لقاء كارثي

عادل…..بابتسامه صراحه انا طول عمري مقصر في حوار السفر ده يعني حتي لما كنت بسافر مكنتش بسيب البيت و نجلاء الله يسعدها ويديها الصحه هي اللي كانت بتشيل هم الولاد و فسحهم غصب عني الشغل كان مرهق جدا كنت ما بصدق ارتاح بس اكتر مره اتبسطت فيها سافرت انا وهي من فتره كده الاقصر واسوان و اتبسطت اوي

نجلاء….بابتسامه دي حقيقه كانت سفريه جميله

علي….بس ارهاق الشغل والسفر يا عم عادل بيهون باجازه و فسحه وسفريه حلوه

عادل….في الحقيقه انا اصلا بحب البيت اكتر بحب جو البيت والعيله و الدفا والهدوء يمكن ده مش حلو و يمكن بعد اخر سفريه حسيت الاحساس ده كان لازم اسافر واخرج و اخرجهم بالاخص نجلاء هي طول عمرها شايله عني كل حاجه

ابتسمت نجلاء بهدوء و طبطبت علي كفه بحب

بصتلهم نعيمه بهدوء

عادل…..الراجل اللي مش بيحب الخروج بيبقي صعب عليه تقنعه بخروجه علي فكره هما كانوا بيخرجوا و اوقات كنت بروح معاهم بس انا ليا دماغ و بصراحه نجلاء اتحملتني كتير اوي

نجلاء…..هو بصراحه عمره ما قصر معانا علي فكره كان بيحصل بينا مشاكل كتير اوي بسبب الخروج ده بس مع الوقت بقيت اتأقلم هو ده طبعه عادل فعلا مبيحبش الخروج

ساره…طيب و حضرتك مكنتيش بتضايقي

نجلاء….لا ما انابقول كان بيحضل مشاكل بس خدي بالك انا كنت ببقي عارفه تعبان و عارفه ان ده طبعه بس انا كان بيبقي نفسي بعد الوقت اللي سافره ده يرجع واخرج انا وهو كده يعني بس الوقت بنخرج كتير و عايزه اقولك حاجه الوقت لما بيقولي ما تيجي ننزل نتمشي شويه اقولوا مش قادره

رشيد….بضحك الممنوع مرغوب

نجلاء….بضحك كنت بحب انكشه بصراحه بس شكلي انا اللي اتعودت علي الراحه

ايمي…..بضحك جيتلها بعد ما تابت يا دولا

عادل ….بضحك اه والله شكلي كده جيت متأخر بس علي مين هزن و هنكش فيها زي ما كانت بتعمل فيا

ضحكوا كلهم

عشري الكبير….علي فكره انا مثلك ما احب الخروج بس ما اقدر اجلس في البيت يعني بس اروح الكافيهات اقعد اتابع الشغل لكن خروج و طلعات ما احبها

ليله…..حابس امونه يغني يا عشورتي

عشري الكبير…..بابتسامه لا والله دي الغاليه هي تعرف ما برفضلها طلب وانا اللي بقولها تغير جو بس هي طبعها كيف طبعي تحب البيت

امينه…..انا بحب اقعد و اشوف ولادي حواليا و مرتاحين و حريمهم وعيالهم بخير بالدنيا وما فيها هو كتير يقولي نروح نخرج نيجي مبقدرش