لقاء كارثي
لقاء كارثي
فا انك تدافعي عن دينك و دين بنتك دي مش حاجه عيب ولا حرام ده حقك يا ماما بس لو في تقصير من اي جهه تعليميه بخصوص الدين فا انتي ولادك امانه علميهم انتي و فهميهم الصح من الغلط عرفيهم دينهم عشان متقصريش في حقهم
علي….بابتسامه زوزو مش بتفكري تفركشي مع حماده
ضحكوا كلهم علي علي
علي…بضحك بجد انتي ازاي كده قمر والله
خماده….بضحك عرفتوا بحبها ليه
ايمي….بحب دي روح قلبنا دي
عمر….علي فكره لما هزرتي معاها من شويه انا اتصدمت و خوفت تكون زعلت بس بعد كلامها ده عرفت انها بجد ست جميله الله يديكي الصحه ويخليكي ليهم يارب
ماريز….يا حبيب قلبي الله يسعدك انت و حبايبك كلهم
عشري…..بابتسامه زوزو دي قلبي والله
سليمان….لحظه بس هو حضرتك مسيحيه
ايمي……بضحك صباح الفل
عمر….بضحك مش قولنالك بينسي
سليمان….بصدمه لا استني والله ما اخدت بالي حتي من الهزار
ايمي….بضحك صباح الفل يا سليمان انت ولا مره عرفت من عشري او فضل
سليمان….والله العظيم ولا مره يعني مصادفش انهم قالوا كده قدامي
ماريز…. بابتسامه لا مسيحيه
سليمان……بابتسامه كيف يعني ماشاء الله عليكي مش قصدي والله بس ديما المسيحين بيبان عليهم انهم مسيحين انا علاقتي حلوه بيهن والله بس اقصد ليكم روح مختلفه لكن حضرتك لا و الله اتصدمت
عادل….. زوزو دي يا سليمان الفاكهه بتاعتنا احلي لمه و احلي صحبه و احلي قاعده تلاقيها في بيتها ست جميله بجد تحب الناس متحسش بغربه في بيتها وتحس انك صاحب بيت تحس انها منك تحس انها بتحب الكل من قلبها كلنا مسمين بيتها بيت العيله
وليد…..دي حقيقه والله زوزو انا بعتبرها امي التانيه جميله وحنينه و تدخل القلب من غير استاذان
ماريز…..بابتسامه سامعه يا ام لسان طويل حبايبي ربنا يخليكم ليا و يارب ديما مع بعض علي طول
ايمي……بحب انتي روح قلبي يا زوزو
ليله……بس لسانها عايز قصه
ماريز….بضحك اهي فاقت ام لسان طويل التانيه
ليله….. بضحك بموت فيكي والله
مصطفي……طيب قولي ايه الحاجه التانيه
ليله….انت لسه فاكر هخلي في ماده اساسيه كمان لتعليم الاشاره يا سيدي ارتحت
مصطفي….اشاره ازاي ؟
ليله….الاشاره الناس اللي مش بتسمع عادي يعني عشان يحسوا اننا بنعرف نتواصل معاهم عشان نفهمهم و ميبقوش مضايقين من فكرة اننا مش فاهمينهم اصلا الاشاره دي لغه العالم مش الانجليش روح اي بلد مش فاهم فيها كلمه هتسلك بالاشاره فا ليه احنا مندرسش الاشاره في المدارس و تبقي زي ماده تخلي الاطفال طالعين عندهم روح حلوه لمساعده بعض من غير تنمر او انك تحسس طفل انه غريب عنك فا لغة الاشاره مهمه بجد
