لقاء كا,رثي
لقاء كار,ثي
تقي…..لا مش للدرجادي يا نسمه
نسمه…..والله العظيم للدرجادي انتي مشوفتيهاش و هي بتتكلم و كمان مدياني فرصه كام يوم افكر و قالتلي لو فضلتي مصممه هتزعلي مني
تقي….ليه يعني هي قفشتك معاه متعصبنيش يا بت انتي سليم اخو عشري مش فضل عشان تتحكم او تربط مشاكلكم ببعض و حتي لو مش من حقها تفرض عليكي رأيها
بصي هقولك حل حلو انا من رايي اتكلمي معاهم عشان حتي لو هي عملت كده فعلا تبقي انتي سبقاها
معملتش يبقي هي كانت مضايقه من حاجه وخلاص و هديت وفي نفس الوقت انتي عرفتيهم و بعدين نوجا وعمو عادل مش الشخصيه اللي بتقفش
نسمه…عارفه يا تقي بس انا بصراحه مش عايزه اتكلم معاهم الوقت قبل ما سليم يعرف يعني انا مش عارفه هو عنده مانع ان حد يعرف الوقت ولا لا و بصراحه انا اتكسف أسالوا
تقي…..ليه تتكسفي
نسمه….مش حابه تحسسه اني مصدقت وبحطه قدام امر واقع تقي سليم امبارح بس قالي عن مشاعره ناحيتي و انا كمان فا مينفعش علي طول كده اروح اقولوا عندك مشكله اقول لاعلي ولا لا
تقي….لا عادي كأنك بتطلبي ده من باب انك تبقي مرتاحه و مش مخبيه عنهم حاجه
نسمه….مش عارفه يا تقي
تقي…لازم تعرفي و الموضوع مفيهوش كسوف و بعدين سليم و عدي رجاله بجد يا نسمه مش شباب بتتسلي خصوصا اننا بقينا قريبين منهم مش في العلاقه في النسب يعني حتي لو هما بيتسلوا مع اي حد مش هيعملوا ده معانا احنا بالذات
عشان خاطر النسب اللي بينا و اهلهم اللي حطوا ايدهم في ايد اهلنا
فاهمه حاجه
نسمه….فهماكي
تقي….وبعدين ممكن كمان تقولي الاول لنادر انتوا صحاب و بتتكلموا عادي مع بعض و لو نعيمه بالدماغ دي ولو اني مش مصدقه ده بصراحه اسبقيها انتي لان هي ممكن تتكلم مع نادر بطريقه غلط و نادر شاب ممكن يضايق و متنسيش ان هو قرب منهم في السفريه و بقوا صحاب ممكن يزعل و يقولك بيقرطسني مثلا لكن لو انتي حكيتي الموضوع هيبقي احلي حتي لو نعيمه متكلمتش عادي ان اخوكي يعرف
نسمه…..هو اصلا شافني وانا راحه علي العربيه و معيطه كان راجع من شغله و صمم يجي معايا عشان كده بعتلك مسدچ قولتلك متتكلميش في حاجه الا لما نبقي لوحدنا هو مصمم يعرف انا مالي و مين زعلني
تقي….حلو يبقي تقوليلوا ده اخوكي و مش هيضايق و بيحب سليم و بقوا صحاب يعني الموضوع بالنسباله هيكون مريح و هيطمن عليكي
