لقاء كارثي

الله يسعدكم ويجمع قلوبكم على خير ومحبة ويفرحنا بفضل ونعيمه وباقي العيال يا حبايب القلب.

ليله….بهمس هقوم ابوس ابوك وهفضحك محدش فيكم يتكلم قدامي باللهجه دي

عشري…بضحك وحياة امك اظبطي يابت

نادين…بابتسامه بجد شكرا لحضرتك و متقلقش انا خلاص مبقاش فارق معايا حتي لو مش ناسيه

عشري الكبير…..بابتسامه جدعه اتبسطي و افرحي و فرحيه عشان بيحبك بجد

عسال….بضحكه جميله انت حبيبي والله ربنا يديك الصحه ويخليك لينا

عشري الكبير…..الله يسعدكم كلكم يارب

مصطفي…. بابتسامه و طريقه مضحكه هو انا حاسس انه كلام حلو بس انا مفهمتش حاجه

سلامه….بضحك امال لو شوفت فضل وعشري وهما متعصبين و بيتكلموا كده

ايه….بضحك بس غريبه انا حاسه اني فهمت

حماده….بابتسامه والله وانا فهمت

علي….بضحك بيقول يعني ان مفيش حاجه اسمها فرق سن و بيدعيلهم بس كده

مصطفي…..بضحك انت اختصرت كتير خد بالك

علي….بضحك بلخصلك الحوار و علي فكره بقي لهجتنا سهله مش صعبه في بدو ميتفهموش خالص

مصطفي…..هما البدو مش كلهم بيتكلموا زي بعض

علي….لا طبعاً كل قبيله ليها لهجتنا و كل بلد ليها لهجه

عمر….في ناس من البدو القدام اللي هما اصل البدو ما تفهمهم اصلا اللي يغهم عليهم البدو عموما لكن لو اي شخص عادي ما يفهم لغواهم صعب تفهمهم

مصطفي…..بضحك انا مره روحت چيم قولت اجربوا يوم ولا اتنين لو عحبني هشترك لقيت فيه ثلاث شباب صحاب كانوا من سني بس باين عليهم انهم من النوبه اسوان والله ما عارف منين بالظبط المهم من وقت ما دخلت وهما باصين عليا و بيضحكوا الاول ضحكتلهم بعد كده قولت لا في ايه هيرشونوني بدأوا بقي يتكلموا مع بعض و اتكلموا بلهجه غريبه كنت رامي ودني بس اني افهم كلمه يعني عم عشري سقط شويه كلام وفهمت الباقي انما دول مفيش كلمه مفهومه

حسان….دول غالبا اهل النوبه عندهم لهجه هاصه بيهم محدش اصلا بيفهمها غيرهم اسوان والاقصر بيتكلموا صعيدي

تامر…ايوه هي لهجه نوبيه خاصه بيهم كان معايا مهندس شغال بس مشي يعني بس كان جميل اوي و كان لما بتكلم في الموبايل مفهمش منه حرف

تقي…بابتسامه معلش يا مصطفي انا عندي فضول انت عرفت هما بيضحكوا عليك ليه

ايمي…. بضحك شوف التافهه

تقي…..بضحك لا اصل انا حصل معايا موقف قريب من ده بس اكتشفت اني لابسه شراب لون ولون بس بعد كده عشان احفظ البرستيچ بقيت اروح كل مره بفرده وفرده