لقاء كا,رثي

نعيمه….و النبي ما تفكريني انا طول عمري بكره المطبخ و بعد الحرث كرهته اكتر

نجلاء…..بكره ترجعي تحبيه متقلقيش

نعيمه….بس قوليلي ايه اللي جننها عالمطبخ

نجلاء…..ولا حاجه صاحبه مبسوطه و مودها حلو قررت تريحني

نعيمه…..غمزتلها و ابتسمت طيب بتريحك يا نوجا اعملي واجب مع الراجل

نجلاء….بهمس ضحكت يا بت بطلي قلة ادب

نعيمه….بضحك ماشي هبطل بس الراجل غلبان يعني

نجلاء….بضحك والله انتي ما اتربيتي بقولك ايه قومي غيري هدومك

نعيمه….لا انا كده زي الفل

نجلاء…..هو ابه اللي زي الفل انتي رايحه امته لليله مش لسه اخر النهار

نعيمه….اه هنروحلها علي ثمانيه كده

نجلاء….طب لسه بدري قومي عشان كمان لما تتغدي هدومك متتبهدلش هدومك في الدولاب

نعيمه….والله ما قادره يا نوجا و متقلقيش معايا اصلا غيار تاني انا مش هروح كده

نجلاء….طيب علي راحتك انتي فطرتي

نعيمه…اه فطرت الحمد لله

عادل…..فضل عامل ايه في الشقه يا نعيمه

نعيمه….بهدوء شغال يا بابا كان موقف كام يوم بس رجعوا امبارح تاني

عادل….شرب من الشاي و نزل الكوبايه ابن حلال فضل و بيحبك يا نعيمه

نعيمه…..بابتسامه عارفه يا حبيبي

نجلاء….ربنا معاه بقي و يخلص علي خير احسن انا عارفه حوار تجهيز البيت ده متعب اوي

عادل….ما انتي عايزه تتعبينا انتي كمان

نعيمه….ليه انتي عايزه تعملي حاجه في الشقه ولا ايه

نجلاء….بصراحه اه انتي ايه رايك بقالنا كتير اوي مدهنناش و كمان في حجات عايزه اغيرها الستاير و شويه حجات كده

نعيمه….معرفش براحتك بس صراحه اه غيري التغيير حلو

عادل….شوف بنت الكلب بدل ما تقف معايا

نعيمه…..ما تسيبها تعمل اللي علي مزاجها خليها تغير مالك و مالها

نجلاء….أيوه قوليلوا والنبي حامل هم العمال

نعيمه….صراحه هما مقرفين معاه حق

نجلاء….بضحك يابت انتي معايا ولا معاه ما ترسي علي بر

نعيمه….بضحك انا مع التغيير لانه بيحسن النفسيه بس هو معاه حق العمال يخنقوا و البيت بيبقي متشقلي كيانه ده فضل مش عايش في البيت وطالع عينه بس اقولك حاجه يا دولا غيروا قبل رمضان كده و اعملوا اجواء

نجلاء…..ماهو انا بقولوا عشان كده والله عايزه اعمل قبل رمضان ونغير

عادل….خلاص يا ستي اعملي اللي يريحك المهم تبقي مبسوطه

نعيمه….بهمس وهي بتقوم والله يستاهل بوسه