لقاء كارثي
لقاء كارثي
ايمي….بضحك عملتي انه استايل وكده
تقي….بضحك اه والله
مصطفي….بضحك انا كمان علي فكره بس مش شراب انا اكتشفت اني لابس الشورت بالمشقلب و كان جديد و التيكت نازل وداخل عامل فيها بتاع كمال اجسام بكل ثقه و تناكه
ضحكوا كلهم عليه
مصطفي….لا بجد لهجتهم صعبه اوي
عاصم….انت عارف يا مصطفي انا كنت بعاني بقي من لهجة اهل المغرب اول ما روحت هناك مش مفهومه خالص بيتكلموا بسرعه بيدخلوا فرنساوي في الكلام
عمر…..المغرب العربي كله لهجتهم صعبه
علي….بس حلوه اوي علي فكره
عمر….حلوه اه بس مش اي حد بيعرف يفهمهم
عشري…..هما عشان يفهموك بيتكلموا لهجه بيضا اللهجه البيضا دي بين الفصحى و العاميه
عاصم…..براڤو عليك فعلا لما روحت الكلام ده كان من سنين اصلا يعني بدايه سفري كانوا بيتكلموا معايا باللهجه البيضا دي
حماده….بس الوقت اكيد بتفهمهم
عاصم….بابتسامه طبعا بفهمهم خلاص بقي دي سنين
ايه….طيب حضرتك بقيت تعرف كمان تتكلم زيهم ولا بتفهمهم بس
عاصم….. بابتسامه بصي هو بيتهيألي اعرف بس عمري ما حاولت اتكلم بلهجه غير لهجة بلدي ولا حتي خدت منهم كلام بنستخدمه يوميا الا كلمه سياره دي اللي اتعودت اقولها
نادين…. بابتسامه جميله اقولكم علي سر افتكرته الوقت
عاصم…. بابتسامه طبطب علي راسها قولي
نادين….تعرف ان ليله بتعرف تتكلم مغربي
ليله…بهمس يابنت الواطي
عشري….بضحك ايه ده ليه طيب
عاصم….بجد والله بتعرفي يا ليله
ليله…لا لا دي بتهرج
نادين….بضحك والله العظيم بتعرف و بتعرف تتكلم باكتر من لهجه لما كنا في دبي كانت بتعرف تجيب طريقتهم
سلامه…..بتتكلمي مغربي يا صندوق
ليله….بضحك صندوق في عينك
مصطفي…..طيب يلا اعملي معيا حوار
ليله….يا ابني حوار ايه بتقولك لما كنا في دبي يعني من كذا سنه من قبل الكرونا من حوالي تسع سنين مثلا نسيت خلاص
ايمي….بتتكلمي مغربي من ورايا ده انتي ليلتك سوده
ليله….بضحك انتي مبتصدقي انتي كمان
عاصم….والله هي لهجه جميله علي فكره و حلو انك تعرف تتعاملي مع كل الثقافات
ليله…..طبعا حلو التواصل بس انا هقول لحضرتك حاجه و الله لا اطلعك مسرح يا نادين وهحكي
نادين….بضحك مش مهم طلعيني و احكي بس هتتكلمي
ليله….بضحك بص احنا كنا بنشتغل مع بعض كان في شاب مغربي و بنت مغربيه الشاب ده مكانش بيطيقني ابدا ليه بقي هقولك كان بيعاكس نادين
