لقاء كا,رثي

نسمه….اخبي عليكي ايه بس صدقيني مفيش حاجه

نجلاء….لا مش مصدقاكي بقالك فتره مش علي بعضك و من امبارح راجعه مبسوطه اوي و انهارده صاحبه مزاجك فوق ولمعه عينك بتقول ان في حاجه تفتكري يعني لما اعرف هضايق بس المفروض متخبيش عني لاني امك و بعدين علي الاقل انصحك اشوفك صح ولا غلط يعني لو نعيمه مش هراجع وراها لان نعيمه بتعرف تتصرف بتفهم اللي قدامها عندها خبره انما انتي لا طيبه و بتصدقي جايز تكوني اخترتي صح هفرح من قلبي و جايز كمان تكوني مش واخده بالك وقتها انا هبقي مرايتك بس في كل الاحوال هفرح من قلبي ان بنتي بتحب و في حد غير حياتها ولا ايه

نسمه…بابتسامه جميله اااا يعني هو

نجلاء….بضحكه جميله هو في صح

نسمه….بابتسامه بصت بعيد وبعدين بصتلها وهزت راسها بهدوء اه في

نجلاء….بابتسامه طب ايه مش هتحكيلي مين هو و حصل امته وازاي

نسمه….بصي طيب انا مكنتش مستعده احكي بس انتي قفشتيني هو انا هقولك اكيد بس يعني مش الوقت

نجلاء……ماشي بس انا عايزه اطمن عليكي حد اعرفوا

نسمه….بضحك ااا يعني اه تعرفيه عيزاكي بس تطمني هو حد كويس اوي و متخافيش عليا و اكيد هحكيلك بس يعني انا مش عيزاكي تفتني عليا الوقت لبابا و لا حتي نادر

نجلاء….بابتسامه جميله مش هفتن عليكي بس هستناكي تحكيلي عشان قلبي يطمن

نسمه….حاضر هطمن قلبك بس عيزاكي تطمني والله هو حد كويس و محترم و اه انتي تعرفيه بس يعني خلي كل حاجه في وقتها المناسب او لما ابقي جاهزه اقول ماشي

نجلاء…..ماشي يا نسمه خدي وقتك بس اي وقت تحبي تتكلمي انتي عارفه اني موجوده و المهم عيزاكي يا قلبي تاخدي بالك من نفسك انتي طيبه و قلبك جميل و نقي و لسه من جواكي طفله بس حاولي متديش الامان احد ما تعرفيني كل حاجه مش اي حد بنثق فيه و نصدقه المشاعر الجديده حلوه مفيش كلام بس مش عيزاها تسوقك و تطمني و تصحي علي صدمه الشباب مش كلهم كويسين و بيتقوا ربنا في بنات الناس في شباب ممكن تستغل طيبتك سذاجتك فرحتك بالمشاعر الحلوه الي حساها فهماني يا نسمه

نسمه…بابتسامه فهماكي والله يا ماما بس انا عيزاكي تطمني و اوي كمان لما تعرفي مين الشخص ده هترتاحي صدقيني انا مش حابه انكلم بس الوقت لكن حابه اطمنك انا صحيح طيبه و مبسوطه اكيد بس مش لدرجه اني ابقي عبيطه متخافيش عليا يا نوجا