لقاء كا,رثي
لقاء كار,ثي
تقي…….الوووو
نسمه…..ايوه يا تقي
تقي…..ايه يا قلبي عامله ايه
نسمه…..تقي هو انا ينفع اعدي عليكي و نخرج نقعد شويه مع بعض
تقي……بغيظ لا يا شيخه و انا هصدقك تاني يا واطيه خدي بالك انا سيبتك بمزاجي عشان اتصالحت انا وعدي بس وربنا لو مكنتش اتصالحت كنت نطيت في كرشك
نسمه….بدموع والله مش بكدب عليكي الموضوع ملهوش علاقه بعدي
تقي……ايه ده بت انتي بتعيطي و لا صوتك نايم و لا تعبانه
نسمه….بدموع تقي انا محتاجه اتكلم معاكي
تقي…نهار اسود انتي بتعيطي بجد فيه طيب حصل ايه
نسمه….لما اشوفك هحكيلك
تقي ….لا ما انا مش هعرف استني و انا قلقانه عليكي كده طمنيني فيكي ايه انتي متخانقه مع سليم او حصل بينكم حاجه
نسمه…لا لا الموضوع ميخصش سليم خالص هو يخص نعيمه اختي
تقي…..مالها نعيمه فيها ايه
نسمه …مفيهاش حاجه بس شدينا شويه و انا محتاجه اتكلم معاكي بس مش عايزه حد يعرف و ياريت يعني متقوليش لعدي انك نازله تقابليني عشان مضايقه يعني قوليلوا هنقعد غي مكان هنجيب حاجه لاني هقول نفس الكلام لسليم
تقي…..طيب طيب اهدي بس والنبي و متعيطيش هتعدي عليا و لا اشوفك فين
نسمه….لا هعدي عليكي انا هقوم البس علي طول يعني نص ساعه او ساعه الا ربع بالكتير واكون عندك
تقي…..طيب يا قلبي خدي بالك من نفسك
نسمه…..حاضر باي
تقي….سلام..
…………
قفلت معاها تقي واتصلت علي عدي
عدي……الوو ايه يا حبيبي
تقي…..ايه الاخبار
عدي…..كله تمام في الشغل اهو انتي بتعملي ايه
تقي…..ولا حاجه بس يعني انا كنت بكلمك عشان اقولك اني نازله مع نسمه
عدي…..رايحين فين؟
تقي……هشوفها و نقعد مع بعض شويه
عدي…..ماشي بس كده مره واحده مقولتيش يعني
تقي….طيب ممكن اقول الصراحه بس توعدني متفتنش
عدي……بأبتسامه و هو انتي عايزه تكدبي عليا و الله اطير رقبتك
تقي….بضحك ياعم بقولك هقول الصراحه
عدي….ماشي مش هفتن
تقي……انا معرفش نسمه مالها بس منهاره من العياط و طلبت تشوفني و تتكلم معايا بس يعني هي مش عايزه سليم يعرف او بمعني اصح هتقول انها نازله تقابلني عادي
عدي…..هما في بينهم مشكله ولا ايه؟
تقي…..لا شاده شويه مع نعيمه اختها و محتاجه تفضفض معايا واكيد مفيش لزوم سليم يعرف مشاكلها مع اختها فاهمني اكيد
