لقاء كارثي

لقاء كارثي
أميره أسامه
صاحبة البطل الواحد

. البارت المئه 161.

………………………….

الذكريات عمرها ما كانت مجرد مواقف عدت

دي الحاجات اللي بتفضل شايله روحنا حتى بعد ما الأيام تتقل فوق كتفنا.

أغنية قديمة ممكن ترجعنا لشخص كان الأمان كله ريحة معينة ممكن تفكرنا ببيت زمان وضحكة ناس اختفوا ومكان عادي جداً يبقى عندنا أغلى من الدنيا عشان فيه جزء من قلبنا متساب هناك.

الغريب إن الذكريات مبتستأذنش وهي راجعة تيجي فجأة من كلمة من لحن من صوت شارع بالليل

فتخلينا نبتسم وإحنا موجوعين أو نتوجع وإحنا فاكرين إننا نسينا.

وعشان كده الأغاني عمرها ما كانت مجرد كلام ولحن دي صناديق صغيرة مخبية جواها أعمار كاملة
كل ما نسمعها نرجع لنفس الشعور ونفس الناس ونفس النسخة القديمة من روحنا.

(نوستالچيا )
………………

عشري قوم سامح جوز قمر و احمد يقفوا معاهم قمر و اميمه مرضيوش يقوموا كانوا مكسوفين بس قاعدين مبسوطين

الدي چي….يلا هنبدأ بس خلينا نبدا كده بحاجه خفيفه في الاول و هبعتلكم كل فريق مايك هنشغله بس واحنا بنقول اسم الاغنيه و بعدين نقفلوا عشان الصوت بتاع

بعت شاب تاني بسرعه كل فريق خد مايك..

الدي چي….طيب عايزين قائد لكل فريق يعني عايز اسم شاب من فريق الشباب واسم بنت من فريق البنات

ليله…..العريس والعروسه طبعا

سلامه…..الشباب فريق ميدو والبنات نادين

نادين كانت مبسوطه و متحمسه جدا

الدي جي….يلا هبدأ

شغل اول اغنيه الكل ركز مكانش حد عارف موسيقتها و بالاخص الشباب.

البنات كمان فكروا شويه و قبل الاغنيه ما تبدأ..

تقي….اااااا استني شفت معاه الهنا

الدي چي….اول نقطه للبنااااااات

البنات…اووووووووه

ضربتها نسمه بالكف
و الشباب وقفوا يبصوا عليهم وهما بيرقصوا علي الاغنيه بغيظ

سلامه…..عادي ولا بيهمنا

مسكت تقي ايد نادين ترقصها علي كلمات الاغنيه و البنات كلهم كانوا بيرقصوا وعمالين يغيظوا في الشباب.

شغل جزء بسيط من الاغنيه و بعدين دخل علي اللي بعدها.

الكل ركز

عسال…اااا عارفها والله

رحاب…..مصطفي قمر السود عيونه

الدي چي….تاني نقطه

البنات….اوووووووه

ضربت ليله كفها مع رحاب

حست رحاب انها انجزت و كانت مبسوطه و متفاعله نعيمه كانت واقفه جنبها هي و باقي البنات و عمالين يرقصوا ومبسوطين والشباب هيموتوا من الغيظ