لقاء كارثي
لقاء كارثي
سليمان….صح جدا انا كده اوي
ليله…..بابتسامه المهم محدش يكون فهمني غلط
سليمان….لا خالص والله
سليم…..انا فهمتك والله من اول مره
مصطفي…….طيب مين تاني غير سليمان بيتفهم غلط
ايمي….. نعيمه
ابتسمت نعيمه و رفعت حاجبها
سلمي…اه نعيمه جدا
نادين….نوني
ايه….واحد كنان نوني
ليله…..صح نعيمه
مصطفي….بضحك عملتي ايه انتي
نعيمه…..بضحك انا قاعده قدامك اهو منطقتش
ايمي….بص هقولك حاجه و مش ببالغ و محدش منهم هيخالفني الرأي
اطيب قلبين فينا و بجد من غير مبالغه نعيمه و ايه
ايه….بضحك الله يسترك
سلامه….دي طيبه دي
ايه …بضحك يا عم انا جيت جنبك
ايمي……لا بتكلم جد والله بص هقولكم حاجه طبعا انا مش هشكر في نفسي بس انا طيبه مع الطيب بصراحه ليله زيي سلمي زينا نادين كمان و يمكن نادين برضوا اكتر هي بتبقي طيبه مع الكل بس اللي اقصدوا الطيبه موجوده بس احنا الاربعه غيرهم شويه
نعيمه مشكلتها انها بتدي فرصه للي قدامها يفهما غلط انه وحشه او شريره او طبعها صعب مش عارفه افهمهالكم ازاي بس هييي اممم
ايه….بضحك دبش
ابمي…. بابتسامه اهو مش عايزه اقولها بس ايه قالتها نعيمه مشكلتها لسانها ديما موديها في داهيه مش بتعرف تزين الكلام
علي….بضحك مدب زيي يعني
ايمي….اه بتدب وترزع اي حاجه مممكن اللي قدامها يفكر انها شخصيه tough ناشفه في التعامل يعني مع ان هي هبله وعلي الله حكايتها وطيبه جدا ممكن تخلي الناس تنفر منها من اسلوبها و هي مش كده بس اللي عارف نعيمه و اتعامل معاها عارف انها قلبها ابيض وطيبه جدا
سليم……هي صريحه ممكن
ايمي…..لا مش حكايه صراحه يا سليم هي بتخرج الكلام بدبش يعني انا صريحه بس ممكن اقولك مثلا سليم اللون حلو عليك بس اللون اللي كنت لابسه المره اللي فاتت كان اخلي نعيمه بقي ايه القرف اللي انت لابسه ده
ضحكوا كلهم و نعيمه فضلت تضحك
ايمي…..فهمت هو بيبقي قرف فعلا بس الطريقه غلط احنا بقينا نتقبلها عارفين ان نعيمه دبش بس اي حد غريب بيقفل منها و بيشوفها وحشه بس هي احلي واجمل قلب فينا
نعيمه….بصحك بعد ايه بقي
ايه….مسرح محترم
ايمي…..مش مسرح واللع انا بس بحاول اوضح لو حد.هنا خد موقف من نعيمه فا نعيمه مفيش اطيب ولا احن منها علي فكره اكتر حد فينا صريح و جرئ و يقولك في وشك اي حاجه ليله بس برضوا ليله صراحتها علي قد ما بتبقي شديده ليها طريقتها فهمت
