لقاء كارثي

انا هنا كنت اول مره احس بقبضه الخوف دي وطيت خدت الصوره و بقيت اقرا قران بصوت عالي وانا بمد و بجري علي الاوضه بتاعتي

مصطفي….خدت الصوره و كتاب الله انا لو مكانك اقف مكاني وافضل اصوت و الصوره دي احرقها

فضلوا يضحكوا كلهم و البنات كان في منهم خايف بجد.

مسكت ايه في ايد سلامه و نعيمه في فضل وهي عماله تضحك

سلمي كانت عماله تبص حواليها وتتلفت

حسان….بضحكه جميله خايفه ولا ايه

سلمي….بابتسامه اه والله خوفت اوي

حسان…بضحك حط ايده علي كتفها ضمها وباس راسها متخافيش

عادل….جريت علي الاوضه و طلعت علي السرير غطيت وشي محستش بحاجه الا الصبح

مصطفي…جالك قلب تنام ازاي اصلا

عادل….انا نمت خوف المشكله اني حكيتلهم الصبح لزمايلي يعني كل واحد فيهم طاع حصل معاه موقف يخوف و مكانش حابب يقول للباقي عشان منخافش و لحد.يومنا ده مش لاقي تفسير للموقف

مصطفي….لا ده الحاج والحاجه كانوا بيهزروا معاك لا مواخذه يا عم عادل وسع يا عم سلامه انت وايه خدوني جنبكم

كلهم فطسوا من الضحك كان خايف بجد

فضلوا يحكوا مواقف كل اللي شاف حاجه كان في جو جميل من الضحك و الهزار و الخوف و يمكن القاعده دي خلت الكل خد علي بعضه جدا هزار و ضحك و روح جميله اتخلقت بينهم يمكن كمان نسيوا ان في بكره فرح و اعتبروها رحله حتي شيرين و عاصم اللي كان في بينهم ديما تنشنه رغم انهم بيتكلموا بس بقي في كلام و ضحك

نادين كانت مبسوطه و طايره من السعاده حاسه انها وسط عيله بجد ابوها امها اخواتها خالها جدتها معاها اهل و مش حاسه انها لوحدها..

من المشاهد اللي كانت حلوه ليهم في قعدتهم مع بعض المشهد نادين كانت حاضنه مروچ و من جنبها جاسم هي سانده علي كتفه و عسال سايبها براحتها ومبسوط اوي لفرحتها

عدي كان ساند علي كتف وليد كأنه صاحبه او ابوه

تامر ساند علي كتف سليم

هنا نايمه علي كتف شادي و حسان و سلمي في ايدهم داليدا بيلعبوا معاها

نغم سانده علي كتف احب

كان في حاله حب مش طبيعيه و مشاهد متطلعش غير من قلب صافي بيحب بجد مش بيشيل مش بيخزن مش بيحقد

و بعد وقت مش طويل اوي بدأ الكبار ينسحبوا من قعدتهم عشان تعبوا و طلعوا يناموا واللي تعب من الشباب اصلا وحب يطلع يريح

و اللي كان معاه اطفال مبقاش في كتير قاعدين و اللي فضل منهم قعد شويه و بعدين طلع هو كمان عشان يبدأوا يوم جديد كله سعاده وفرحه