لقاء كارثي

عادل…..بهدوء انا مره كنت كنت في السويس في شغل و انا مش بخاف و معرفش انام غير والنور مقفول و كان شغلنا طول النهار حفر و تنقيب و بليل بنرتاح فا انا كان معايا ديما في محفظتي صوره لامي وابويا المحفظه كان ليها من بره كده زي جراب شفاف بتتحط فيه الصوره مش من جوه ادور عليها مش لاقيها افتكرت اني الصبح كنت فاتح المحفظه و بنكش فيها قولت اكيد وقعت مني فا قولت اروح الوقت ولا الصبح صراحه قولت هروح

و احنا كنا بنبات في بيوت دور صغيره كده عامله شبه المضايف و البيوت البسيطه دي و كان المسافه بين البيوت والمكان بتاع الحفر مش بعيد خمس دقايق بالظبط قومت و فتحت الباب خرجت مفيش صوت و لا اي حاجه وقدامي ضلمه كحل مفيش غير الانوار الصفرا اللي قدام الاوض اللي بنام فيها و وقتها مكانش في موبيلات و كشاف وكده كانت لمبه جاز

ايمي…..هو كان زمان اوي

عادل…..اه كنت خاطب نجلاء و لسه متحوزناش المهم خدت اللمبه في ايدي و مشيت الجو نار بليل ورطوبه

يادوب وصلت و داخل علي المكان حسيت في نور بسيط قولت اكيد في حد هنا من الغفر او اي حد بقي بيعمل حاجه قربت و حطيت اللمبه علي حجر عالي كده شبه المسطبه

و انا بحهطها لاقيت الصوره استغربت يعني انا ملحقتش ابص او ادور قولت جايز حد لقاها وسابها عشان اللي يدور خدتها و مش عارف حسيت ان في حاجه مش مريحاني يعني اول حاجه اللي ساب الصوره كان احسن انه يسأل بدل ما يسيبها بالعقل يعني و تاني حاجه النور ده مين اللي ماسكه و بعدين كنت شايف زي خيالات يعني النور بيتحرك في خيال خدت اللمبه و الصوره حطتها في جيبي و قربت عايز اشوف النور كل ما اقرب النور يختفي شويه او يقل عارفين لنا تبقوا عالطريق و تفكروا مايه في الارض السراب ده

مصطفي….بضحك ما كفايه يا عم عادل انا اه كبرت بس عادي ممكن اغير البنطلون

ضحكوا ملهم علي مصطفي

عادل….بضحك استني هخليك تغير البنطلون والملايه الوقت انا قربت بقي اكتر من النور اختفي نهائي بقيت ابص حواليا مفيش انا في صحراء يعني محدش هيستخبي مني

بضرب عيني في الارض لمحت الصوره واقعه و ده المكان اللي انا الصبح كنت فاتح فيه المحفظه حسيت بسخونيه في جسمي وقلبي بقي يدق جامد و اول حاجه عملتها حطيت ايدي في جيبي بسرعه و هوووب الصوره مش موجوده