لقاء كارثي

و لما حجز الفرح ميدو يوميا بيكلمني ياكد عليا متابعني في كل حاجه بيحاول يعمل اللي يقدر عليه عشان يفرح نادين و دي انا حسيتها جدا هو مش بيعمل مجرد مفاجأة وخلاص لا هو بيعمل حاجه تفرحها بجد فا ميدو انا بحبه و بعتبره ابني و شهادتي فيه مجروحه لاني لمست في كل مره حبه لبنتي و انا ام و ليا نظره و ميدو بجد يستاهل كل خير

عاصم….شيرين معاها حق ميدو شاب محترم و طيب و جواه نضيف بجد ربنا يسعدكم و يوفقكم في حياتكم يا حبايبي

عشري الكبير…. اني ودي أقول كلمة والحق أقول إني فرحان من صميم قلبي يوم شفت هرجكم الزين لبعض ومبسوط لهالمحبة اللي بينكم كلكم والله إني من كل قلبي أدعي ربي يديم ودكم ومحبتكم ويچعل الفرح والهنى ما يفارق دربكم ويطرح البركة بعمركم وحياتكم يا رب.

وأما سالفة العمر يا نادين يا بتي أبي أقولك هرجة زينة تحفظينها و ما تنسينها

نبينا الزين عليه أفضل الصلاة والسلام السيده خديجة رضي الله عنها كانت أكبر منه بسنين وما كان فرق العمر يوم من الأيام عيب ولا نقص خصوصاً لا كان الرچال اللي معك رچال صدق كفو وسند وظهر

وقتها والله ما عاد تذكرين من الكبير ومن الصغير بتحسين إنك متكية على جبل ما يهتز.

واللي بين المرة والرچال ترى أكبر بكثير من سالفة عمر وسنين العمر ما له مكان إذا سكر الله عليكم باب واحد وصرتوا لبعض وقتها الروح تنشغل بالمودة والرحمة والونس والسند وتنسى سوالف الناس وكلامهم.

إنتي معك رچال والنعم فيه متربي زين ومحترم ويعرف كيف يصون حرمته ويقدرها ويشيلها بعيونه وذا ماهو شرط رچال كبير بالعمر وهو ما يعرف يتحمل مسؤولية ولا كل مره كبيرة يعني تقدر تفتح بيت وتصونه.

كم من بنيات صغار شالوا حمل ما شاله حريم كبار وكم من شباب صغيره فتحوا بيوت وكانوا أرجح وأكفى من رچال شيبان وخايبين لا تحسبينها بالعمر يا بتي احسبيها بالعقل والرجولة والخوف على الحريم.

افرحي وانبسطي وأنا والله انبسطت أكثر يوم قلتي إنك ناسية فرق العمر وذا يدل إن ميدو كان قد المسؤوليه وكسب قلبك وعرف يحتويك زين.

اطمني على باقي عمرك معاه ولدنا رچال وبيصونك ويكرمك إن شاء الله وأبي أقولك بعد إنك كيف القمر والله العظيم وأنا ما أحلف بالزور يمكن كنت أدري إن ميدو أصغر منك بس والله إني ناسي هالسالفة ما رجعت ببالي إلا يوم قلتيها الحين لأنكم صرتوا كيف بعض حتى الأرواح خذت من بعضها وصارت متآلفة