لقاء كا,رثي
لقاء كار,ثي
نعيمه….يعني ازاي تقابليه وتخرجي معاه يا نسمه
نسمه…..بصتلها باستغراب و حست انها مضايقه نعيمه هو انا ليه حساكي مضايقه
نعيمه….طبعاً مضايقه
نسمه….ليه مضايقه يعني هو الطبيعي اني لما اتعرف علي حد اشوفوا اكيد عشان اعرفوا ويعرفني
نعيمه….هو ايه اللي طبيعي في اللي بتقوليه ده
نسمه…..ليه يا نعيمه هو انتي لما اتعرفتي علي فضل في السفريه الاولي مخرجتيش معاه اكتر من مره قبل خطوبتك خطيبك الاول اصلا انتي مش كنتي عرفاه و بتخرجي معاه قبل خطوبتك ايه الغلط في اللي عملتوا
نعيمه….كل اللي بتقوليه غلط وحتي لو هتعملي كده مع اي حد لكن مش سليم يا نسمه
نسمه…..يعني ايه مش سليم وليه مش سليم انا مش عايزه اعرف حد غيره و الطبيعي اني مخرجش مع حد غيره اصلا
نعيمه….ااااه فا تخرجي و تقابلي سليم اللي ابن خاله خاطب اختك
نسمه…بابتسامه استغراب و دي بالنسبالك حاجه كبيره ده المفروض دي تطمنك اكتر انتي عرفاه و عارفه عيلته يعني هتبقي متطمنه عليا اكتر انه مس شخص وحش
نعيمه….اشمعني هو بجد مش فهماكي سيبتي كل شباب الدنيا ورايحه تحبي سليم
نسمه…..وسليم عيبه ايه يا نعيمه مش فاهمه انتي تعرفي حاجه عنه مش حلوه انا معرفهاش
نعيمه…..لا يا نسمه بس اعرف انه قريب فضل من نفس العيله و ان انا وانتي نرتبط باتنين من نفس العيله تبقي مصيبه
نسمه….يعني ايه تبقي مصيبه وليه اصلا تبقي مصيبه
نعيمه…..عشان اي مشكله ممكن تحصل مع واحده فينا هتأثر مع التانيه هو ده جواز القرايب من بعضهم تعملي مشكله تافهه معاه يحصل مشكله و انا بصفتي اختك المفروض اتدخل و المشكله تبقي معايا و انا وفضل ننكد علي بعض بسببكم او بلاش انتي انا ياستي يحصل بيني و بين فضل مشكله و تأثر عليكي و لما تأثر عليكي وتحصل مشكله في الاخر هتبقي نعيمه السبب مش كددده
نسمه…..نعيمه هو ايه التصعيد الغير مبرر اللي انتي عملاه ده
نعيمه….بنبره عاليه شويه و عصبيه خدي بالك من كلامك يا نسمه انتي بتكلمي اختك الكبيره
نسمه…..بخوف بسيط و انا مقولتش حاجه غلط انا بحاول أفهمك حاسه انك مكبره الموضوع اوي و حاسه انك مضايقه مع اني كنت متخيله ان انتي اكتر حد ممكن يفرحلي و خصوصا لو اللي بحبه ده من نفس عيلة فضل يعني هكون قريبه منك و معاكي
نعيمه…..ودي مش حاجه تفرح يا نسمه اه مضايقه كان ممكن افرح لو حبيتي اي حد تاني الا سليم او اي حد من العيله علي الاقل يوم ما يكون في مشكله اعرف اقف في ضهرك بقلب مش رايحه تحبي و تناسبي من نفس العيله عشان كده يا نسمه اعقلي و خديها من قصيرها و اصرفي نظر عن موضوع سليم ده خالص بدل ما اتكلم مع امك وابوكي و هما يتصرفوا
