لقاء كا,رثي
لقاء كار,ثي
عدي…..طيب تمام انزلي و شوفيها مالها
تقي …عدي و حياتي ما تقول لسليم علي الاقل عشان ميزعلش منها انها هتخبي عليه
عدي…..والله العظيم ما هقول حاجه متقلقيش
تقي….ماشي يا حبيبي
عدي…..انتوا هتروحوا بعيد
تقي…..لا هنقعد في اي مكان قريب هي هتعدي عليا
عدي…..تمام يا قلبي خدي بالك من نفسك و منها و انا لو سليم قال حاجه قدامي كأني عارف عادي انكم نزلتوا مع بعض
تقي…..تمام اتفقنا و هبقي اطمنك
عدي……ماشي يا روحي يلا باي
تقي…..باي
………………
نسمه كمان قفلت مع تقي و قامت طلعت لبس بسرعه و لبست و بعد كده اتصلت علي سليم و هي عماله تمسح في دموعها وحاولت تبان طبيعيه خدت نفس طويل و فضلت تتنفس بهدوء عشان تهدأ واتصلت
سليم……بابتسامه و هدوء اهلا بوووه
نسمه….بابتسامه بسيطه اهلا يا شلبي
سليم….وحشتيني
نسمه….وانت كمان
سليم…..ايه خلصتي كل اللي وراكي
نسمه….اه خلصت انا بس كنت بتصل عشان اقولك حاجه
سليم…..قولي يا قلبي
نسمه…..هو انا ينفع انزل يعني اروح لتقي نتقابل يعني
سليم…..ينفع بس في حاجه ولا ايه
نسمه….لا مفيش بس هنجيب حجات و ممكن نشوف هديه لليله كده يعني
سليم….طيب روحي يا حبيبي بس ممكن منتأخرش اوي الساعه داخله علي ثمانيه
نسمه….حاضر مش هتأخر
سليم…..انتي كويسه صوتك ماله
نزلت دموعها و سكتت ثواني
نسمه…..لا مفيش انا بخير
سليم…..بس صوتك مش بخير
نسمه….لا خالص انا كنت مريحه شويه بس و لما تقي اتصلت عليا كلمتك بس
سليم….ماشي ولو اني مش مصدقك بس اوك المهم خدي بالك من نفسك و نحاول يعني منتأخرش اوي
نسمه…..حاضر
سليم….ابقي طمنيني عليكي
نسمه …..حاضر هطمنك
سليم…..نسمه صلي العشاء قبل ما تنزلي
نسمه…..اوك هصلي الوقت
سليم……اوك يلا يا روحي باي
نسمه….باي
قفلت و فضلت تعيط و هي بتكمل لبسها و بعدين مسحت دموعها و حاولت تهدأ عشان لما تخرج امها متعرفش.
فتحت الباب و خرجت لقت نجلاء قاعده بتتفرج علي التلفزيون و مربعه ايدها بصتلها
نجلاء ….ايه ده انتي خارجه يا نسمه
قربت نسمه منها و قعدت جنبها وابتسمت ابتسامه بسيطه
نسمه…..اه يا ماما يعني هقابل تقي
نجلاء…..بضحكه بسيطه تقي برضوا
نسمه….اه والله العظيم هنروح نقعد مع بعض في مكان شويه و مش هتأخر
نجلاء…..ماشي يا حبيبتي بس متتأخريش
