لقاء كارثي
لقاء كارثي
نغم…. بابتسامه لا خالص والله مفيش حاجه
علي…..كمل بضحك والله هو كويس انك مروحتيش اصلا البحر مش تمام و بيحصل فيه مواقف مش ولابد
ضحكت نغم و ضحكوا كلهم و غيروا المود بسرعه.
بصلها تامر بهدوء و ابتسملها ابتسمت نغم ليه و بعدين بصت بعيد
مصطفي….طيب هسالكم شويه أسأله بس الكل يقدر يشترك فيها عادي يعني السؤال مش متوجه لحد بعينه
اول سؤال مين اكتر حد في اللي قاعدين شكله برئ بس هو اخطر واحد
البنات مع بعض في نفس اللحظه
ناديييين
ضحكوا كلهم و هي ضحكت واتخضت
علي….ايه ده في ايه انتي عامله ايه؟
نادين…..بضحك والله ما عامله حاجه
اميمه…..بابتسامه حرام عليكم دي الطيبه اللي فيكم
ايمي….والنبي انتي اللي طيبه يا اميمه دي عليها قلبه اعوذ بالله
نادين…..بضحك انا قلابه
ايمي…..اه والله انتي اكتر واحده تباني بريئه و كيوت بس دماغك خطر
نعيمه….بس في الشغل عشان محدش يفهم غلط هي كيوت بصراحه
عمر…..واضح ان في اجماع انك بيزنس وومن شاطره
ليله…..نودي خطيره يا عمر بس دي مش حاجه وحشه او عيب فيها
بس نقصد انها في الشغل شخص مختلف خالص
ايه…..اه والجدع اللي يغلط معاها في الشغل مش بترحم
عمر…..هو بعيداً عن انه فعلا مش باين عليها بس هو الشغل عايز حد دماغه صاحيه و شاطر و يكون اداري
ايمي….نودي فيها كل ده كملت بضحك دي بتوقفني انا زي التلميذه قدامها ببقي عايزه اجيبها من رقبتها بس بسكت
نادين…..بضحك يا بنتي حرام عليكي هياخدوا عني فكره وحشه
ايمي…..لا والله انا بهزر بس حقيقي شاطره جدا في شغلها و هي بتحب الشغل عموما
مصطفي….طيب مين اكتر شخص مستحيل تثق فيه لو قالك صدقني
عشري…..بضحكه هاديه وجميله علي
عمر….بضحك وانا علي
فضل….وانا علي جدا
رشيد……انا فضل في حوار الطرق بالذات الطريق ده صح يا رشيد وامضي وراه وفي الاخر باخد علي عيني
وليد…..لا بس واضح في اجماع علي علي
علي….بضحك والله ما عرفش مالهم ومالي
عشري…..علي مشكلته انه يعرف يلبسك العمه بكلام حلو و يفرشلك البحر طحينه يعني في مره زمان اوي قبل موضوع المعارض بتاعت العربيات و قبل ما اجيب عربيه اصلا قررت اني اجيب عربيه حلوه
كده و كنت فرحان اوي فا علي قالي بقولك ايه في عربيه قدامي معروضه للبيع كسر زيرو و حلوه وسعرها و مش عارف ايه و طبعا ده اخويا الكبي راكيد مش هيلبسني ىوحت معاه وشوفت العربيه حلوه و شكلها جديد و اشترتها كانت بحوالي ربع مليون من تاني يوم بدا يظهر فيها مشاكل واصولت غريبه واتصل بيه يا علي العربيه فيها كذا ايش فهمك انت دي كسر زيرو
