لقاء كارثي

رشيد… بضحك ضربه علي راسه سلخت ايه يا حيوان عامل في رجلي عمليه

مصطفي……طيب يلا خلونا نلعب بقي و واحنا قاعدين عشان عم رشيد بما اننا يعتبر في رحله بقي هسأل البنات كده سؤال وتجاوبوا بصراحه

ايمي…اسأل يا سيدي

مصطفي…مين اكتر واحد فيكم و انتوا رايحين رحله بيفضل يسأل كل شويه و صلنا ولا لسه ؟

ضحكوا و بصوا لنعيمه

ايمي…..نعيمه

مصطفي….بتزهقي

نعيمه…..بضحك مش زهق بس معرفش بحب اعرف فاضل قد ايه

ايه….بضحك نعيمه اهم حاجه عندها التويلت فا بتبقي كل شويه عايزه تطمن عشان تدخل التويلت

نعيمه….بضحك الله يفضحك

نادين….ايوه نعيمه في السفر بتقلق من حوار التويلت فعلا

مصطفي…طيب حلو بصوا هنشارك بعضنا كلنا عن عشري عايز اسالك سؤال

عشري الكبير ….بابتسامه أسال

سلامه….بضحك سؤال حلو عشان ميدورش فينا الضرب

مصطفي….بضحك لا والله سؤال عادي عم عشري حضرتك بتسافر عموما صح حتي لو جوه مصر

عشري الكبيره….ايوه كتير

مصطفي….طيب ايه اغرب حاجه خدتها معاك في السفر قبل كده

علي…..حلو ياض السؤال ده اعترف يا كبير

عشري الكبير…كيف يعني اغرب شي

مصطفي….يعني حاجه مش متعود تاخدها ولاقيت نفسك حاطتها في الشنطه

عشري…..امي اللي بتحضرلوا شنطته

عشري الكبير…..ايوه صح بس اه خصل في حاجه خدتها معايا و معرفش والله خدتها ليه

مصطفي….بابتسامه ايوه ايه بقي

عشري الكبير….بابتسامه و بعدين ضحك

علي….خدت ايه يا حاج اعترف لعبت بديلك

ضحكوا كلهم

عشري الكبير…. بابتسامه بص لمصطفي لا والله شوف تعرف الطاسه

ضحكوا كلهموا علي عشري

مصطفي….بضحك الطاسه بتاعت القلي

عشر الكبير…..ايوه بس الصغيره اللي نسوي فيها بيض

مصطفي…بضحك بصلهم وهما بيضحكوا اه عارفها

عشري الكبير….هي هاذي كنت طالع سيناء و انا بحب اكل فيها البيض و باكل فيها مش في الطبق يكون البيض سخن اكل منها علي طول و هناك كنت بعرف مافي طاسه حطيتها في الشنطه كانت صغيره يادوب تاخد بيضتين و ما سويت فيها شي و ما بعرف ليش اخذتها بس وقتها اخذتها معي بس

مصطفي…..بضحك بص لعلي الحمد لله طلعت طاسه طب وانت يا عم احمد ايه اغرب حاجه خدتها في سفر

احمد….بابتسامه هو انا بقالي كتير اوي مسافرتش بس زمان لما كنا نسافر و هما الولاد صغيرين كنت انا ومراتي الله يرحمها اول حاجه كنا نحطها في شنطه السفر شويه جرايد حلوه