لقاء كارثي

شويه شويه بقي اهتمامه يزيد انا حسيت ان ميدو ركز معايا من بدايه ما دخلنا واما كمان لحد بقي ما بدانا نتكلم ونتعرف علي بعض زي ما رشيد قال لان مكانش في حاجه نعملها غير اننا نتعرف علي بعض

و هنا كانت صدمتي لما عرفت ان ميدو اصغر مني في السن و بعدها ميدو اعترفلي انه معجب بيا صحيح هيبان ان علاقتنا كلها كانت سريعه بس احنا قضينا مع بعض اسبوع محبوسين جوه الڤيلا مش عارفين نطلع كل ثانيه كنا بنقضيها مع بعض

اتكلمنا واتعرفنا وخلصنا كل الكلام كاننا نعرف بعض من زمان

فا عشان كده علاقتنا اتطورت بسرعه لس لما عرفت سن ميدو اتصدمت لاني مكنتش اتخيل اني ارتبطت براجل اصغر مني حاول يقنعني بكل الطرق و يومها قالي انا هدخل معاكي حرب وعارف اني هكسبها مش هقولك كلام كتير بس هتشوفي مني افعال هتأكدلك ان السن ده مجرد رقم و الحقيقه ان بعد رجوعنا كل فعل كان بيحصل من ميدو كان بيحصل في موقف اتولد في لحظتها بعني مش مترتبلوا عشان مبدو مثلا يحاول يلفت انتباهي يحاول يحسسني انه قدها

لا خالص كان في مواقف بتحصل وقتيه بس كل رد فعل ليه كان كبير عندي وافقت و اتطورت علاقتنا اتخطبنا اتكتب كتابنا و كل يوم انا بنت ميدو مش حبيبته اللي اكبر منه باربع سنين و مع الوقت انا بجد نسيت فرق السن و مش بس انا الكل غالبا ناسي فرق السن ده و الحقيقه ميدو هو اللي ليه الفضل في كل ده

و انا بقولك يا ميدو انت كسبت الحرب و كنت قد ثقتي فيك و كل يوم اما بحبك اكتر من الاول و مبقاش ينفع خلاص اكون غير معاك

الكل فضل يصفر و يصيح و يسقف ضمها ميدو بحب من غير اب ابتاسمه حتي بس قلبه كان بيضحك النفس اللي خرج منه براحه مخدهوش قبل كده

حنان….حبيبه قلبي انتي يارب يسعدكم و يهنيكم و يرزقكم خير الدنيا كله

امينه….الكل اكبر يحميكم ربنا

شيرين…. خلوني اقول حاجه يمكن نادين معاها حق في كل كلمه ميدو بجد يستاهل كل حاجه حلوه و بجد تسلم تربيتك يا حنان لان ميدو متربي مليون مره و في حاجه يمكن نادين متعرفهاش ميدو تقريبا بيكلمني يوم بعد يوم يسال عني من بعد كتب الكتاب

عاصم…. بابتسامه وانا كمان

شيرين…..بابتسامه ااا بيتصل يطمن و يقفل و الحقيقه ان بدايه معرفتي بميدو كانت بالتليفون لما اتكلم معايا علي موضوع ارتباطه بنادين و حبه ليها كان بيحاول يعمل كل اللي عليه عشان يقدر يوفق وقت كتب الكتاب مع شغلي كان حابب يسعد نادين