لقاء كا,رثي
لقاء كار,ثي
نادين….طيب سيبك مني بقي طمنيني عليكي انتي مبسوطه
نادين…..الحمد لله يا روحي مبسوطه اوي
نادين…..بضحكه جميله يعني الجواز حلو
ليله….بضحك البركه في الصغنن اللي
خطط لولا تخطيطه مكنتش زماني مبسوطه
ابتسمت نادين و ضمتها اوي
نادين…..يارب ديما اشوفك مبسوطه
ليله…..ربنا يخليكي ليا يا قلبي واشوفك انتي مبسوطه و مرتاحه
…………………….
عند نعيمه اتصلت علي فضل كانت خلاص داخله علي البيت.
فضل….ايوه يا نوني
نعيمه….فضل انا خلاص تقريباً داخله علي البيت خلاص
فضل……طيب تمام انا نازل حالا اهو
نعيمه….اوك مستنياك
قفلوا و دقايق بسيطه و لمحت فضل جاي من بعيد فضلت قاعده في العربيه زي ما هي فتحت التابلوه حطت برفيوم بسرعه كانت شاربه سجاير و مش حابه شيم ريحتها رشت كمان كام رشه في العربيه عشان تضيع الريحه
قرب فضل بابتسامه جميله نزلت الشباك و ابتسمت
فضل……هلا بالقمر
نعيمه…..بابتسامه ايه الاخبار
فضل….كله تمام اتأخرتي كده ليه
نعيمه…..الطريق زحمه بس متاخرتش اوي يعني
فضل…..طيب يلا خلينا نطلع غشري لسه قافل معايا و بهدلني
نعيمه…..ليله كمان كلمتني يلا
خدت شنطتها و شنطه تانيه فيها هديه و نزلت شاف فضل فستانها بصلها..
فضل…..ايه الفستان ده بقي
نعيمه….ايه ماله
فضل…..قصير
نعيمه…..لابسه كلون و في چاكت علي فكره و في بوط كمان
فضل….اممم مبقاش قصير يعني ماشي يلا اقفلي العربيه.
قفلت و خدها و طلعوا علي فوق لفت بشعرها و هي بتخرج من الاسانسير حس فضل انه شامم ريحة سجاير بس محطش في باله
كانوا عمالين جوه يهزروا و يضحكوا.
سمعوا صوت الجرس
سلامه….خليك يا عريس انا هفتح
عشري…..روح يا اخويا ده اكيد فضل و نعيمه
سلمي بصت لايه و نادين نادين غمضت عينها بهدوء بمعني تمام و ايه بصت لسلمي بطرف عينها و هي مضايقه بس سمعت الكلام
فتح سلامه الباب
سلامه….اهلا براعي الغنم و حرمه المستقبليه
فضل….بضحك اهلا باللي اتحط علبه من ميدو حبيب
سلامه….الوقت يا اخويا بقي ميدو حبيبي ما انتوا عاملين علي طول زي القط والفار
فضل….بضحك لا بقي حبيبي خلاص
سلامه……نوني يا قمر اخبارك ايه
نعيمه….بابتسامه ازيك يا سلامه عامل ايه
سلامه…..الحمد لله ادخلوا.
قام الشباب وقفوا عشان يسلموا و قامت ليله و البنات
