لقاء كارثي

نادين…طيب ليه مستني ارجع

جاسم….اقنع مامي الاول

نادين….ليه مش عيزاه ينزل

شيرين….انا مقولتش مش عيزاه ينزل بس جاسم عمره ما عاش في مصر و مش هيعرف لوحده هيقعد مع مين ملهوش حد

نادين ….في انا

عشري الكبير….ماشاء الله تبارك الرحمن ولدك شاب و صاير رچال اتركيه يشوف طريقه

شيرين…..جاسم لسه بيدرس و المشكله انه بقاله فتره مقرر انه مش عايز يكمل فا انا قولتلوا خلص دراستك و بعدين براحتك هو حابب ينقل كل ده من الوقت و بعدين انه يجي في دراسه اصعب ما يجي بطوله كده و يستقر انا عارفه مش هيقدر يتأقلم

جاسم…ليه مش هقدر انا مش صغير اوقات كتير بتكونوا في دبي وانا لوحدي في لندن

شيرين….عشان بتكون في دراستك وعارف كل حاجه هناك فا انا سيباك وانت عارف تتعامل انما هنا مش هتعرف

نادين…..ليه مش هيعرف ما انا اتأقلمت لوحدي

شيرين……بهدوء عارفه بس انا لما سيبتك سيبتك في ايد اغلي حد عندي في الدنيا بصت لامها و رجعت بصت لنادين سيبتك مع امي و دي اكتر حد كان ممكن استأمنها علي حته مني لاني كنت عارفه انها هتهاف عليكي اكتر مني كمان و انتي كبرتي هنا فا اتعلمتي وعرفتي انما جاسم مش هيعرف و حتي لو انتي معاه انتي خلاص هيبقي ليكي بيتك

نادين……بس هو اخويا يعني مش هسيبه

شيرين…..انا قيلاله اصلا يخلص بس و انا كمان هنزل معاه انا و بباه و هنرجع نستقر هنا و هنكمل شغلنا من هنا لان كلنا تعبنا و انا عارفه ان جاسم زهق مفيش حد هناك غير زمايله و بس

نادين….طيب خلاص ادام هتنزلي خليه يجي قبلك

شيرين….يضيع تعبه ده كله يعني خلاص هانت كلها سنتين نتحمل شويه و بعدين هنيجي ونفضل هنا علي طول و هنبقي معاكي

عسال…..طيب انت ممكن تيجي في الاجازات عادي قضي وقتك معانا و روح بس علي الدراسه وبعدها تعالي

جاسم….مامي عارفه اني مش هقدر اعمل كده لاني بجد تعبت انا عايز ارجع و بجد انا مبسوط هنا خصوصا بعد ما شوفتكم يعني احنا هناك مش كده خالص انا مش بشوف حد و زهقت

شيرين….طيب ايه رايك نتكلم بعدين

نادين….بسعاده غمزتلوا هنتكلم بعدين يا جاسم

جاسم….بضحكه جميله اكيد

مصطفي…..بطريقه مضحكه واضح ان أسالتي بتعكل مشاكل

حسان….بضحك لسه واخد بالك

مصطفي…..طيب نادين انتي تغيري ايه في الدراسه

نادين….بابتسامه لا انا مغيرش حاجه بس ممكن احط حاجه