لقاء كا,رثي
لقاء كار,ثي
ريهام….ماشاء الله مبيعيشلكش شغل
محمود….بضحك لا مش كده بس دي مراحل في حياتي و عايز اقولك ان كل شغل فيهم و مرحله ضافت ليا كتير و خصوصا شغلي في البنك
ريهام….ايوه يعني حضرتك بتشتغل ايه الوقت صحح صورتك قدامي عشان شيفاك بصوره مش تمام بامانه ربنا
محمود…..بضحك با بنتي بقي اسكتي شويه هقولك انا و كام واحد من صحابي عاملين شراكه و فتحنا من فتره مكتب سياحي و شاركت اتنين صحابي في مكتب صرافه
ريهام….ماشاء الله حلو ده طيب و المكتب السياحي ده يعني سفر بره مصر و لا جوه
محمود…..بره وجوه سياحه داخليه و خارجيه يعني واللي مشاركهم في المكتب السياحي غير اللي مشاركهم في مكتب الصرافه واحد بس هو اللي شاركني انا و واحد تاني في مكتب الصرافه بس كلنا صحاب يعني من زمان
ريهام….ماشاء الله و واقق فيهم بقي
محمود…بضحك اه الحمد لله احنا تقريبا عشره عمر في منهم كانوا معايا في ابتدائي و في من اعدادي و في واحد فيهم اتعرفت عليه لما اشتغلت في البنك بس صاحبي واخويا و جدع اوي و هو صاحب الفكره اصلا فا طبعاً احنا بنقضيها شيفتات بقي و بنقسم الدنيا علي بعض
ريهام…..ايوه بس يعني هما دول بيفتحوا اربعه وعشرين ساعه
محمود….لا طبعاً ليهم مواعيد بنقفل 12
ريهام….باااااس يبقي وش انت شغال في ملهي ليلي بتروح فين من بليل للصبح
محمود…..بضحك يا بنتي انتي عايزه تلبسيني مصيبه
ريهام….مش مرتحالك يا محمود وانا اللي في قلبي علي لساني و انت بنفسك قولت بنقفل 12 بتروح فين بقي من بليل لحد الوقت راجع عينك حمراء
محمود….بضحك افهمي اوقات بيكون في رحلات لازم اكون موجود بنفسي لو رحلات داخليه بنظبط مع شركات نقل سياحي ولازم اطمن ان كل الناس موجودين و اطلعهم بنفسي واوقات تانيه بيبقي في رحلات بره مصر برضوا بنكون معاهم بصي هي ليله كبيره كده في تعاملات مع المطار و تخليص ورق و كده و انا مش ديما بروح من بليل للصبح يعني ممكن اروح انام شويه و بعد الفجر اتحرك فهمتي
ريهام….اممممم ماشي بس مش مطمنالك
محمود….بضحك هتموتي و تلبسيني مصيبه فوقتي عليا ها
ريهام….بضحك لا والله بس بحاول افهم مش اكتر
محمود…وفهمتي يا ستي ارتاحتي خلاص التحقيق خلص
ريهام…..الله وانت زعلان ليه مش بفهم انا قولت لو بتشتغل حاجه كده ولا كده اتصل علي اختك افتنلها
