لقاء كـ،ـ،ـ،ـارثي

تقي بصت لعدي كان عمال بلعب في الموبايل من اول ما طلعوا و ساكت

حطت تقي ايدها علي الشاشه بصلها و بعدين بعد ايده عنها التسمت و سكتت ثواني و رجعت حطت ابدها تاني .

عدي…..باااااس

ضيقت حواجبها و كشرت و رجعت تاني حطت ايدها

بصلها ورفع حاجبه.

عدي…..طب وبعدين

سكتت و ابتسمت بهدوء كمل لعب راحت واخده الموبايل منه خالص و حطته وراء ضهرها

عدي…..هاتي الموبايل

تقي….لا

عدي….هاتي بلاش رخامه هخسر

تقي…..لا

عدي…..تمام خديه

بص قدامه و ربع ايده و غمض عينه

تقي…..بابتسامه مسكت مناخيره قول مربي كده

ابتسم غصب عنه و هو بيبعد ايدها

عدي…..هنهزر

تقي….بضحك هي مربي كلمه عيب

عدي…..طب بطلي رخامه واسكتي

رجع غمض عينه تاني فا حطت صباعها في ودنه هز راسه بسرعه و بصلها بغيظ

تقي…..بضحك خلاص خلاص هسكت

فضل رافع حاجبه و بعدين رجع تاني غمض عينه

فضلت تضحك و بعدين قربت كفها براحه مسكت شفايفه اللي تحت ضمتهم

تقي….بتعرف تصفر

عدي…..بضحك مسك كفها جامد بت انتي رخمه كده ليه هااا

تقي…..بضحك خلاص والله هسكت

عدي…..مبتسكتيش

تقي…..صدقني هسكت عيب عليك كلام رجاله

ساب كفها و رجع غمض عينه

استنت شويه و بعدين قربت كفها بهدوء و قبل ما تمسك مناخيره تاني مسك كفها فا اتخضت وفضلت تضحك

عدي…..قرب منها و بصلها بابتسامه غيظ و هو بيهمسلها انتي عايزه ايه هااا؟؟ ايه شغل العيال ده

تقي…..الحق عليا بهزر معاك انت قالب وشك من بدري و مش بتكلمني و بعدين كنت بتلعب من ثواني الوقت عايز تنام

عدي….وانتي مالك انام ولا اصحي ولا اللعب مالك انتي يا رخمه و اه قالب و مش عايز اتكلم معاكي

تقي….طب ما انا بصالحك اهو

عدي….مش عايزك تصالحيني يا ستي

تقي….يعني الحق عليا اني بعبرك

عدي….بضحك تعبري مين يا بت مجنونه انتي

تقي….اغلط كمان ما انا اللي خليتك تاخد عليا

عدي…..اه صح دي غلطتك خليكي في حالك بقي و متتكلميش معايا

تقي….احسن بردوا مش عايزه اكلمك

ساب ايدها و بصلها

عدي…..يكون احسن

غمض عينه وربع ايده تاني بتصلوا بغيظ و بعدين ابتسمت بشر مسكت موبايلها و جابت نغمه اجنبي عاليه بدايتها راجل بيصرخ قلعت الاير بود براحه و بعدين حطتها في ودنه وشغلت اول ما سمع الصوت بعد ودنه بسرعه و ضحك بغيظ وبصلها

عدي…..بضحك انتي مستفزه خدي بالك

تقي…..بضحك بسليك عشان تعرف تنام علي صوت الموسيقي

عدي…..وده صوت حد ينام عليه يا رخمه

تقي….اه عادي انا بنام عليه عادي

عدي…..عشان مش بتحسي و معندكيش دم

تقي….انا معنديش دم و مش بحس

عدي….ايووووه اعملي نفسك بريئه و زعلتي

تقي….ااا ماشي يا سيدي شكراً

عدي…..بابتسامه العفو عايزه تاني

تقي…..بصتلوا بزعل لا شكراً

عدي…..يا سلااااام لو تفضلي كده احسن خليكي زعلانه مش عايز اسمع صوت بقي

تقي…..اوك نام و متقلقش مش هضايقك تاني

عدي….يبقي كرم وفضل منك

غمض عينه تاني مكانتش لاقيه حاجه ترخم عليه بيها فا ابتسمت تاني بشر و فتحت شنطتها و عرفت تجيبه ازاي مسكت علبه اللبان طلعت منها لبانه و حطتها في بوئها و بعدين عملت بلونه و فرقعتها فتح عينه و بصلها فا ضحكت غصب عنها لما برق و مقدرتش تمسك نفسها

عدي……بابتسامه غيظ هاتي اللبانه دي

تقي…..بابتسامه ايه بتتكلم معايا ليه مش قولتلي متتكلميش

عدي…..هاتي اللبانه

تقي….بضحك علي فكره يعني مش قصدي اعمل صوت واصحيك لا تكون فاكر اني بضايقك ولا حاجه عشان اصحيك

مال بجسمه عليها و قرب وشه منخا بغيظ هاااااتي اللبانه دي

تقي….بابتسامه توتر ااااا ابعد

عدي…..تقي هاتي اللبانه عشان مزعلكيش

تقي….بضحك خلاص مش هفرقعها تاني والله و اقولك مش هصحيك تاني

عدي……تمام بس هاتي يلا

تقي…..انت طمعان في واحده يعني طب مش تقول كده يا راجل خد العلبه كلها

عدي……تقي متبقيش مستفزه هاتي اللي في بوئك

تقي…..بضحك طب لما السكر اللي فيها يخلص

ضحك غصب عنه و هو بيهز راسه شمال و يمين

تقي…..ضحكت يعني صالحتني

عدي…..بضحكة غيظ لااااا مصالحتكيش هاتي اللبانه

تقي…..طيب خلاص هرميها والله

عدي…..لا عايزها مترميهاش

تقي….بضحك هتنتقم مني و تلزقها في شعري ولا ايه لا خد بالك مش هسكتلك وقتها

عدي….بطلي هبل و هاتي اللبانه هفتح بوئك غصب عنك وهاخدها

تقي….بضحك لا و علي ايه العنف امسك

مسك منها اللبانه و حطتها في بوئه و رجع تاني سند راسه علي الكرسي و غمض عينه وهو بياكلها براحه

برقت تقي و ابتسمت بتوتر و ضربات قلبها مكانتش طبيعيه

تقي…..بضحكه جميله عدي انت كلت اللبانه

عدي….ششششس بطلي زن

تقي……بضحك طيب انت ازاي كلتها مش بتقرف

عدي…… ابتسم وهو مغمض و هز راسه بلأ مبقرفش منك

تقي….بابتسامه اااا احمم طيب

سكتت وفضلت متوتره شويه و مكسوفه و متلغبطه من الحركه اللي عملها خدت نفس و بعدين سندت علي الكرسي وبصتلوا

تقي…..بهمس ااا بص انا هسيبك تنام و مش هزن ومش هرخم بس انا بجد كنت عايزه اصالحك يعني مكنتش قصدي ادخل حدوته في جمله مفيده زي ما قولت انا بجد كنت عايزه اروح و متعصبه من بابا شويه بس اتعصبت منك اكتر لما اتكلمت بالطريقه دي قدام ليله وعشري يعني خليت عشري يفكر ان في حاجه بيني و بين حدوته و انا كنت بتكلم عادي بس انت كان باين عليك انك متعصب و غيره الصحاب كانت عاليه عندك شويه و بعدين سيبتني و مشيت وانا بتكلم يعني انت كده اللي كنت قليل الذوق خد بالك و المفروض اني مصالحكش بس انا جدعه و بصالحك يا صديقي العزيز

فتح عينه و بصلها بهدوء اتوترت و رفعت راسها و بصت قدامها

رفع عدي راسه و قرب منها بهدوء

عدي…..بس انتي مش ملاحظه ان كل كلامك بتدخلي فيه حدوته

تقي…..طب ودي تزعلك في ايه انت عارف اننا صحاب هو انا لو بجيب سيرتك في قاعده مع صحابي ابقي غلطانه او حد فيهم من حقه يعترض ومتقولش اني بقارنك الوقت انا بدي مثال

عدي……ماشي هقول انك بتدي مثال مع اني هحسبها مقارنه بس في فرق

تقي……ايه الفرق طيب هتقولي غيره صحاب طيب ما هما صحابي و مش بيغيروا كده

عدي…..يا ستي اعتبريني مختل عقلياً انا طبعي كده هو مش كل واحد فينا ليه طبع احترمي طبعي مش بيقولوا صاحبك علي عيبه اعتبري ان ده اسوأ عيب فيا

تقي……يا قلبي افهم بس انا مش معترضه انا بس اااا

عدي…..قاطعها وابتسم يا أيه؟؟؟؟

تقي….ضيقت عينها بعني ايه يا ايه

عدي….انتي قولتي يا ايه

تقي…..ابتسمت بصدمه اااا يعني تعبير مجازي اااا او لازمه علي لساني يعني اسلوب نداء

عدي…..بضحك مع احترامي لحصه النحو اللي فتحتيها دي بس اقفلي الكلام خلاص انا اتصالحت

تقي…..بضحك اتكسفت جدا اااا لا استني بس هقولك

عدي…..بابتسامه لا خلاص والله ابداً مافي اي كلمه بعد الكلمه دي انا مصدقك و معاكي حق و مصالحك يا ستي كمان

تقي…..بضحك استني هنا انت ما صدقت عادي يعني احنا صحاب اقول اي حاجه

عدي….صح وماله يا روحي

تقي…..بضحك علي فكره انت رخم و وترتني

عدي…..بابتسامه وشك احمر كده ليه

تقي…..بضحك ااا طيب انا بقول تروح جنب سليم و تجيب نسمه هنا بعد اذنك

عدي….لا اسف مش قايم من هنا انا

تقي…..يبقي تسمعني و تبطل ترخم عليا

عدي….بابتسامه تمام هسمعك و مش هرخم

تقي…..اااا احم يعني قصدي انا مكنتش بقارنك او قاصده ارخم عليك

عدي….بابتسامه ايوه

تقي….اااا طب الكلام راح و انت رخم و وترتني بجد

عدي…..بضحك ليه بس يا قلبي

تقي…..بضحكة احراج عدي انت رخم

عدي……ليه طيب ده تعبير مجازي

تقي…..بابتسامه غيظ رفعت حاجبها انت بتتريق

عدي…..انا خالص انا بقول زيك اصل التعبير عجبني

تقي…..طيب انا غلطانه اني صالحتك و انا اللي جيبته لنفسي

عدي…..بابتسامه لا خلاص مش هرخم عليكي تاني و اتكلمي براحتك

تقي….بعد ايه بقي

عدي…..ياستي حقك عليا بصي يا تقي نتكلم جد انا حقيقي اتعصبت منك لاني اخر مره اتكلمت معاكي فيها قولتلك يعني خفي كلام علي حدوته و احنا بنتكلم مع بعض

تقي…..وانا قولت ايه بس انا لقول لليله لو بابا مش فاضي و لا موافق اروح في اوبر هخلي حدوته يجي ياخدني لاقيتك انت بتقول هي تقي لازم تدخل حدوته في جمله مفيده

عدي…..عشان ده اللي حصل لو انتي مصممه تروحي قوليلي روحني وانا هوصلك لحد البيت

تقي……اوك تمام بس اديني سبب واحد يخليك تضايق اني اقول حدوته خصوصا اني مرضتش اقولك عشان انت هتلقي معايا في نفس الكريق والسفر و لسه هتروحني و لسه بعدها هتروح و مش معاك عربيه يعني انا عامله عشانك

عدي….وانا مشتكتش الكلام ده لو طلبتي و قولتلك لا و لو عايزه تعرفي انا ليه اضايقت اقولك عادي معنديش مشكله

تقي……ليه اضايقت

عدي…..بأبتسامه اقول و هتسمعي للاخر و لا هترجعي تتوتري

تقي…..بابتسامه توتر فضلت تبص بعينها اااا احممم يعني في حاجه توتر

عدي…..بالنسبالي لا بس يمكن بالنسبالك اه

تقي…..اااا طيب قول بس من غير ما توترني

عدي…..بضحك ما انا معرفش هتتوتري ولا لا بس خلينا نقول غيره مثلا حلو السبب ده

تقي……بصتلوا ثواني و ابتسمت و فضلت تلعب بتوتر في شعرها اااا ماشي ما عرفنا موضوع غيره الصحاب ده

عدي….بضحك تمام نمشيها غيره الصحاب

تقي…..بايتسامه اااا طيب بص انت تسكت خالص

ضحك عدي ضحكه تجنن

تقي….بضحك ااا يعني متتكلمش تاني و انا وعد مني مش هجيب سيره حدوته تاني حلو كده

عدي….بابتسامه حلو جداً و خلينا نتفق اتفاق جميل

تقي…..اتفاق ايه

عدي….لو سيره حدوته اتفتحت قدامي تاني او دخلت في حوار بيني و بينك من غير اي داعي هقول كلام يوترك بجد بيتهيألي انتي فهماني

تقي…..بأبتسامه اااا احممم موافقه

عدي…..حلو نلتزم بقي بالاتفاق عشان بصراحه انا هموت واوترك

تقي…..بضحك ااا طيب تمام

عدي……طيب بصي بقي واحنا جايين كان في مسلسل كده حلو بتتفرجي عليه

تقي…..بأبتسامه عايز تتفرج عليه

عدي…..ياريت وياريت كمان تديني موبايلي اللي وراء ضهرك ده لو معندكيش مانع

تقي….لا عندي مفيش موبايلات

عدي…..ماشي ياستي اللي تشوفيه يلا افتحي

تقي…..ماشي فتحت موبايلها و جابت المسلسل اي خدمه

عدي…..ذلي فيا براحتك

ابتسمت و قربت منه الموبايل فضلت مسكاه شويه

تقي…..امسك انت ايدي وجعتني

عدي….هاتي

مسك عدي الموبايل و كان عمال يرخم عليها و يبعد الموبايل او يقربه منه اكتر

تقي…..بطل رخامه مش شايفه و بعدين ارفع الصوت شويه

عدي…..بابتسامه ماشي تجت امرك يا قلبي تعبير مجازي ده هااا

تقي…..بضحك تمام يا رخم

رجع عدي راسه لوراء و هي كمان رجعت راسها وفضلوا يتفرجوا مع بعض .