لقاء كارثي

جمال خال نادين ابتسم بهدوء

جمال….اسكندريه برضوا زي ما قال وليد كده كلنا زمان مصيفنا كان اسكندريه

فضل يحكي و يتكلم

ليله….بهمس مصطفي

بصلها مصطفي و قرب منها

ليله…..بهمس اعمل اسكيب للسؤال ده عند ماما نادين و بباها

مصطفي…..ليه ؟

عشري….اسمع الكلام غير السؤال عشان خاطر نادين

مصطفي….بس بس فهمت طيب تمام

رجعت تاني لحضن عشري و كمل جمال كلامه و بعدين غير السؤال مصطفي..

بص مصطفي لشيرين و ابتسم

مصطفي…..طيب انا عندي سؤال لحضرتك و اكيد السؤال ليه سبب

شيرين….بابتسامه قول

مصطفي…..بضحك بصي بس مش قصدي والله انا اةل مره شوفت حضرتك كان وقت كتب كتاب نادين و دخلتك كده يعني اول انطباع حسيتك مديره مدرسه و مدرسه غاليه يعني

ضحكوا كلهم و فضلت شيرين تصحك

شيرين….اشمعني مديره مدرسه

مصطفي….مش عارف يعني بحسك كده ليكي هيبه و زي القمر بصراحه شكل المديرين بتوع المدارس الجامده فا لو بجد حضرتك مديره مدرسه او ليكي سلطه في اي حاجه ليها علاقه بالتربيه والتعليم ايه اول قرار هتاخديه

شيرين…. بضحك هو بعيداً عن الانطباع اللي خدتوا عني لاني مش كده خالص بس بصراحه كنت هلغي الدراسه و هخليها من البيت بس عشان اترحم من زن صحيان الصبح و عياط الصبح

مصطفي….بضحك انت لسه بتعيط يا جاسم

جاسم….بصحك لا لا مش انا دي مروچ

ايمي….مبتحبش تروح

شيرين….خالص مش عايزه هي شاطره بس مش بتحب تصحي بدري

حنان…اكيد بتسهر

شيرين….ولا بتسهر احنا كلنا اصلا بننام بدري و هي اول واحده بتنام فيها بس مروچ كسوله جدا في مل حاجه الا اللعب

حنان….طيب مين فيهم شبهك اكتر في طباعك مروج ولا نادين ولا جاسم

شيرين….بابتسامه كل واحد فيهم واخد مني حاجه يعني نادين مثلا بيزنس وومن تجنن ويمكن اشطر مني كمان بتصحي بدري مهما سهرت انا زيها حياتها العمليه خط احمر ودي انا بالظبط جاسم واخد مني و نادين يبان هادي زيها بس هو شقي هي كمان شقيه علي فكره

نادين كانت بصالها بسعاده متتوصفش و هي عماله توصفها و كانت عماله تبص لجاسم و تبتسم

شيرين…..و شاطر زيها يعني هيبقي رجل اعمال ناجح و يمكن كمان في اصراره للاستقلال برضوا زيها جاسم هيتجنن و يرجع

نادين…..بلهفه بصتلوا ترجع فين ؟

جاسم….بابتسامه ارجع مصر لا حابب اعيش في دبي ولا حابب اعيش في لندن