لقاء كا,رثي

نعيمه…..انتي بجد شيفاني كده ده انتي شايله من اوي لقي علي كده

نسمه….بالعمس انا عمري ما شيلت منك رغم اني عمري ما حسيتك قريبه مني زي ما انتي قريبه من صحابك و عمري ما زعلت من قربك من صحابك لاني بحبهم و عارفه هما قد بيحبوكي و دي كفايه عندي بس انتي عمرك ما كنتي قريبه مني لا زمان قبل ما تسيبي البيت ولا بعد ما سيبتي البيت كنت ديما اقول يمكن عشان فرق السن بينا مع ان ايه اصغر واحده في شلتكم اكبر مني بحوالي اربع سنين يعني قريبه مني ورغم كل ده عمري ما اضايقت مع اني كان نفسي تكوني قريبه انتي عمرك ما سمعتيني طول الوقت بحس انك حتي لو حاولتي تسمعي مجبره بتسمعيني وانتي مضايقه مش مركزه و لو سمعتي و ركزتي لازم في الاخر يا اما اطلع تافهه او مكبره الموضوع او كلامي مش مهم اصلاً…

زي بالظبط اليوم اللي كنت مضايقه فيه بسبب الامتحان شوفتي اني مكبره الموضوع و شوفتي ان انا و زمايلي كان لازم نسكت عن حقنا مهمكيش وجعي و لا همك تعبي و لا همك اني ممكن اشيل الماده بدل ما اتخرج بتقدير كويس و مش بس كده سمعتيني كلمتين مكانس ينفع اسمعهم منك حتي لو انتي معاكي حق تصدقي بالله انتي لو كنتي خدتيني في حضنك و قولتلي متزعليش و ان شاء الله ربنا هيعوضك انتي و صحابك و الله العظيم لو هشيل السنه كلها مش بس الماده ولا هيفرق معايا لاني هبقي عارفه اني لما هزعل هلاقي حضن اترمي فيه

نعيمه……هو انتي شيفاني وحشه اوي كده يا نسمه بجد يعني مش فاكره ليا اي حاجه حلوه شفاني قاسيه و بكبر المواضيع و بتاعت مشاكل كلي عيوب انتي مش فاهمه حاجه يا نسمه مش فاهمه المشاكل اللي بين امك و ابوكي اللي بتتكلمي عنها دي انتي واخوكي كنتوا اصغر و مش فاهمين انا اللي كنت شايله كل حاجه علي دماغي انا اللي كنت بحاول طول الوقت اهدي الدنيا بينهم عشان تبان قدامكم مشاكل عبيطه بتحصل في اي بيت

اه ابوكي وامك بيحبوا بحض احن اب وام في الدنيا محدش فيهم كان بيخنقنا و عايشين بحريتنا بس لو انتي شايفه مشاكلهم تافهه و كبرتي و نضجتب و حاسه انك شابفه مشاكلهم عاديه و بتحصل في اي بيت فا انا مشوفتهاش كده لان البني ادم طاقه لو طاقتك انتي يا استاذه نسمه تسمح بتحمل مشاكل اكبر فا انا طاقتي كانت خلصت و متحملتش ودي مش حاجه تعيبني كل بني ادم فينا ميقدرش يتحمل فوق طاقته واه طول عمري بدور علي استقرار و راحه لان انا الكبيره اللي المفروض شايله كل حاجه اللي المفروض بتحل مشاكل مش سنها طول الوقت في لحظه اتحولت من بنت المفروض عايشه سنها لبنت بتحاول تحل مشاكل اكبر من سنها بين اتنين متجوزين دخلت في مشاكل بينهم بقيت اشوف امك تزعل لاني مش واخده صفها و لما اجي علي ابوكي يزعل و يقولي انتي مش حقانيه تخيلي بقي في سنك ده بدل ما تعيشي و تتبسطي و تعيشي سنك مع بنات لسه قدك تدخلي في مشاكل اكبر من سنك بين اتنين متجوزين شويه يكرهوكي في الحواز والعلاقه و تشوفي مستقبلك من قبل ما يجي و يخلوكي حاسه ان لا اتجوز ايه انا كده احسن ما المتجوزين قدامي اهو مش اغراب عني دول ابويا امي مشكلتهم في الحياه واقفه علي ان هو ملهوش في الخروج و ده طبعه و هي مش عاجبها عايزه تخرج و تعمل معاه ميموري و تعوض سنين عمرها