لقاء كـ،ـ،ـ،ـارثي

ليله….بقولك ايه سيبك من الكلام ده انا عيزاك في حاجه مهمه

عشري…..حاجه ايه ؟

ليله….عيزاك تقنع معايا سلامه و ميدو ان ريهام تنزل تشتغل معانا

عشري….معاكم فين؟

ليله…..مش احنا هنتجوز و الفتره الجايه دي مش هنبقي فاضيين

عشري….تمام

ليله…ومش ايمي ربنا كرمها الحمد لله و بقت حامل

عشري….اه الحمد لله فين الحكايه

ليله….بضحك طب هقولك متزوقش بص يا سيدي ظروف ايمي في الحمل كلنا عارفينها و انا نفسي اول ثلاث شهور يعدوا بخير عشان فرحتها تكمل و عشان ده يحصل ايمي لازم تاخد بالها من نفسها اوي لازم ترتاح مينفعش تنزل شغل كتير و تسوق و تفضل رايحه جايه فا البنات محدش فيهم يقدر يمسك المطعم اكتر حد يعرف سلمي لان هي و ايمي اللي ماسكين المطعم و انا بعدهم علي طول لاني عندي خلفيه كبيره عنه بس سلمي عندها العياده فا صعب تفضل في المطعم بدل ايمي وانا هتجوز و هناخد اجازه شويه لحد ما ارجع

عشري….وباقي البنات معندهمش يعني خلفيه خالص

ليله…..أيه عندها شغلها و ملهاش اصلا اوي في اداره المطعم نعيمه ملهاش علاقه خالص بالمطعم ولا باداره اي شغل شغل نعيمه بعيد عن الاداره خالص

عشري….طيب و نادين يعني نادين اكتر حد ليها في الشغلانه

ليله…..تمام معاك حق بس نادين اكتر حد شايله الشغل كله المزرعه و الشقق و بردوا المطعم و غير شغلها هي و نعيمه الخاص بالبراندات يعني صعب اوي تركز بس مع المطعم

عشري….اه وانتي بقي عيزاني انا ارزح اقنع سلامه و ميدو ان ريهام تنزل تشيل ده عنكم ريهام اللي ملهاش علاقه بالشغل لا من بعيد ولا من قريب صح

ليله…..لا ما هو احنا هنفهمها كل حاجه و اصلاً الموضوع مش صعب هو بس محتاج حد يكون موجود و بيراقب الشغل و بعدين انا بس تخلص الفتره دي هرجعلها و بردوا لو احتاجت اي حاجه طول الفتره دي ايمي هتبقي معاها بالتليفون ديماً و سلمي و مش هنسيبها يعني

عشري….طيب سيبك من كل القصه دي خلينا في الاهم سلامه و ميدو

ليله…..بضحك ما انت هتقنعهم

عشري…اقنع مين لا لا مليش فيه خرجيني انا من الحوار ده خالص

ليله….طب ليه طيب

عشري….انا مليش علاقه يا ليله هنا احرار مع اختهم يعني مهما كان قربي منهم مش من حقي اغير رأيهم او تجبرهم علي حاجه هما مش عايزينها

ليله…..انت لا هتجبر و لا هتغير راي حد انت هتتكلم معاهم عادي و بعدين انا هبقي معاك و هنقنعهم

عشري….عايزه تقنعيهم انتي حره هما قدامكم اهو انما انا بره عني

ليله…..هو ايه النداله اللي انت فيها دي يا عشري

عشري….يا حبيبه قلبي مش نداله بس هما ليهم طريقه تفكير و قناعات مقدرش اغيرها او استغل علاقتهم بيا مش عايزهم يوافقوا عشان مبتحرجوش مني او منك دي اختهم و هما شايفين الاصلح ليها و بعدين لا قدر الله يحصل اي حاجه للبت يجوا يقولولي انت السبب

ليله…..يا عم بعد الشر عليها انت ليه مكبر الموضوع كده انت لا هتستغل ولا هتعمل اي حاجه و بعدين هيحصلها ايه شغل المطعم سهل و حلو و مريح و مفيهوش اي مشاكل و بعدين البنات كلهم هيبقوا متابعينها و هي في مكان قريب من بيوتنا كلنا يوم ما يحصل اي حاجه الكل هيبقي معاها لو احتاجت اي حاجه الف واحد هيروحلها و بعدين انا مش هطول يعني مش هقعد سنه كلها اسبوعين تلاته وهرجع عادي

عشري…..مليش فيه

ليله….بضحك علي فكره انت رخم

عشري….ياستي انا رخم و بعدين انتي كمان طلعي نفسك من الموضوع هتبقي مبسوطه يعني لما تتحرجي بالادب

ليله….واتحرج ليه يا عشري هو انا بطلب منهم طلب في بجاحه مني يا عشري متبقاش رخم هما بيحبوك و هيسمعوا كلامك و يقتنعوا خليك معايا

عشري…انا معاكي في اي حاجه الا حاجه صحابي قافلين عليها دماغهم لازم احترم رغبتهم دي اختهم وهما خايفين عليها

ليله…من ايييييه هي هتتاكل البت هتبقي في وسطنا وكلنا هنبقي معاها اللي بالتليفون واللي هيروحلها يا عشري انا مقدره خوفهم عليها و معاهم حق بس كمان ده شغل مناسب مش بتشتغل عند حد غريب دي لتشتغل في شغلنا و وسطنا و محدش مننا هيسيبها ياعشري البت صعبانه عليا بذمتك مش حرام حبستها دي مش حرام انها تشوف الدنيا من خلال اخواتها و بعدين بقي انت عارف كويس اني عمري ما بجبر حد علي اي حاجه و لا بستغل علاقتي بيهم بس بصراحه كده حنون اتكلمت معايا و صعبت عليا اوي و دي رغبتها علي فكره

عشري…..مش فاهم قالتلك ايه وامته

ليله….انهارده لما صحيت ونزلت اجهز الفطار هي صحيت و فضلنا نتكلم كتير لقيتها مره واحده يا عشري بتقولي ابقي اسالي عن ريهام يا ليله و اتكلمت معايا كتير حاسه بالذنب من ناحيتها حاسه انها ظلمتها لما سمعت كلام اخواتها و فضلت مقعداها جنبها و لما انكلمت معاها عن الشغل عجبتها الفكره اوي و هي اللي طلبت مني والله العظيم اقنع اخواتها وقالتلي ان ده شغل مناسب منها تبقي وسطنا و مش بتشتغل في شغل حد غريب عنها و منها تشوف الناس و تغير مود هي شايفه ان ريهام مبسوطه اوي بلمتها معانا و نفسيتها احسن كتير و حابه تطمن عليها خليك جدع بقي هي محتجانا و بصراحه احنا كنان محتجينها ريهام محترمه و جميله و مؤدبه و اكيد هنأمنها علي شغلنا احسن من اي حد غريب

عشري….ايوه يا ليله بس انا مش عارف رد فعلهم

ليله….ماله رد فعلهم بس احنا هنتكلم معاهم و نشرحلهم و نحاول نقنعهم و في النهايه القرار ليهم انا حتب متكلمتش مت ربهام عشان متتعشمش و في الاخر هما يرفضوا وتزعل قولت الكلام الاول يبقي معاهم لو وافقوا نعرفها مش وافقوا خلاص مش هنتكلم معاها

عشري….طب ما الافضل من رأيي تعرفيها و شوفي رابها لو اتحمست للفكره و عجبتها هي تقنع اخواتها بطريقتنا بعيد عننا

ليله….غلط طبعاً افرض هي اقتنعت و عجبتها و صممت مش ممكن يحصل بينهم مشكله و مش ممكن كمان وقتها يزعلوا بجد اننا حطينا الفكره في دماغها و بسببنا حصل بينهم مشاكل وبعدين انت مالك كده بتخلع ليه

عشري…..انا مش بحب ادحل نفسي في حاجه مليش علاقه بيها

ليله….بضحك لا ياشيخ و دور الخاطبه اللي حضرتك قايم بيه بقالك فتره ده ايه

عشري….بضحك لا ده حاجه وده حاجه

ليله…..لا بيتهيألك خايف يحصل مشكله في الشغل و اصحابك يعاتبوك و مش خايف يحصل مشكله بين اللي هتموت وتجوزهم لبعض و ده جواز مش لعبه اقولك انت طلعت ندل معايا و انا هطلع ندلع معاك انا بقي هروح اتكلم مع نسمه و نعيمه هقولهم اهربوا من العيله دي خالص عشان متتناسبش كفايه انا لبست فيهم و هروح اتكلم مع بنت اخويا واخويا واقولهم عدي نسخه مصغره من عشري و مش هتمشي مع تقي خالص بلا خليني بقي ابوظلك مشروع الخاطبه ده

عشري….بضحك ده ايه شغل العيال ده احنا يابت منتناسبش

ليله…اه كفايه انا لبست فيك

عشري….بضحك خنقها لبستي في مين يابنت المارديني بابت انتي تطولي ده انا قمر

ليله….بضحك اه يا حبيبي اطول

عشري….بابتسامه طب افهمي بس والله انا عارف انك عايزه تساعدي ريهام و عارف كمان ان نيتك خير بس انا مش عايز اخسر الشباب

ليله….لا اله الا الله وتخسرهم ليه انت هتضرها يا عشري ده شغل يا حبيبي و بعدين انت مش عايز تقوم بدور الخاطبه ده مش يمكن البت لما تنزل و تشتغل و تتعامل ربنا يكرمها بعريس كويس غمزتلوا بضحك مش يمكن يعني تحتاج مساعده فا نبعتلها محمود بحكم ان المطعم قريب من بيتهم و يتابعها ويقرب منها و نضرب عصفورين بحجر و نوفق راسين في الحلال

عشري…..بابتسامه شر ريهام و محمود حلو ده

ليله….بضحك شوفت بقي البت غلبانه و جميله و قمر و حوده جدع و يستاهل كل خير

عشري…..و ممكن تامر صح هو كمان قريب من المطعم

ليله….لا مش استايلوا اسمع مني ريهام استايل محمود اكتر و بعدين البت طيبه اوي و فيها من زوزو والعيله الهبله دي و حنان و زوزو هيظبطوا مع بعض اوي

عشري…..بابتسامه حلو ده بس يعني فكره الشغل

ليله….والله حلوه اسمع مني و لعدين احنا هنتكلم معاهم بهدوء و هنقولهم حابين الفكره اوك مش حابين هو مجرد اقتراح يعني القرار ليهم قولت ايه معايا ولا عليا

عشري….بابتسامه معاكي يا مصيبه و ربنا معانا بقي و خدي بالك دي اول واخر مره اتدخل في حاجه تخص قرارات غيري انا مبحبش وجع الدماغ

ليله…..والله انت مكبر الموضوع وهيوافقوا و هيطمنوا عليها انها وسطنا و بكره تشوف

عشري….ماشي هنشوف

فضلوا يتكلموا و يضحكوا و بعد وقت طويل اخيراً و صلوا بالف خير

و انتهت رحلتهم بفصل جديد و مرحله جديده من حياتهم.

فات حوالي اسبوعين و وصلنا لاهم يوم في حياة ليله و عشري يوم فرحهم.

بس قبل يوم الفرح ده حصل احداث كتير خلاص الاسبوعين دول.

الحكايه لسه مكمله و الاحداث لسه ليها بقيه و التطورات اللي حصلت خلال الاسبوعين دول كانت احداث قويه و تحولات كتير في علاقه الشخصيات خصوصا الشخصيات الجديده.

استنوني عشان نعيش كل الاحداث دي مع بعض