لقاء كا,رثي

نعيمه….بابتسامه بصتلها في ايه حب

نسمه…. بابتسامه هزت راسها اه

نعيمه …منك ولا منه

نسمه…..هو مني بس مكنتش وقتها عارفه هو منه كمان ولا لا بس عرفت بعد كده بس يعني كان باين علي نظراته كلامه اهتمامه كده يعني

نعيمه….اه يا سوسه و ساكته بتخبي عن اختك

نسمه….مقدرش والله بالعكس انا كان نفسي احكيلك اوي و مصدقت اصلا انك حابه تسمعي انا اكيد كنت هقولك بس كنت مستنيه اتأكد

نعيمه….واتاكدتي

نسمه…..اه اتأكدت

نعيمه….زميلك ولا ايه اوعي يكون قدك هتقعدي جنبه سنه

نسمه….بأبتسامه لا لا زميلي ايه انتي تعرفيه علي فكره

بصتلها بابتسامه و استفهام

نعيمه….اعرفوا ايه حد يعني قريب مننا؟

نسمه….بابتسامه هزت راسها اه بس يعني انا مش عايزه اقول الوقت لماما ولا اي حد

نعيمه….طيب مين قولي مش هقول اكيد

نسمه….بابتسامه مش عايزه تفكري شويه طيب

نعيمه….امممممم بصراحه مش عارفه لا قولي انتي

نسمه….بابتسامه سليم

نعيمه….بابتسامه هاديه سليم مين؟

نسمه…. سليم يا نعيمه اخو عشري

بصتلها نعيمه بصدمه و اختفت ابتسامتها بهدوء

نعيمه….سليم اخو عشري انتي بتهرجي طبعاً صح

نسمه….بابتسامه بريئه لا والله العظيم هو سليم اخو عشري

نعيمه…..ازاي و حصل امته اصلا

نسمه….يعني لما كنت بروح اودي الشغل قربنا شويه من بعض و السفريه قربتنا من بعض اكتر الكام مناسبه الي حصلت برضوا قربونا من بعض و لما سافرنا كنا بنتكلم كتير حسيت انه مهتم بيا و تفاصيل كتير حصلت قربتنا من بعض بنتكلم في الموبايل بيسأل عني ديما كانت العلاقه في الاول زي صحاب بس مش صحاب اوي يعني وبس اعترفلي و انا كمان قولتوا و اتكلمنا وبس

نعيمه…..واشمعني سليم يا نسمه

نسمه….بضحك يعني هي الحجات دي مفيهاش اشمعني اكيد في رابط بينا حبيته بجد

نعيمه…امته يا نسمه السفريه احنا كنا معاكم فيها و كنتوا بتتكلموا عادي زي ما بتقعدوا مع الكل و الكام موقف اللي بتتكلمي عنهم دول ميخلكيش يعني تحبي سليم

نسمه…..بالعكس و بعدين انا بقولك في تفاصيل كتير بينا

نعيمه….تفاصيل ازاي يعني نسمه هو انتوا اتقابلتوا خرجتوا و لا كل ده في الموبايل

نسمه….بابتسامه و توتر بسيط اااا بصراحه اتقابلنا مرتين تلاته غير السفريه و كده

نعيمه…..وانتي ازاي تعملي كده

نسمه… يعني ايه