المهم متعمليش فيها بريئه يا حراميه النعناع
ايه….بضحك انا رأي نعمل قاعدة عرب و كويس أن عشري و فضل معانا و نمشيها بالتراضي
سلامه….بضحك تيجي نتصالح
ايه…اه عيب الشيطان ابن الكلب اللي دخل بينا ده
فضل سلامه بضحك من قلبه علي المجنونه اللي بقي يحب يقعد معاها و لسه بيكابر و شايفها أخته الصغيره
عند نادين و عسال خرجوا من الڤيلا و فضل عسال يمشي و هي وراه الڤيلا اللي كانوا عليها كانت في مكان عالي شويه و البحر قدامهم بس لازم ينزلوا منحدر بعد ما يعدوا الاسفلت و يطلعوا علي الرصيف
كانت عماله تمشي براحه و مش عارفه تمشي اوي و كل ما عسال يمدلها أيده تقوله انا عارفه امشي .
نادين….هو انت هتفضل ماشي كده ؟
عسال…..مش كنتي عايزه تروحي البحر هوديكي
نادين….بس انت قولتلي هنقف بره مقولتليش هنروح البحر
عسال….كنت عاملهالك مفجأه بس انتي حرقتيها ولا تكوني خايفه احسن اخطفك مثلا
نادين….بتوتر اااا تخطفني انا
عسال…..ايه مش بتتخطفي
نادين….اااا لا محدش يقدر يخطفني
عسال….خالص
نادين….بتوتر ااااا يلا امشي
عسال….بضحك حاضر كمل مشي وهو قدامها
ابتسمت نادين وفضلت باصه عليه دقيقه و رجعت تاني تعترض
نادين…..هو البحر ليه بعيد كده انا تعبت
عسال…..انتوا اول مره تسكنوا في الڤيلا دي
نادين…..اه اول مره جينا كذا مره بس مكناش بتقعد هنا سالم كان بيودينا اماكن تانيه وكانت اقرب للبحر
عسال…..طيب عشان كده بس لو اتعودتي هتحسي أن البحر قريب
نادين….مش عايزه اتعود ولا عايزه اروح خلاص اصلا هو من الڤيلا كان قريب الوقت بعد
عسال…..ايه ما تقولي أن انا السبب
نادين….يمكن ليه لا
عسال….بابتسامه ايه بعدته يعني
نادين….لا مقصدش بس يعني مشيت من طريق اطول
عسال …انتي لو بصيتي وراكي اصلا هتلاقي الڤيلا ورانا علي طول
نادين….اااا طيب انا تعبت
عسال….بابتسامه جميله بصلها ثواني اشيلك؟
بصله نادين بصدمه و برقت عينها
نادين…..اااا امشي امشي
عسال….بضحكه جميله طيب همشي
ابتسمت نادين اول ما مشي وحطت أيدها علي قلبها
وأخيراً خلصوا المنحدر اللي كانوا نازلين عليه و البحر بقي في وشهم اكتر و مكانش في فاصل بينهم غير كام متر رمل
ابتسمت نادين زي الاطفال وفضلوا يقربوا اكتر
عسال….بيتهيألي كده بدأت رحلتك
بصت نادين علي البحر و خدت نفس عميق و غمضت عينها و ابتسمت بهدوء
فضل عسال واقف جنبها ساكت و عينه عليها وهو مبتسم
دقيقه كامله فضلت علي وضعها ده و بتسمع الموج و هي مبسوطه فتحت عينها بهدوء لمحت عسال واقف قدامها بس مش قريب منها
عسال…..مبسوطه ؟
نادين….بتوتر ااااا احممم اه
بصت في الساعه بتاعتها
عسال…..ايه عايزه تفتحي تايمر عشان العشر دقائق
ابتسمت نادين علي تريقته
نادين….اه ليه لا
عسال….وايه رأيك كمان نحسب منهم الوقت اللي نزلنا فيه بالمره اظن ده عرض ميتفوتش
نادين….انت بتتريق صح اوك بس هي فكره كويسه و علي فكره المفروض نرجع بقي عشان كده العشر دقايق خلصوا اصلا
عسال…..طيب ممكن تسيبك من الساعه شويه و تبطلي تركزي في الوقت
نادين…..علي فكره احنا اتفقنا هترجع في كلامك
عسال…..انا مش برجع في كلامي و علي فكره انا راضي حتي لو بدقيقه
نادين….تمام
عسال…..طيب تحبي تقعدي علي الرمل ولا عايزه تقفي
نادين…..اااا عادي مش فارقه
عسال….طيب تعالي نقعد علي الاقل تحسي اكتر بالبحر مش كنتي هتتجني عشانه
نادين……طيب هو احنا ليه مجبناش قهوه معانا أو مايه ااااه مايه انا عطشانه تعالي نروح نجيب
عسال ….بابتسامه هو انتي عندك فرط حركه يا نادين
نادين….ااا انا ليه
عسال…..طول ما بحاول اتكلم معاكي مش بتثبيت لحظه متوتر و ديماً بتتلفتي في كل حته و عايزه تجري متعوده تهربي كده من اي حاجه مش بتعرفي تواجههي صح
نادين….انا !! انا من يوم ما جيت الدنيا دي و انا مش بعمل ايه حاجه غير اني اواجه وبس
عسال…..طيب ليه معايا بتهربي ؟!
علي فكره يا نادين انا اكتر حد مصدقتش انك هاديه و لا صدقت انك شخصيتك مش قويه يمكن هدوئك و الحاله اللي وصلتي فيها اول ما جيتوا خلي في انطباع عند الشباب عنك انك هاديه و مش بتعرفي تتاقلمي بسرعه و لما كمان أتكلموا عن موضوع الشغل و مين صاحب الفكره انا الوحيد اللي قولت نادين و اكيد انتي فاكره أن الكل مصدقش وقال إن شخصيتك تبان أضعف من انك تكوني شخصيه قيادية و بتعرف تفكر
و لما حكيتي عن حياتك اتأكدت من احساسي اكتر و الوقت بأكد علي كلامك انك مش بتعملي ايه حاجه غير انك بتواجههي بس يمكن في سؤال عايز اسمع إجابته منك.
نادين…..سؤال ايه ؟
عسال…..ليه بتهربي مني يا نادين ؟
نادين….بتوتر انا مش بهرب و لا بعمل اللي في دماغك ده انت اللي عايز تشوفني بهرب سألتني و قولتلي انا زعلتك أو ضايقتك قولتلك لا بس يمكن ضغطك عليا بالسؤال نفسه هو اللي موترني
عسال…..بس انا مش شايف كده
نادين….امال شايف ايه ؟
عسال…..شايف انك بتهربي يا نادين و سؤال مش ضغط عليكي انتي عارفه أن سؤالي ليه رد عندك و يمكن الرد ده هو اللي بيضغط عليكي مش السؤال نفسه.
نادين…..ااااا علي فكره احنا اتأخرنا عليهم خلينا نروح و نبقي نكمل كلامنا اكيد عشان متقولش اني بهرب
عسال….بابتسامه هاديه و ده كده مش هروب
نادين….بتوتر اكبر و انفعال بسيط ظهر علي نبرة صوتها ميدو انت عايز مني ايه بجد.
ابتسم بهدوء و يصلها
عسال…..مش عايز يا نادين كنت عايز اتأكد من حاجه بسيطه و خلاص اتأكدت
نادين…..اتأكدت من ايه اني بهرب
عسال…..يمكن انا كنت شاكك مع أن نسبة شكي كانت بسيطه بس قولت اشوف هي بتهرب ولا لا و بيتهيألي الاجابه وصلت لو حابه ترجعي ارجعي يا نادين
نادين….اااااا اه اه هرجع و خليك انت بقي قاعد لوحدك مع الكلام الغريب اللي في دماغك ده
بعدت كان خطوه و بعدين رجعت بصتله تاني و هو زي ما هو واقف في مكانه و مبتسم بهدوء
نادين…..ياريت بقي متبقاش تقولي بتهريب و الكلام بتاعك ده و لو هتفضل تتكلم معايا في نفس الموضوع انا مش هتكلم معاك نهائي و اقولك من هنا أحد ما كل واحد فينا يرجع لحياته اعتبرني مش موجوده ممكن
ابتسم عسال وفضل علي نفس وضعه
فديته ضهرها و كملت طريقها
قعد عسال علي الرمل قدام البحر و فضل ساكت و باصص علي البحر يمكن اضايق أنه مقدرش يقعد معاها اكتر من كده بس كمان كان مبسوط و مخدش الموضوع بجد و لا حتي زعل منها لانه باختصار انا كان واثق من إحساسه و اتأكد خلاص هو عايز ايه و عرف أنه داخل علي حرب مفيش امل من الرجوع.
وفجأه بص جنبه بصدمه لما لقتها رجعت و قعدت جنبه و باين علي وشها الغضب و خاصه علي البحر
ابتسم ابتسامه جميله و رجع بص علي البحر و هو ساكت.
بصله نادين و هي مش قادره تسيطر علي قلبها ولا قادره تسامح نفسها انها رجعت تاني
نادين…..انت بتضحك علي ايه
اصلها عسال بنظره جميله و هدوء عكس غضبها
عسال…..مبسوط
نادين…..بتخبط رهيب في مشاعرها انت عايز مني ايه يا ميدو
عسال…..رجعتي ليه يا نادين
نادين….متهربش من السؤال مش من بدري و انت عايز تتكلم معايا بتهرب ليه الوقت
عسال…..الهروب مش طبعي يا نادين هجاوبك بس لما اعرف ليه رجعتي
نادين…..عشان الكلام تقريباً مخلصش بينا وانا مش متعوده انهي موضوع مخلصش و عايزه اعرف انت عايز مني ايه
عسال…..انتي بتكدبي يا نادين انتي رجعتي عشان جواكي حد عايز يرجع و حد تاني مش قادر يقعد
نادين ….لا انا رجعت عشان اعتبره فضول و عشان مبقاش قليله الذوق
عسال…..علي فكره لو كنتي رجعتي انا مكنتش هزعل منك
نادين…..بس كنت هتحاول تعيد سؤال الف مره
عسال…و ليه سؤالي مضايقك اوي كده
نادين…..عشان انا مش بهرب يا ميدو
عسال…..لا انتي بتهرب يا نادين و بيتهيألي كمان انتي عارفه كويس انا عايز منك ايه
بصتلوا ثواني وهي متوتره و ضربات قلبها بتدق بعنف
نادين……ميدو من فضلك بلاش تعمل معايا كده
عسال….بابتسامه اعمل ايه ؟
نادين…..المشكله انك مصدق انك مش بتعمل حاجه
عسال…..عشان انا مش بعمل ايه حاجه نادين انا لحد الوقت مش عارف اتكلم معاكي و كل اللي بينا سؤال مردتيش عليه
نادين….لا بتعمل يا عسال و انت عارف انك بتعمل
عسال…..طيب قوليلي بعمل ايه ؟
نادين….موترني كل حاجه فيك موتراني و عايز اجابه لسؤالك يا عسال اه بهرب منك عشان كلك علي بعضك بجد موترني طريقتك كلامك نظراتك كل حاجه حتي اهتمامك بيا موترني
عسال…..بابتسامه طيب و مقدرتيش تعرفي بقي ليه موترك بالشكل ده و اشمعني معايا انا بشوفك متوتره يعني افتكر أن محصلش بينا كلام اصلا عشان تتوترني مع انك اتكلمتي مع كل الشباب و فتحتوا مواضيع و كنتي عاديه و بيتهيألي لما بيتكلموا معاكي بيبقوا باصين في عينك و مش بتتوتري اما بالنسبه للاهتمام
عملتلك اكله بتحبيها جبتلك كوبايه مائه أو عصير عادي الكل فوق بيتهم ببعضه و بردوا مشوفتكيش متوتره اشمعني انا يانادين.
نادين….بتوتر اكبر عايز مني ايه يا عسال متخلنيش اندم اني رجعت تاني و قعدت معاك
عسال…..لو قعدتك معايا غصب عنك و شايفه انك ممكن تندمي عليها روحي يا نادين و صدقيني مش هزعل منك
نادين حبت تكون اقوي و تخفي مشاعرها اللي خلاص هتفضحها قامت بغضب و هي متعصبه
نادين…..ااااه همشي يا عسال عشان قعدتي معاك بجد ضايقتني و عشان انت بجد توتر اي حد و عشان ندمت اني رجعت همشي و ياريت متحاولش تتكلم معايا تاني من هنا لحد ما ترجع ممكن
عسال…..اكيد ممكن و تقدري كمان تعتبري اني مش موجود بس انا مش هقدر اصدق كلامك و هفضل شايفك بتهربي و علي فكره انتي مش بتعرفي تواجهيي يا نادين
نادين…..قعدت تاني وهي متعصبه مين قالك اني مش بعرف اواجه انت اللي مش عايز تتكلم
عسال….ماهو انا لو اتكلمت وانتي متوتره كده اخاف عليكي و واثق انك هترجعي تهرب بجد
نادين…بصوت اهدأ و تأثر و تهبط كبير في مشاعرها ميدو بجد انت مش طبيعي انا عمري ما وصلت للمرحله دي انت بجد موترني
عسال…..عشان انتي عارفه اني صادق يا نادين و مصدقه كمان اللي جوايا بس انتي مش قاعده هنا عشان تسمعي مني ولا تعرفي انا عايز منك ايه بالعكس انتي عايزه تقلبي التربيزه و تزعلي و تتعصبي و تنهي الكلام وتمشي عشان مقولش اللي جوايا لأن باختصار انتي عرفاه كويس اوي
و مش عايزه تسمعيه مني
فضلت نادين لصاله شويه و بعدين بصت علي البحر و فضلت ساكته
ابتسم عسال و فضل باصص لها بحب و حنيه فظيعه رغم طريقتها و عصبيتها عليه
عسال……بصوت هادي خايفه ليه يا نادين؟
سكتت ملامحها كان باين عليها تخبط فظيع بصتلوا بهدوء
نادين….اللي انت عايزه مستحيل ينفع يا ميدو
عسال….ليه ؟
نادين….انت عارف كويس ليه و بطل تعمل نفسك مش فاهم
عسال…..لو حابه اتكلم بوضوح انا مستعد بس انتي هتكملي ولا هتهربي
بصت بسرعه علي البحر و هربت من عينه
عسال….علي فكره انا مراعي مشاعرك كده و مراعي التوتر الفظيع اللي انتي فيه و حتي هروبك مني مش بيضايقني لاني حاسس بيكي يمكن انتي شخصيه قويه و بتواجههي زي ما قولتي لكن واضح أن مشكلتك معايا انا و انا فاهم كويس سبب المشكله عشان كده بتعامل معاكي بحساسيه و مراعي مشاعرك و مش هقدر اكون واضح غير لو حسيت انك هتقدري تكملي معايا الكلام
نادين….خدت نفس طويل وبصتله مش هينفع يا عسال
عسال……طيب خليني أسألك سؤال تاني خالص و صدقيني مهما كانت اجابتك هحترمها و يمكن بعدها صدقيني لو ده قرارك مش هضايقك تاني
نادين…..سؤال ايه ؟
عسال…..رفضك ده عشان اللي انا بفكر فيه ولا انتي مش مستقبله الموضوع خالص و من الاخر يا نادين بما اننا فتحنا الكلام فا انا حابب اكون واضح اكتر
نادين…..برجاء و تأثر لا يا عسال من فضلك انا اااا انا همشي
مسك عسال أيدها بسرعه و بصلها بجديه رهيبه لكن بهدوء
عسال……مش هتمشي ولا هتهربي غير لما اقول اللي عندي و اعتبري انك مش هتسمعي صوتي تاني وده وعد مني بس خليني اكمل بما اننا فتحنا الكلام رفضك عشان ايه بالظبط يا نادين عشان السن ولا عشان انتي من جواكي مش عايزه أصلاً
اتوترت نادين اكتر و دقات قلبها بقت واضحه بشكل فظيع
نادين…..بهمس مسموع عسال خليني امشي
عسال….ردي عليا يا نادين
نادين….مش هتفرق كتير يا ميدو في النهايه الموضوع بالنسبالي مقفول و مستحيل
عسال….هتفرق علي الاقل عندي لأن باختصار انا المستحيل عندي سهل بس انا مش هقدر يا نادين اعمل المستحيل في قلب انا مش موجود فيه لو انتي رفضاني كا شخص و مش قادره تتقبليني في حياتك هحترم ده و بعد و عمري ما هصغط عليكي و لا هفرض نفسي علي قلبك بس لو مشكلتك مش فيا انا دي وقتها هيبقي حلها بسيط هحاربك يا نادين لحد ما اقدر انتصر عليكي
نادين…..تحاربني !!
عسال…..اه اصل لو السن هو المشكله اوعي تتوقعي مني اني اقولك هحارب الناس والدنيا لأن دول ميفرقوش معايا و لا يفرق معايا أني اقنعهم يتقبلوا السن
بس انا هحاربك انتي لأن اللي انا شايفه أن انتي اللي مش قادره تتقبلي فرق العمر و عارف كمان أن مش شخصيتك أبداً انك يفرق معاكي الناس و رأيهم عشان كده انا حربي معاكي هعمل المستحيل عشان تغيري رأيك المهم اسمع منك يا نادين سبب رفضك
نادين ….ميدو انا الموضوع ده عندي مستحيل صدقني مش هقدر
عسال….بابتسامه جميله و دي بتاعتي انا قولتلك انا في حياتي معرفش كلمه مستحيل و المستحيل بالنسبالي سهل و هقدر اغير رأيك
نادين…..ولو معرفتش
عسال…..هعرف يا نادين كل اللي طالبه منك بس تسيبي نفسك شويه معايا
نادين…..هيفضل حاجز بينا صدقني ووقتها هيكون فات وقت طويل وهنتوجع يا ميدو لما الحاجز ده منقدرش نهده
عسال….وانا مش عايزك تشاركي معايا في هد الحاجز ده لأن باختصار دي بتاعتي انا ومشكلتي انا مش مشكلتك انتي انا عايزك انتي تعيشي بس اللحظه و تكوني مبسوطه و الباقي بتاعي انا
نادين…..انا مكنتش عايزه اقعد معاكم وكنت بهرب طول الوقت لاني قدرت افهمك يا ميدو و عرفت من شخصيتك انك مش بتسلم بسهوله و بتقدر تضغط علي اللي قدامك بطريقتك و انت الوقت بتضحك عليا
عسال….بالعكس أنا مش بضغط عليكي انا بتكلم معاكي بالعقل بس انتي عشان اللي جواكي نفس اللي جوايا شايفه انك ممكن تستسلمي لكلامي
نادين…..و ده سبب هروبي انا مش عايزه استسلم لكلامك و فجأه في نص الطريق الاقي فرق السن رجع شوش علي عقلي مش هقدر وقتها صدقني عشان كده خلينا بعيد احسن
عسال…..نادين وجودك معايا شايفه أنه هيبسطك ولا هيضايقك و مش هتقدري تتقبليه؟
نادين……هروبي منك مكانش عشان انا مش متقبلاك يا عسال بالعكس هروبي منك خوف و خوف من نفسي اكتر انا مش هنكر انك شخص بالنسبالي مش عادي و مختلف و يمكن شخص مقابلتهوش قبل كده في حياتي شخص اتمنيت الصدفه تجمعني بيه حد شبههي في حجات كتير
بس الصدفه اللي جمعتني بيك يا ميدو مكانتش كامله يمكن انت فيك كل حاجه تجذبني ليك إلا حاجه واحده هي دي اللي خلتني اهرب خوف علي نفسي وعليك
ميدو انا مش عايزه اتعلق بيك و اصحي فجأه علي كابوس مش راضي يسبب عقلي يمكن بالنسبالك الموضوع عادي و مش فارق معاك بس هو فارق معايا و بجد هو كبير انا عمري ما حطيت موضوع السن ده في دماغي لاني مستحيل اوافق اني ارتبط بشخص اصغر مني يمكن انت شخص بالنسبالي كامل مفيش فيك اي حاجه تخليني منجذبش ليك لكن عندك اكتر حاجه تخليني ابعد صدقني يا ميدو هنتعب انا لا حمل تعب و بيتهيألي انت تستاهل تعيش حياه اجمل و مينفعش تتوجع
عسال….وانا لا هتوجع ولا انتي هتتوجعي و بيتهيألي ردك ده ريحني و خلاني متأكد أن شعورك و اللي بتحسي بيه جواكي نفس شعوري و اللي بحس بيه جوايا يعني باختصار مشاعرنا واحده فرق السن دي بتاعتي و مش هقول أبداً من رفضك للموضوع يمكن زي ما قولتي بالنسبالي بسيط و مش في دماغي اصلا بس انا هحترم أنه مش بسيط عندك و انا هقدر من غير اي مجهود منك انتي اني اغير رأيك خليكي مبسوطه وبلاش تضغطي علي نفسك و خلي المجهود عليا
نادين….مش البدايات بتكلم معانا بنفس الحماس يا ميدو صدقني هيجي عليك وقت و فرق العمر ده هيبقي مزعج ليك انت قبل ما يكون ليا
عسال…..وانا مصمم يا نادين ولو فرق العمر اللي بينا كان اكبر من كده كنت هفضل مصمم خمس سنين بالنسبالي مش حاجز ولا سبب يخلينا منبقاش مع بعض
هقولهالك باختصار اللي بيحصل جوايا يا نادين محصلش في عمري كله ولا مره
انا مش صغير يا نادين و وصلت لمرحله كافيه تخليني عارف انا عايز ايه انا مش هقولك نحاول ونجرب لاني مش شايفك تجربه انا هحارب و هوصل عشان انا مش عايز غيرك في حياتي مش عايزه علاقه بسيطه في وقت بسيط نقضيه مع بعض ولا عايزك محاوله يا تكون فاشله يا تكون ناجحه انا عايزك معايا زوجه و حياه كامله
و اوعدك بمجرد ما احس اني كسبت الحرب اللي هدخلها معاكي دي و عرفت اخليكي تنسي موضوع فرق السن مش استني لحظه انك تكوني في بيتي قولتي ايه مستعده للحرب دي
بصتلوا نادين بتأثر كلامه اثر عليها خلي قلبها طاير من السعاده بس كانت لسه في صراع كبير جواها شخص بيدفعها ناحيته اكتر و شخص تاني طول الوقت بيشاور علي فرق السن نزلت دموعها و بصت للبحر
ابتسم عسال بهدوء و مد ايده قرب وشها ليه.
عسال…..ليه الدموع دي ؟ خايفه توافقي
نادين…..مسحت دموعها بهدوء وبدأت تتكلم و هي دموعها بتنزل ميدو انا طول عمري لوحدي مريت بظروف و تجارب كتير تخلي اي حد ممكن يتأثر في حياته بس انا عمري ما اتأثرت بالعكس كنت راضيه جداً عمري ما حبيت اني اعيش دور الضحيه انفصال امي وابويا يمكن اثر فيا لكن مخلانيش اتعقدت أو اكتئبت بالعكس أنا كنت قويه جداً قدرت اكون شخص ناجح حولت كل حاجه وحشه في حياتي لايجابيه.
يمكن انا وانت ظروفنا فيها من بعض انت خسرت اهلك وانت خمس سنين بص صدقني لو ركزت شويه هتلاقي اني وضعي كان اصعب انا خسرت اهلي من اول ما تولدت تقريباً كنت في حياتهم مجرد يومين اجازه بس انت ربنا عوضك بأم جميله و كان معاك اطفال غيرك تخليك تشتغل أو تنسي وحدتك.
بس انا عشت مع جدتي يمكن هي عملت معايا كل حاجه حلوه عشان تقدر تساعدني و انا عمري ما انكر ده بس في النهايه انا عشت طفولتي ومراهقتي مع ست كبيره
لوحدنا ولاد خالي كانوا أكبر مني و مكنتش يشوفهم ديماً لما خالي كان بيجي اغلب الوقت عشان يتطمن علي تيته و يقعد معاها شويه كان بيبقي لوحده مكنتش يلاقي ونس ولا يلاقي حد من سني العب معاه أو اتكلم معاه مكانش عندي حد قريب من سني اتكلم معاه و يبقي في بينا اسرار حياتي كانت مجرد اوضه في بيت جدتي يمكن هي عمرها ما حددت مساحتي الشخصيه و كنت بتصرف بحريه في البيت بس انا مكنتش بحس بالامان و الراحه غير في اوضتي دي اللي كانت مليانه اسرار و حكايات تخصني
الي حد كبير حياتي كانت فاضيه يا ميدو و كئيبه بس عمري ما استسلمت الحاله دي خالص انا الحمد لله معنديش اي عقد نفسيه عمري ما عيشت دور الضحيه كنت قويه قدرت اكون ناجحه حياتي العمليه كانت كويسه جداً قدرت اشتغل في حجات كتير اعتمدت علي نفسي و خلصت دراستي نجحت في حجات كتير اوي
بقيت اعرف اجيب الجنيه ازاي محبتش أبداً اخد منهم فلوس لاني كنت شايفه أن دي عكس شخصيتي انا مكنتش محتاجه منهم فلوس قد ما كنت محتاجه منهم حب
من الاخر انا تجربتي والحياه اللي عيشتها مأثرتش عليا بالسلب بالعكس كونت شخصيتي و بقيت حد قوي عمري ما احتاجت لحد ولا مديت ايدي لحد اعتمدت علي نفسي يمكن صحابي هما كل حاجه ليا اهلي وعيلتي و اخواتي و عارفه انهم يفدوني بروحهم بس انا حبيت اختراق حياه لنفسي
ظروفي خلتني اتأقلمت علي اني اكون لوحدي وعرفت اعيش لوحدي من غير اي حد بس كمان انا مش شخص انطوائي بالعكس أنا حد اجتماعي جداً وزي ما بيقولوا كده اعرف طوب الارض علاقتي مع كل الناس حلوه حتي لو كان مجرد بياع في مكان بحبهم و بسأل عليهم وهما كمان بيحبوني يعني باختصار اللي حصل معايا معملش عندي عقده
عسال….بابتسامه هاديه مسح دموعها عارف و انتي بجد قويه و حد جميل وده واضح مش محتاج تفسير منك
نادين…..بس انا لما شوفتك يا ميدو و اتعرفت عليك حسيت وقتها اني عندي عقده وانت اللي صحتها من تاني جوايا
سكتت ونزلت دموعها اوي وبعدت عينها عنه عشان ميشوفهاش في الحاله دي
عسال…..كملي انا سامعك يا نادين و علي فكره لو عايزه تعيطي اكتر يعطي مش عيب علي فكره العياط بيريح يعني متخليش وشك انا حاسس بيكي
نادين…..انا ايوه طول الوقت بحاول اهرب منك من كلامي معاك وقعدتنا مع بعض حتي من عينك و نظراتك ليا لاني حسيت أن في جوايا مشاعر غريبه حسيت انك شبههي اوي حسيت أن في حاجه حلوه بتشدني ليك بس خوفت وقررت اني ابعد خصوصا لما عرفت فرق السن من البدايه كان واضح انك اصغر مني بس مكنتش اعرف انه فرق كبير و لا حتي كنت اعرف ان هيبقي جوايا حاجه غريبه من ناحيتي ليك.
ميدو انا امي كانت أكبر من ابويا بسنه و شهر بالظبط كان في بينهم علاقه حب و توافق كبير كل واحد فيهم كان عنده احلام و طموحات و الاتنين كانوا بيدعموا بعض جداً و فات سنين كتير وهما مع بعض و زي ما قولت قبل كده هما انفصلوا وانا عندي 16 بس لما امي بدأت تحس ببرود في العلاقه وشكت فيه اكتشفت وقتها أنه متجوز من خمس سنين وعنده طفل و مش بس كده اللي اتجوزها كانت ست حلوه اوي و اصغر منه بثمان سنين و اكيد اصغر من امي بتسع سنين يعني فرق واضح بينها وبين امي و ابويا كان راجل زي اي راجل شاف انها اصغر و حلوه وهي كمان ناجحه .
وافتكر لما كانوا بينفصلوا خلاص اتفتح موضوع السن و ابويا شاف أنه كان غلطان من البدايه والتسرع و شاف أن فرق السن كان عليه عامل كبير و أنه كان محتاج يحس أنه الطرف الأكبر و عشان كده يا ميدو انا قبل ما اشوفك اصلا كنت مقرره اني عمري ما هرتبط بأي شخص اصغر مني حتي لو بفرق شهر كملت بدموع بس معرفش ايه اللي حصل انا حاسه اني بضعف يا ميدو و عشان كده كنت بفضل الهروب دي مش شخصيتي انا بواجهه صدقني بس حابه يحصل معايا زي ما حصل مع ابويا وأمي مش حابه ولادي يعيشوا نفس الأحداث.
انا حلمي بسيط اوي يا ميدو عايزه اعمل حياه هاديه عايزه احب بجد عايزه اعمل كل حاجه حلوه لولادي انا اتحرمت منها
لسه عندي امل و اللي حصل معايا مأثرش عليا بس صدقني هيأثر عليا لو فرق السن كان حاجز عشان كده خلينا علي البر ارجوك انت لسه صغير و اكيد من حقك تكمل حياتك مع حد اصغر منك خليني انا بعيد.
عسال….بابتسامه جميله خلصتي
هزت نادين راسها بهدوء مسح دموعها تاني وبصلها
عسال….بصي يا نادين كل اللي انتي قولتيه ده انا عمري ما هقلل منه شعورك و احساسك وحتي التخبط الكبير اللي انتي بتعيشيه الوقت ده انا مقدره من حقك تخافي و من حقك تحمي نفسك بس انا مش والدك ولا انتي والدتك.
حتي لو كان في بينهم حب زي ما قولتي ده مش مقياس في كتير يا نادين مع بعض في علاقه الست هي الطرف الأكبر وحياتهم جميله والفرق بينهم مش واضح مش عشان السن بينهم بسيط بالعكس السن كبير بس الفرق مش واضح عشان حياتهم مختلفه والحب واضح بينهم
وفي ناس بردوا علاقتهم زي والدك والدتك مقدروش و مع الوقت حسوا و في كمان علاقات الراجل فيها هو الطرف الأكبر بس كمان علاقتهم مش ناجحه يعني باختصار
العمر مجرد رقم و مش قياس أبداً لقوه العلاقه احنا اللي تقدر نخلي العلاقه ناجح أو فاشله .
انا يمكن يا نادين معنديش حاجه حالياً اقدر اقدمها لك عشان تحسي انك مرتاحه
انا وانتي لسه علي البر محتاج بس اسمع موافقتك ومش عايزك تعملي انتي اي حاجه عايزك بس تكوني مبسوطه وبتعيشي كل لحظه في حياتك معايا كأنها بدايه من عمرك لكن انا اللي هعمل و انا
اللي هبذل مجهود في العلاقه دي مش عشان تنجح لاني واثق انها ناجحه بس هبذل مجهود عشان اغير فكرتك عشان ادخل مع عقلك حرب كبيره تخليكي من غير ما تحسي تنسي موضوع فرق السن
انا مقدر خوفك يا نادين و ممكن اقولك اني بالمواقف والافعال هخليكي تحسي وتصدقي أن عقلي اكبر من سني و دي حاجه سهله اوي علي فكره بس انا لو عملت كده هبقي مفتعل و باين اوي اني بحاول ابهرك مش اكتر
بس انا لا هعرف اعمل موقف مفتعل ولا هقدر اعمل فعل مقصود عشان اغير رأيك
انا كل اللي هقدر اعمله وهو اللي في أيدي اني احاربك بحبي ليكي اني أظهر مشاعري اللي جوايا طول الوقت حتي لو في مواقف بسيطه انا مش عايز إبان بطل خارق قدامك عشان اكسب قلبك انا عايز اكون شخص طبيعي حب بجد
و انا عارف انا عايز ايه كويس يا نادين انا مش هقولك اني معجب بيكي لأن ده انا تخطيته بس انا حبيتك يا نادين و عايز اكمل معاكي جايز متصدقيش بس كمان لو شعورك اللي جواكي واللي كنتي بتهربي مني بسببه ده حقيقي يبقي انتي هتصدقي اني حبيتك و مش عايز غيرك و هعمل كل حاجه تخليكي اسعد انسانه في الدنيا مش طالب منك بس غير انك تقولي موافقه عشان ابدأ معاكي حربي طول ما انا علي البر مش هقدر اخد خطوه حقيقيه
نادين …وانا خوفي من البر اهون بكتير من خوفي وانا معاك في نص العلاقه وفجأه تحس انك مش قادر وقتها انا هغرق يا ميدو
عسال…..ده خوفك وإحساسك بس اللي جوايا حاليا مش هقدر أوصله بس كل اللي اقدر اقوله اني بوعدك وعد راجل بجد اني مش عايز غيرك و اني عمري ما هسيبك لحظه نادين يمكن انا بالنسبالك اصغر بس كمان انا داخل علي الثلاثين يعني اللي قدي اتجوز وخلف و بقي مسؤول عن حياه يعني أنا راجل كامل و عاقل وقدرت اوصل لمرحله اعرف انا عايز فيها ايه عمري وعمرك مش هما الحاجه اللي انا افكر فيها انا عايزك انتي وخلاص انا مقرر و مش هندم ومش هتغير و لا هاجي بعد فتره احس اني اتسرعت بالعكس أنا خلاص خدت القرار الصح ولو فعلاً انتي هتغرقي فا انتي هتغرقي معايا في حياتنا مع بعض و في حبي ليكي قولتي ايه قوليها بقي
ابتسمت نادين من وسط دموعها وبصت للبحر تاني
عسال….بضحكه جميله انا مش هقول السكوت علامة الرضا لاني بصراحه عايز اسمعك
نادين….بإحراج وابتسامه جميله طيب مش شايف أن ده تسرع يا ميدو
عسال….بابتسامه يا ستي انا متسرع
نادين….بضحكه جميله من بين دموعها طيب علي الاقل خد رأي سلامه و مامتك يعني بيتهيألي ممكن يأثروا عليك ممكن يقنعوك مش قصدي انك من الأشخاص اللي بتسمع بس يعني ممكن تكون انت فاهم غلط ولنا تتناقش معاهم تقتنع و تاخد قرار صح ليك وليا
عسال….انا خدت القرار الصح ليكي وليا ده أولاً ثانياً انتي لسه متعرفيش امي ومش حابب افضل اتكلم عليها عشان متحسيش اني بأڤور انا هخليكي انتي اللي تكتشفي ده بنفسك و كمان مش هقولها علي فرق سن قبل ما تعرفك عشان تشوفي بنفسك ملامحها و تتأكدي و ده وعد مني عشان كل حاجه تبقي واضحه قدامك
اما بقي عن سلامه متقلقيش يا ستي سلامه وكل الشباب عارفين انا عايز ايه كويس و عارفين انا معاكي ليه الوقت والكل مبسوط ومستني ردك
نادين….بصدمه انا بتقول ايه انت اتكلمت معاهم بجد
عسال….بابتسامه جميله اه والله اتكلمت معاهم ومحدش فيهم قالي اي حاجه هما بس سألوا انت متحمس حتي لو في فرق سن قولتهم طبعاً قالولي خلاص و اتبسطوا وشجعوني و الاهم من كل ده امي و سلامه و كل حد في حياتي علي راسي بس حياتي الشخصيه و اختياري للانسانه اللي هتكون في حياتي ده قراري انا ومش مسموح لاي شخص في الدنيا مهما كانت علاقتي بيه أنه يحاول يقنعني بحاجه انا مش مقتنع بيها فهمتي يا نادين
نادين….بس انا مش حابه يكون الموضوع ده نقطه خلاف عشان كده بقولك اتكلم معاها هي يعني بما أن سلامه و صحابك عرفوا و معندهمش مانع فاضل هي
عسال….حتي لو سلامه و صحابي عندهم مانع هما احرار في رأيهم بس اوعي تنسي أن ده اختياري بس متقلقيش الكل مبسوط و امي هتبقي مبسوطه اكتر بكتير مني و منك قولتي ايه بقي
نادين….بضحكه جميله اتحرجت اكتر و وشها احمر اقول ايه طيب
عسال….بضحكه جميله اقولك متقوليش حاجه ردك وصلي خلاص أصلاً انتي معندكيش اوبشن للرفض خلاص من اللحظه دي انتي في حياتي وانا في حياتك العمر اتفقنا أنه مش مقياس للعلاقه اللي بينا و حتي لو هيفضل شبح العمر ملازمنا شويه حلوين انا موافق يا ستي و دي بتاعتي هقدر اقصر الطريق عليه و مش هيعمل معانا اتفقنا
نادين….بابتسامه جميله طيب
عسال…طيب ايه؟
نادين….لا بقولك ايه انا مش هقول اكتر من كده وبطل تفضل مركز في عيني كده اصلا نظراتك هي السبب في كل اللي انا فيه ده
عسال….بنظره جميله ابتسم عملت فيكي ايه؟
نادين….بضحكه جميله انت عارف
عسال…..طيب انا بحبك علي فكره
ابتسمت نادين بصدمه ووشها احمر اوي و ضربات قلبها زادت
نادين….ااااا احنا مش هنمشي طيب ولا ايه
عسال….بابتسامه هاديه علي فكره مش مستعجل عشان اسمعها منك مع اني واثق اني نسمعها قريب بس حبيت اقولها مش اكتر اما بقي بالنسبه للرجوع هنرجع بس مش قبل ما تنزلي البحر
نادين…..بحر ايه اللي أنزله الوقت
عسال….قومي بس تعالي
نادين….عسال استني الموج عالي و المايه اكيد بارده مش هينفع
عسال…..مش هندخل جوه والعنايه حلوه يلا بقي ولا بتخافي
نادين….لا مش بخاف بس هنزل بهدومي كده
عسال….اه فيها ايه يلا
شدها عسال وهي بتضحك ووقفوا في المايه لحد ما وصلت لركبتهم رش عليها مائه
ضحكت وبعدت عنه و هي كمان رشت عليه و الاتنين اتغرقوا خالص بعد ما عاشوا لحظه جميله.
خرجت نادين من المايه و هنا هو اتصدم لما شاف أن فستانها الأبيض موضح لون لبسها الداخلي
نادين….هي كمان لاحظت و اتصدمت هو انا ليه سمعت كلامك هروح ازاي كده الوقت
عسال….بضحك دي غلطتك بقي وبعدين مش المهم انك اتبسطتي
نادين….ايوه بس بيقولوا ايه احنا خارجين نتكلم نرجع بمناظرنا كده
عسال….قرب منها ووقف قدامها اتوترت اكتر بعد بأيدن شعرها اللي لازم في وسطها من المايه يفرق معاكي كلام الناس
نادين….لا بس يعني انا عن نفسي صحابي رخمين ومش هيسكتوا
عسال….بضحك عادي مانا كمان كده من الاخر هطلع مسرح بس مش فارق معايا المهم اني مبسوط وانتي كمان مش مبسوطه؟
نادين….بابتسامه ااا ايوه مبسوطه اوي
عسال….ودي اهم حاجه عندي انك تكوني مبسوطه
نادين….بس يعني الهدوم غرقت خالص و مكنتش عامله حسابي اصلا انا هتحرج ادخل بمنظري ده طيب اقولك حاجه روح هاتاي فوطه أو اي حاجه احطها عليا وانا هستناك
عسال….وانا اكيد مش هسيبك لوحدك هنا مفيش غيرنا أصلاً اقولك في حل
نادين……انت بتعمل ايه
فك عسال زراير القميص و قلعه يصلها وابتسم وهو بيقرب منها غمزلها وربطه علي وسطها
عسال….كده كويس
نادين….انت هتمشي كده؟! اكيد بتهزر
عسال…..ايه المشكله
نادين….بابتسامه احراج يعني انا عامله حساب أنهم يفهمونا غلط لما نرجع غرقانين ترجع كمان وانت مش لابس
عسال….بضحكه جميله اكيد احسن ما ارجع و انتي لبسك باين كده
ابتسمت نادين وبعدت عينها وهي هتموت من الكسوف
عسال…..يلا بينا
نادين….اوك يلا بس علي فكره انا لو اي حد فيهم قال اي حاجه مش هرد عليه
عسال….وانا مش عايزك تردي انا اللي هقول
نادين…..اوك
عسال….يلا بينا مدلها كفه
بصت عليه بتوتر وبعدين مدت أيدها بهدوء قبض عسال علي أيدها بكل قوته وراحوا بإتجاه الڤيلا
وللحديث بقيه….
