لقاء كارثي

مصطفي…..طيب في سؤال حابب اسألوا لكل كابل اتجوزوا يعني يمكن احنا لعبنا وسألنا بعض في اخر سفريه بس خلينا نسأل سؤال بعد الجواز لليله وسلمي وايه و ايمي و الشباب طبعا ايه اللي اختلف بعد الجواز عن قبل الجواز طبعا ميدو بره هو ونادين لما تبقوا تروحوا بيتكم نبقي نسالكم وفضل و نعيمه يمتنعوا

فضل….بضحك اه يا واطي

مصطفي….بضحك نبدأ بايمي و رشيد ايه الحاجه اللي اكتشفتوها في بعض لما اتجوزتوا و حلاوه البدايات احلي و لا الجواز حلو

ايمي….بابتسامه تبدأ انت ولا انا

رشيد….بحب لا انتي الاول

مصطفي….عايز يشوفك هتقولي ايه

ايمي…..امممم طيب اقول ابه مش فاهمه يعني ايجيابي ولا سلبي

مصطفي…. كله و اتغير بعد الجواز يعني حاسه انك اتدبستي

رشيد….بضحك اه يا واطي

ايمي…بابتسامه احلي تدبيسه بص يا سيدي هو مفيش حاجه اتغيرت بالنسباي انا من ناحية رشيد نعرفش بقي هو اكتشف اني اتغيرت ولا لا بس هو زي ما هو رشيد اللي اتعرفت عليه و حبيته هو نفسه اللي اتجوزته

يمكن بالنسبالي كمان الجواز احلي من حلتوة البدايات لان انا ورشيد اصلا اتعرفنا علي بعض في اول سفريه نزلنا قعدنا مع بعض مده بسيطه و فجأه جه اتقدملي و فجأه لقينا نفسنا هنتجوز بعد 14 يوم وعلي قد ما كنت مبسوطه علي قد ما كانت صدمه اللي هو بجد 14 يوم

رحاب…. بابتسامه انتوا ملحقتوش تتعرفوا اصلا

ايمي…لا هو احنا اتعرفنا بصي انا كنت صريحه في كل تفصيله في حياتي مع رشيد سواء حجات المفروض يعرفها او ممكن متفرقش معاه فكان عارف عني كل حاجه هو كمان عرفت عنه كل حاجه فا كان في تعارف بينا بس فكرة ان الجواز يجي بسرعه كده كانت مش صدمه بس كان في تشويش بسيط

شاهنده….منك ولا منه

ايمي….مش مني او منه هو من سرعه الجواز عموما بس كنت مبسوطه و هو قرر 14 يوم هنتجوز طب شهر ابدا هو كده وهوب راح لحسان قعد معاه و يلا يا تامر بسرعه اعمل البيت فكان كل حاجه بسرعه

تامر….عارفه يا ايمي انا كل الشقق اللي اشتغلت فيها سواء بتاعتك بتاعت ايه سلمي نادين كلهم كانوا بجد خفاف اوي و زي ما بيقولوا قرفتهم حلوه بس بجد والله اكتر شقه كنت حاسس ان كل حاجه فيها متسهله و موقفش معايا اي حاجه شقتك انتي ورشيد

رشيد…..بضحك سالكين احنا برضوا

حسان…بضحك قصدك ايه ؟

تامر….لا والله كلهم كانوا حلوين بس بيتهم بالاخص يعني انا وقف معايا حجات و مقاسات وتظبيط في البيوت بتاعتك بس مش حجات قويه لكن عند رشيد وايمي مكنتش بدور اصلا كل حاجه كانت قدامي