لقاء كا,رثي

نجلاء….بابتسامه ماشي يا ستي تعالي هاتي بوسه بقي

ابتسمت نسمه و حضنتها اوي

نجلاء….كبرتي انتي كمان و بقيتي تحبي ايه عايزين تكبروني كلكم

نسمه…بضحك لا هتفضلي جميله وصغيره مش هنكبرك

نجلاء….ربنا يسعدك انتي واخواتك و يريح قلبكم و يطمني عليكم

نسمه…يارب ممكن بقي انا اعمل الاكل

نجلاء….هتعرفي و لا هتفضحينا زي اختك

نسمه…بضحك عيب عليكي يا نوجا يعني دي اول مره اعمل اكل اينعم يعني في شويه حجات مش بعرف اعملها بس اوعدك هتعلمها منك الفتره دي

نجلاء….بضحك ده واضح ان الموضوع شكله داخل في الجد و في حماس لوقفه المطبخ كمان

نسمه….بضحك و كسوف ااا يعني مش طول عمرك بتقوليلي لازم تتعملي و تبقي ست بيت انتي واختك انا بقي عايزه ابقي ست بيت

نجلاء….هتبقي احلي ست بيت وماشي هعلمك كل حاجه

نسمه …طيب يلا بقي بره و سيبيلي المطبخ خالص روحي لدولا وخدي الشاي معاكي

نجلاء….ماشي يا قلبي

ابتسمت نجلاء و خدت الشاب و خرجت

ابتسمت نسمه و حطت السماعات في ودنها تسمع اغاني و وقفت تعمل الاكل وكان عندها طاقه كبيره اوي و قررت تعملهم حاجه حلوه كمان شويه وسمعت صوت اشعار رساله بصت علي الموبايل لقت سليم.

سليم….القمر بتاعي بيعمل ايه وحشتيني علي فكره

نسمه….بايتسامه سندت ضهرها علي الحيطه وانت كمان انا بعمل الاكل

سليم….ايه ده ايه ده طب مش هتدوقيني

نسمه…..ياريت ينفع بس اوعدك لما ينفع هدوقك واكون اتعلمت اكتر كمان

سليم….لسه بنتعلم شكلنا

نسمه…بضحك مش اوي يعني بعرف بس في حجات هتعلمها متقلقش

سليم….يعني لما نتجوز هاكل اكل حلو

ابتسمت نسمه و وشها احمر و سكتت

سليم…..طبعا بتضحكي و مكسوفه و وشك احمر بس اه يعني مستغربه ليه ما احنا هنتجوز

فضلت تضحك ومش عارفه ترد عليه

سليم….بضحك طب هلاص خلاص هسكت صليتي

نسمه…..بابتسامه الحمد لله صليت والله

سليم….بضحك رديتي يعني كان معايا حق مكسوفه

نسمه….بضحك سلييييييييييييم

سليم….بضحك طب خلاص خلاص انا اسف بس برضوا هتجوزك

نسمه….بضحك طيب انا مش هرد عليك صليت ولا لا

سليم….صليت طبعاً و دعيتلك كمان دعيتيلي انتي بقي

نسمه…..والله العظيم دعيتلك

سليم…طيب دعيتلي بايه

نسمه….دعيتلك تحقق احلامك اللي قولتلي عليها

سليم….احلام ايه

نسمه….انك تروح تحج مع بباك و مامتك و دعيتلك تفتح المشروع بتاعك انتي وعدي و ربنا يوفقكم