لقاء كارثي

علا…..علي فكره براڤو عليكي يا ليله هنا بتقولي نفس الكلام و الحقيقه المشكله مش بس في الولاد يعني طول السنه المدرسين والمدرسه مش مهتمين بالماده و بيجوا قبل اي امتحان يحددوا بس يذاكروا في ايه و في مدرسين عشان تعرفك بتقولك ده اللي هيجي فا انتي كا ام مضطره تخليهم يحفظوا الورقه الي اتبعتتلك زي ما هي و اوقات انا نفسي بخليها تحفظ عشان بس تعرف تحل مش بتحفظ عشان تفهم ولا بتحفظ عشان المفروض تتعلم دينها و في مره كمان ليها صاحبه كريستيان حفظتها حجات من الانجيل بتاعهم و جات حافظه ومبسوطه بصراحه انا كا ام مسلمه اتصدمت و صدمتي الاكبر اني اكتشفت ان البنوته دي كانت بتغني و تحفظهم في وجود المدرسه و مصوراهم فديو هي فاكره ان الفديو ده حلو وجميل و عشان تقول يعني ان المسلمين والمسيحين واحد انا معنديش مشكله و كل ده حلو جدا و هنا ليها صحاب كتير كريستيان عادي بس انتي كا مدرسه لازم تفهمي الاطفال دينهم لانهم امانه ودول اطفال بيرددوا وبس

ايمي……انتي عارفه يا علا ان انا حافظه تقريبا القران كله انا واخواتي كملت بضحك هو بعيداًيعني عن انه مش باين عليا بس دي حقيقه احنا الحمد لله حافظين القران و امي هي اللي حفظتهولي مش ابويا كمان

علا….بصت لزوزو بابتسامه انا بجد اسفه والاه مش قصدي حاجه عشان متفهمنيش غلط

ماريز ….لا طبعاً انتي ام و ده حقك ولادي طول عمرهم في مدارس لغات و كان معاهم مش بس التلاميذ مسيحين لا ده المدرسين كمان مانوا مسيحين لما كانوا يرجعوا البيت و يعملوا زي هنا كده يرددوا الترانيم وكل الحجات دي وبالاخص امنيه كانت بتلقط بطريقه فظيعه انا كنت بروح اتخانق مع المدرسين و اقولهم انا بنتي مسلمه

بس كنت بحاول بقي انا اعلمهم بنفسي حفظتهم القران و يمكن انا حفظاه اكتر منهم حفظتهم احاديث علمتهم الوضوء علمتهم الصلاه و يمكن في بدايه سنهم و هما لسه صغيرين انا كنت بعمل اللي اكتر من كده عشان مشتتش عقلهم في النهايه هما اطفال مش هيستوعبوا اب مسلم وام مسيحيه الا في وقت معين كنت بقف اصلي بيهم البس اسدال و اعرف ايمي تصلي ازاي

شوفي يا علا انا بحترم اوي ان كل واحد ليه دينه و الراجل ده لما اتجوزني شاف مشاكل كتير اوي و خسر ناس كتير وانا شرحه يمكن مكانش عندي مشاكله الاعتراض كان اكتر من عيلته و اتقاطع و مبقاش ليه غيري فا ولاده كانوا امانه وانا مكانش ينفع اخون امانته ربيتهم احسن تربيه و خليتهم عارفين دينهم اكتر من اي حد مسلم