لقاء كا,رثي

مشكله تافهه صح عندك حق اه كانت طول الوقت استمرت كتير اوي بس الشهاده لله هي تافهه بس كمان تكرهك في الجواز والعلاقه لما مشكله تافهه زي دي مستمره من سنين و مش بتتحل امال اما اتجوز و اتعرض لمشاكل اكبر من كده هعمل ايه و مع كل ده قررت اني اشوف حياتي و اتخطبت لواحد بتاع امه مبيعملش خطوه غير باشاره منها

خدتها من قاصرها وبعدت و قررت استقر عشان متأثرش بمشاكلهم و شوفت حياتي اللي انتي جايه الوقت و عايزه تبوظيها بمشاكل جديده في بيت عيله تفتكري بقي انا حمل مشاكل تاني انا حياتي بايظه لوحدها يعني مش متحمله فهمتي بقي يا نسمه اننا زي بعض لو انتي شايفه اني عمري ما كنت قريبه

انا كمان طول عمري لوحدي و مكانش حد قريب مني و كنت الكبيره كمان علي الاقل انتي ليكي نادر قريب منك و بيعوضك عن اختك القاسيه الوحشه اللي مبتسمعكيش الانانيه

نسمه….بدموع مش صح يا نعيمه و لو قولتي كده يبقي مفيكيش خير لان انتي ربنا رزقك ببنات اجدع من ميت راجل بيحبوكي بجد و عمرهم ماسابوكي وحيده علي الاقل انتي كنتي بتلاقي اللي تتكلمي معاه انما مكانش ليا غير نادر زي ما بتقولي بس انتي شكلك نسيتي ان نادر ولد

يعني مهما اتكلمت معاه في حجات هحتاج فيها اختي مش اخويا هحتاج بنت زيي زيها تفهمني لان مش كل حاجه هقدر اقولها لاخويا و الدليل اهو ان نادر القريب مني مروحتش حكيتلوا عن مشاعري جريت علي اختي اللي كنت فاكره انها هتفرحلي تنصحني تقولي اعمل ايه ومعملش ايه بس للاسف اختي دي طالبه مني اسيب الشخص اللي حبيته عشان هي تبقي مبسوطه
بس اسفه يا نعيمه مش هقدر المرادي اقول حاضر و طيب و نعم لان معندكيش سبب مقنع يخليني اسيب الشخص ده عشان ارضي اختي اللي للاسف استكترت عليا انا فرحتي مش انا اللي استكترت عليها فرحتها..

مسحت دموعها و قامت

نعيمه…..استني هنا

وقفت نسمه و بصتلها وهي كل حته في جسمها بتترعش من الحزن و الزعل

نعيمه…..يعني ايه ؟ يعني ناويه تكملي

نسمه…..اه يا نعيمه ناويه اكمل

نعيمه…..هتكملي حتي لو انا مش راضيه عن العلاقه دي

نسمه…..اه يا نعيمه لان دي حياتي مش حياتك و ده كفيل يثبتلك ان حياتي منفصله عن حياتك و متقلقيش يوم ما يبقي عندي مشكله مش هقولك الحقيني و لا هدخلك في مشاكلي و اوعدك هتبقي اخر حد يعرف اصلا المشكله و هتعرفيها بعد ما تكون اتحلت او انتهت يعني زيك زي الغريب عشان حياتك تهمني و عشان مخربش عليكي يا اختي