لقاء كارثي

علي….لما كنتوا لسه متجوزين كنتوا رايقين لسه مفيش مسؤوليه

وليد….بالظبط كنا بنروح نتبسط الوقت انت رايح تبسط و تهتم و تخلي بالك و تركز فاهم

مصطفي…..طيب و سفرياتك انت واخواتك كنت اسكندريه برضوا

وليد…اسكندريه دي كان مصيف الناس كلها زمان اي حد مسافر يصيف متسألش رايح فين معروفه مصيف يعني اسكندريه سيبك بقي من كل المصايف بتاعت الوقت دي يمكن فيها ترفيهه و حجات غريبه وجديده عليك حتي في الاكل والشرب بتسمع انواع اكل و مشاريب غريبه البتاع المعفن اللي بتشربيه ده اسمه ايه

تقي….بضحك ماتشا

وليد….اهي قالتلك لا طعم ولا شكل ولا لون بس بيحبوه زمان كنت تاكل اكله سمك محترمه وتحبس بكوبايه شاي تبقي برنس في نفسك

حماده…..اه والله معاك حق

وليد…..بس فا غصب عنك اوقات كده بتشتاق لايام زمان و لما تشوف صوره ولا يمر علي دماغك موقف تلاقي نفسك تبتسم

مصطفي…..طيب قولي يا وليد موقف زمان متقدرش تنساه في مصيف

وليد…. كتير والله يا مصطفي بس هقولك علي حاجه انا برضوا علي قد ما كنت بتبسط و بيبقي احلي اسبوع في حياتي بس كنت ببقي زي الوقت مع ولادي و يمكن اكتر متوتر قلقان عيني علي اخواتي

يعني ابويا وامي منفصلين من زمان كانت ليله لسه عيله في ثالثه ابتدائى باين ولا خامسه بس كانت صغيره و طبعا اميمه وقمر صغيرين فا كنت بخاف عليهم و بفضل مركز معاهم علي قد ما كنت بتبسط بس مبعرفش اخد راحتي اوي

اميمه….. بابتسامه في مره خدنا ليله انا ووليد من تحت ايد امي بالعافيه كانت هتموتها و فتكره يومها امي صممت نرجع كان تاني يوم لينا في المصيف و طبعا كلنا اتنكدنا و بصراحه وليد اللي فضل وراها لحد ما اقنعها وانا امي كانت صعبه اقناعها اصلا صعب

عشري….بابتسامه عملتي ايه يا مصيبه

ليله…..بضحك والله ما فاكره عملت ايه يا اميمه انا مصايبي كانت كتير

علي…. شقيه ليله من صغرها صح

اميمه…..بالعكس والله كانت شقاوتها شقاوه عاديه هي لما كبرت شويه بقت شقيه اكتر بس اليوم ده نزلنا البحر و قعدنا عالشاطئ نلعب و هي كانت قدامنا بتلعب و قمر معاها و ليله طول عمرها عشريه تلعب مع اي حد و تصاحب اي حد كانت بتلعب مع عيال صغيره من سنها مفيش دقايق اتلهيت فيها مع امي انا و قمر و امي بتبص فين ليله اختفت

تبص شمال تبص يمين كأن الارض اتشقت وبلعتها