لقاء كا,رثي

نسمه….انتي بتهدديني يا نعيمه

نعيمه….لا مش بهددك بس واضح انك مش فاهمه بتعملي ايه و فرحانه زي العيال الصغيره بلعبه جديده

نسمه……سليم مش لعبه يا نعيمه و بعدين انتي عيزاني اصرف نظر عن ايه مش فاهمه هو انا بقولك معجبه بيه ولا جايه اقولك قوليي طريقه اوقع بيها سليم عشان عاجبني انا بقولك حبيته و هو كمان حبني واعترفلي بحبه و الموضوع جد يعني مينفعش فيه رجوع هو انا ممكن اقولك سيبي انتي فضل

نعيمه….متقدريش لان انا اللي في حياة فضل و العيله دي من الاول مش انتي يا نسمه اللي ضاقت بيكي الدنيا و رايحه تحبي واحد من نفس العيله

نسمه….ومشكلتك ايه لما احب من نفس العيله ده بدل ما تفرحي و تقولي انا واختي هنبقي مع بعض و اقرب لبعض ثم ان سليم مش اخو فضل ده اخو عشري يعني مشاكل ايه اللي بتتكلمي عنها

نعيمه…..سليم يبقي ابن عمته و فضل ابن خاله يعني نفس العيله و اللي يوجع واحد فيهم التاني هيتأثر يا غبيه افهمي

نسمه….افهم ايه انتي اللي تفهمي طب ما انا اختك و المفروض اللي يوجعني يوجعك

نعيمه….وعشان كده بقولك بلاش

نسمه….هو ابه اللي بلاش نعيمه انا بقولك بحب سليم وهو بيحبني نعيمه انتي ليه محسساني ان وجودي في حياه سليم و العيله عموما هيأثر عليكي ليه محسساني اني داخله اخد منك حاجه مش بتاعتي ليه محسساني اني هاخد مكانك و مشاكل ايه اللي بتتكلمي عنها هو انتي تعرفي عني اني بتاعت مشاكل او متخيله يعني اني هدخل ابوظ حياتك انا مش بتاعت مشاكل يا نعيمه و انتي عرفاني كويس انا مبعرفش اعمل مشاكل اصلا و حتي لو في مشاكل بيني و بين سليم لان ده الطبيعي عمري ما هكون سبب في خراب حياتك مع فضل وعيلته

نعيمه…..بيتهيألك نسمه انتي لسه عبيطه وهبله و ساذجه شايفه الحياه وردي بس لما تتجوزي هيبقي في مشاكل اكيد و اه وقتها حياتي هتخرب و لا انتي مش فارق معاكي يا نعيمه خراب حياتي مش كفايه ان حياتي من زمان مخروبه لا في راحه ولا استقرار ايه مستكتره عليا اعيش حياتي في هدوء.

نسمه…..نزلت دموعها انا يا نعيمه؟؟

لا يا نعيمه انا اسفه بجد بس لو في حد فينا المفروض يخاف من التاني يبقي انا مش انتي لان انا عمري ما كنت بتاعت مشاكل طول عمري بقول حاضر و طيب و نعم و مش بكره في حياتي قد المشاكل انتي يا نعيمه اللي مبتسكتيش انتي اللي بتخلقي من حاجه صغيره مشكله كبيره انتي اللي بتكبري اصلا المواضيع بصتلها بدموع انتي انانيه اوي يا نعيمه بجد و مكنتش اتخيل انك تقولي كل الكلام ده بمجرد ما احكيلك الحاجه اللي مفرحاني كنت فكراكي هتفرحيلي