لقاء كا,رثي
لقاء كار,ثي
ليله….بابتسامه من مين
حسان…..من هنا
ليله…..ياعمررري
حسان….عايز اقولك انها لسه انهارده عارفه انكم اتجوزتوا و حسيت انها اتصدمت وزعلت لما عرفت ان الفرح اتعمل و مضايقه جدا بتقولي ليله وعدتني احضر فرحها
ليله…..شوفت بقي والله العظيم انا زعلانه منك عشان انا المفروض قيلالك تجيبها انا وعدتها
حسان….مكنتش هعرف يا ليله اديكي شوفتي من بدري كنا معاكم و اكيد مش هعرف اخد بالي منها و كمان مش هعرف البسها واللي كانت هتلبس هي سلمي و انا محبتش اشغلها بصراحه في اليوم ده هتتلخم بيها طلبات و بيبي و انام واكل والبس
ايمي…..يا اخويا كنت جيبتها و چوي كانت معايا يعني مكانتش هتبقي حمل علي حد
حسان….والله سلمي قالتلي بس مكنتش هعرف كمان اروح اجيبها بعد ما نوصلكم المهم يعني هي زعلانه و انا قولتلها انك ملكيش ذنب و عايزه تكلمك
ليله….كلمها عشان اقولها ابوكي السبب
حسان….بضحك الحق هتلبسني
عشري….تستاهل كنت جيبتها فرحت معانا يا واطي
حسان….بقولك ايه انتي وجوزك هكلمها و اياكي تزعليها مني والله زعلانه بجد
ليله….طيب اتصل عليها
مسك حسان الموبايل يتصل
ايمي…..بابتسامه بت شكلك قمر احيه علي الحلاوه
ليله….. بضحك والنبي مافي غيرك قمر بصتلها و برقت ايمي انتي الوحيده اللي مشوفتيش البيت صح
ايمي…..بابتسامه لا و تقريباً سلمي
ليله….استني نكلم هنا و افرجك
ايمي….بابتسامه اشطا
حسان….خدي ليله معاكي اهي
ليله….هنون با روحي و حشتيني
هنا….بزعل و حضرتك كمان
قلبت ليله شفايفها بزعل و بعدت الموبايل
ليله…..منك لله يا حسان صوتها مضايق
ضحكوا عليها كلهم
ليله……القمر زعلان مني صح
هنا….صح انا كنت عايزه اجي الفرح
ليله….حقك عليا و الله كنا مشغولين جدا والمكان بعيد روحنا و معرفناش نرجع و بابي كان مشغول خالص بس انا كنت عيزاكي تبقي معايا
هنا….وانا كمان
ليله….طيب ايه رأيك نعمل دييل مع بعض عشان متبقيش زعلانه
هنا….موافقه ايه هو
ليله….بابتسامه ايه رأيك لما الڤديو بتاع الفرح يخلص ابعتهولك مع بابي تتفرجي علي الفرح كله براحتك
هنا….بابتسامه بجد ينفع
ليله….طبعاً ينفع هبعتلك نسخه منه و ممكن تخليها معاكي كمان علي طول ايه رايك بقي اتصالحنا
هنا….بسعاده اتصالحنا انا بحبك اوي
ليله….ياروح قلبي وانا بموت فيكي و مش عيزاكي تزعلي خالص ماشي
