لقاء كارثي

ساره….بتقولها انتي بتكملي الاوردر

ليله….بضحك موتتني وهي بتقول كده والله بس طلعت فضيحه في ضحكتها هي كمان

سلمي…. بضحك انا قولت هتشتم والله

تقي…..لا تمارا مؤدبه انا كنت عارفه انها هتضحك عشان مش فاهمه

نادين….بضحك علي فكره بتعرف تتكلم حجات تانيه

ليله…..والله هقوم اضربك مش عامله حاجه تاني

سلامه…..بضحك والله بتعرفي تتكلمي انا مفهمتش حاجه بس خمنت يعني

مصطفي…..لا بس المغربي طلع عسل اوي بجد

ليله…اه جدا والله بقولك ايه كمل اسالتك عشان نادين طول ماهي بصالي كده هي مش بخير

نادين….بضحك طيب والنبي قلدي الهنود اللي بيتكلموا عربي

ليله….بضحك شوفت انا قولتلك مش هتسكت و الله هقوم اطلع

نادين….بضحك طب خلاص شويه

مصطفي….احنا مسألناش كذا حد طيب حمزه

حمزه…. بابتسامه ايه ده في ايه؟

ليله….اعرفك مصطفي

مصطفي…..بسرعه كده احكيلنا موقف محرج حصل معاك

حمزه…..هو مش محرج اكتر ما هو غبي

مصطفي……غبي ازاي استغبيت يعني

حمزه…. بابتسامه اه و معرفش ليه عملت كده كنا كذا حد من صحابي كان عندنا درسين والفرق بين الدرسين ساعتين فا مش هنلحق نرجع فا قررنا نقعد في ماك و نتغدي و بعدين نطلع علي تاني درس و انا كنت جعان جدا و مش قادر استني و حسيت ان الاوردر اتاخر فا فضلت رايح جاي لحد ما روحت قالتلي اتفضل حطت قدامي صنيتني واحده فيها الاكل و واحده فيها الكوبايات بتاعت البيبسي فا انا عملت فيها جامد شيلت الاتنين و الايد اللي كان فيها البيبسي كنت ماسك بيها الموبايل فا مكنتش عارف اتحكم في الصنيه مشيت خطوتين الكوبايات بتتهز المهم واحده اتحركت جامد فا قررت الحقها قبل ما تقع رميت صنيه الاكل و فجاه استوعبت اللي عملتوا بصيت علي الاكل لقيت كل الكوبيات وقعوا كل ده حصل والله في ثانيتين ثلاثه و فجاه لاقيت كل حاجه واقعه في الارض وانا واقف مش مترجم

فضلوا يضحكوا عليه

عدي…..عشان تلحق كوبايه حدفت كله

حمزه…..انا معرفش ليه التصرف الغبي ده و ليه اصلا سيبت الاكل من ايدي كان شكلي وحش اوي

وليد…..انت شكلك كنت جعان اوي

اميمه…..وده لما بيجوع عقله بيفصل

سامح…. بضحك زي خاله

مصطفي….بضحك انا مره نزلت شغل يا حمزه في مطعم شيك جدا و كل اللي فيه من ايچبت حرفيا و كنت وقتها نازل ويتر مش شيف حلواني واحد صاحبي الله يهديه اقنعني انزل اعرف الدنيا فيها ايه و شويه شويه اشتغل بشهادتي قولت تمام فا كانوا شله صحاب شباب طلبوا عصاير و حجات كده شوكلت و اوريو روحت جيبت الطلبات وانا كنت عايز انام جدا و عيني مزغلله علي ما قربت معرفش جالي غيبوبه نوم ثانيه ولا ايه فجاه لاقيت الصنيه كلها علي رجل واحد فيهم بالتيشرت بكل حاجه الواد يا عيني بقي خريطه الوان من العصاير و كان لابس طقم صيفي كده اوف وايت عملتلوا الطقم تكني كلور