چاسمين

حمزه سابها ومشي و هو رافض كلامها ده وقالها انه خلاص لا بيكر. فيها ولا في الارتباط و كل اللي بيفكر فيه هو مستقبله وبس وطبعا اتفاجئت بيه جاي عليا وهو اللي حكالي كل اللي حصل يعني الراجل مكنش في اي حاجه من جواه ليها فعلا.
طبعا انا لمحتها واقفه عند البوفيه بتشرب وكانت مڼهاره و عايزه تمشي مقدرتش اسيبها تمشي وهي في الحاله دي و منعتها رغم اني كنت شايط و هتجنن من الكلام اللي سمعته منها طبيعي اغير عليها يا مازن لو بحبها بجد المهم طلبت منها تيجي معايا المكتب عشان تحاول تهدأ شويه و محدش يشوفها بالحاله دي دخلت معايا
قعدتها وحاولت اهديها كانت حاسه انها دايخه و طبعا معرفتش اتصرف قولت اكيد هبوط فا ادتها شكولاته و يمكن دي الغلطه الوحيده اللي عملتها بس للاسف لما هي تعبت مكنتش مركز ان الشكولاته فيها نسبه كحول و كان كل همي اني بس اضيع الدوحه اللي هي حاسه بيها دي. وطبعا هي بعد ما كلتها بدأت تخرف في الكلام اكتر و ټعيط وتقولي عن حبها لحمزه
مش هكدب عليك انا كمان كنت شارب واټجننت وبدأت اتعصب عليها و هي كمان بدأت تتعصب
وكانت عايزه تمشي مسكتها من ايديها عشان تقف تكلمني زي ما بكلمها بدأت تقول كلام عبيط اني بقرب منها وايه اللي بعمله ده عصبتني اكتر و شدينا مع بعض فجأه لقتها مسكت حاجه مت المكتب ضړبتني بيها انا وقعت بس مكنتش غايب عن الوعي كانت خاېفه وجريت بس حمزه تقريبا جه علي صوتنا و لما لقاني واقع بدأ يزعق ويسألها عملتي ايه قامت ضړبته هو كمان وهربت و هو ده كل اللي حصل.
مازن….پصدمه انت متأكد يا خالد
خالد…وهكدب ليه انا قولتلك كل اللي حصل انا سمعت كل الكلام اللي بيري قالته عني في البدايه دافعت عن نفسي بس بعد كده بدأت اسكت لاني مش حابب اطلع شكلها وحش
مازن….طيب و ليه بيري هتكدب يا خالد انا مش عايز اكدبك بس كمان انا بثق في اختي و مش قادر اصدق انها كدبت
خالد….يمكن كدبت عشان ميبقاش شكلها وحش قدام الكل يعني بيري بنت واكيد كرامتها توجعها لو الكل شاف انها لسه بتجري وراء حمزه اللي سابها
انا عاذرها و مش زعلان منها يا مازن بس كمان مش عايز الكل يبقي شايف اني وحش اوي كده و بعدين يا مازن انا عارفكم من سنين و بينا عشره كبيره و بيتهيألي بيري عمرها ما اشتكت مني او قالت اني حاولت اقرب منها
مازن….طيب انا في سؤال مجنني يا خالد
خالد…ايه هو
مازن….لما انت بتحب بيري كده وبتغير عليها ليه شغلت حمزه معاك يعني انا لو مكانك وبحب بنت هحاول ابعدها بكل الطرق عن الشخص اللي شاغل بالها
خالد….معاك حق بس انا وقت ما خالد طلب مني الشغل كان وقتها مع بيري والكل عارف انهم بيحبوا بعض و مش هكدب عليك مقدرتش اقوله لا بس عشان خاطر بيري بعد كده مش هقولك اني معرضتش عليه شغل اكتر واكبر وطلبت منه انه يبقي دراعي اليمين لا انا عملت كل ده و كمان قولتله في المقابل انه يسيب بيري صدقني مكنتش مصدق ولا حتي واحد في الميه انه يوافق قولت اكيد هيرفض بس حقيقي اتفاجئت انه وافق
هو لو بيحبها ومتمسك بيها كان رفض عرضي وبيني وبينك لاني بحب بيري اتبسطت انه وافق
بصله مازن باستغراب.
خالد…عارف
—
انك مستغربني بس انا صريح معاك لابعد حد ممكن تتخيله انا بحبها يا مازن واللي بيحب مستعد يعمل اي حاجه عشان اللي بيبحبه يبقي معاه وطبعا مقدرتش ارفد حمزه او اخل باتفاقي معاه و كمان هو اثبتلي ولائه في الشغل كتير يعني راجل بيحب شغله فا ايه اللي يخليني مشغلهوش معايا.
مازن….طيب لو فرضنا ان كل الكلام ده طالع من قلبك بجد خلينا نتكلم كلمتين كمان طالعين من القلب
خالد…قول كل اللي في قلبك وانا هرد بكل صراحه.
مازن….لو مهره كدبت فعلا و لسه بتحب حمزه زي ما بتقول ازاي مصمم انها تبقي ليك وليه عايز تكمل معاها وهي مش موافقه علي العلاقه من الاساس
خالد….اللي بيحب يا مازن بجد بيفضل يحاول مع اللي بيحبه بيفضل نفسه طويل وانا بحبها يا مازن ومش سهل عليا ابعد بحاول اكون جنبها بكل الطرق يمكن ده مش صح ومش اي راجل يقبله علي كرامته بس كمان عارف ان بيري لسه صغيره ومش قادره تفهم مشاعرها كويس عشان كده انا متمسك بيها وعندي امل انها تقدر حبي ده وتحبني زي ما بحبها ووقتها انا علي اتم استعداد اجيبلها حته من السما لو طولت اعمل كده
سيبك بقي من كل الكلام ده انا كل اللي يهمني انك متاخدش مني جنب ولا تفهمني غلط احنا اخوات وهنفضل اخوات و زي ما انت بتحب بيري انا كمان بحبها وبخاف عليها ماشي يا مازن
مازن…بهدوء تمام يا خالد
خالد …واتمني اي حاجه تكون جواك زي ما عملت كده الوقت تقولي عليها وانا اوعدك هصارحك بكل حاجه
مازن….بابتسامه بسيطه اتفقنا يا خالد.
ابتسم خالد وطبطب علي رجله
رغم ان مازن كان مصدق بيري الا ان خالد عنده طريقه اقناع رهيبه بني ادم مش سهل سياسي لابعد حد ممكن مكانش قادر يكدبه و في نفس الوقت جواه صوت بيقوله ان بيري كمان مش كظابه كان جواه مشاعر مختلطه ومتلغبطه مكانش مرتاح بس مكانش عارف يعمل ايه غير انه يسكت .
وصل ياسر قبل العصر الصاله عند فريد وبلال.
كان لابس لبس رياضي وعلي كتفه شنطه رياضيه
دخل جوه وسلم عليهم
بلال…فينك مختفي بقالك يومين
ياسر…لا مختفي ولا حاجه بس كان عندي شويه شغل
فريد…بسخريه و خير يعني شايفك جاي اخيرا عالصاله ايه فضيت لتمارينك
ياسر….بص انا عارف انك مش طايقني لاني مش ملتزم بس اعمل ايه ڠصب عني والله يا فريد الشغل فوق دماغي
فريد…ومن امته والشغل بيخلص ده احنا بنخلص والشغل لا شوف انا هقولهالك تاني ومش هتكلم معاك في الموضوع مره تانيه
وفر حتي لو ساعه واحده من يومك لنفسك ولتمارينك وصحتك اكيد ال ساعه مش شغل وقت الراحه اللي بتاخده بدل ما تروح تقضيه عالسرير. انت بتلعب في موبايلك تعالي اعمل تمرينتك وامشي
ياسر…ده علي اساس ان تمرينتك اللي قولتها دي بتبقي عاديه ده انا بخرج من تحت ايدك مكسر
فريد….ما انا اكيد مش هحسس عليك و انت بتجيلي كل اسبوعين مره يا ابني العضله اللي بنلعب عليها محتاجه التزام انت كده بټأذي نفسك يا تتمرن زي الناس يا بلاها خالص علي الاقل تيجي 3 مرات في الاسبوع
ياسر….حاضر والله هحاول التزم علي قد ما اقدر انا انهارده معنديش محكمه ولا عندي شغل كتير هما بس كام قضيه صحيت الصبح خلصت شغلهم وقولت اجي اتمرن معاك شويه عشان علي 8 كده عندي معاد مع
سالم عبيد.
فريد….بجد
ياسر…بابتسامه اه والله كلمته سلمت عليه و قولتله اني عايز ابقي اخد رأيه في
—
ثغره صغيره كده اي كلام يعني عشان اعرف اقابله وقولتله ان المقابله اللي فاتت متتحسبش فا قالي لو فاضي انهارده بليل تعالي انا فاضي و اتفقنا علي المعاد وهروحله
فريد…طيب كويس اوي يارب يكون في اخبار كويسه
ياسر….ان شاء الله خير
بلال….اتفضل يا استاذ ياسر العصير اتفضل يا فريد
فريد…بصله بطرف عينه وهو لسه مش طايقه مش عايز ياسر انا في الصاله جوه خلص وتعالي ورايا.
ياسر…حالا اهو بص ياسر لبلال ورفع حاجبه هو ايه معامله مرات الاب دي عملتله ايه يا مصېبه.
بلال….بضحك و الله ما عملت حاجه ده القط
ياسر….ماله القط
بلال….دخلت لاقيته واقف يتنطط والقط ماسك في صدره بضوافره
ياسر….يا نهار اسود ده كويس انه لسه عايش
بلال….بسني وبينك ده اللي طمني مش هكدب عليك هو صعب عليا كمل بضحك بس لما لاقيته عايش سيبته ومرضتش اساعده قولت يتغلب علي الفوبيا اللي عنده دي
ياسر….ده كويس انه اكتفي بالبصه دي انا لو مكانه اقټلك
بلال….والله هو اللي رفض يمشيه وقالي هيفضل في البيت يتحمل بقي و بعدين ده روح قدر حصله اي موقف و لا اتزنق في حاجه هيسيبه لا لازم يساعده و بعدين كويس ان ده حصل في البيت تخيل كده انه يحصل في الشارع اكيد فريد هيبقي شكله وحش لو اتعرض لموقف زي ده قدام الناس فا الاحسن انه يتغلب علي الفوبيا دي خالص
ياسر….طب والله جدع انا لو مكانك مكنتش هقدر اعمل كده لاني عارف رد فعله كويس
بلال….بضحك هو مش طايقني من الصبح اصلا بس عادي شويه شويه هيتفك نحسه
ياسر….قولي مفيش اخبار عن البنت
بلال….لا خالص مجابش سيرة اي حاجه بس خد بالك فريد مش تمام من وقت ما هي مشيت
ياسر…..عارف و حاسس
بلال….طيب وايه السبب اصل بصراحه مش لاقي سبب وبحاول اقنع نفسي بانها فكرته بساره اخته.
ياسر….ليه هو في حاجه غير كده الاتنين ظروفهم تقريبا شبه بعض و غالبا فكرته بيها
بلال…يمكن بس جوايا احساس وافكار بتقولي لا
ياسر…..بابتسامه انت مش سهل ياولا
بلال….لا والله مش كده بس انا حافظ بلال ومعاشره
ياسر….ايه حبها مثلا ماهو مستحيل بردوا ده فريد التهامي و بعدين دول اربع ايام
بلال…مقولتش كده بس هي لغبطته يا ياسر انا عارف ان فريد مستحيل يحب حد بعد غرام بس مش هنكر ان بيري غيرت فريد اللي انا عارفه في الاربع ايام اللي انت مستقل بيهم دول
ياسر….والله كل شئ جايز واتمني انه يقدر ياخد الخطوه دي بس لو زي ما بتقول كده مكانش سكت وكان حاول يوصلها بأي شكل وعموما كويس اوي ان ده محصلش البنت دي كان ممكن تجيب الف مصېبه لفريد خصوصا يعني بعد ما عرفت انها صاحبة سهر العدوي.
فريد….من بعيد اييييه صعبان عليك اليوم اللي جيت فيه تدخل بدري علي تمرينتك
ياسر….لا لا جاي اهو بقولك ايه انا رايح احسن ده مفتري وممكن يتحول عليا.
بلال….بضحك ربنا معاك
وصلت بيري علي المكان اللي هيتقابلوا فيه سهر وملك وصلوا قبلها بوقت بسيط.
دخلت بيري وسلمت عليهم.
ملك….وحشتيني
بيري….اااااه انا قولت كده بردوا
ملك …قولتي ايه يا هبله
بيري…اصلك بتقولي وحشتيني امبارح كنت معاكي واول امبارح وادي انهارده اهو وشكلكم كده والله اعلم عايزين تعوضوا الاربع ايام اللي غبت عنكم فيها صح
ملك….ده علي اساس يعني انك مش بتوحشيني طب ده انا اي وقت بقابلكم فيه وانا ماشيه بحس انكم وحشتوني و مببقاش عايزه اروح واسيبكم
سهر…مالك يابت مش عاجبك ولا ايه لا تكوني مش عايزه تقابلبنا
بيري….لا عاجبني طبعا و بعدين ما انا جيت اهو بس مش
—
فهماكم
سهر …مش فاهمه ايه قولنا عايزين نشوفك عادي يعني ايه الغريب
قعدت بيري وحطت شنطها علي ايد الكرسي
بيري….الغريب يا سهورتي يا قمر ان مقابلة انهارده كان فيها شويه من المغامره يعني عايزين نقابلك عالصبح كده ومتعرفيش حد وقولي انك رايحه تعملي شعرك حست للحظه كده اننا طالعين في مهمه رسميه.
سهر…..ااااه انتي شكلك فايقه عالصبح و انا مش هرغي معاكي كتير عشان عندي حلقه انهارده
بيري…والله عشان انتي عندك حلقه انهارده دي اكتر حاجه خلتني مستغربه لاني عارفه يوم التصوير انتي مش بتروحي اي مكان و بتحبي تروحي عالاستديو بدري
سهر…..اه ده حقيقه بس كمان لو في حاجه مهمه بغير النظام عادي
بيري….ده علي اساس ان يوم عيد ميلادي مكانش مهم ما انتي مرضتيش تيجي
سهر…..بعيدا يعني عن ان لو مكانش في تصوير يوم عيد ميلادك بردوا مكنتش هاجي عشان مقابلش اللي اسمه خالد انا اكيد مكنتش هعرف لان وقت التصوير كان وقت عيد ميلادك انتي مكنتيش عملاه الصبح يا ذكيه و بعدين ده كان اول حلقه فا طبيعي اكون متوتره ومش مركزه
بيري….ماشي يا ست سهر هعديها قولولي بقي في ايه وايه سبب التجمع السري ده
ملك…تشربي ايه الاول
بيري….انا مفطرتش علي فكره ياللي معندكيش ډم
ملك…بضحك اه طمعانه يعني في فطار وجايه علينا بخساره
بيري….لا يا ستي هدفع انا مټخافيش بس مش لدرجه فطار كبير يعني كفايه نسكافيه وكرواسون.
ملك….ماشي يا ستي احلي نسكافيه وكرواسون وانا اللي عزماكي عدي الجمايل
سهر…يارب نخلص من حفلة الفطار دي .
ملك….من فضلك
قرب عليها الوتير بهدوء.
الويتر…تحت امرك
ملك….عايزه واحد نسكافيه و كرواسون
الويتر….تحت امرك.
مشي الوتير ربعت بيري ايدها علي التربيزه وبصتلهم.
بيري…..هااا قولوا بقي في ايه الفضول هيقتلني .
بصوا ملك وسهر لبعض رفعت ملك كتفها بمعني قولي انتي.
بصتلهم بيري باستغراب ورفعت حاجبها.
بيري…هو في ايه ده واضح ان الموضوع كبير بقي مش هزار
سهر….لا مش هزار يا بيري اكيد
بيري…بقلق طب في ايه انا بدأت اقلل بجد
سهر….بيري الاول قوليلي لما رجعتي امبارح حصل اي حاجه
بيري….لما رجعت من معاكم يعني
سهر…ايوه
بيري….لا هيحصل ايه يعني مش فاهمه بجد
سهر….يعني لما رجعتي ايه اللي حصل.
بيري…ولا اي حاجه بابا كان قاعد تحت و بيخلص شويه شغل علي اللاب سألناه عن ماما قال انها نامت عشان كانت مصدعه شويه وبس سيبناه وطلعنا علي اوضنا مريم قالت انها مصدعه وعايزه هي كمان تنام و مازن قال انه هيكلم امجد عشان يسأله في شويه حجات خاصه بالشغل لان المفروض انه كان هينزل انهارده الموقع مع خالد وبس انا كنان دخلت اوضتي قعدت شويه وبعدين نمت.
بصت سهر لملك وابتسمت ابتسامه عدم تصديق.
بصتلها ملك باستغراب و معرفتش تتكلم
بيري…هو في ايه بجد ايه الاسئله دي وايه نظراتكم لبعض المرعبه دي في ايه يا سهر.
سهر….طيب اسمعيني يا بيري كويس وافهمي كل كلمه هقولها بس قبل ما اقول حرف واحد بس اوعديني تبقي هاديه تتصرفي زي ما هقولك بالظبط والقاعده دي مفيش مخلوق يعرف عنها اي حاجه ولا حتي اخواتك
بيري….هو في ايه يا سهر
سهر…اوعديني الاول
بيري…اوعدك بس فهميني ارجوكي .
سهر…..في حاجه بتحصل غريبه يا بيري و ڠصب عني هقولك ان في لعبه شكلها كده بتتلعب عليكي
بيري….لعبه بتتلعب عليا انا من مين ولعبه ايه
سهر…..مامتك مكانتش نايمه يا بيري ولا حتي كانت مصدعه و المفجأه اصلا انها مكانتش موجوده في البيت اصلا
بيري…پصدمه بصتلهم سكتت ثواني. وبعدين بصت لسهر بتقولي ايه يا سهر يعني ايه مكانتش في البيت و ليه بابا هيكدب و كانت فين
سهر….بهدوء