لقاء كا,رثي
لقاء كار,ثي
ايمي وليله فهموا ان الموضوع مش مقلب و ان في حاجه بينهم كبيره كانوا واقفين بيحاولوا يسطيروا علي الموقف بس مش عارفين..
نعيمه…..انتي مش هتعرفيني اقول ايه ومقولش ايه
ليله….نعيمه اسكتي شويه
نعيمه….لحظه يا ليله عشان سلمي شكلها نسيت نفسها
سلمي……اه واضح فكريني بقي بنفسي يا نعيمه انا اللي بعمل مشاكل صح انا اللي بولع الدنيا انا اللي قليله الذوق انا اللي بتدخل في حياة الناس بطريقه زباله انا اللي لساني بينقط سم انا اللي بجرح صحابي و بضايقهم انا اللي بوجع الناس انا اللي معنديش رحمه ومعرفش معني الانسانيه انا اللي بياعه و بقلب علي صحابي و في لحظه معنديش مانع اخرجهم من حياتي لمجرد اني اتدخلت في حاجه متخصنيش عرفيني انا ايه بالظبط
ايمي…طيب نفهمممم حصل ايه مره واحده
نعيمه……ولما انا كل ده مصحباني ليه هاااا بتنافقيني
سلمي…..انا معرفش النفاق يا نعيمه بس للاسف كنت فكراكي اختي و صحبتي بعديلك مش بنافقك باقيه عليكي و علي خسارتك مش بياعه زيك
بره عند الشباب حسوا ان في صوت عالي في البدايه تجاهلوا و فكروا كلام ضحك بس الصوت بقي عالي و اشبه بزعيق صوت نعيمه عالي و صوت سلمي و واضح من صوت سلمي انها متعصبه اوي و في حوار و ايه عماله تقولها يلا نمشي
عسال…..اااا هو في صوت زعيق عند البنات ولا هما بيتكلموا وبيهزروا
حسان…..هو انا حاسس ان سلمي بتزعق اه
عشري…..اه لحظه اشوف في ايه بس شكلهم بيتكلموا
رشيد…..بص عليهم كده طيب
قام عشري بهدوء و راح علي المجلس بتاع البنات الصوت كان عالي اكتر خبط علي الباب و فتح بسرعه فا الصوت بره بقي اوضح وقفوا كلهم
عشري……بصدمه ايه ده في ايه
ليله…..معرفش معرفش
عشري….في ايه يا نعيمه
نعيمه…..ده ايه السواد اللي طلع جواكي ده والله كويس ان ده حصل عشان تباني علي حقيقتك
سلمي…..سوادي اناااااااا يا نعيمه كملت بضحكه صدمه انتي مش طبيعيه يا بنتي انا ببقي زعلانه منك و اول ما تقولي متزعليش بضحك و لو مقولتيش بشوفك بنسي مش بدخل مكان انتي فيه و مسلمش عليكي
نعيمه….والله انا حره مش عايزه اسلم عليكم انتوا ايه اللي مضايقكم السلام مش بالعافيه
عشري….في ايه يا بنات
دخلوا بسرعه الشباب اتصدموا
فضل……في ايه يا نعيمه
نعيمه…..انا حذرتك ودي اول واخر مره تتكلمي معايا انتي وهي و اي حاجه بينا من اللحظه دي انتهت واتقطعت وحتي شغلنا هسيبوا عشان ميشرفنيش ابقي معاكم في حاجه واحده
