چاسمين

رواية
چاسمين
أميره اسامه
صاحبةالبطل الواحد
فتجدهم حيارى مضطربين ليسوا على يقين من أمرهم
البارت الحادي عشر
في المقر الخاص بشركة الانتاج الخاصه بخالد.
كان واقف مع مجموعه من المهندسين بيتكلم معاهم و بيتناقشوا في كل اللي هو محتاجه و بيتفقوا علي المده وكل حاجه خاصه بالمقر الجديد
مازن كان معاه بحكم شغله الجديد و كان واقف بيشوف شغله وبيسجل بعض الملحوظات اللي هيبلغ بيها أمجد بحكم انه شريك.
بعد حوالي ساعه الا ربع من مقابلتهم مع المهندسين مشي خالد و مازن وراحوا علي العربيه
ركب مازن وفضل ساكت
خالد…ايه يا مازن شكلك زهقت شد حيلك كده احنا لسه اول يوم
مازن ….لا زهق ايه بس انا تمام
خالد….خد بالك في ايام انت اللي هتبقي شايل كل حاجه الفتره الجايه و هتتابع بنفسك المهندسين هو اه انت يعتبر بتشتغل مع امجد اكتر بس كمان انت ممكن الفتره الجايه تبقي شايل كل الشغل لان انا هبقي ملخوم في حجات تانيه
مازن…. لا عادي انا جاهز لاي شغل
خالد…طب قولي بقي يا مازن وبصراحه انت مالك كده حاسس انك واخد مني موقف
مازن…ليه بتقول كده انا تمام
خالد…لا يا مازن انت مش تمام و بقول كده لاني عارفك كويس انت اخويا الصغير يا مازن وبينا عشره وسنين طويله يعني اقدر افهمك واحس بيك بسهوله
مازن….بص يا خالد من غير ما اللف و ادور عليك بس من غير زعل كده اللي حصل بينك وبين بيري انا مش قادر اعديه و في نفس الوقت مضايق اني مش قادر اخد موقف منك و عايزك بس تفهم حاجه بسيطه فكرة اني مش قادر. اخد موقف دي مش عشان في بينا شغل و لا عشان اي حاجه غير اني مراعي العشره اللي اتكلمت عنها دي انا طول عمري بعتبرك اخويا الكبير بس متزعلش مني وقت الجد هقف مع بيري بروحي
خالد….طيب بص يا مازن كل اللي قولته ده علي عيني وعلي راسي وجميل جدا وطبيعي انك تقف مع بيري مهما كنت غالي عندك لانها اختك و ده يخليني احترمك اكتر بس صدقني يا مازن لو انت بتحب اختك قيراط انا بحبها أربعه وعشرين قيراط
مهما اوصفلك حبي ليها مش هقدر اوصلك اللي جوايا اللي حصل ده كان سوء تفاهم صدقني انا مش حابب يا مازن اتكلم في الموضوع ده لاني مش حابب اطلع بيري شكلها مش حلو و رضيت ان يطلع شكلي وحش قدام الكل و اني اتعديت حدودي معاها في مقابل بس اني احافظ علي شكلها.
مازن…لا مش فاهم تقصد ايه معلش وضحلي الجزء ده
خالد….بخبث غير ملامحه
معلش يا مازن بلاش تخليني اتكلم في حاجه تخص الموضوع ده
مازن…وانا محتاج افهم يا خالد ده حقي لان اللي بنتكلم عليها دي اختي
خالد…طيب اوعدني ميوصلش لبيري اللي هقوله ده عشان هي كده كده مش طايقه مني اي حاجه
مازن….طيب يا خالد اوعدك
خالد….مازن انا مكدبتش في اللي قولته صدقني يوم العيد ميلاد انت والشباب كنتوا بترقصوا ومبسوطين و واقفين بعيد وبيري مكانتش معاكم انا كنت جوه في الڤيلا وخرجت لمحتها واقفه مع حمزه و بتتكلم معاه كانت واقفه بټعيط حاولت اقرب شويه من غير ما تشوفني سمعتها بتترجاه انهم يرجعوا لبعض تاني و انها لسه بتحبه ومستعده تسامحه بس يسيب الشغل معايا و يبدأوا هما الاتنين من جديد حتي لو هيضطروا يهربوا مع بعض و يشتغلوا ويبنوا حياتهم انا مش هكدب عليك كنت علي اخري و هتجنن وعلي فكره