لقاء كا,رثي
لقاء كار,ثي
اتجوزت ثلاث مرات اول جوازه ليها كانت في 2016 من راجل اكبر منها ب25 سنه كان تاجر كبير انفصلت و بعدها بسنه اتجوزت شاب من سنها قعدت معاه سنتين ورجعت انفصلت تاني في اخر 2019 و بعدها بحوالي سبع شهور اتكتب كتابها بس انفصلت بعد اسبوعين
سلامه…..يخربيتها دي مبتضيعش وقت
نادين….بابتسامه كملت اااا بعده كده سرحت شويه بتقرا الشات اااا بعد كده رجعت لجوزها الاول في 2021
سلمي….اللي هو أكبر منها
نادين….اه نزلت اشتغلت معاه و كانت معروفه اوي واضح ان جوزها ده كان بيحبها لانه مسكها شغله كله و بس اتوفي و هو معاها في 2023
ورثت منه بقي كل حاجه و مكتوب كمان ان في ناس بتقول انها خدت منه كل حاجه بالتوكيل اللي كان معاها و في مشاكل وقضايا بينها وبين ولاده كان عنده بنتين و طبعا مفيش حاجه تثبت حقهم لان كل حاجه خدتها منه بيع وشراء و هو عايش هي تقريبا 40 سنه بس واضح انها مسيطره جدا و ليها اسم و الناس بتعملها الف حساب جوزها كان عنده عماره في الازهر بتاعت اقمشه و من الواضح انه كان الكبير في المجال ده وهي طبعا كملت بعده و في املاك تانيه ورثتها غير الفلوس
و بالنسبه لاخت نغم هي فعلا ماتت منتحره ده اللي مذكور
سلمي….يعني اللي قالتوا نغم طلع صح
نادين ….اه لحد كده هي صادقه في كل كلمه و واضح ان الست دي مش سهله
فضل….طيب و دي هتقدر عليها ازاي بسنها ده و واضح كمان انها عندها معارف و مسيطره يعني مش هتغلب
ليله….القانون يجيب حقها لو اتثبت ان العلاقه دي كانت موجوده قبل موت اختها هيروحوا في داهيه طبعاً ربنا معاها يارب و ان شاء الله الموبايل يتصلح و اكيد زي ما ابمي قالت لو احتاجت محامي واسطه احنا معاها
سلمي…..خير ان شاء الله
رجعوا اتكلموا في حجات كتير ووغيروا الموضوع و قعدوا يضحكوا ويهزروا و قامت ليله مع چوي و ايه ونادين جابوا حلو و مشروبات و قعدوا تاني.
ايمي…..لولي يلا افتحي الهدايا
ليله….بابتسامه اه صحيح ايه بقي اكل الشنط دي
ايمي…بصي بقي اولا انا حاطه الهدايا في الشنط دي عشان الرياكشن بتاعك لما تطلعي يبان قدام الرخمين دول لانهم كانوا معترضين
ليله….معترضين علي ايه
ايمي…..علي الهدايا يقولولي لا لا نجيب حاجه احلي لا لا يبقي فلوس احلي قولتلهم انا عارفه ليله هتحب ايه اكتر
