لقاء كارثي

بعد الجواز اكتشفت ان عشري منظم بشكل رهيب بيحب الترتيب بيهتم بنظافه البيت فا بدأت احس ان انا بالنسبالوا عشوائيه شويه

عشري….بضحكه جميله لا والله مش عشوائيه خالص

ليله….بس فا طبعا انا عيشت مع عشري اوقات صعبه كتير مرينا بظروف صعبه اوي قبل جوازنا بس كل مره كنت مش بتعلق بعشري انا كنت بحس ان روحي بتعمل عقده مع روحه مينفعش حد يفكها

بعد الجواز بقي يمكن انا بقالي تقريبا ثلاث شهور متجوزه كل يوم بالنسبالي مع عشري هو يوم جديد حياه جديده ارتباط اقوي

يمكن وجود عشري في حياتي غيرني كتير يعني عصبيتي بقت اهدأ بقيت بشوف كل التفاصيل بشكل تاني عندي هدوء وسلام نفسي غير مبرر بالنسبالي قبل نا يكون بالنسباله لدرجه انه طول الوقت يقولي مالك في حاجه مزعلاكي بس الحقيقه انا نفيش حاجه مزعلاني ولا فيا حاجه انا حاسه اني مرتاحه و مبسوطه فا هاديه وساكته و يمكن اعقل و يمكن انا تعبت في حياتي كتير اوي و مش تعب مادي انا طول عمري الحمد لله بعرف اجيب الجنيه بس كان تعب معنوي و نفسي مع عشري انا كل ده اتغير فا بقيت حاسه اني مرتاحه طول الوقت بعتبره صاحبي و ابويا و حبيبي وابني و كل حاجه في الدنيا

مصطفي….بابتسامه طيب انا عايز اسال سؤال بس لو في زعل مترديش

ايمي….ما بلااااااش

مصطفي….بضحك والله سؤال عادي

ليله…..لا اسال عادي

عشري…ودين الله لو سؤال ضايقها لا هقوم تحدفك في المايه

مصطفي….بضحك ياعم هي اتجوزتك خلاص مش هتضايق

ليله….قول ملكش دعوه بيهم

مصطفي….بضحك طيب بصي بصراحه كده يعني كلنا عرفنا عشري اتجوزك ازاي قبل فرحكم بس سؤالي بقي مضايقتيش يا ليله انه يعني كتب كتابه عليكي من غير ما تعرفي

البنات كلهم خبوا وشهم و قعدوا يضحكوا هما والشباب شركاء الجريمه

مصطفي….بضحك شوفي الكل خبي وشه ازاي عارفين انهم عملوا مصيبه

ليله…..بضحك بص انا عارفه اني غاليه عند البنات اوي و هما بيحبوني بجد من قلبهم و اكيد لو هما مش واثقين في عشري مكانوش فكروا بالطريقه دي فا انا مش زعلانه منهم ولا عمري هزعل اصلا

بالنسبه لعشري هقولك حاجه وبجد

كملت بضحكه جميله بص يا مصطفي انا لما بحب بجد من قلبي بقدم كل الحلو اللي جوايا ولو قدرت اقدم اكتر بعمل ده بس لما بقفل من شخص بحبه بسبب اي موقف حسيت فيه انه استهان بيا مستحيل ارجع ولو عمل كل حاجه في الدنيا